بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[مريومةمم]

صباح الخير ياوجووووووه الخير
جمان روعة ام الحلوين ام امين سميرة رنيم فطوم وكل الحاضرين والغيبات
و ش اخباركم؟
كاين متطفل هنا سي مجيد الله عيب عليه يقرا وش نكتبو..
المهم ش جديدكم؟
وش درتو غداكم انا درت ملوخية راكم معروضين عندي في قالمة.............
شكون مايعرفهاش؟

 

[joumane]

صباح الانوار اختي مريومه انا اليوم درت صلاطه اوردافر تشبه لتاع الرواسا

 

[مريومةمم]

صباح الانوار اختي مريومه انا اليوم درت صلاطه اوردافر تشبه لتاع الرواسا

هيا اخت جمان قوليلي كيفاش تندار هاد السلاطة باه نجربها...............

 

[lina-67]

انا درت الروز مع السومون
مريومة مانعرفش الملوخية جامي شفتها بصحتك
جمانة وريلنا لاصالاد تاع الرواسا

 

[رنيم الغربه]

صباح الخير عليكم حبيباتي كيفاش راكم توحشتكم بزااااااااف و الله وليت نحس روحي كااااااارهه كي ما نهدرش معاكم
كنت نقررا في اللي فاتني و نضضضضضضحك عجبني الميسيو هداك كي قال الروعه لالاااا ما راكيش وحدك راني معاك ههههههههههههههههههههههههههه
روعه حبيبتي انا بعيده واحد ساعه و لا 2 على لياج و الجو راهوو الله لا يوريك الشتااااا و البرد قتلنا و الله و انتوما صافا

 

[رنيم الغربه]

ام ندى مشكووووووووره ان شاء الله نجربهم و نحط التطبيق

 

[رنيم الغربه]

انا طيبت واحد الوصفه لقيتها في المنتدى ديال البطاطا و الكوغجات محشيين و من فوق بيشاميل في الفور

 

[رنيم الغربه]

ام ندى اليوم راكي ضيفة لازم نقعدوك في الصالون و في البلاد يقولو الضيف 3 ايام و هنا في الغربة غير يوم بسكو يقولو ليزيمقري مشحاحين ههههههههه ، و من غدوة ان شاء الله تولي معانا في الحصيرة و الهيدورة هههههههه.
رنيم خلي ختك ان ندى تقعد حداك في الهيدورة .

ههههههههههه ماكان حتى مشكل نحطها في عينيا ما تخمييييش :d

 

[روعة انثى]

صباح الخير ياوجووووووه الخير
جمان روعة ام الحلوين ام امين سميرة رنيم فطوم وكل الحاضرين والغيبات
و ش اخباركم؟
كاين متطفل هنا سي مجيد الله عيب عليه يقرا وش نكتبو..
المهم ش جديدكم؟
وش درتو غداكم انا درت ملوخية راكم معروضين عندي في قالمة.............
شكون مايعرفهاش؟

صباح النور حنونة انا ما نعرفش الملوخية نسمع بيها برك

 

[روعة انثى]

لبنات الكل توحشتكم مانيش ندخل بزاف الله غالب راني مشغولة
رنيم حنونة احنا تاني نتوحشوك كيما تهدريش معانا
بصحتك البلا تاع الفور ديرلنا الرابط من فضلك و اذا بغيتي الصورة
لبنات عجبتوني راكم دايرين حالة طواريء على البرازيت هههههههه

 

[أم ندى]

ومرحبا بيك اختي ام ندى الباستا هايل مي المحاجب روعه راني رايحه نشوف طريقتهم

بيك مرحبا جومانا ربي يخليك ختي لعزيزة



تعيشي من ذوقك حنونة

 

[ام الحلوين]

سلام بنات رحت جبت وليدي و جيت راني نطيبلو في البيض راه يتوحم مسكين ههههههههه
مريومة انا تتلفلي بين الملوخية و البامية و نورمالمون الملوخية لي تجي بودرة و لا العكس .
روعة واش راهي شلف ؟
سلامي لكــــــــــــــــــن .

 

[أم ندى]

صباح الخير ياوجووووووه الخير
جمان روعة ام الحلوين ام امين سميرة رنيم فطوم وكل الحاضرين والغيبات
و ش اخباركم؟
كاين متطفل هنا سي مجيد الله عيب عليه يقرا وش نكتبو..
المهم ش جديدكم؟
وش درتو غداكم انا درت ملوخية راكم معروضين عندي في قالمة.............
شكون مايعرفهاش؟

صباح النور مريومة

غدايا كان حوت ومطلوع وسلاطة











بالصحة عليكم

 

[رنيم الغربه]

بصحتكم ام ندى

 

[رنيم الغربه]

http://4algeria.com/forum/threads/372341/

روعه هدا هو الرابط

 

[أم ندى]

سلام بنات رحت جبت وليدي و جيت راني نطيبلو في البيض راه يتوحم مسكين ههههههههه
مريومة انا تتلفلي بين الملوخية و البامية و نورمالمون الملوخية لي تجي بودرة و لا العكس .
روعة واش راهي شلف ؟
سلامي لكــــــــــــــــــن .

وعليكم السلام ورحمة الله

ختي ام الحلوين ربي يحفظ وليدك وبالصحة ولهنا عليه البيض

الملوخية هي تجي كي الحنة لونها اخضر كليتها شحال من مرة عند خالتي في عنابة بنينة فور

 

[أم ندى]

بصحتكم ام ندى

الله يسلمك حنونة

 

[ام الحلوين]

ام ندى فطورك راه يشهي بصحتك حنونة
رنيم حبيت نعاندك بصح ماعنديش الكفتة اذا عندك بالزيادة سلفيلي شوية و كي يجيبلي مول الدار نرجعلك .
ام امين مبانتش اليوم .

 

[روعة انثى]

سلام بنات رحت جبت وليدي و جيت راني نطيبلو في البيض راه يتوحم مسكين ههههههههه
مريومة انا تتلفلي بين الملوخية و البامية و نورمالمون الملوخية لي تجي بودرة و لا العكس .
روعة واش راهي شلف ؟
سلامي لكــــــــــــــــــن .

الله يسلمك يا لعميرة
الحمدلله الشلف راهي مليحة و الجو ماشاء الله راه ربيع دافيء و المطر حبست مي فالليل مازال البرد
انا ما نعرف لا الملوخية لا البامية ههههه

 

[أم ندى]

الله يسلمك ام الحلوين تعيشي حنونة