ماذا ستطبخين سيدتي ...انستي جزء'''31''''

الحالة
مغلق ولا يسمح بالمزيد من الردود.
السلام عليكم:regards01:
ميس سوسو اممممم كلشي هاااايل ولمبسس عجبني يا سلام من فضلك حنونة طريقتك في لمبسس بليز
بسومتي كلشي رائع ويفتح النفس والروز تاعك بانواعه يعجبنيييييي مشاء الله والهمبرغر جاك هااااايل بالهناء
امنياتي غاليتي شكرا ومن عيوني ذرك نكتبلك لوصفة انا لقيتها في منتدى اخر وجربتها ونشكرها مولات الوصفة جاءتحفة في الخفة و البنة احسن من تاع برة وبصحتك الروز ولكلمار
ندى الورود مقارون تشهي اممممممم انا وسخفتني بصحتك يالعزيز وفرحت كي راكي معنا في ركن ماذا ستطبخين :regards01:
ام منصف الغالية وحبيبتي تسلميلي يالزين والله حلي ايامك ولعدس نقطة ضعفي اممممم ومع هذاك الفلفل ماعندي مانقول وهذاك الخبز لعزيز من يدين الحرة ياسلام والتاي راني جااااااية نشرب ما نخليهش في قلبي
صومو غاليتي السبيدرمان قصتو قصة ولدي الصغير يموت اعليه يضل يسوطي ويشبك زعمة في لحيوط زعمة سبيدرمان والله كنت معولة على كيكة عادية حتي تشرط وقالي لالا دري سبيدرمان قلت منين نبدها حتى روحت يوتوب وكتبت كيكة سبيدرمان وطبقتها والحمد لله منعت راني جوبتك حبيبتي اي سؤال انا في الخدمة لان ممنوع نحط رابط
ياسمين ميمينة البسبوسة امممممممم رووووعة والف شكر على الوصفة والله تشهي يعطيك الصحة
اسيرة يم يم مشاء الله كلشي يشهي يعطيك الصحة
ام شيماء بصحتكم لعدس و البطبوط بصحتكم
ام كوثر الف شكر على الوصفة يستحق التجربة جاك هاااال
وسلامي لحار لكل الغاليات الاغالب راني رجعت نكتب بclavier visuel لكلافي كسروه حاجة ماتقعد والحمد لله على كل حال
​
 
آخر تعديل:
امنياتي بقلم صاحبة الوصفة
رطل فارينة
حبة بيض
شوية ملح عينك ميزانك
ملعقةكبيرة سكر عادي
ملعقة كبيرة خميرة تاع الخبز
نصف كاس تاع لاتاي زيت
ماء دافئ باش تلمديها
حطي المكونات و بداي تضيفي الماء بشوية حتى تتحصلي على عجينة تكون شوية طرية على عجينة البيتزا يعني تلصق في يديك غطيهاو خليها تخمر وكل ما تشوفيها خمرت فشيها زوج خطرات ولا تلاتة كي تخمر المرة الاخيرة ادهني سنيوة بالزيت و شكلي كويرات كيما تاع لمحاجب غطيهم بساشي مبعد وجدي المقلة تاعك تمتم وبداي تقلي
ملاحظة برك كي تكوني تحلي فيهم باش تقليهم دخلي يدك في شوية زيت ماشي ماء وهنىوعافية عليك
امنياتي انا ضفت 3 ملاعق حليب و الزيت متغرقيش المقلة انا مكثرتش الزيت ديري مقلة وحدة الزيت ميز ماتكون الحبة في النص و مترميش اعليها الزيت غير ينتفخ وتزيد لحبة وتحمار من تحت اقلبها وخليها تحمار وهكذا انا قبل كنت اندير 2 مقلات بصح الطريقة هذي تكفي ويجي روووووعة وديمة ديري فرشي ورق باش يمص الزيت هدي معروفة وبالهناء اي سؤال انا في الخدمة وسامحيني على التاخير
 
تسنيموووو ماتأخرتي ماوالو يازين ، يعطيك الصحة، تاع الصح خرجلك تحفة خيرمن تاع لخفافجي
زايدة بيضة على طريقتي، وانا نجريه بزاف بحيث مانقدرش نكورو ، ونزيدلو خميرة الحلوى ونكثر الزيت
هذو نقاط الاختلاف، امالا نجرب طريقتك حنونة ، وربي يبارك فيك وفي صاحبة الوصفة الله يجازيكم كل خير
 
صباحكم زين نور منورعليكم
يوم موفق للجميع
وينها غدواتكم وقيل راكم روبو واش تفنيين لي حكمكم يالبنات

​
 
مساء الخير يا الفحلات ان شاء الله تكونوا ملاح اليوم
شكرا لكن على التشجيعات ربي يجازيكم كل خير
اليوم درت la tarte au pommes مي بصح ما كفانيش التفاح باش نديرو كحشوة كيما الوصفة تاع ابتسام قالتلي ماما تحبطلك و زيد كنت ناوية ندير تاني الوصفة تاع صومو غدوة ان شاء الله
ف درتها تارت عادية ب la pate sablée و الكرام بتيسيار و التفاح قطعتو رقيق و دردرتلو السكر و القرفة و ستفتو فوقها و غرييتو فالفرن بعدها زينتو بشوية جيلاتين المهم جات مليحة و نحيت الشهوة هههههههههه
جبتها با نتقاسمها مع حبيباتي​
265421297.jpg

496168701.jpg

يا الله قولولي واش رايكم​
 
الله الله ياسمين والله خرجتلك تحفة تقولها وردة مفتحا في نهاية فصل الربيع هههه
:::::::::::::::::::::::::::
اليوم بادن الله نويت على العدسون واخيرا
غدانا كان كالاتي خخخخ

do.php


هنا بقاتلي الحشوة قدر هدو لحبيبات

do.php


do.php


ارز بالشعرية في خاطر ميس سوسو

do.php


هدي للبنات حبو مقارون
do.php


فخيضات سقيت بيهم الارز
do.php


بصحت الجيمع


​
 
قال oumniati:
ربي يخليك شريفة، كي تجيبي إياد نجيك هههههه ، (تحبي تخلي إياد لندوش عليك على ناصر، نصيرة طارو بيها ههههههه:p
إضغط للتوسيع...

ههههههههه ان شاء الله خيرورة
بصح اياد محكوم خليه لماليه بالاك يديروا الكوراج ويزيدوا اياد :p
/ماعليا غير على ناصر مادام طارو بالبقية / :-h
​
 
ياسمين التارت جاتك هايلة ماشاء الله كيما قالولك البنات وردة مفتحة يسلمو يديك
بسومة بصحتك الموني الرائع خرجتلي غير صورة الخبيزات على بالهم نحبهم ههههههه:)
بصح اكيد كل شيء من عندك هايل
سلامي للحاضرات
والغايبات وينكم ضربوا طلة علينا
​
 
مساء الخيرات والمصرات عليكم يا اللمويات
اخني ياسمين تارت تشهي ومتقونة باينة بنتها وحدها
اختي ابتسام مائدتك تشهي
اختي ام منصف الله الله على الطبق يشهي وبصحتكم
بصحتكم كامل واش طيبتو يا حرات
انا عملت خضروات للفطور
 
ام منصف ماكلة تشهي تاع الصح اممممممممم راني هزيت صحن بصحتي وبصحتكم
ام خديجة بصحتكم الخضروت بالهناء
 
‏ام منصف
لي فوق القرنون بطاطة
بصحتكم شريفة امممم طبق اشهي
:::::::::::::
ميس سوسو
حمري الفرميسال في الزيت الزيتون تحمار مليح اضيفي الروز مع كمية الماؤ المحددة وخليهم اطيبو مع بعض
حطيهم في صحن التقديم
من بعد تكوني حمرتي لوز افيلي وحطيه فوق الروز
::::::::::::::::::::::::
الله اسلمكم
شريفة تسنيمو ام خديجة
​
 
واتلموا الحبايب
يا محاسن الصدف
ام خديجة وتسنيم غبتوا تقريبا في نفس الوقت ورجعتوا في نفس الوقت
ان شاء الله اخر الغيابات
يارب
**
بسومة ايه هذيك بطاطا بالطون
تطبيق لوصفة من منتدى اخر كل الشكر لصاحبة الوصفة
​
 
آخر تعديل:
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top