بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[SAMIRA25]

لبنات ام امين اليوم غايبة نبداو مع عضوة جديدة و الا نسناوها حتى ترجع ؟؟؟​

 

[SAMIRA25]

روعة انثى ربي يكملك اختي و يفرحك
و الدنيا هدي مكاتيب وحدة ما كنت حاطة في بالها تزوج في الغربة غير المكتوب ​

 

[ام الحلوين]

سلام سميرة شفتي المسمن و المغيز ؟
ان شاء الله غياب ام امين خير و الله اعلم هي قالت بلي تكون غايبة بسبب الانترنت .

 

[SAMIRA25]

و الله يا ام الحلوين ما تلوميش شفتهم و جاميتهم بصح نسيت نرد
المسمن حنا نقولولهم السمنيات كيما تاعك انا الحق ما نعرفش نديرهم غير نلبز برك كي نشهاهم يجيو شوي يشبهو باه نحي السخفة برك
و المغير ما نديروش كانت جدتي ديرهونا يجي مليح مع الحليب
يعطيك الصحة

 

[ام الحلوين]

معليش سميرة المهم نتعرفو على الاكلات و التسميات ،عندي صحاباتي 1 من قسنطينة و 1 من ميلة و قالولي على السمنيات و المغيز تاع ميلة قاتلي نسموها خبز الملة .
المهم انا راني خارجة مع وليدي نجيب بنتي من المدرسة و نديهم للابيسين بسكو الزين خدام مايقدرش يديهم .
سلام العشية ان شاء الله .

 

[روعة انثى]

روعة انثى معرفة خير ان شاء الله و الف مبروك و ربي يهنيك و عادي حتى انا مكانش في بالي نزوج بعيدة و الله غالب مكتوب المهم الصحة و الهنا و زاد دروك راهي وسائل الاتصال كاينة و اي وقت تحكي مع داركم .
ربي يكملك على خير اختي امالا عرسك بعد العيد ان شاء الله .؟

الله يسلمك ام الحلوين و يبارك فيك الشباب قالي كي يوجدو الاوراق يعني كي تجيني الفيزا ارواحي قالي مانديرش دخلة تماك فالبلاد ما علاباليش ايلا يجي هو يديني بلا عرس و لا نروح وحدي و نلقاه تماك يستنا فيا ما علاباليش نحشم باش نسقسي على كل كلشي نلعبها فهمتو و من بعد نحير في بالك واش راه قاصد تعرفي وحدة تزوجت هكدا ؟
و عرسي على حساب الاوراق و لا الفيزا ؟ ما علاباليش لا يطولو و لا يقصرو

 

[روعة انثى]

روعة انثى ربي يكملك اختي و يفرحك
و الدنيا هدي مكاتيب وحدة ما كنت حاطة في بالها تزوج في الغربة غير المكتوب ​

امين اختي سميرة ربي يخليك و انتوما تاني راكم مونسيني بزااااف و تجاوبوني نحيتو عليا بزاف

 

[SAMIRA25]

ناس بزاف يديرو كيما هكا المهم كي يجي تعقدو و تفتحو و من بعد يدي اوراقك يوجدلك الاقامة و يبعتلك تلحقيه ادا يقدر يجي يديك و ادا عاد خدام روحي وحدك و يستقبليك في المطار انا هكا درت ربي يكملك ان شاء الله و ما تديش معاك الحوايج بزاف كي تروحي لهيه و اشري عندهم حوايج احسن من عندنا و ارخس ​

 

[روعة انثى]

ناس بزاف يديرو كيما هكا المهم كي يجي تعقدو و تفتحو و من بعد يدي اوراقك يوجدلك الاقامة و يبعتلك تلحقيه ادا يقدر يجي يديك و ادا عاد خدام روحي وحدك و يستقبليك في المطار انا هكا درت ربي يكملك ان شاء الله و ما تديش معاك الحوايج بزاف كي تروحي لهيه و اشري عندهم حوايج احسن من عندنا و ارخس ​

سميرة صحيتي يا الهايلة على الجواب املا مانيش وحدي طيب سميرة .....كي يجي و نعقدو و نفتحو و من بعد يدي اوراقي يوجدلي الاقامة و يبعثلي باش نلحقو .................هادو الاجراءات في بالك شحال يدو وقت يطولو و لا يقصرو ؟؟؟؟
و تاني الجهاز واش ندي معايا مكلاه نكثر خاطر مانيش رايحة نبقا هنا عندك الصح كي قلتي الحوايج عندهم احسن و رخاس
و زعمة نورمال انا عروسة سمانة و لا سمانتين نقولو نروح نشري حوايج ؟؟؟

 

[SAMIRA25]

الاقامة توجد على حسب البلاد لي رايحة ليها و الخدمة تاع الراجل
و الجهاز ما دام رايحة طول للخارج ادي قشك برك و ما تكثريش راه كي تروحي لهيهه تلقاي كل شيء مليح و اشري و عادي راه ما شي كيما في البلاد العروس ما تخرجش اكيد رجلك راح يخرجك يحوس بيك و تقضي ماكلة للدار و تشوفي حوايج ملاح تكرهي واش لي جبتي معاك :d
هيه و ادي معاك حوايج خفاف و باهيين تاع ذهب تلبسيهم و كاش اسئلة راني هنا​

 

[روعة انثى]

هيه و ادي معاك حوايج خفاف و باهيين تاع ذهب تلبسيهم و كاش اسئلة راني هنا​

واش تقصدي سميرة حوايج خفاف و باهيين تاع الذهب يعني نشري ذهب مشي ثقيل كيما سلسلة خشينة و مسايس كبار خاطر ما نديرهمش كل يوم هدا واش تقصدي ؟ اقترحي علي واش نشري ذهب ديريني كيما اختك حتى انا راهي تالفتلي

 

[SAMIRA25]

واش تقصدي سميرة حوايج خفاف و باهيين تاع الذهب يعني نشري ذهب مشي ثقيل كيما سلسلة خشينة و مسايس كبار خاطر ما نديرهمش كل يوم هدا واش تقصدي ؟ اقترحي علي واش نشري ذهب ديريني كيما اختك حتى انا راهي تالفتلي

شوفي الحاجة لي تلبسيها دائما تقيل يقلقك كي تلبسيه كل يوم ديري باريرر طقم مليح سلسلة خفيفة و قورماط تاني و الا حبيت تشري حوايج كبار ما كان لاه تديهم معاك خليهم في داركم كي تروحي لبلاد و يجيك عرس و انت و كيما نقولو ستيل تاعك مناه كاينين نساء يحبو يتقلو و كاين لي يحبو البساطة و الرجال تاني اعرفي واش يحب راجلك

 

[روعة انثى]

انا ستيل نتاعي نحب ذهب خفيف و شباب ما نحبش الثقيل خاطر ما نديروش كل يوم نفضل زوج سلاسل خفاف نبدل بيناتهم و تاني القورمات خير من نحط دراهمي في حاجة خشينة و نبقى غير داستها
سميرة في الخارج عندكم الفونتيزي شباب تقولي ذهب و زيد باش تبدلي تقترحي نشريه كي نروح باش نبدل برك؟؟؟

 

[SAMIRA25]

و الله انا نفضل نشري حوايج خفاف ذهب ما يفسدوش خير من اي حاجة و تبقالك دائما و نهار تحبي تبدليها جيب دراهمها شوفي انا واش ندير عندي سلسلة وحدة و 2 بوندونتيف مع الخواتم تاعهم و الاقراط تاعهم نبدل بيناتهم :d

 

[ام الحلوين]

سلام لبنات هاني رجعت بكري بسكو ولادي ديتهم للابيسين و بدلتلهم من بعد قالونا في الادارة الماء راه موسخ مايقدروش يعومو فيه عاودت على سعدي و وعدي لبستلهم حوايجهم و جيت .
روعة انثى كيما قالت سميرة ماتكثريش اللبسة و لا الدهب سيرتو اللبسة جيبي 3 غوب شابين و بلي مونش باش ادا جاوك ضياف لبسيهم كيما انا الزين مايخلينيش نلبس السراول في الدار كي يجو صحابو يتعشاو و سيرتو في الدار 1 كان عندي الصالون مع الكوزينة يعني لازم تلقاهم و نسربيلهم، و جيبي 2 بيجامات و ملابس نوم ماشي بزاف و خمارات و 2 صبابط هدا ماكان ماجيبيش معاك السرابت و لبسة الدار بزاف و ملابس الداخلية هنا كلشي 100 % قطن و شابين و كي جي عادي راجلك يشريلك .
راسي راه فارغ ادا تفكرت حاجة نقلك .

 

[روعة انثى]

سلام لبنات هاني رجعت بكري بسكو ولادي ديتهم للابيسين و بدلتلهم من بعد قالونا في الادارة الماء راه موسخ مايقدروش يعومو فيه عاودت على سعدي و وعدي لبستلهم حوايجهم و جيت .
روعة انثى كيما قالت سميرة ماتكثريش اللبسة و لا الدهب سيرتو اللبسة جيبي 3 غوب شابين و بلي مونش باش ادا جاوك ضياف لبسيهم كيما انا الزين مايخلينيش نلبس السراول في الدار كي يجو صحابو يتعشاو و سيرتو في الدار 1 كان عندي الصالون مع الكوزينة يعني لازم تلقاهم و نسربيلهم، و جيبي 2 بيجامات و ملابس نوم ماشي بزاف و خمارات و 2 صبابط هدا ماكان ماجيبيش معاك السرابت و لبسة الدار بزاف و ملابس الداخلية هنا كلشي 100 % قطن و شابين و كي جي عادي راجلك يشريلك .
راسي راه فارغ ادا تفكرت حاجة نقلك .

و الله يا ام الحلوين ربي يخليك حلوة على طول ......جهزتيلي تاع الصح معاك قاع ما نحيرش عندك الصح ندير كيما قلتي انتي و سميرة ما نديش بزاف حوايج خاطر هنا فالبلاد مشي شابين و غالي ندي حوايج خفاف و تماك نشري واش يخصني ايلا كاش ما تفكرتي قوليلي بصح انتي وين مغتربة ؟

 

[روعة انثى]

و الله انا نفضل نشري حوايج خفاف ذهب ما يفسدوش خير من اي حاجة و تبقالك دائما و نهار تحبي تبدليها جيب دراهمها شوفي انا واش ندير عندي سلسلة وحدة و 2 بوندونتيف مع الخواتم تاعهم و الاقراط تاعهم نبدل بيناتهم :d

راني حابة نشري لي كريول تاع دهب خاطر يطبعوني بزاف مي ما لقيتش فالدهب حاجة شابة
تاني انا ما نحبش الفونتيزي برك قلت للبدلة و درتي حاجة شابة و سهلة باش تبدلي
و نستنا ام الحلوين واش تقترح ؟ و جهاد و فطومة واش مادخلوش اليوم ان شاء الله يكون المانع خير و يفيدوني هما تاني ما نستغناوش عليهم بلا ما ننسا رنيم الغربة راهي هاد ليام غايبة ان شاء الله تكون بخير

 

[ام الحلوين]

يا خياتي مرانيش عارفة شكون مشرفة هذا القسم دروك تقولنا هاذ المواضيع ماشي هنا بلاصتها .نورمالمون نحكيو في مواضيع العروس و لا في قعدات ناس اللمة .
المهم روعة انا نموت على حاجة اسمها الذهب بصح مانجيبوش كامل هنا كل ما نهبط نحط لي كانو عندي و نجيب نوع اخر و الباقي عند يما ،هذي المرة جبت سلسلة و 2 قورمات و مناقش و 2 خواتم تاعي و تاع راجلي 2 ،و هذي المرة اذا هبطت ان شاء الله الزين قالي نشريلك براسلي و نشري للطفلة سلسلة سيرتو الطهب دروك راه رخيص شوية ،و تبانلي الذهب خير من الدراهم بسكو انا كيما تقولي جدتي رايي تالف و نخسر الدراهم امالا غير نديرهم ذهب خير من يروحو غير ماكلة الكرش في الكرنطيطة و البيتزا و الكوكاو المالح .ايه نسيتك انا مغتربة في لندن .

 

[مريومةمم]

يا خياتي مرانيش عارفة شكون مشرفة هذا القسم دروك تقولنا هاذ المواضيع ماشي هنا بلاصتها .نورمالمون نحكيو في مواضيع العروس و لا في قعدات ناس اللمة .
المهم روعة انا نموت على حاجة اسمها الذهب بصح مانجيبوش كامل هنا كل ما نهبط نحط لي كانو عندي و نجيب نوع اخر و الباقي عند يما ،هذي المرة جبت سلسلة و 2 قورمات و مناقش و 2 خواتم تاعي و تاع راجلي 2 ،و هذي المرة اذا هبطت ان شاء الله الزين قالي نشريلك براسلي و نشري للطفلة سلسلة سيرتو الطهب دروك راه رخيص شوية ،و تبانلي الذهب خير من الدراهم بسكو انا كيما تقولي جدتي رايي تالف و نخسر الدراهم امالا غير نديرهم ذهب خير من يروحو غير ماكلة الكرش في الكرنطيطة و البيتزا و الكوكاو المالح .ايه نسيتك انا مغتربة في لندن .

سلالالالام ياحلوين
راكم تحكيو على الدهب
انا نموووووووووووووووووووووووت في الدهب ومادامني طفلة نحب غير ستيل ولخفيف لي نداومو في البيت
وياريت كل وحدة تضع لنا صور لبعض المودلات وماتنساوش لقنادر رانا داخلين عل الصيف......

 

[SAMIRA25]

SAMIRA25, ‏مريومةمم, ‏imen ahmad
هلا ايمان واش راكي شوي والفتي و الا مازال ؟؟؟؟