بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[ام الحلوين]

سلام لبنات وين راكم و لا لولاد راهم غالبينكم
ام امين الحمد لله على سلامتك ان شاء الله ما تشوفي شر ، و واش راهم لولاد ؟
و الله البلاد راني بين و بين و زوجي مراهش مقتنع و خايفني نمرض .نزيد نخمم و نشوف .

 

[روعة انثى]

الحمدلله على سلامتك ام امين الله لا يوريلك شر سلامة راسك
الحمدلله لي وليتي للبيت البيت بلا بيك ولا مهجور
انا خفت عليك قلت كثرو عليك الاسئلة في مغترب تحت المهجر هجرتي المنتدى :d
ربي يحفظك و يعطيك الصحة على واش راكي تقدمي خدمات للمغتربين و غير مغتربين​

 

[fatouma2012]

سلام عليكم ، جهاااد ألف ألف مبروك والله غير فرحتلك كلي أختي ، هاكا مليح باه متكرهيش وحدك ربي يسهلك حملك نشالله بصح ستحفدي على روحك بزاف ، أنا تاني محسيت بوالو حتى الاشهر الاخيرة عادي ، خبرتي عائلتك ؟ sure أمك فرحتها لا توصف .......العقوبة الصونيا نشالله وكل وحدة متمنية

أم أمين الحمدلله على سلامتك

سلامي ليلجميع لي عودة حشية نشالله

 

[ام الحلوين]

لبنات فطومة راهي جاية عشية :p بصح واش نحطولها مع القهوة .؟

 

[lina-67]

ام امين الحمد لله على سلامتك
فطومة شكرا ليك اختي الله يسلمك والله امي فرحتها لا توصف سيغتو هذا الحفيد الاول ليها و عجوزتي مازال ماخبرتهاش

 

[ام الحلوين]

جهاد ربي يتمم حملك و نفرحو بيك ،واش راكي حابة و لا كارهة ؟؟؟؟؟
ايه و لازم تشربي فليك اسيد folic acid هذو فيتامينات تشربهم الحامل ،انا عطاهني الطبيب بصح مافيهش فيتامينات بزاف و انا شريت واحد مليح فيه بزاف فيتامينات و خاصة الحديد و الفيتامين D .

 

[lina-67]

فطومة وين راكي رانا نسناو
ام الحلوين جيبي القهوة و ارواحي ما تنسايش عيطي لبنات

 

[أم أمين23]

الله اخليكم يا البنات ويحفظكم واخليلكم احبابك الولاد الحمد الله تمرمدو يويمن حتى شيء يوالفو هههخخ
على سلامتكم كامل انا ما نهربش من حاجة درتها وراني قلت من الاول الي احب يصقصي يصقصي يا روعة وكي ما نحبش نرد نقول علاش نهرب ماتخافيش الا خبت راه النت والا المرض برك باش ما ننساش غدوة بالاك ما ندخلش راه تفضلي اليوم النت وما شحنتش حتان الخميس لخاطر غدوة فيشطا كل شيء قافل

 

[ام الحلوين]

جهاد زعما حنا رانا خفاف نقدرو نوجدولهم ام امين راهي ثقيلة نعذروها و حتى فطومة و سميرة غير مع بناتهم ما يقدروش يوجدو و رنيم عندها مدة مابانتش ، اليوم حنا نضيفوهم
تفضلو بسم الله

مرحبا بخياتي كاملين .

 

[SAMIRA25]

يعطيكم الصحة لبنات راكم جايبينها
هدا مسمن و هدا غرايف ربي يقوي الخير
ام امين الحمد لله على السلامة ما تشوفي شر ان شاء الله​

 

[fatouma2012]

أم الحلوين وجهاد سحيتو على البغرير والمسمن ماعندي ما نقول bniiiiiiiiiiiiiiiiiiiiiiiiiiiiin ، أنا بغرير حبست مانيش نديره مالي الراجل خرجت كرشه هههههه والمسمن منعرفش نديره يبانلي صعيب

غدوا فيشطا والواحد معنده عندمن يروح يجمع ويحكي شوية وزايد الحال برد

 

[ام الحلوين]

صباح الفل و الياسمين
فطومة بصحتك البغرير و المسمن
انا تعلمت المسمن قبل المغيز و لحد الان المسمن تاعي ماشاء الله كامل يعجبهم و خاصة ناس داري هما يديرو المدور و يجي يابس مع الطرف و انا ندير المربع ،و المغيز يا نديرها يابسة يا تتفتت في الطاجين .و دروك راني نوجدها في الليل و الصباح غير نطيبها تخرجلي مليحة .
و ادا تحبي جربيه ادا ماخرجلكش ديريه رفيس :p .
سلامي ليكم كامل .

 

[ام الحلوين]

رنيم اطلعي علاه راكي قاعدة تحت
ان شاء الله راكي بخير نتي و لولاد .

 

[SAMIRA25]

صباح النور عليكم
ام الحلوين واش هو المغيز واش لي مربع و لي مدور فهمينا بلاك حنا نسمسوهم اسماء اخرى و اعطينا الطريقة نجربو و جزاك الله خيرا

 

[SAMIRA25]

فطومة واش راه بنيتك كاش شغب و الا ما زال راها عاقلة
نسرين ما نعرف قداه بقالها و تروح ربي يسههللها امورها​

 

[ام الحلوين]

صباح النور عليكم
ام الحلوين واش هو المغيز واش لي مربع و لي مدور فهمينا بلاك حنا نسمسوهم اسماء اخرى و اعطينا الطريقة نجربو و جزاك الله خيرا

مرحبا سميرة ، قصدي المسمن المربع الشكل و ناس داري يخدموه مدور .هذي بايتة م كنت نسخن فيها .

و المغيز هي نفس الكسرة تاعكم لكن بدون خميرة و نكثرولها الزيت باش جي تتفتت و نشربوها مع القهوة .على ما اظن نتوما تسموها خبز الملة .و هذي هي .

 

[روعة انثى]

الله اخليكم يا البنات ويحفظكم واخليلكم احبابك الولاد الحمد الله تمرمدو يويمن حتى شيء يوالفو هههخخ
على سلامتكم كامل انا ما نهربش من حاجة درتها وراني قلت من الاول الي احب يصقصي يصقصي يا روعة وكي ما نحبش نرد نقول علاش نهرب ماتخافيش الا خبت راه النت والا المرض برك باش ما ننساش غدوة بالاك ما ندخلش راه تفضلي اليوم النت وما شحنتش حتان الخميس لخاطر غدوة فيشطا كل شيء قافل

وقيلا زعفتي انا قصرت معاك برك يا ام امين :$ ما قصدت والو على بالي انتي اقترحتي الموضوع و ما تهربيش و راكي جايبتها انتي و البنات فطومة و ام الحلوين و جهاد ربي يحفظهم و يخليهم بلا ما ننساو رنيم الغربة و سميرة ما جاتنيش باش نسقسي و انا مازال مانيش مغتربة و زيد البنات سقساو على كل الاسئلة اللي في بالي بلاك نسقسقسي رنيم الغربة خاطر هي في بلجيكا
المهم الموضوع شباب بزااااااف و ناجح و يفيد بزااااف ناس خاصة اللي رايحين للغربة منا و هاك تحياتي ليك و للبنات

 

[ام الحلوين]

روعة انثى مرحبا بيك حنونة
حتى دروك باش شفتك شلفية ان شاء الله راكي بخير نتي و العائلة .
وينتا ناوية تتغربي ان شاء الله .

 

[روعة انثى]

روعة انثى مرحبا بيك حنونة
حتى دروك باش شفتك شلفية ان شاء الله راكي بخير نتي و العائلة .
وينتا ناوية تتغربي ان شاء الله .

الله يسلمك اختي راني بخير الحمد و انتي كي راكي و العايلة نتاعك الصغيرة و الكبيرة هنا في الشلف ؟
انا تاني فرحت كي لقيتك شلفية و عجبتيني كي هدرتي على المغيز و المسمن
انا راني مخطوبة برك مازال ما عقدتش ان شاء الله نعقد في رمضان كي يجي هداك الشباب اللي قال عليا و بإذن الله راني رايحة للبلجيك خاطر ما حبش يرجع للبلاد قالي صايي ما نقدرش نعيش هنا و انا ما طبت ما انحرقت ماني عارفة والو عمري ما درت في بالي نروح للغربة .............. سقسيتيني زوج كلمات حكيتلك حياتي سمحيلي ويلا حبيتي تسقسي تفضلي راني معمرة نروح و نصلي و نولي نحكي معاك

 

[ام الحلوين]

روعة انثى معرفة خير ان شاء الله و الف مبروك و ربي يهنيك و عادي حتى انا مكانش في بالي نزوج بعيدة و الله غالب مكتوب المهم الصحة و الهنا و زاد دروك راهي وسائل الاتصال كاينة و اي وقت تحكي مع داركم .
ربي يكملك على خير اختي امالا عرسك بعد العيد ان شاء الله .؟