بيت المغتربين

الحالة
مغلق ولا يسمح بالمزيد من الردود.
السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح
images

 
إضغط للتوسيع...
قال ام الحلوين:
سميرة صح الهبطة لازم راي الراجل و تاني قناعة المراة .
مريومة البلاد ثم البلاد ثم البلاد ثم الغربة. انا نفضل البلاد و لو ان فيها مشاكل و ما فيهاش امكانيات كيما الخارج ، لكن البلاد هي 1 .
ام امين ربي يصبرنا ولينا مقلقلين بلا سبب .
إضغط للتوسيع...
شكرا ام الحلوين باين عليك حلوة سكر ز اسمك

المهم طبعا لبلاد خير الاانه في صعوباااااااااااات خاصة الجامعيين بلا خدمة................
الله يصبر الكل..............
 
ام الحلوين كي تلقاي واش ديري للعشاء قوليلي اني عييت من التخمام:d
السفنج دورك نبعثلك
 
مريومة ربي يخليك حنونة.
جهاد طيبت فارميسال بالحليب للدراري و الزين خرج كي يجي نشوف واش نطيبلو نورمالمون نقلي بيض و تون بالطماطم تاع الزاير و سلطة .
 
ام امين ما بنتش اليوم ان شاء الله يكون المانع خير
 
سميرة ،ام امين سير راهي مع الراجل و لولاد في الويكاند ربي يهنيها .
جهاد لقيتي واش طيبي للعشا ؟
 
صباح النور لبنات
شكون فيكم لي هبطت للبلاد و كانت حامل في الاشهر الاخيرة ؟؟؟؟؟؟؟؟؟؟؟؟؟؟
انا شريت البيي في جانفي قبل ما نحمل باش نروح 10 اوت و نرجع في 9 سبتمبر ،و الان طبيب قالي من الاحسن ما تسافريش و انا عندي ختانة وليد خويا .
و المفروض نروح في الاسبوع 29 و نرجع في الاسبوع 33 ،حبيت تقولولي ادا فيه خطر عليا و على البيبي و لا نورمال، مرات نقول نروح مانخافش و مرات نقول صحتي قبل كلشي مع راهي عندي لاتنسيون تهبطلي و خفت نتقلق في البلاد .و يما قاتلي ارواحي مايكون والو .
ربي يجازيكم .
 
صباح النور ام الحلوين البارح مادرتش العشاء:d الزين كيما تقولي خرج تعشى مع صحابو و انا كليت سلاد و ديسار ريجيم خخخخ
البلاد شوفي واش قالك الطبيب انا صاحبتي راحت العام اللي فات في 8اشهر انظرت شوية مع الطيارة من بعد نورمال عندك برك تولدي في الطيارة ههه سي نون ماتريسكيش يلا راكي دايرة اسيرونس يرومبورسولك البيي حتى تولدي و روحي الله يسهلك ان شاء الله
 
ام الحلوين انا ما سافرت و لا مرة بالحمل
بصح شوفي واش تقولك الطبيبة تاعك
و صحتك و صحة جنينك بجل
العرس راه ليلة و تفوت بصح صحتك ما تتعوضش
و البييي شوفي بلاك يترومبورسا ربي يسهلك حملك و يرزقك الذرية الصالحة ​
 
ربي يجازيكم جهاد و سميرة
جهاد انا تاني الزين بارح كلا سندويش برا و غير فتحت عليه الباب قتلو ماتقولش راك جيعان قالي غير روحي ريحي كليت برا و انا فرحت .
اما البلاد العام لي فات مرت خويا هبطت من فرنسا كان عندها 6 و نص و طلعت 7 و نص و السمانة التالية مرضت شوية ، و انا راهي تالفتلي . و الطبيب عطاني ورقة ديتها للاجونس قالولي نرجعولك الدراهم كامل و مازال مارجعوليش كل يوم يقولولي هاد السمانة و انا البارح خممت مع راسي قلت نروح و ربي يستر بصح مازلت مترددة .
و العام لي فات قلقوني ناس راجلي حتى هبطتلي لاتنسيون و مرضت .ربي يهديهم .
 
آخر تعديل:
لاكان حاصية روحك تتقلقي و تهبطلك لاتونسيون غير ماكان لاه تروحي زيدي مع السخانة تاع البلاد في اوت ماشي ساهلة
 
و الله غير تلفتلي يا جهاد حتى راجلي قالي اذا رحتي بقاي غير في داركم و انا نحشم مانقدرش نهبط و مانروحش عندهم ،قتلو نروح نقعد ساعة و نرجع مانطول ما نسمع الهدرة العوجة .
ام امين و رنيم و سيرين و فطومةومريومة و lalichka وين راكم يا خياتي .
 
قولولي لبنات انا راني اونسات في شهري الاول درتprise de sang في laboratoireو على ما حسبت راني في الاسبوع الرابع بصح ما عندي حتى اعراض تاع حمل ولا وحم يعني نورمال لا دوخة لا قيء حاشاكم لا والو كيما كنت في ايامي العادية واش معناتو هاذا عادي ولا لالا عندي رونديفو مع الطبيبة تاعي في 3 جوان قولولي رايكم الله يخليكم
 
الف الف الف مبروك جهاد
و عادي حتى انا في حملي ببنتي الاولى حتى الاسبوع 7 باش درت التاست و عرفت راني حامل و ما كان عندي حتى اعراض من قبل بصح من بعد كان عندي اعراض.
و في وليدي حسيت روحي مقلقة و كرهت ريحة السيارة في الاسبوع 5 .
و هدي المرة عرفت في الاسبوع 4 و حتى الاسبوع 6 باش بداوني الاعراض .
ـــ هل هدا حملك الاول ؟
ربي يكملك على خير و يرزقك الدرية الصالحة ان شاء الله .
و اي سؤال راني هنا .
 
آخر تعديل:
جهاد مبروك عليك اختي
ربي يكملك حملك بخير
و يرزقك الذرية الصالحة و راه عادي كل وحدة و الهرمونات تاعها
و السفنج تاع البارح كليتيه وحدك؟؟؟:p و تقولي لا وحم لا والو:p​
 
آمين ان شاء الله شكرا ام الحلوين طمنتيني ايه هذا حملي الاول
 
سلام يا البنات اسفة للغياب ظروف خارجة عن السيطرة كنت مريضة شوي دخلت زيارة للمستصفى رتحت يومين وجيت ههههه
ام الحلوين ما تلعبيش بروحك حنونة وخري البيي حتى تولديو خلاص وزيد انت قلتي الطبيب قالك لا وين يا اطيري مالا
جهاد مبروك اخيتي وربي اكمل على خير وعادي الاسابيع الاولى ما يكون فيه اي اعرض واكين الي اعقب الوحم كامل بدون اي اعراض المهم تكوني عملتي التاست وطلع ايجابي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top