بيت المغتربين

الحالة
مغلق ولا يسمح بالمزيد من الردود.
السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح
images

 
إضغط للتوسيع...
سلام لبنات واش راكم
روعة نتي راكي اختنا و لازم نعاونوك و تاني حنا في الغربة دايما كارهين و نحبو نحكو .
 
روعة انت علاش محيرة حالك الي تديه هاداك هو شوفي ثاني كاين هادوك تاع الي يجو مع الكوستيمات القفل والواحد تاع الكرافات هاد طبعا الا راجلك من النوع الي يلبس الكلاسيك
والا ثاني ممكن تديلو قمجة من اختيارك الا تعرفي ستيلو او ممكن بيجاما والا هادوك الي يجو كوفري كيما هكا فيها جلدة وستيلو وغيرو كيما هادي:
images

راهم كاينين في البلاد وثاني نشفى انا كي تزوجت كاين واحد يكتبلك الاسم او حاجة تدل على البلاد في البورتفاي ممكن تلقاي الي يعملو مثل هادي العفسات اكتبي اسمو والا علم البلاد على البورتفاي
 
السلام عليكم حبيباتي ****م دايرين إنشاء الله تكونو قاع ملاح والله العظيم يلا توحشتكم بزاف أم أمين حبيبتي يلي دائماً تنسيني وين نسكن أن شاء الله تكوني بخير انت ووليداتك وان شاء الله ربي يفرحك وربي يسهلك في ولادتك يارب تستاهلي كل خير وان شاء الله تفرحينا وتجي تقولينا ولدت ونجو ناكلو بركوكس
سميره أختي مبروك عليك الإشراف تستاهلي حبيبتي غادي نقرقجوك شويه
سيرين انت تاني سمعت بلي راكي رايحة للبلاد أن شاء الله تروجي وتجي بخير
وريمو توحشناها أن شاء الله تكون غاية وتكون لقاة خدمه وربي يفرحها هي تاني
صونيا أن شاء الله تكوني بخير مانيش عارفه يلا لحقتي راجلك ماقريتش الي فاتني
فطومة أن شاء الله تكوني انت وبنتك ربي يحفضها
والجدد مرحباً بكم معانا وربي يهون عليكم غربتكم يارب
والي نسيتها تسمحلي
 
آخر تعديل:
و عليكم السلام
على السلامة ام عبد الهادي واش راكي واش احوالو وليدك
حنا تاني توحشناك و الله دائما في بالي نقول ما نعرف واين راحت ربي يهنيك اختي ​
 
بارك الله فيك حبيبتي سميرة قاع رانا غاية يسقسي عليك الخير كنت في البلاد ورآه عندي 3 سمانات ملي جئت الحمد لله
 
آخر تعديل:
اهلا ام عبد الهادي نورتينا من جديد معليش انا المهم راني عارفة بلي راكم في اوروبا بصح البلاد ما نكدبش ننسى تاع الصح وماشي غير انت الي ننسى وين تسكن
المهم ان شاءا لله حوستي وارتحتي في البلاد ودبتيلنا حوايد ورحة البلاد معاك
 
قال روعة انثى:
مرحبا بيك رنيم الحمدلله رانا بخير و انتي كي راكي حنونة ؟
إضغط للتوسيع...

حبيبتي راني مليحه الحمد لله اسمحيلي البارح كان راجلي في السكايب :( ما قدرتش نرد عليك و انتي كيفاش راكي ان شاء الله تكوني ريحتي شويه
 
قال رنيم الغربه:
حبيبتي راني مليحه الحمد لله اسمحيلي البارح كان راجلي في السكايب :( ما قدرتش نرد عليك و انتي كيفاش راكي ان شاء الله تكوني ريحتي شويه
إضغط للتوسيع...
ما تعمريش راسك حنونة على بالي كنتي مشغولة سواء مع الدراري و لا مع زوجك اللي ثقيلة عليك خفيفة علينا المهم راكي بخير :d
انا راني في رحمة ربي الحمدلله بعد اللي هدرت معاك تطمنت على الاخر ربي يطمنك و خيرك ما ننساهش :)
 
سلام لبنات ان شاء الله راكم بالف خير
و نقلكم راني قررت نهبط للبلاد و الزين كان حاب يهبط بالسيارة و البارح قعدت نتمسكن قتلو كون ننضر و لا لولاد يرقدو في المطار انا مانقدرش نهزهم قعد يشوف فيا و قالي خلاص راكي غلبتيني امالا نروح معاكم هههههههه بسكو انا مانحبش نظل نجري في المطار مور ولادي نخليه هو يجري .
وخرجت اليوم مع بنتي شريتلها حوايج البلاد و الولد بعثتو مع باباه و السمانة الجاية العكس البنت تروح مع باباها و نخرج الولد نشريلو بسكو كون نخرجهم في 2 الدراهم يروحو غير ماكلة و العاب .
و انا حتى نقرب نروح باش نشري يعني على حساب كرشي .
شفت عبت يوم حكيتلكم حياتي كاملة .
سلامي
 
روعه حببتي مرحبا بيك معانا اسمحيلي انا ملحقتش نعرف عليك مي علاحساب مفهمت راكي حاتغتاربي جديد
وزوجتي والا مزال
المهم حببتي كشما تحتاجي مساعده راني هنا بسكو تبالي حكايتك كيما حكايتك
وارا راكي تسقسي على الكادو لزوجك نقولك متكسريش راسك بزاف بسكو مليتاش بيه وادي كيما قاتلك ام امين قميص للصلات وزيدي سجاده ومصحف احسن حاجه
 
ام الحلوين انتي تاع الصح شلفية قافزة تعرفي كيفاش تغلبي الزين يولي يتبع فيك و يقول (حاضر كيما تبغي)
ام الحلوين قرارك صح باش يجي معاكم زوجك خاطر المطار ميزرية مع الدراري و زيد انتي راكي ثقيلة التهاي بروحك برك و هو يتهلا فالدراري و القش :d والو هادي هي حقوق المرأة انتي تجي كيما لابرانساز و اديها في روحك برك ما تمشيش و تميلي فالمطار الشاغم يروح و تولي كي وردية الله يرحمها هههه
ما تزعفيش نقصر برك ربي يجيبك بالسلامة و تولي بالسلامة يا رب و ما تنضريش و تفوتيها مليحة
 
ربي يخليك روعة
ياختي لي بغا العسل يصبر لقريص النحل ،كيفاش هو حب لولاد و انا نتعدب وحدي لازم يعاوني ،و ماتخافيش في المطار نولي نمشي و نتمختر بسكو راني نسيي نقص الماكلة باش مانوليش دبة و يحيرو فيا في البلاد .
 
قال LALICHKA:
روعه حببتي مرحبا بيك معانا اسمحيلي انا ملحقتش نعرف عليك مي علاحساب مفهمت راكي حاتغتاربي جديد
وزوجتي والا مزال
المهم حببتي كشما تحتاجي مساعده راني هنا بسكو تبالي حكايتك كيما حكايتك
وارا راكي تسقسي على الكادو لزوجك نقولك متكسريش راسك بزاف بسكو مليتاش بيه وادي كيما قاتلك ام امين قميص للصلات وزيدي سجاده ومصحف احسن حاجه
إضغط للتوسيع...

لاليشكا الله يسلمك يا لعميرة على الترحيب زدتي النور على جماعتنا مرحبا بيك على بالي انتي قديمة قبلي خاطر البنات كامل يعرفوك و انا جديدة ما عنديش بزاف
واه فهمتي صح رايحة نغترب و شادة في ربي برك و من بعد لبنات الله يبارك راهم مونسيني و بغيتهم لدرجةبغيتهم بلا ما نشوفهم
انا مازال ما تزوجتش نعقد في رمضان ان شالله
واش حكايتك عرفيني على روحك
ام امين ربي يخليها دبرت عليا تاع الصح هي و البنات كامل و تاني فكرتني ندي حاجة تقليدية
 
ام الحلوين وقتاش عولتي تهبطي ؟ و شحال تقعدي ؟ كون غير تفوتي رمضان و العيد الصغير هنا ؟
 
آخر تعديل:
انا خصني ام امين وين راهي غايبة :s ؟ باينة لقات جماعة اخرى :mad:
لبنات واش نحكمو عليها ؟؟؟؟؟؟
نعاودو ندروها تحت المجهر :p
فطومة وين راهي تاني :s ؟ ام سارة وين راهي :s ؟
لبنات واش نحكمو عليها ؟؟؟؟؟؟
نديروها تحت المجهر المرة الجاية :d
اللي يقرا هادو الاسطر يقول ربي يهدي ما خلق ضيقة الخاطر و ما تدير راني نهدر وحدي

لبنات ام امين و ام سارة توحشتكم برك ان شاء الله تكونو بخير في صحتكم و وليداتكم و ازواجكم
راني ندعيلكم حسبوني جداتكم
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top