بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[SAMIRA25]

ام الحلوين رانا نحكيو في حوايج خاصين بالغربة
رانا ننصحو في المخلوقة يعني رانا في صلب الموضوع:d​

 

[روعة انثى]

يا خياتي مرانيش عارفة شكون مشرفة هذا القسم دروك تقولنا هاذ المواضيع ماشي هنا بلاصتها .نورمالمون نحكيو في مواضيع العروس و لا في قعدات ناس اللمة .
المهم روعة انا نموت على حاجة اسمها الذهب بصح مانجيبوش كامل هنا كل ما نهبط نحط لي كانو عندي و نجيب نوع اخر و الباقي عند يما ،هذي المرة جبت سلسلة و 2 قورمات و مناقش و 2 خواتم تاعي و تاع راجلي 2 ،و هذي المرة اذا هبطت ان شاء الله الزين قالي نشريلك براسلي و نشري للطفلة سلسلة سيرتو الطهب دروك راه رخيص شوية ،و تبانلي الذهب خير من الدراهم بسكو انا كيما تقولي جدتي رايي تالف و نخسر الدراهم امالا غير نديرهم ذهب خير من يروحو غير ماكلة الكرش في الكرنطيطة و البيتزا و الكوكاو المالح .ايه نسيتك انا مغتربة في لندن .

يا ام الحلوين على بالي كاين قسم العرايس بصح انا عروسة نص نص تاع لهيه
كون نروح لقسم العرايس يضحكو عليا كي نقولهم رايحة نشري ثلاثة جبب و زوج بيجامات ..... ندي فاليزة و لا زوج و غير نخرج معاه باش نحوسو نقولو اشريلي ......:s تبغي عليا يا بنت بلادي باش يضحكو عليا ؟؟؟؟
انا قلت المغتربات يفيدوني اكثر و يفهموني و زيد كون ندخل هداك القسم بلاك ما نلقاكمش نتومة اللي نحوس عليهم ديجا انا عروسة و ما ندخلوش كامل

 

[روعة انثى]

ام الحلوين رانا نحكيو في حوايج خاصين بالغربة
رانا ننصحو في المخلوقة يعني رانا في صلب الموضوع:d​

سميرة انتي عاقلة و حنينة بزاااااف فهمتيني و ما خليتيش عليا ربي يجازيك كل خير و بارك الله فيك اختي

 

[روعة انثى]

يا جهاد يا ايمان احمد بما انكم مغتربات تفضلو معانا شاركونا همومنا مرحبا بيكم
ديجا انتوما صحاب الدار و انا مازال مي تقبلو دعوتي و تفضلو معانا بارك الله فيكم

 

[lina-67]

السلآآام عليكم لبنات راكم دايرين الجمايع ههههه
اليوم انا ظليت برا فطرت برا حتى لعشية دخلت درت المسمن تقهوينا و اللي بقاو زدتلهم صوص بالجاج و درتهم محاجب للعشاء
مرحبا بيك روعة واش نقولك حتى واحد ماكان داير في بالو الغربة المكتوب جابنا هنا و على الجهاز كيما قالولك لبنات ماتقوي ما تخسري دراهمك انا دراهمي درتهم ذهب و ننصحك اشري زوج مناقش ولا ثلاثة واحد طويل ديريه مين ذاك و لخرين شريهم صغار تاع كل يوم مام السلاسل شريهم قصار و خفاف ولا حاجة ثقيلة خليها في البلاد تولي كي تهبطي تديريهم انا جبت معايا 2خواتم و لاليونس و 2سلاسل و 2مناقش و قورمات و بارير تاع راجلي نديرو غير كي يجو نساء صحابو و السباعيات و الثقال قاع خليتهم في البلاد
دوك نولي نقولك على اللبسة

 

[روعة انثى]

جهاد فرحت كي لبيتي الدعوة و مرحبا بيك و بصحتك المسمن و المحاجب نبغي المحاجب امممممممم

كنت حايرة تاع الصح واش نشري و منين نبدا لكن ام الحلوين و سميرة فطنوني على بزاف حوايج كنت غافلة عليهم كنت حابة ندير تفريشة و مطارح و لحوف و قلت نخليهم في دارهم .........بصح قالي موحال نعيش فالبلاد نجي غير فاكونس و هكداك و كنت حشمانة من الناس و من اهلو مي دروك فهمت بلي لي زيميقري كامل يديرو هكدا ما فيها والو

 

[SAMIRA25]

رانا اجمعنا على حوايج ملاح روعة و ان شاء الله نقدرو نفيدوك و كاش اسئلة زيدي اتفضلي ران هنا
ان شا الله ربي يكملك و يفرحك​

 

[lina-67]

بالنسبة للبسة دي معاك شوية سوفاتمون و نويزات ملاح ما تقويش كيما قالولك لبنات انا اللي جبتهم من البلاد قاع رميتهم كي تشوفي كاليتي تاع هنا تعيفيهم تاع البلاد
جيبي معاك البدعيات تاع دار يكونو شابين 2 تاع صيف و 2تاع فتون شتاء كي يجو عندك نساء صحاب راجلك ولا لافامي تاعو تلبسيهم و ادي خمارات و حجابات اذا كنت ديري حجاب طويل باسكو ماتصيبيش هنا
الصبابط كاينين ما تقويش
انا جبت معايا سوغتي دبان باسكو بلاك ماتشريش توت سويت كي توصلي اوموان يكون عندك باش تحمي
و جيبي تانيك شوية ماكياج و ستيك و ريحة غير وحدة من بعد و تشري
الفراش انا درت 6 لحوف و كوفرولي و 2 كوفيرطات خليتهم في دارهم بصح شوفي اذا عندك شومبرة كي تروحي فاكونص تفرشيهم و ادا ما عندكش شومبرة ما ديري والو
اذا تفكرت حاجة نقولك و اذا عندك سؤال رانا هنا
طولت عليك الله غالب نهدر بزآف هههه

 

[روعة انثى]

يا جهاد عندك الصح الحوايج تاع البلاد ايلا اديتهم تماك نعيفهم ديجا انا الذوق تاعي صعيب كي نجي نشري حاجة راسي يدور باش نلقا حاجة توالمني و كيما البدعيات زوج تاع صيف و زوج تاع شتا زعما يكفو ؟؟؟ جاوني قلال كاين هنا خوه مع مرتو هادو باينة يجو يضيفو عندنا
فكرتيني السوغتي دبان نشري منا واحد شباب
الفراش ما نديش كامل خاطر معنديش شومبرا هو عندو سكنة مي خاوتو ساكنين فيها و هو كي يجي يرقد فالصالون انا علاه نزيد على روحي
جهاد كل كلمة تقوليهالي و لا الاخوات نحفظها و نقراها شحال من مرة كل كلمة عندها وزن عندي ما تتخيليش شحال راني فرحانة و انا نحكي معاكم كلامك حنونة راه كالعسل على قلبي مرحبا بيك

 

[روعة انثى]

رانا اجمعنا على حوايج ملاح روعة و ان شاء الله نقدرو نفيدوك و كاش اسئلة زيدي اتفضلي ران هنا
ان شا الله ربي يكملك و يفرحك​

جماعة تاع اليوم طبعتيها انتي و ام الحلوين و جهاد ربي يحفظهم
جماعة تاع اليوم جاتني كي العسل و السكر و نحيتولي الحيرة و سهلتو عليا بزاف امور خاطر راني وحدي مدبرة راسي امي متوفية الله يرحمها كانت هي تدبر راسها بجهاز خواتاتي
قدر الله و ماشاء فعل اللي خلق ما يضيع

 

[SAMIRA25]

روعة ربي يرحمها ميمتك و يسكنها فسيح جناته و كل موتى المسلمين
و رانا و الله كي خواتاتك و كيم قلتي لي خلق ما يضيع​

 

[lina-67]

الله يرحمها و يوسع عليها و يكتبها من اصحاب الجنة ان شاء الله و كيما قاتلك سميرة رانا كي الخواتات كاش ما احتجتي قولينا

 

[روعة انثى]

اللهم امين الله يرحمها و يجعل قبرها روضة من رياض الجنة
جهاد و سميرة اذا تفكرتو حاجة تفضلو النويزات في بالي زوج يكفو بلاما خرجت شريت
جهاد و سميرة مغتربين نتوما ؟؟؟؟
و ام الحلوين وقيلا نعست راهي غير تقرا
و رنيم الغربة راهي غير تقرا و ساكتة مازال شرفتناش الدار دارك رنيم تفضلي رانا نستناو فيك
مرحبا بيك حنونة على فكرة اسمك شباب الله يبارك

 

[ام الحلوين]

صباح النور حباباتي
البارح الزين جا بكري و لازم نعشيه و رقدت الدراري .
جهاد واش راكي كاش اعراض كاش انا اليوم صباح قلقوني كاملين الزين و ولادو وليت نستنا غير وينتا يخرجو عليا .
سميرة ربي يجازيك راكي معاونة روعة .
روعة ربي يرحم ميمتك و تكون من اصحاب الجنة ان شاء الله . بالنسبة للنويزات شري 4 و لا 5 بسكو كل يوم وحدة و لا حبيتي يحسبك حكومة لابسة اين توني وحدة ههههههه راني غير نضحك . اما الفراش انا تاني راجلي ماعندوش والديه و دار العرس عند خوه و قاتلي مرت خوه ماجيبيش الفراش بسكو عندي الضيق و يما ماحبتش قاتلي موحال تروحي ترقدي على فراشهم من بعد يهدرو و يقولي ماجابتش ديت معايا 4 لحوف شوية خشان و 4 مخايد برودري و كوات مع 2 مخايد و 2 درا و تابي و كل مانروح عندهم تفرشهملي سلفتي و دروك شريت الدار قاتلي ارواحي تدي فراشك قلت لراجلي ماشي فراش بزاف مانديهش و قلتلها خليه عندك مانديهش بسكو راكي عارفة كون نديه تاني يقولو عايشة في الخارج و جات طامعة في 2 فراشات تديهم ، و نتي من الاحسن ديري شوية برك بسكو عيب كي تروحي عندهم هما يعطوك فراشهم علبالي مرايحينش يخلوك هكدا بصح فراشك افضل .

 

[SAMIRA25]

روعة ما تنسيش تدي معاك الاكل لي تشهايه التقليدي تاعكم :p كيما البركوكس و الكسكسي ما نظنش كاين لهيه قادرمن بعد تسخفي عليهم و لوازم الحلويات و شوي حلويات و هدا كامل ديري في بالك الميزان تاع الطيارة و راكي عروسة لازم و خاصة راجلك ادا عندو صحابو ​

 

[روعة انثى]

صباح االنور و الخيرات ام الحلوين
الحمل راه مقلقك كبري خاطرك و ما تتقلقيش و تهلاي فالزين نتاعك مع ولادو :d
ام الحلوين انتي درتي عرس و دخلة فالبلاد انا لالا غير يخرجو الاوراق ندير عشا و نروح بعد العشا بيومين و لا ثلاثة ايام انا ما نروحش قاع لدارهم نعرضهم للعشا بصح ما نروحش عندهم بلاك اذا عرضوني نروح في نهاري و نجي بلا فراش ههههه في بالي ما نديرش كامل و ما نكسرش راسي
و كي نولي نجي معليش يفرشولي هوما نرقد على فراشهم خاطر نولي ضيفة مهما طولت
و كيما قلت من قبل الدار اللي ساكنين فيها دارهم هي دار راجلي و نخاف كون ندي فراش يقولك راهي عارفة دار راجلها و حابة تدي شومبرا و هي ما هيش هنا املا ما نقلقهم ما نضيق عليهم كيما نحب الوسع لروحي نحب لناس راجلي

 

[روعة انثى]

صح النويزات ندي 4 و لا 5 و لا ديت زوج sur ندي معايا 03 نجوم نديرهم على كتفي كي نجي نرقد باش يعرف بلي انا كابيتان هههه

 

[روعة انثى]

سميرة البركوكس صحا ندي شوية بصح الكسكس نورمالمو كاين تماك و لا راني غالطة
قوليلي سمورة انتي كي روحتي راجلك دار عرضات و طيبتي ؟ و كيفاش فوتيهم

 

[ام الحلوين]

و الله ضحكتيني يا الكابيتان
و كيما قالت سميرة ماتنسايش الماكلة لازم تدي معاك قاطو شباب باش يمدو لصحابو و الفريك (الحريرة) و التمر حاجة حلوة للشباب تاعك و زيت زيتون اذا تحبوها و الرشتة حنا في الشلف ماشفتش اليابسة ممكن تشريها فراش و تيسبسها كيما الطعام باش تقعدلك مدة طويلة و طوابع تاع القاطو و، هذا ماكان في راسي دروك ، اذا تفكرت حاجة نقولهالك و نتي تاني سقسينا و اذا كانت عندك اسئلة خصوصية ممكن تراسلي الاخوات على الخاص و يرجعولك انا منقدرش الان لان مشاركاتي قليلة .
و ربي يهنيك و يتمملك على خير .

 

[روعة انثى]

ام الحلوين راجلك يدير عرضات تماك ؟ حكيلي واش طيبتيلهم و شتا درتي ؟