بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[ام الحلوين]

اهلا بيك ام الحلوين واش راكي انت مع الحمل
شكونها هادي ي قلبها معمر وخليها على روحها تفرغو ياك الكتيبة بلا حبر هنا ههه يعني ما راحش يفض القلم ولا الكرتوش

ربي يخليك ام امين و الله نقول الحمد لله دروك راني خفيفة البارح رحت عند صحبتي نخلعت فيا قاتلي كرشك ماشي كامل باينة هههههه و نزيدك نقصت 3 كغ :d راني عاجبة روحي ههههه
و ماكان والو غير انا كي دخلت نثرثر قلت سير لبنات دروك يقولو ام الحلوين راه قلبها معمر و جات تفرغو ههههههه .

 

[ام الحلوين]

فطومة يسقسي عليك الخير حنونة
ان شاء الله راكي بخير نتي و سارة و رجعتي لدارك و لا مازلتي تحوسي .؟

 

[مريومةمم]

سلالالالالام يالحبااااااب هادي غيبة
وش راكم كااامل؟
كاش جديد؟

 

[lina-67]

صباح الخير عليكم لبنات ان شاء الله راكم بخير و عافية

 

[ام الحلوين]

صباح الخير بنات ان شاء الله تكونو بخير
جهاد صباح الورد حنونة واش راكي نتي و البيبي .

 

[lina-67]

الحمد لله حنونة و انت واش راكي مع اسراء و اسحاق واش درتي للفطور:s

 

[أم أمين23]

صباحك فل وورد وياسمين يا مراحب بناس اوروبا ديما احنا مبكرين واش احوالكم راني غايبة عليكم شوي هاد الايام داتني المواضيع النقاشية وخفت دخلتي للحوارات الدافئة تاعنا
ان شاء الله راكم كامل بخير

 

[ام الحلوين]

جهاد الفطور عندي الحريرة و الحلو تاع البارح نزيد غير حاجة ماعرفتش واش هي هههه
صباح الفل ام امين واش راه معاد و امين ان شاء الله بخير .
فطومة واش حوالك حنونة و كيفها سارة .
عائشة صباح الخير و الربح .

 

[أم أمين23]

واش من حلو هاد الي درتيه؟؟
والله الحمد الله لاباس راهم في الحضانة
فطوم واش بيك اطلي من لتحت برك وليتي عضوة غير نشطة واش بيك يا مخلوقة شاركينا شوي
وعائشة حسان زادة تفضلي ما تحشميش شاركي تقراي برك من دون كلام

 

[ام الحلوين]

ام امين راني على طاجين الحلو

 

[أم أمين23]

اها اوك بالصحة عليكم انا ما نخبوش صراحة لا انا ولا المخلوق

 

[رنيم الغربه]

سلام على احلى لمه كيفاش راكم اسمحولي مارانيش ندخل كنت مريضه البارح حتى رحت للطبيب
ان شاء الله ما يزيدوش ينحونا اللمة دوك نبعتلكم السكايب اوكي ادا راحت ندخلو نحكوا شويه حكمتني القنطه بلا بيكم خهههههه

 

[SAMIRA25]

مساء النور عليكم لبنات واش احوالكم
ام الحلوين بصحتك الحريرة و الحلو فكرتيني فيه انا نديرو غير في رمضان:p

 

[ام الحلوين]

يسلمك سميرة واش راكي نتي و لولاد و بنتك بدات تمشي ولا مزال ؟

 

[أم أمين23]

رنيم خير حبوبة غير الخير راني نستنا الصباح رانا درنا قصرة انا وام الحلوين وجهاد وسميرة جات روطار ما لحقتش هههه

 

[أم أمين23]

ام ندى وينها مغيبة يلا ادخلي ما تقوليش برك هربتي هههه جوجو كيف كيف ام عبد الهادي زادة

 

[SAMIRA25]

ام الحلوين يسال عليك الخير اختي رانا الحمد لله
غير شوي مع السخانة ربي​

 

[joumane]

صباح الانوار عليكم البنات والله توحشتكم كل وحده باسمها
نبدا بالمريضه رنيم على سلامتك حببتي طهور ان شاء الله وهدا باللك البرد اللي كنتي تشكي منو الايام لي فاتو قريبيتي واقيلا
والحوامل كيراكم ام امين وام الحلوين وجهادو ربي يتتملكم ويسلكم على خير
روعه وين راكي وفطومه بصحتك التحويسه وحطيلنا شوي صور اذا حبيتي طبعا
سميره رانا رايحه نقرجع في تحت المجهر وربي يعينكم حببتي على السخانه

 

[lina-67]

سميرة بعثيلنا شوية سخانة راه قاتلنا البرد و الشتاء:d

 

[fatouma2012]

صباح لخير البنات هادي بعض صور العطلة تع سمانة لي فاتت ، هادة البيت لي كريناه جاي ف منطقة حدودية بين ألمانيا وسويسرا ، بلاصة تهبل ، الريف كرينا الطابق 1 عند البالكون

وهادي سرسورة هبلوها العواد هههه

هنا راها تفوت فالبارمي hhhhhhhhh

وهادا الطبق المعروفة بيه المنطقة حوت بلوز بنيين بزاف ، قالونا عليه ورحنا كليناه على 12 تع ليل ، مفجوعين وسارة جابولها كسرa تاعهم بزيت زيتون ودارت حالة كي جينا مشورين جاو قعدو يلمو فالفتات تع الخبز من تحت الطابلة ، تحسب الحمام كان ياكل ههههه
منبعد نزيدكم صور راهم فالبورتابل تع راجلي