بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[ام الحلوين]

مساء النور و جمعة مباركة
رنيم يا ختي ربي يعطيك الصحة تنوضي على 4 و تقدي الشغل انا راني نرقد من 10 تاع الليل حتى 7:30 تاع الصباح و نصبح مشنفة مانشبعش رقاد سيرتو كي نصلي الفجر مانقدرش نرقد تمتم .
djihad ربي يتقبل صلاتك و صلاة جميع المسلمين .
ام امين و فطومة مابانوش اليوم
و سميرة و سيرين و مينة و lalichka و مريومة لي غير طلت علينا و راحت .
سلامي .

 

[رنيم الغربه]

حبيبتي ام الحلوين الله يسلمك انا والفت كي كنت جديده كنت انوض مع راجلي نوجدلو قهوة و سندويش نصلي و نولي نرقد مي دوكا مع الدراري يقراو خلاص ما نقدرش نولي على خاطر مستحييييييل انوضلهم هههههه مي بيناتنا و الله ما نشبع نوم توحشتوووو

 

[lina-67]

يعطيك الصحة رنيم تنوضي على 4 انا كيما قالت ام الحلوين 7و نوض عينيا مغمضين هههه
ام امين اليوم عيد ميلادها مابانتش باين راهي دايرة الحفلة
فطومة باين سرسورة راهي دايتلك قاع وقتك ما راكيش تباني
​

 

[مريومةمم]

سلام للجميع انشاء الله وجمعة مبروكة يااااارب على جع الغاليات الحمد لله كي قبلتوني بينكم
الله يجمعنا على الخيرياااااااااارب

 

[lina-67]

مرحبا بيك مريومة واش مغتربة ولا قريب تتغربي

 

[أم أمين23]

اولا كيما البارح ولدت ماشي اليوم وعادي يوم ككل الايام يعني لولا انو فيشطا هنا ننسى بلي يوم ميلادي
االيوم راه كان عندي صحاب المخلوق جابهم يتغداو نضت ديت الاولاد للحضانة ووليت نضفت شوي وطيبت الكسرة ووجدت باقي الماكلة كملت ال2 تقريبا طحت كاوو المزية كي يجي يسربي لروحو ولصحابو راحو على الاربعة نضت فرزت وين كلاو وغسلت الماعن وهادا وين لحقت نقعد على الكمبيوتر
سميرة راكي غيبتي علينا ما وليتيش اطلي علينا بالكل هاد م نالاشراف والا واش؟؟؟؟؟
سلامي لباقي البنات وتقبل الله صلاتك جهاد بصحتك تروحي المسجد انا من يوم ولدو اولادي خلاص المسجد نروحلو غير في الاعياد
رنيم اعطيك الصحة انا انوض على الفجر نصلي ونولي نرقد حتى 7 ونص انوض الاولاد نديهم الحضانة ونولي نقضي كاش حاجة في الدار والا البرا وبالغالب ديما ما نشبعش نوم لخاطر امين ينوض بزاف في الليل يكسرلي ديما نومي وفي النهار مستحيل نرقد ما نقدرش الا ادا كنت مور

 

[fatouma2012]

salaamii liikom
waah jihaad sarsoora rani nkharajhaa chwiya psq f chta makontch nakhroj bazaaf

 

[مينة آلاء الْقُدُّوس]

مساء النور و جمعة مباركة
رنيم يا ختي ربي يعطيك الصحة تنوضي على 4 و تقدي الشغل انا راني نرقد من 10 تاع الليل حتى 7:30 تاع الصباح و نصبح مشنفة مانشبعش رقاد سيرتو كي نصلي الفجر مانقدرش نرقد تمتم .
djihad ربي يتقبل صلاتك و صلاة جميع المسلمين .
ام امين و فطومة مابانوش اليوم
و سميرة و سيرين و مينة و lalichka و مريومة لي غير طلت علينا و راحت .
سلامي .

مسا الخير رانا هنا نديرولكم فالاعجابات :d
واش نقلكم الروتين راه داير واد عندي

 

[ام الحلوين]

مينة درتلك اسمك بالغوز زعما كي راكي عروسة :p ،وغير والفي الروتين هدي هي الغربة كل يوم كيفكيف ماكان حتى جديد ، انا غير نكره نحكي مع يما في السكايب نجبدلها قلبها بالاسئلة شكون ولدت و واش جابت و شكون زوجت و شكون مات و.............. ؟ .

 

[lina-67]

ام الحلوين راكي كيما انا قاع الخبورات عندي مرات خواتاتي في البلاد انا نخبرهم بواش صرى نسمع قبلهم ولا اختي كي تجي من الجامعة انا نقولها شكون جا و واش صرى

 

[مينة آلاء الْقُدُّوس]

مينة درتلك اسمك بالغوز زعما كي راكي عروسة :p ،وغير والفي الروتين هدي هي الغربة كل يوم كيفكيف ماكان حتى جديد ، انا غير نكره نحكي مع يما في السكايب نجبدلها قلبها بالاسئلة شكون ولدت و واش جابت و شكون زوجت و شكون مات و.............. ؟ .

هههه انتي قال تقرعجي انا ماما قرعاجية كثر مني قبل مانبدا تبدا هيا ساعة وهيا تسقسي فيا ممبعد تقولي واش تحكي تاني والمشكل ختي تكون هدرت معاها وقاتلها كلش بصح هيا تحب تعاود المسلسل تاع التقرعيج [I

 

[ام الحلوين]

جهاد يا عمري غيرتيني عندك خواتاتك ، ماتقوليليش شحال حتى تكوني تحت المجهر ونسقسيك ربي يخليكم لبعضاكم حنونة .
مينة ربي يحفظلك الميمة و كل من تحبي .

 

[lina-67]

صباح الخير لبنات واش راكم راقدين وحدة مابانتش:p

 

[ام الحلوين]

صباح النور
جهاد واش راكي ؟
راكي عارفة ناس الغربة عندهم غير الويكند يرقدو الصباح.
مينة راهي عروسة ماعندها علاه تنوض بكري .
ام امين و رنيم يبكرو السمانة كاملة سير اليوم السبت صبحو راقدين .
فطومة سير باتت قاعدة مع سرسورة و دروك راهي تعوض .
و سميرة و سيرين و lalichka عندهم مدة مابانوش .

 

[أم أمين23]

مينة ولاه غير الاعجابات احكي حنونة ما تحشميش
ام الحلوين يا حسرة انا ولادي يديم مبكرين بعد امين هادي الرقاد لل8 جامي دائما ال7 تلقايه دوبو بصح اليوم المخلوق في الدار تعرفي ماشي نحل عينيا طول للكمبيوتر هههه وزيد معاط اليوم صبح مريض شوي داه باباه للاستعجالات راه دخلت طول رقد

 

[lina-67]

الله يشافيه معاذ
انا راجلي يخدم اليوم على بيها صبحت مبكرة ههه

 

[ام الحلوين]

ام امين ربي يشفي معاد و ما يشوف شر ان شاء الله .
جهاد حتى انا الزين يخدم اليوم .ربي يعاونهم .

 

[SAMIRA25]

ام الحلوين راني جيت انا تاني عندي بنتي عمرها 8اشهر علابيها نغطس مرة على مرة
نقرا واش فاتني و نرجع
ربي يهنيكم و يسعدكم

 

[SAMIRA25]

مينة ولاه غير الاعجابات احكي حنونة ما تحشميش
ام الحلوين يا حسرة انا ولادي يديم مبكرين بعد امين هادي الرقاد لل8 جامي دائما ال7 تلقايه دوبو بصح اليوم المخلوق في الدار تعرفي ماشي نحل عينيا طول للكمبيوتر هههه وزيد معاط اليوم صبح مريض شوي داه باباه للاستعجالات راه دخلت طول رقد

ربي يشفيه وليدك وو ما يشوف شر باذن الله

 

[ام الحلوين]

الله يبارك سميرة ربي يعينك و يحفظ بنتك و يطول في عمرها .
و الله فكرتيني في بنتي كي كانت 8 اشهر كنت حاملة بالطفل 5 اشهر ، مرة ماحبتش ترقد عضيتها من رجلها من تحت و مرة تاني في الليل ماحبتش ترقد دخلت رجلي بين الواح المطرح و طبعتها من الحيط للحيط مسكينة نخلعت و رقدت حتى 8 تاع الصباح.
صح التربية صعيبة سيرتو لولاد لي مايرقدوش في الليل .بصح الحمد لله كانو يرقدو وقيلة من الخوف .