بيت المغتربين

الحالة
مغلق ولا يسمح بالمزيد من الردود.
السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح
images

 
إضغط للتوسيع...
قال أم ندى:
بك مرحبا اختي روعه انثى اسم على مسمى (عيني دارو هههههههه ما عرفتش روحي بلي انا روعة ) فما اروع ترحيبك وحظورك


ربي يكبر قعدتنا على طاعتو يا رب
امين يا رب ربي يعيشك


تعيشي ربي يخليك
يرحم والديك يا خيتي


يا رب ويهنيك نتي ثاني ويخليك لمُحبيك
امين يارب قتلتيني بالقدر ذوبتيني ما قدرتش حتى نجاوبك
إضغط للتوسيع...
ماشاء الله.... الله الله يا خيتي شحال تعرفي تهدري انتي باينة عليك من هادوك السطايفيات الحلوات اللي يعرفو يهدرو و تاني عندكم لهجة نتاعكم شابة بزااااف
 
آخر تعديل:
قال رنيم الغربه:

اممم بصحتكم انا راني نعساااااااااااااااانه و عيانه ماشي قادره ندير والو و زادلنا البرد و الله كرهتوا و انا في البرد نتكسر نحوس غير وين ندخل ههههههه راجلي كي يشوفني ندور يقولي ارواحي يا القطه ادخلي هنا هههههههه
إضغط للتوسيع...
رنيم ضحكتيني تاع الصح و غضتيني كي هدرتي على البرد بلاكي على روحك حنونة
كيفاش راه داير الجو عندكم ؟ انتي قريبة و لا بعيدة على لياج ؟ الجو كيف كيف ؟
 
قال رنيم الغربه:
ممكن تعطيني الرابط نشوفها اختيتي:love01::love01::love01:
إضغط للتوسيع...
قتلتيني بالضحك هههههههههههه الرابط نظن راه فالصفحة 23 تاع تحت المجهر خاطر مشي رابط وصفة برك
 
مجيد.، تم حظره "حظر دائم". السبب: مخالفة القوانين
هههههههههههههههه
صباح الخير عليكم
علابالي راكم فالليل مي حنا راهو عندنا الصبح
راني في اليابن انا ضركا
توحشت لبلاد
 
مجيد.، تم حظره "حظر دائم". السبب: مخالفة القوانين
قال روعة انثى:
تصبحو بخير لبنات راني ندور وحدي
ليلة سعيدة حبوبات
إضغط للتوسيع...
لا ماراكيش وحدك
راني معاك
مجيد من اليابانو
ممكن تحكيلي عالبلاد كي راهي دايرة ؟
 
قال روعة انثى:
ماشاء الله.... الله الله يا خيتي شحال تعرفي تهدري انتي باينة عليك من هادوك السطايفيات الحلوات اللي يعرفو يهدرو و تاني عندكم لهجة نتاعكم شابة بزااااف
إضغط للتوسيع...

تعيشي حنونة هذا قليل مما عندكم حبيبتي

تعيشي ظرك نتي الي شمتيني شفتي كيفاش راكي متواضعة

لحلاوة منكم وفيكم
 
صباح الخير عليكم لبنات
دخلت لقيت الرجال في الدار وين راكي سميرة المشرفة خرجيه دوك تنوض ام الحلوين يديرو لاباقار هههه :mad: ديجا راهي حاوزاتو من الدار لخرى :d
 
صباح الخير يا وجوه الخير
ان شاء الله راكم بخير
جهاد و الله راني نضحك واش راكي حنونة
انا جيت نطل عليكم و نروح ندير الكراطي مع الماعن تاع البارح مازالو في الكوزينة و درت الحوايج في المشينة تقولي راني نغسل للعسكر هههههه من البارح و انا نغسل .
 
ربي يعاونك ام الحلوين الحريرة تاع البارح خرجت بنينة سيرتو هاديك الخلطة السحرية اللي مع التالي تهبل حتى راجلي و عجباتو قالي الحريرة تاع اليوم شابة:$ يعطيك الصحة حنونة
 
جهاد ربي يخليك و بصحتك حبيبتي الحريرة
جمان اقراي و رواحي
انا نظفت الكونجيلاتور في 30 د ذوبت الثلج و نقيتو هههههه موالفة نخليه من الليل حتى الصباح و الثلج مايذوبش .
دروك نكمل تخمال الدار و نجي .
 
يا لبنات شكون هاد البرازيت لي دخل في وسطنا ويقول اصلو يتكلم اوروبو و20 سنه في الغربه وجامي توحش البلاد
نقولك يا اخي انتا ماك جزائري متعرف البلاد معندك الروح الوطنيه لي تخليك تتوحش بلادك والا تحس بيها ومن فضلك دار هادي عندها باب وبركانا من تطفلك على نساء بلادك ولو كان كانت فيك ريحة رجال البلاد راو داك النيف على بنات بلادك ومتدخلش هكا في وسطهم يا محترم
 
ام الحلوين ربي يعاونك حببتي مع الميناج
وجهاد بصحتك الحريره وانا تاني قتلني البرد مع الامطار والله تقولها شتا
سميره صور رائعه وراني جايتك تحت المجهر
ورنيم وروعه وام امين وفطومه ان شاء الله تكونو لاباس ومرحبا بيك اختي ام ندى الباستا هايل مي المحاجب روعه راني رايحه نشوف طريقتهم
 
قال أم أمين23:
سلام يالبنات واحدة واحدة وما تنساوش الخمارات راه عندنا ضيف
مريومة الغربة مليحة في حاجات وماشي مليحة في حوايج بو الي جا وجربها راه يلقى صعوبة في الرجعة للبلاد خاصة من ناحية النضام والتعامل في المؤسسات الحكومية من الطبا للبلدية لاي مكان الناس كامل كيف كيف لا معريفة ولا بيسطو ولا فرق بين مسؤول والا مواطن عادي كل واحد يستنى دالتو وزيد من ناحية النضافة والمناظر المليجة والامان
في حين البلاد للاسف كل شيء فيها ولى يخوف وكل شيء بالمعريفة وطبعا المشكل منا للحاكمين هوما يعملو في العوج واحنا انطبقو فيه ربي يصلح الامور برك
ام الحولين الولاد الحمد الله راهم بخير وانا كيف كيف واحدة واحدة ومي تعبت مسنيا برك الولادة تعبتني بزاف هاد الكرش
إضغط للتوسيع...
شكرا حبيبتي حبيت نعرف برك
الله يقدرك على الكرش وربي يسهلك
وش عاملة؟
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top