بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[روعة انثى]

ام الحلوين حنونة واش تقترحي نديلو هدية ؟؟؟؟

 

[روعة انثى]

فطومة اديتي سلسلة وحدة و قورمات و خاتم يعني هادو اللي دايرتهم كل يوم

 

[ام الحلوين]

يا روعة بنتي السلاطة راكي مكثرة الملح و الشوربة تاني كثرتي الطوماطيش راكي عارفتني عندي لاستوما ،و القهوة علاه جات قاطعة و هدوك الماعين علاه الرغوة راهي فايتتهم يا واه ماتسمعيش الهدرة هههههههههههههه زعما انا عجوزتك .
شوفي حنونة الكتب تاع الطبخ و لا القاطو ماتدي والو كلشي كاين في الانترنت ، و الدهب اشري واش تحبي ادا تقدري بصح ماطلعيهش كامل ادا عندك خواتاتك خليه عندهم بسكو هنا ماكاش المناسبات لي تلبسي فيهم اللبسة تاع الدهب و كي تروحي للزاير ماتقدريش ديري سلسة 1 رقيقة في عرس .
و البرد كل بلاد و كيفاش بصح على العموم اوروبا باردة انا اول مرة جيت في جوان و في جويلية و اوت كنت نلبس الجوارب اعزك الله ، المهم كيما قلنا اشري الحوايج بصح ماشي بزاف .

 

[روعة انثى]

ضحكتيني يا عجوزتي نيشان هداك اللي كنت خايفة منو
لكن الحمد لله ربي فرج عليا بعيد على العجوزة

 

[أم أمين23]

فطومة نورتي البيت بحضورك و السرسورة كي راهي عاقلة و بخير قاع لباس
فكرتيني بالسيشوار نقولو يشريهلي و السوغتي دبان نخاف يشريه و ما يعرفش
فكرتيني بالكتب تا الطبخ صح ندي معايا +تاع القاطو كتب و صوالح
صحا البيجامات علاش ما لبستيهم ؟ عندهم السخانة فالبيوت لدرجة في الشتا تلبسي حوايج الصيف ؟ املا ندي حوايج الصيف بزاف
ماشي شرط انت والبلاصة انا داري لولة كانت فيها السخان بصح البرد قارص كنت تقريبا نرقد بقشي من البرد ههههه بالعكس جيبي قض الشتا على قش الصيف
تاني فكرتيني بالبارمي راني حابة نديرو مي العجز برك و تاني نخاف السوقة
فطومة واش تقترحي نديلو هدية ؟؟؟
ساديبون شوفي انت انا جبتلو خاتم فضة وقميص هو احب القميص وبورتوكلي

والطبخ تقريبا طمنتوني انا نطيب شوية نسلك راسي مي مانيش تاع عجوز و حماتات يبقاو يذوقو و يعطو اراءهم
هاديك هي ماكان شكون يكسرلك راسك الا ادا كان هو بعد عجوز ههههه

 

[روعة انثى]

ام امين كيفاش عرفتي القيس تاع الخاتم سقسيتيه و القميص تاني كيفاش عرفتي و لا ديتي على الزهر و جا قيسو ؟
مرة قالي راني نطيب فالعدس خاطر عندو 13 عام مغترب نظن هو تاني يعرف يطيب ايلا قرعج عليا نقولو طيب انت

 

[أم أمين23]

ام امين كيفاش عرفتي القيس تاع الخاتم سقسيتيه و القميص تاني كيفاش عرفتي و لا ديتي على الزهر و جا قيسو ؟
القميص قصدي تاع الصلاة ماشي قمجة يعني انا نعرفو بعيني نقدر نميز اما الخاتم جاه شوي كبير
مرة قالي راني نطيب فالعدس خاطر عندو 13 عام مغترب نظن هو تاني يعرف يطيب ايلا قرعج عليا نقولو طيب انت
تاع الغربة كامل راهم يدبرو راسهم بصح ما يدكش ماشي معناها يطيب راه يعرف انا المخلوق تاعي قالي نعرف ونهار جيت وشفت طيابو خاصة كي نكون مريضة قتلو كثر خيرك خلي برك عليك

 

[روعة انثى]

هههههههه ام امين ضحكتيني تاع الصح
انا كي قالي نطيب امنت بلي يعرف جامي جات في بالي بلي يسلك برك خاطيه الطياب

 

[ام الحلوين]

يا حي على طياب الرجال انا في الاول كان متغرب في ايطاليا و كي جيت قعد يقولي في ايطاليا كنت نطيب مع صحابي المغاربة لي بات و يجو بنان قتلو ياسيدي طيبهالي غير مرة من 2007 و هو يقولي ان شاء الله لحد الان مازال ماعولش عليها .

 

[روعة انثى]

هههههه ضحكتيني و انا كنت حاسباتو صح طياب زين
ام الحلوين اقترحي واش ندي معايا هدية لراجلي ؟؟؟؟

 

[lina-67]

صباح الخير لبنات و جمعة مباركة

 

[أم أمين23]

صباحكم مبارك يا البنات يلا ما تنساوش الاسئلة لجهاد في مغترب تحت المجهر:

#68

 

[lina-67]

يا حي على روعة واش راهي تقول انا كي تزوجت كنت نطيب عادي تقريبا نعرف كامل الماكلة تاع الشلف بصح مع الوقت زيدي تتعلمي و تشوفيني دروك تقولي عجوزة تاع 80 عام ندبر على كلشي و غير الشهر لي فات الزين راح للبلاد قلت ليما بعثيلي (دهان حار) و دروك شريت مارغرين و راني حابة نخلطو باش يولي عندي بزاف :p:d.
و نزيدك حاجة نهار 1 كي جيت سقساني الزين تعرفي طيبي قتلو ايه زعما راه يقضي جابلي حبة بصل و شوية لحم مرحي و راس سلاطة و 2 طماطم و 6 بيض (كون لقاه يتباع بالحبة كون جاب حبة بيض 1) انا نخلعت:-o ، يا حوجي حنا نقضو بزاف حتى من بعد باش عرفت كيفاش يقضو .

ام الحلوين انا راني عجوزة كثر منك ههه شريت الحليب تاع البقرة من الفيرمة ماهوش باستوريزي و روبتو و نحيتلو الدهان و زدتلو المارغارين و ملحتو حتى حرار وحد المرة شافني راجلي ندير منو في الطعام قالي جبتي معاك الدهان من البلاد قتلو صنعتو قالي بركاي بركاي في فرنسا تصنعي دهان حار :p
يا اختي روعة ما تخافي ما والو الطياب تتعلمي وحدك مرة هاك و مرة هاك حتى تجيبيها انا الكوزينة دخلتها حتى خطبوني ما كنت نعرف والو:d

 

[SAMIRA25]

ام الحلوين انا راني عجوزة كثر منك ههه شريت الحليب تاع البقرة من الفيرمة ماهوش باستوريزي و روبتو و نحيتلو الدهان و زدتلو المارغارين و ملحتو حتى حرار وحد المرة شافني راجلي ندير منو في الطعام قالي جبتي معاك الدهان من البلاد قتلو صنعتو قالي بركاي بركاي في فرنسا تصنعي دهان حار :p
يا اختي روعة ما تخافي ما والو الطياب تتعلمي وحدك مرة هاك و مرة هاك حتى تجيبيها انا الكوزينة دخلتها حتى خطبوني ما كنت نعرف والو:d

يعطيك الصحة يا حرة اكيد الوالدة ربي يحفظهالك تاني حرة​

 

[روعة انثى]

مساء الخير على بنياتي كي راكم توحشتكم اليوم ما قصرناش كيما اليومين اللي فاتو الله غالب شغالات الجمعة
بصح ما قلتوليش شتا نديلو كادو :s ؟؟؟؟؟ نسيتوني هايا البنات اقتراحاتكم مرحبا بيكم البيت بيتكم و انا الضيفة ههههههه

 

[SAMIRA25]

روعة ان شاء الله يفيدوك البنات ذوات الخبرة انا راني خارج الموضوع:d لاني ما نعرفش خلاص و من الاحسن ما نقولش بالتوفيق​

 

[ام الحلوين]

مساء الخير على بنياتي كي راكم توحشتكم اليوم ما قصرناش كيما اليومين اللي فاتو الله غالب شغالات الجمعة
بصح ما قلتوليش شتا نديلو كادو :s ؟؟؟؟؟ نسيتوني هايا البنات اقتراحاتكم مرحبا بيكم البيت بيتكم و انا الضيفة ههههههه

صباح النور انا تاني ماعنديش افكار سيرتو تاع الخارج تلقاي كلشي عندهم ماشي كيما في البلاد ،ممكن قميص كيما قالت ام امين يعني (عباية بيضاء) شفتي راهم شابين في البلاد و هنايا ماتلقايهمش ،انا عندي مدة و انا نتمنى نشريها للزين حتى كتب ربي كي هبطنا هاد الصيف راح مع ولد خوه و شرا وحدة باج ماعجبتنيش و كان مبرونزي كي يلبسها يبان كيما الصحاروة تقولي عبد الله المناعي راه قدامي .
و راجلك قاع ادا مالبسهاش هنا يهبطها للبلاد يلبسها في الصيف و في الصلاة .
ادا تفكرت حاجة نقلك .

 

[روعة انثى]

صباح الخير عليكم كاملين
سمورة معليش اللي تجي من عندك قاع عسل بقاي تبعينا تتعلمي من عند ذوات الخبرة
ام الحلوين صار عبد الله مناعي كون كي لبسها قولتيلو يغنيلك ههههههههههه ضحكتيني
عندك الصح احتمال كبير ندي عباية و صلاية بغيت ندي الريحة بصح على بالي ماهيش شابة كيما تاع لهيه

 

[ام الحلوين]

صباح الخير عليكم كاملين
سمورة معليش اللي تجي من عندك قاع عسل بقاي تبعينا تتعلمي من عند ذوات الخبرة
ام الحلوين صار عبد الله مناعي كون كي لبسها قولتيلو يغنيلك ههههههههههه ضحكتيني
عندك الصح احتمال كبير ندي عباية و صلاية بغيت ندي الريحة بصح على بالي ماهيش شابة كيما تاع لهيه

تعيشي حنونة
ايه الريحة هما يحبو حاجة شابة و ماتعجبهمش تاع الزاير مهما كانت غالية ، امالا ديلو عباية و صلاية ، و زاد نتي هي الكادو تاعو يا حوجي داي مرا و نص و حاب يزيد لي كادو .
ربي يهنيك حنونة .

 

[روعة انثى]

يا الحلوة ام الحلوين ربي يخليك حلوة على طوووووول ضحكتيني و حشمتيني :$ و فرحتيني :d
امين يا عمري ربي يخليك و يهنيك انتي تاني
و الله شحال نفرح كي ندخل على غفلة و نلقى وحدة داعيتلي خاطر الدعوة بظهر الغيب مستجابة كي تدعي يقول ملك امين ولك بمثل و الملك كي يقول امين معناها دعوة مستجابة ليك و اللي دعيتيلو
راني حاسة روحي نعرفكم هادي مدة كبيرة مام عندي خواتاتي بصح نحشم باش نسقسيهم مي نتومة حاسة روحي رميت قاع الثقل عليكم و نتومة عادي تجاوبو و تقصرو ربي يخليكم