بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[ام الحلوين]

روعة بالنسبة للعرضات شوفي هنا الديار صغر و الماعن قلال و ممكن كل ويكاند يعرض 3 او 4 صحابو و ديريلهم عشا لان هنا قليلة العرضة تاع الفطور و طيبي عادي الاكلات لي تعرفيها و لا لي يدومونديوها هما ، كيما صحاب راجلي كي يشاهاو حاجة يعرضهم و نطيبهالهم .و اكثر حاجة عجبتهم هي الخبز و الحريرة و الطعام .

 

[ام الحلوين]

ام الحلوين راجلك يدير عرضات تماك ؟ حكيلي واش طيبتيلهم و شتا درتي ؟

ايه حنونة يعرض صحابو سيرتو لي ماعندهمش الاوراق و لي مزوجين بالقاوريات وخاصة في رمضان ( كونترا عليهم يحياو العربيات و الجزايريات) و الطياب عادي نطيب حريرة و ندير الخبز(المطلوع) في الدار و سلاطة و نزيد حاجة مثوم او طاجين الزيتون او جاج محمراو كباب و نزيد كبدة مشرملة و تعلمت الحميس تاع الشرق و كل مرة كيفاش المهم هنا طيبي واش تعرفي و الضياف يقنعو بكلشي و جيهم الماكلة بنينة و ماكاش لي يهدر فيك .

 

[روعة انثى]

ام حلوين راكي عاجبتني راكي صغيرة عليا و تخمي عليا كيما بنتك راني حاسة ولد وردية الله يرحمها هههههههه
فكرتيني الخاص انا تاني مشاركاتي قليلة ما نقدرش نراسل في اللول كي دخلت احشمت حبيت نراسل الاخوات فالخاص ما قدرتش و تاني ما عرفنش كيفاش ندخل بيت المغتربين خاطر مانيش مغتربة راني مشروع مغتربة برك خفت المغتربات يتكبرو و يقولو هادي واش جابها معانا ؟ كنت متبعتكم سيلونسيوز
بصح يا اختي كل وحدة نقصر معاها نلقاها نحاتها لاخرى كل وحدة حلوة اكثر من الاخرى الله يبارك
رنيم الغربة وين راهي ما هيش تدخل و ام امين تاني الله يكون معاها و ما تكونش مريضة برك و فطومة هي الاخرى وين راهي كل وحدة تغيب تخلي بلاصتها فارغة

 

[روعة انثى]

المهم هنا طيبي واش تعرفي و الضياف يقنعو بكلشي و جيهم الماكلة بنينة و ماكاش لي يهدر فيك .

يا الحلوة ام الحلوين عجبتني هاد الجملة بزاااااف بزااااااف خاطر انا نطيب شوية شوية على قدي مانيش بروفيسيونال

 

[ام الحلوين]

الحمد لله يا رب ربي يجمعنا في الدنيا و الاخرة
روعة عادي حنونة رانا هنا باش نتعاونو و وحدة تفيد وحدة ، و من رايي سقسي واش تحبي هنا و ماتسقسيش وحدة تكون مقابلاتك ،انا كنت مخطوبة مرضوني بالهدرة هاذ الراجل وين راكي عارفة اذا مطلق و لا لا ، و بلاك يشرب و بلاك غير فتح عليك و راح دروك يسمح فيك و سير بلي مايمدولكش الفيزا من بعد ديري العرس هنا و تروحي قرصونة عند ماليه و كي مدولي الفيزا قعدو يقولو واش رايحة ديري في الغربة و ماتوليش تحضري في المناسبات وووووو....
ربي يهديهم و يهدينا .

 

[ام الحلوين]

يا الحلوة ام الحلوين عجبتني هاد الجملة بزاااااف بزااااااف خاطر انا نطيب شوية شوية على قدي مانيش بروفيسيونال

يا حي على روعة واش راهي تقول انا كي تزوجت كنت نطيب عادي تقريبا نعرف كامل الماكلة تاع الشلف بصح مع الوقت زيدي تتعلمي و تشوفيني دروك تقولي عجوزة تاع 80 عام ندبر على كلشي و غير الشهر لي فات الزين راح للبلاد قلت ليما بعثيلي (دهان حار) و دروك شريت مارغرين و راني حابة نخلطو باش يولي عندي بزاف :p:d.
و نزيدك حاجة نهار 1 كي جيت سقساني الزين تعرفي طيبي قتلو ايه زعما راه يقضي جابلي حبة بصل و شوية لحم مرحي و راس سلاطة و 2 طماطم و 6 بيض (كون لقاه يتباع بالحبة كون جاب حبة بيض 1) انا نخلعت:-o ، يا حوجي حنا نقضو بزاف حتى من بعد باش عرفت كيفاش يقضو .

 

[روعة انثى]

عندك الصح ام الحلوين تقريبا كامل نسمعو نفس الهدرة و زيد انا خدامة هنا فالبلاد و ما خصني والو راني نخمم كيفاش نروح و نخلي خدمتي و كي نحتاج شي نقولو اعطيني بعدما كانو دراهمي في يدي كي نحب نعاون واحد نعاونو بلا ما نخمم

 

[ام الحلوين]

عندك الصح ام الحلوين تقريبا كامل نسمعو نفس الهدرة و زيد انا خدامة هنا فالبلاد و ما خصني والو راني نخمم كيفاش نروح و نخلي خدمتي و كي نحتاج شي نقولو اعطيني بعدما كانو دراهمي في يدي كي نحب نعاون واحد نعاونو بلا ما نخمم

يا حبيبتي عادي و اكثر من عادي كي تقوليلو يمدلك دراهم و تلقايه هو يمدلك بلا ماتقوليلو هذي هي الحياة و تولي نتي تقضي للدار و تشري واش تحبي .
سمحيلي انا نخرج نجيب وليدي من المدرسة .
سلامي ليك و لكامل لبنات كل وحدة باسمها .

 

[روعة انثى]

الله يسلمك ام الحلوين ربي معاك روحي قضي شغالك

 

[SAMIRA25]

كاش من زارنا من فرنسا يشوف هدي الاخت بلاك يقدر يجابها و مشكور
http://4algeria.com/forum/threads/370095/​

 

[أم أمين23]

وقيلا زعفتي انا قصرت معاك برك يا ام امين :$ ما قصدت والو على بالي انتي اقترحتي الموضوع و ما تهربيش و راكي جايبتها انتي و البنات فطومة و ام الحلوين و جهاد ربي يحفظهم و يخليهم بلا ما ننساو رنيم الغربة و سميرة ما جاتنيش باش نسقسي و انا مازال مانيش مغتربة و زيد البنات سقساو على كل الاسئلة اللي في بالي بلاك نسقسقسي رنيم الغربة خاطر هي في بلجيكا
المهم الموضوع شباب بزااااااف و ناجح و يفيد بزااااف ناس خاصة اللي رايحين للغربة منا و هاك تحياتي ليك و للبنات

لا لا والله والو حنونة انا بدمة نحرك فيكم ما زعفتش وانا ما نزعفش من هاد الامور قولي واش حبيتي وكوني هانية

 

[أم أمين23]

سميرة صحيتي يا الهايلة على الجواب املا مانيش وحدي طيب سميرة .....كي يجي و نعقدو و نفتحو و من بعد يدي اوراقي يوجدلي الاقامة و يبعثلي باش نلحقو .................هادو الاجراءات في بالك شحال يدو وقت يطولو و لا يقصرو ؟؟؟؟
و تاني الجهاز واش ندي معايا مكلاه نكثر خاطر مانيش رايحة نبقا هنا عندك الصح كي قلتي الحوايج عندهم احسن و رخاس
و زعمة نورمال انا عروسة سمانة و لا سمانتين نقولو نروح نشري حوايج ؟؟؟

يا حنونة ادي واش تسقي يعني الضروري ويكفيك على الاقل شهر ومن بعد ابداي بالطلبات ههههههه

 

[روعة انثى]

لا لا والله والو حنونة انا بدمة نحرك فيكم ما زعفتش وانا ما نزعفش من هاد الامور قولي واش حبيتي وكوني هانية

ربي يخليك ام امين على بالي ما تخيبينيش ربي يهنيك خصيتي البارح فالجماعة و سقسيت عليك شحال من مرة تمنيت تكوني معانا معليش خلفيها اليوم و ان شاء تكوني بخير انتي مخلوقك و وليداتك و الجنين ديالك

 

[أم أمين23]

واش تقصدي سميرة حوايج خفاف و باهيين تاع الذهب يعني نشري ذهب مشي ثقيل كيما سلسلة خشينة و مسايس كبار خاطر ما نديرهمش كل يوم هدا واش تقصدي ؟ اقترحي علي واش نشري ذهب ديريني كيما اختك حتى انا راهي تالفتلي

انا نقولك عليا الذهب في الاول جبت معايا حوايجي الخفاف ومن بعد رجعتهم خصوصا اني ما كنتش نخرج والا نروح عند الناس والا يجيوني خليت برك الي نلبس فيهم ديما يعني اصبري حتى تروحي انت ادي معاك حاجات خفاف ومن بعد تشوفي
صقصيتي على الصورتي دو بان انا ما جبتش المخلوق قالي راه كاين شريتلك واحد ما كان لاه تجيبي واثقلي
الفراش ثانيم ا جبت والو لخاطر كي تجي وتشوفي واش كاين عندو وانت من بعد اشري واش خاصك
ليك اللبسة تاع الدار كيما القاندر خصوصا الا جاوك الضياف لخاطر هنا في اوروبا ما تلقايش انت قلتي بلجيكا يعني ماشي راح تلقاي غير حوايج قصار وكيما قالت جهاد الحجابات الا كنت متحجبة وتلبسي الحجابات الطوال جيبي من البلاد اما ادا كان حجابك مودرن سورال وليكات ما تكثريش جيبي برك بدل تاع شهر ومن بعد اشري بالشوي ماشي ما تجيبيش ومن بعد تولي للراجل كل مرة اعطيني نشري ثاني في الاول عيب وراح تكوني مازالك تحشمي على الاقل حتى توالفي ومن بعد يعمل ربي حل هههه

 

[أم أمين23]

يا الحلوة ام الحلوين عجبتني هاد الجملة بزاااااف بزااااااف خاطر انا نطيب شوية شوية على قدي مانيش بروفيسيونال

انا كنت كيفك كي زوجت ما كنتش نعرف نطيب حوايج بزاف كنت نقرا وما ندخلش خلاص محسوب للكوزينة في دارنا غير في رمضان وزعما الشهرة الاخيرة حبو يعلموني بصح ربي اخلي الكتب تاع الطبخ والنت وانت راح تكوني وحدك وبالشوية اطيب وتجربي مرة تصيب ومرة تخيب ومع الوقت توالفي وتتعلمي ما تخافيش من هاد الناحية واكيد الراجل في الوقت الاول يشفوك الا شاطرة بزاف والا شوي شوي ومن بعد هو يقرر وقتاش يبدا يعرض وفي الغالب في الاول انت الي تتعرضي خصوصا الا كان المخلوق تاعك يعرف بزاف عرب ومصاحب منهم

 

[أم أمين23]

ربي يخليك ام امين على بالي ما تخيبينيش ربي يهنيك خصيتي البارح فالجماعة و سقسيت عليك شحال من مرة تمنيت تكوني معانا معليش خلفيها اليوم و ان شاء تكوني بخير انتي مخلوقك و وليداتك و الجنين ديالك

الله اخليك حنونة راني تبعت واش حكيتو وحاولت نرد على واش قدرت وراني قلت البارح ما كانش عندي النت اليوم خرجت شرجيت وجيت نطل

 

[ام الحلوين]

سلام لبنات
مرحبا ام امين ان شاء الله راكي بخير نتي و الاولاد .
سميرة راني رديت على الاخت نوال التلمسانية مع اني مرانيش مغتربة في فرنسا ، و نسأل الله ان يوفقها و يسهل امورها .
روعة راهي جات ام امين ان شاء الله تزيد تفيدك .
و الغائبات ان شاء الله غيابهم خير .

 

[fatouma2012]

سلام عليكم ، سميرة سقسيتي على بنتي ، الحمد لله راهي عاقلة نشالله تكمل هاك

روعة أنا ديت معايا الضروريات فقط بصق ميزان الطيارة ميسمحش وأهم شي لي تحتاجيه من إليوم الاول هو سورتي د بان والسشوار بصح لوكان هو يشريهملك أحسن psq تقال ، وديت كتب الطبخ وتوابع القاتو وسابو تاع دار شباب وشنغلى تع بلاستيك حشاك ومكياج وريحة وستيك وصوالح epelation واكسسورات شعر الالدار وقدرة وكسكاس بصح نتي سقصيه بلاك عنده ، وملابس داخلية بزاف و-2 سبابيت واحد كعب عالي وواحد عادي وبيجامات لكن غاع ملبسثمش psq الديار حامين وديت بدعيات وخمرات واكسسورات الخمار ومتنسيش تديله هدية ، وجبت الحلويات وكسكس وبركوكس وتشيشة وصلاية ولباس الصلاة خيطه ومصحف و 3 تبديلات تع برا وسنسلة وغورمات وخاتم ونقولك حاجة مهمة إدا معندكش البارمي ديريه قبل الفيزا وكي نتفكر نزيدك ، وبنسبة الالطبخ نقولك الغربة أحسن مكان لتعلم الطبخ تكوني حرة والرجال المتغربين أي حاجة تديريها تعجبهم psq متوحشين الاكل تاعنا

 

[ام الحلوين]

فطومة واش راكي نتي و البنية ؟
فكرتيني بالسشوار انا قتلو اشريهلي كي جيت لقيتو شراهلي و جبت صلاية و لقيت عندو وحدة .
و عندك الصح على البارمي انا حتى هاد ليامات باش راني نخمم فيه راجلي عندو 5 سنين و هو معايا و انا راسي خشين قتلو نديرو في البلاد بصح كي خممت قلت نديرو هنا و نسوق في البلاد .
روعة نتي سقسي راجلك واش كاين في الدار و واش ماكاش .

 

[روعة انثى]

فطومة نورتي البيت بحضورك و السرسورة كي راهي عاقلة و بخير قاع لباس
فكرتيني بالسيشوار نقولو يشريهلي و السوغتي دبان نخاف يشريه و ما يعرفش
فكرتيني بالكتب تا الطبخ صح ندي معايا +تاع القاطو كتب و صوالح
صحا البيجامات علاش ما لبستيهم ؟ عندهم السخانة فالبيوت لدرجة في الشتا تلبسي حوايج الصيف ؟ املا ندي حوايج الصيف بزاف
تاني فكرتيني بالبارمي راني حابة نديرو مي العجز برك و تاني نخاف السوقة
فطومة واش تقترحي نديلو هدية ؟؟؟
والطبخ تقريبا طمنتوني انا نطيب شوية نسلك راسي مي مانيش تاع عجوز و حماتات يبقاو يذوقو و يعطو اراءهم