الحياة الزوجية لوين وصلت

[serinee]

السلام عليكم احبابنا الكرام
نتمنى تكون بخير و بصحة ادامها الله عليكم
ايا اليوم جيت نحكي على حاجة :up: سمعت حيثيات القصة كي كنت راجعة للدار بعد عناءء طويل من العمل
المهم ندخلو للموضوع رنيت وليت صامطة :$ ايا كنت جالسة في الحافلة و نسمع في واحد يحكي بصوت عالي فالتيليفون الكلام لي كان يحكيه تسمعو بصيف عليك مع انو بالقبائلية
المهم كان يتناقش مع زوجتو باين بلي كانت غضبانة و راحت لدار باباها و شرطتلو دارها واحدها المهم الانسان يبان عاقل و متفهم تقبل الموضوع و قاللها اي نكريك معليش
خلاص المكالمة اتصل بيه صديقو و حكالو كلشي قالو خلاص نخرج و نكريلها و هي شرطتلي درانا لي هوما باباه و يماه لالا
مي يماها و باباها يجو معاها و يزوروها مقتاش حبو ايا هو قالو انا قلتها لالا منصحق حتى واحد ني باباك ني يماك ني خوك ني اختك و خلاصت المكالمة
سؤالي المطروح لوين راهي واصلة الحياة الزوجية وعلاش هدوما الاسرار يتحكاو هكا
وعلاش المرا كي شرطت الدار وحدها ديرلها دارها وحدها تم تم مكانش نقاش او مفاهمة
وعلاش اهلها يجو ليها و اهلو لالا وعلاش هو جا بدون اهل
فعلا انا بنت و حشمت من تصرفات هدوما و مانيش نقول الفتاة مش مليحة مي هو يسمح و هي تسمح و تكمل الحياة
يروحو يكرو معليش باش يرتاح بالهم مي برضا والديه ووالديها
ولا واش قلتو
​

 

[بنت الـ25]

الحياة الزوجية تنهار نهار يولي مسكن الزوجية مسكن زجاجي الناس كامل عمبالهم وش يصرا داخلو
تولي الاسرار مبزعة متبقاش خصوصية وبالتالي متبقاش حياة زوجية
وشوشو دارت موضوع حصري من قبل في هذا الصدد

ظاهرَةُ افشاء الأسرار الزّوجية إلى أين ! (حصري للـمة) ‏

انتي يا اختي ما شفتي والو
الكوارث لي راني نشوف فيهم انا كل يوم تدهشي
تقدري تيماجيني معايا؟
هادي وحدة تزوجت كي راحت فواياج ماتت يماها
ايا يا سيدي خلاوها حتى رجعت وقالولها ... المخلوقة راحت لدارهم
موراها بـ 22 يوم (ركزيلي على 22 يوم) راجلها قاللها نديك لداركم تشوفي خاوتك
ملي داها ما جاش ليها عيات تتصل بيه والو ما يريبونديش
اتصلت باهلو ما عطاوهاش الرسمي مقدرتش تروح ليه
المهم بعد مدة جاها تبليغ بلي زوجها رافع عليها دعوى طلاق
والسبب: ما قاتلوش من قبل بلي خوها دخل حبس
وبشع بيها الدنيا كامل ما لقات باش تقابل
حللي وفسري؟
كي ولات الحياة الزوجية لعبة وتريب لأسباب تافهة قولي على الدنيا السلام
أو بالأحرى من الأول الأساس مكانش donc علاواش تتبنى
وتبقى مليون علامة استفهام دور في راسي؟؟؟
​

 

[ماكانش]

أهلا بيك سيرين
يعطيك الصحة على الموضوع الباهي
انا مع فكرة لمرا تشرط دارها وحدها
علاه عليها تتزوج ومو تضال واقفة عند راسها وماهيش حرة
تتزوج تعيش هيا وراجلها وفقط
وضد لمرا ألي تقلو ايه نسكن مع داركم ثم كي تجيب طفل ولا تربي لgرون تقلو اكريلي ومانقبلش وو
المفاهمة مليحة من اللول
​

 

[عفاف الجزائرية]

يا اختي انا الحق الحق نحير
درك كاين اسباب وكاين خطوات وين المراة تشرط دارها
الحمد لله جينا في دار عايلة وكبرنا مع العايلة وتفرقت درك العايلة وبقى غير الكلام المليح والحاير
درك المراة تشرط دارها اذا كانت ماش متفاهمة مع بيت الزوج يعني على قد ما تسمح من حقها وعلى قد ما تفوت كل مرة يخرجو بفيستا جديدة هنا نوافقها انها تشرط دارها وتتحرر باسكو تزوجت باه تتهنى ماش باه تشيب راسها وتدخل في زوبعة مشاكل
وتاني ضد المراة اللي يكونو بيت شيخها عاقلين ولاباس عليهم وخرفان كيما نقولو وهي تنوض تنط وتقلو داري وحدي ولازم نتحرر ونعيش وووو
يا اختي ماعليه غير عايشيهم عام تعلمي عليهم هزي طبعهم عاداتهم خلي ميمتو تفرح بعروسة وليدها تدور قدامها ويجوها الناس وتقلهم هاذي مرت ولدي
ومباعد اذا حبيتي تستقلي يكونو اموان شبعو منك شوي وتدخللهم في عقلهم انك يلزم تديري دارك وحدك
اما اللي تقلو ما نقبلش والديك هنا كارثة والكرثةماش في المراة الكارثة في الراجل اللي يوافقلها
كون قاللها مادام ما قبلتيش والديا ابقاي عند والديك
غدوا ماش برضايتها هي يدخل للجنة برضاية والديه
رجع الواحد يخاف يتزوج ويخاف يهدر ويخاف يدير كل شي
تالمون كثرت المشاكل وكثرو الطلاقات
ربي يجب الخير برك ويتسرنا ببرنوس الستر
صحيتي اختي لعزيزة
​

 

[hala.21]

لاحولة ولاقوة الا بالله العلي العظيم ....
الا اين بهذه العقلية تاع افشاء الاسرار الزوجية الا متى ...؟؟اما بالنسبة الى المشاكل بعد الزواج راجع الى عدم تفاهم قبل الزواج
وكيما قال الاخ وعلاه متتفهمش معاه قبل الزواج ...في لول تلهط تتزوج برك ومن بعد تظهرها الدار وكريان وتمرمد في ولادها مساكن ...اما بالنسبة الى والدين راجل راجعا الى شخصية تاع راجلها مدام وصلت تشرط والديه هذي عيـــــــــــــــــب عيب بزااااف
وان شاء الله برك ربي يكون الخير ويستر كل زوجين ...
وتقبلي مروري حنونــــــــــــــتي ...ومشاركتي المتواضعة

 

[EL General]

لازم لواحد يفهم روحو من لول يا خاوتي
المفاهمة تكون من لول باش مايتضررش حتى واححد
​

 

[مايا الجزائرية]

سلام اختي رانا لاباس الحمد لله السوال علي؟؟
والله الحياة فسدت لحب زوجية ولا صداقة ولا اي شيء فسد كلش
ما راهاش كيما زمان
المهم هادي هيا
شكرا على الموضع الشباب

 

[FATIMA 19]

نظن المراة تسكن في دارها وحدها يكون احسن
هكذا ماتجيش المشاكل
علابالك العروس تقول عجوزي طايرة هاهي واش دارت ودارت وتشكي لراجلها
وام الراجل ثاني .......................
لتفادي المشاكل كل واحد يسكن وحدو ويكون عزاز على بعضاهم​

 

[SETIF étudiant]

الدار حرمة واسرار وأمانة
قال رسول الله صلى الله عليه وسلم إن من أشر الناس عند الله منزلة يوم القيامة الرجل يفضي إلى امرأته وتفضي إليه ثم ينشر سرها
و بطبيعة الحال الرجل تاني ما يحبش على زوجتو تفشي سرو سورتو اسرار الفراش وما ننساوش بلي المرأة بطبيعتها ثرثارة بافارد وتفكير تاعها محدود تطيش برك هههههههه
اخر ما يموت فى المراة لسانها وفى الرجل قلبه :regards01:مي نت ثاني لازم تكون مالان خيرها بين كتم الاسرار ولا تتزوج عليها جرب طريقة ناجحة ومضومة وادعيلنا معاك برك هههههههههههه

إذا المرؤ ضاق صدره عن سر نفسه * * * فصدر الذي يستودع السر أضيق
والا فشاو اسرار الزوج و الزوجة وفضحو حوالتيهم اوم يكثرو عليهم المتفرجين وكاينين ولاد الحرام لي يزيدو في التالي هههه بانتلهم ديسير ويفهموها عوج والا كبرت اك ما تقدرش مباعدا تحتويها وهدرة الناس راح تلحق حتى للطلاق وخراب البيوت
خطرة مريت على واحد دار فيها عياط ونديب صوتهم لاحق لاخر الشارع قلتلهم لالا اخرجو للشارع خير و عيطو هههههههههههههههههههه

تسكن مع زوجها واهل زوجها خير من السكن في الشارع يباتو يدورو ههههههههه وخير ما تعيش حياتها في دار ومشاكل باباها

ومن حقها تطالب تقول داري وحدي مي على الاول افضل خير ما تولي مباعدا في مشاكل .... التفاهم اساس الزواج والصريح مستريح و سورتو الا كانو ذكور بزاف عند اهل الزواج لقول النبي صلى الله عليه وسلم الحمو الموت
واكبر مشكل هي بين الحماة والكنة القط والفار هههههههههههههههههههههههههههههههههههههههه
كاين مثل يقول الكنة ما تحبش حماتها ولو كانت ملايكة هابطة من السماء ومثل اخر يقووووووووووووووووول
حلفت العروسة ما تحب الحماة حتان يشيب الغراب
الزوجة تبغي تملك الرجل وتاخذو ويكون ليها ومن جيهة الام تاني ما تستحملش تشوف ابنها يميل لزوجتو بعد ما قضات عمرها بكل معاه تجي هي في يومين تروضو فتقع الكوارث لكن هنا تبان شخصية الزوج الحكيم اللي يقدر يصلح الاحوال بينها وبين أهلو
وربي يكون في عون الزوج برك هههههههههههههههههه

 

[فتاة حساسة]

الحياة الزوجية تنهار نهار يولي مسكن الزوجية مسكن زجاجي الناس كامل عمبالهم وش يصرا داخلو
تولي الاسرار مبزعة متبقاش خصوصية وبالتالي متبقاش حياة زوجية
وشوشو دارت موضوع حصري من قبل في هذا الصدد

ظاهرَةُ افشاء الأسرار الزّوجية إلى أين ! (حصري للـمة) ‏

انتي يا اختي ما شفتي والو
الكوارث لي راني نشوف فيهم انا كل يوم تدهشي
تقدري تيماجيني معايا؟
هادي وحدة تزوجت كي راحت فواياج ماتت يماها
ايا يا سيدي خلاوها حتى رجعت وقالولها ... المخلوقة راحت لدارهم
موراها بـ 22 يوم (ركزيلي على 22 يوم) راجلها قاللها نديك لداركم تشوفي خاوتك
ملي داها ما جاش ليها عيات تتصل بيه والو ما يريبونديش
اتصلت باهلو ما عطاوهاش الرسمي مقدرتش تروح ليه
المهم بعد مدة جاها تبليغ بلي زوجها رافع عليها دعوى طلاق
والسبب: ما قاتلوش من قبل بلي خوها دخل حبس
وبشع بيها الدنيا كامل ما لقات باش تقابل
حللي وفسري؟
كي ولات الحياة الزوجية لعبة وتريب لأسباب تافهة قولي على الدنيا السلام
أو بالأحرى من الأول الأساس مكانش donc علاواش تتبنى
وتبقى مليون علامة استفهام دور في راسي؟؟؟
​

يا محايني هاااااااااااااااااااااااااااااااااا مسكيناااااااااا الطفلة ...


ربي يجيب الخير...

انا كيما قريناها في التربية الاسلامية..

الزواج راهو ميثاق غليظ ماش لعبة ..من جا يطلق ..كيما هادي اللي حكات عليها مينو سبة تافه خلاص


بصح او كاين ربي


والنبي عله الصلاة والسلام قال ..ابغض الحلال عند الله هو الطلاق ...مهما يصرا واش يصرا ..لازم يتفاهمو ...

الزواج ماش لعبة

ربي يصلح الاحوال ويرزقنا اولاد الحلال ..تقبلي مروري ​

 

[serinee]

الحياة الزوجية تنهار نهار يولي مسكن الزوجية مسكن زجاجي الناس كامل عمبالهم وش يصرا داخلو
تولي الاسرار مبزعة متبقاش خصوصية وبالتالي متبقاش حياة زوجية
وشوشو دارت موضوع حصري من قبل في هذا الصدد

ظاهرَةُ افشاء الأسرار الزّوجية إلى أين ! (حصري للـمة) ‏

انتي يا اختي ما شفتي والو
الكوارث لي راني نشوف فيهم انا كل يوم تدهشي
تقدري تيماجيني معايا؟
هادي وحدة تزوجت كي راحت فواياج ماتت يماها
ايا يا سيدي خلاوها حتى رجعت وقالولها ... المخلوقة راحت لدارهم
موراها بـ 22 يوم (ركزيلي على 22 يوم) راجلها قاللها نديك لداركم تشوفي خاوتك
ملي داها ما جاش ليها عيات تتصل بيه والو ما يريبونديش
اتصلت باهلو ما عطاوهاش الرسمي مقدرتش تروح ليه
المهم بعد مدة جاها تبليغ بلي زوجها رافع عليها دعوى طلاق
والسبب: ما قاتلوش من قبل بلي خوها دخل حبس
وبشع بيها الدنيا كامل ما لقات باش تقابل
حللي وفسري؟
كي ولات الحياة الزوجية لعبة وتريب لأسباب تافهة قولي على الدنيا السلام
أو بالأحرى من الأول الأساس مكانش donc علاواش تتبنى
وتبقى مليون علامة استفهام دور في راسي؟؟؟
​

يعطيك الصحة على الكلام الجميل صح دركا على حساب واش رانا نشوفو ولات بيوت الزوجية كلها زجاجية تتكسر تم تم
يا للهو داها لدرهم 22 يوم و ما رجعش ليها و ممبعد يبعتلها الطلاق بسبب انو خوها دخل للحبس ياك انت ديت المراة و صبتها طفلة مليحة واش دخلك فخوها حسبي الله و نعم الوكيل
اسعدني كلامك و مرورك

 

[serinee]

أهلا بيك سيرين
يعطيك الصحة على الموضوع الباهي
انا مع فكرة لمرا تشرط دارها وحدها
علاه عليها تتزوج ومو تضال واقفة عند راسها وماهيش حرة
تتزوج تعيش هيا وراجلها وفقط
وضد لمرا ألي تقلو ايه نسكن مع داركم ثم كي تجيب طفل ولا تربي لgرون تقلو اكريلي ومانقبلش وو
المفاهمة مليحة من اللول
​

و بيك 100 اهلا ديما منور موضوعي بتعليقاتك لي خارجة من القلب
مش عيب البنت تشرط دراها من الاول هكدا الاثنين يصيبو رحتهم مام اولادهم
مي جيك عادي تقولو انا ندي اهلي مي انت منسحكش اهلك
معليش ارحلو مي ادو رضا والديكم و رضا ربي عليكم
هههههههههه هايلة تاع هدي تربي القرون دركا القرون يتربى من الاول و كي تجيب طفل يزيد يكبر
كلش يتم بالمفاهمة
منور دائما يا مشرفنا

 

[serinee]

يا اختي انا الحق الحق نحير
درك كاين اسباب وكاين خطوات وين المراة تشرط دارها
الحمد لله جينا في دار عايلة وكبرنا مع العايلة وتفرقت درك العايلة وبقى غير الكلام المليح والحاير
درك المراة تشرط دارها اذا كانت ماش متفاهمة مع بيت الزوج يعني على قد ما تسمح من حقها وعلى قد ما تفوت كل مرة يخرجو بفيستا جديدة هنا نوافقها انها تشرط دارها وتتحرر باسكو تزوجت باه تتهنى ماش باه تشيب راسها وتدخل في زوبعة مشاكل
وتاني ضد المراة اللي يكونو بيت شيخها عاقلين ولاباس عليهم وخرفان كيما نقولو وهي تنوض تنط وتقلو داري وحدي ولازم نتحرر ونعيش وووو
يا اختي ماعليه غير عايشيهم عام تعلمي عليهم هزي طبعهم عاداتهم خلي ميمتو تفرح بعروسة وليدها تدور قدامها ويجوها الناس وتقلهم هاذي مرت ولدي
ومباعد اذا حبيتي تستقلي يكونو اموان شبعو منك شوي وتدخللهم في عقلهم انك يلزم تديري دارك وحدك
اما اللي تقلو ما نقبلش والديك هنا كارثة والكرثةماش في المراة الكارثة في الراجل اللي يوافقلها
كون قاللها مادام ما قبلتيش والديا ابقاي عند والديك
غدوا ماش برضايتها هي يدخل للجنة برضاية والديه
رجع الواحد يخاف يتزوج ويخاف يهدر ويخاف يدير كل شي
تالمون كثرت المشاكل وكثرو الطلاقات
ربي يجب الخير برك ويتسرنا ببرنوس الستر
صحيتي اختي لعزيزة
​

اهلا بيك يا المنورة صح الحق الحق و الحق يقال و لو كان مرا دركا ادا كنت هدي المرا عايشة في الميزيرية من حقها تطلب دارها وحدها و ادا كانت مهنية مع ناس دارها القرار يولي ليها
مي باش تقول منحتاجش اهلك هدا كلام عيب و انا لي ميقدرش اهلي منحتجوش
اي صح دركا ولينا نخافو كلششي ربي يسترنا ان شاء الله

 

[serinee]

لاحولة ولاقوة الا بالله العلي العظيم ....
الا اين بهذه العقلية تاع افشاء الاسرار الزوجية الا متى ...؟؟اما بالنسبة الى المشاكل بعد الزواج راجع الى عدم تفاهم قبل الزواج
وكيما قال الاخ وعلاه متتفهمش معاه قبل الزواج ...في لول تلهط تتزوج برك ومن بعد تظهرها الدار وكريان وتمرمد في ولادها مساكن ...اما بالنسبة الى والدين راجل راجعا الى شخصية تاع راجلها مدام وصلت تشرط والديه هذي عيـــــــــــــــــب عيب بزااااف
وان شاء الله برك ربي يكون الخير ويستر كل زوجين ...
وتقبلي مروري حنونــــــــــــــتي ...ومشاركتي المتواضعة

اسعدتني جدا مشاركتك عزيزتي
كيما يقولو يسلم تمك قلتي ووفيتي
ربي يسترنا و يسترهم

 

[serinee]

لازم لواحد يفهم روحو من لول يا خاوتي
المفاهمة تكون من لول باش مايتضررش حتى واححد
​

اهلا بك اخي الكريم
صح المفاهمة هي اساس كلشي شيء
اسعدني تعليقك:regards01:

 

[serinee]

سلام اختي رانا لاباس الحمد لله السوال علي؟؟
والله الحياة فسدت لحب زوجية ولا صداقة ولا اي شيء فسد كلش
ما راهاش كيما زمان
المهم هادي هيا
شكرا على الموضع الشباب

وعليكم السلام و الرحمة اهلا بالغالية
و الله صح صمتونا في كلشي اوقات تتلقاي مع ناس حتى تقولي منتزوجش نقعد هكا
تديري صداقات مع ناس يخرجولك حاجة اخرى
خلاصت النية و دركا ولات نفسي نفسي
نورتي

 

[serinee]

​

نظن المراة تسكن في دارها وحدها يكون احسن
هكذا ماتجيش المشاكل
علابالك العروس تقول عجوزي طايرة هاهي واش دارت ودارت وتشكي لراجلها
وام الراجل ثاني .......................
لتفادي المشاكل كل واحد يسكن وحدو ويكون عزاز على بعضاهم​

صح عزيزتي يبقى هدا الحل الوحيد لتفادي المشاكل
نورتي موضوعي:regards01:

 

[ماكانش]

و بيك 100 اهلا ديما منور موضوعي بتعليقاتك لي خارجة من القلب
مش عيب البنت تشرط دراها من الاول هكدا الاثنين يصيبو رحتهم مام اولادهم
مي جيك عادي تقولو انا ندي اهلي مي انت منسحكش اهلك
معليش ارحلو مي ادو رضا والديكم و رضا ربي عليكم
هههههههههه هايلة تاع هدي تربي القرون دركا القرون يتربى من الاول و كي تجيب طفل يزيد يكبر
كلش يتم بالمفاهمة
منور دائما يا مشرفنا

هههههههههه
مليحة تاع راهي متربي مع اللول وبعد الزواج يكبار هههههههه والله صح
--
طبعا تشرط دارها باه تصيب راحتها فيها حاجة مطلوبة ومشروعة وعادي جدا
اما كيما قلتي والديها يضالو عندها هاذي شوي ماتصلحش
ولا حابة تخرج وحدها بدارها باه تجيبلو يماها ويعقدو عليه ههههههه
​

 

[serinee]

الدار حرمة واسرار وأمانة
قال رسول الله صلى الله عليه وسلم إن من أشر الناس عند الله منزلة يوم القيامة الرجل يفضي إلى امرأته وتفضي إليه ثم ينشر سرها
و بطبيعة الحال الرجل تاني ما يحبش على زوجتو تفشي سرو سورتو اسرار الفراش وما ننساوش بلي المرأة بطبيعتها ثرثارة بافارد وتفكير تاعها محدود تطيش برك هههههههه
اخر ما يموت فى المراة لسانها وفى الرجل قلبه :regards01:مي نت ثاني لازم تكون مالان خيرها بين كتم الاسرار ولا تتزوج عليها جرب طريقة ناجحة ومضومة وادعيلنا معاك برك هههههههههههه

إذا المرؤ ضاق صدره عن سر نفسه * * * فصدر الذي يستودع السر أضيق
والا فشاو اسرار الزوج و الزوجة وفضحو حوالتيهم اوم يكثرو عليهم المتفرجين وكاينين ولاد الحرام لي يزيدو في التالي هههه بانتلهم ديسير ويفهموها عوج والا كبرت اك ما تقدرش مباعدا تحتويها وهدرة الناس راح تلحق حتى للطلاق وخراب البيوت
خطرة مريت على واحد دار فيها عياط ونديب صوتهم لاحق لاخر الشارع قلتلهم لالا اخرجو للشارع خير و عيطو هههههههههههههههههههه

تسكن مع زوجها واهل زوجها خير من السكن في الشارع يباتو يدورو ههههههههه وخير ما تعيش حياتها في دار ومشاكل باباها

ومن حقها تطالب تقول داري وحدي مي على الاول افضل خير ما تولي مباعدا في مشاكل .... التفاهم اساس الزواج والصريح مستريح و سورتو الا كانو ذكور بزاف عند اهل الزواج لقول النبي صلى الله عليه وسلم الحمو الموت
واكبر مشكل هي بين الحماة والكنة القط والفار هههههههههههههههههههههههههههههههههههههههه
كاين مثل يقول الكنة ما تحبش حماتها ولو كانت ملايكة هابطة من السماء ومثل اخر يقووووووووووووووووول
حلفت العروسة ما تحب الحماة حتان يشيب الغراب
الزوجة تبغي تملك الرجل وتاخذو ويكون ليها ومن جيهة الام تاني ما تستحملش تشوف ابنها يميل لزوجتو بعد ما قضات عمرها بكل معاه تجي هي في يومين تروضو فتقع الكوارث لكن هنا تبان شخصية الزوج الحكيم اللي يقدر يصلح الاحوال بينها وبين أهلو
وربي يكون في عون الزوج برك هههههههههههههههههه

اهلا بك اخي و شكرا لك الكلام القيم
حنا كاين مثل نقولوه ادا تفاهمت العجوز و الكنة يدخل ابليس للجنة
قم باضافته الى قائمتك الخاصة
اهلا بيك و ردك يعني عبرت و قلت عن كل الحالات و صح هدا واش رانا نشوفوه
ههههههههههههه يا خوفي ادا حنا ثاني نولو كيفهم ياك يقولو لي يضحك يلحق
اسعدني مرورك

 

[serinee]

يا محايني هاااااااااااااااااااااااااااااااااا مسكيناااااااااا الطفلة ...


ربي يجيب الخير...

انا كيما قريناها في التربية الاسلامية..

الزواج راهو ميثاق غليظ ماش لعبة ..من جا يطلق ..كيما هادي اللي حكات عليها مينو سبة تافه خلاص


بصح او كاين ربي


والنبي عله الصلاة والسلام قال ..ابغض الحلال عند الله هو الطلاق ...مهما يصرا واش يصرا ..لازم يتفاهمو ...

الزواج ماش لعبة

ربي يصلح الاحوال ويرزقنا اولاد الحلال ..تقبلي مروري ​

اهلا بيك شفتي يا سبحان الله و اسمحولي على هدا التعبير وقاحة الناس لوين وصلت
و نقولك حاجة دركا واش قرينا حاجة وواش راهو صاير فالواقع حاجة اخرى خلاص
ربي يسترنا برك