ماذا ستطبخين سيدتي ...انستي جزء'''31''''

[ام منصف]

وهذا غداء اليوم

​

 

[ibtesem]

اممممممممممممممم على الكوكة الله الله
راكي معولة علينا اليوم شريفة
بصحتكم
الله الله على حبات الفراز تاع ديكور خخخخخخخ
​

 

[ibtesem]

الحالة راهي ساكة خلاص قريب ترقدونا خخخخخخ
جاب ربي عندي لغسيل من داك راني نطل عليكم
​

 

[ام منصف]

والله والو بسومتي
شفت الحالة راقدة قلت خلي ننشطوها شوية
بصح على حساب ماراني نشوف
لا حياة لمن تنادي
:p
الجماعة في سبات تام
​

 

[ميس مرام]

الله يخليك اختي ابتسام اللي يطل عليكم غير يجوع ههه ، نحمد الله ونشكره أختي عايشين على أرضه ومتنعمين بخيراته مالازمش نشتكيو الحمد لله على كل حال

 

[yasmine mimina]

ربي يخليكم حبيباتي انتوما اللي وردات
اااااااا حقا بابا قالي تاع لول بارح بنينة يقصد tarte au citron ههههههه
ابتسام ماكلتك تشهييييييييي خاصة هادوك الخبيزات ممكن الوصفة بلييييييييييز
ام منصف يعطيك الصحة حنونة و الكوكة اممممممم تشهييي دوك تدربلي في راسي نديرها هههههه
ام خديجة ربي يخليك حنونة انا من المعجبين باطباقك الشهية
مييس سوسو ربي يخليك حنونة حتى انت دايما تبهرينا باطباقك
اختي تسنيم يعطيك الصحة حنونة و انت نسيتي هادوك لي تارت اللي دايرتهم و الله تحححححححححفة​

 

[samah06]

مساء النور عليكم لبنات واش راكم ان شاء الله لاباس
انا راني في حالة ربي رقررت اليوم نحبس القهوة مشربتهاش الصباح نهار كامل وانا راقدا ذركبر نضت جبتها من 11تاع الصباح درت للاولاد لغدا ورقدت نسمع غير في الباب كي يتفتح ويتغلق وهو زهر الحاج نهار روح من فرنسا باه نزهيه رقدت وخليتو
اليوم يا لالاتي درتلهم قرتان بالبيضنجال هاهي ذيك

 

[samah06]

ودرك انا نروح نشوف داري واش خاصها وندير عشا للحاج يعود يقتلني وقبل ندير قهوة باه نشوف لحوايج
لبنات راكم جايبينها
ابتسام غداك يشهي بصحتكم حبيبتي وثاني العدسون بصحتكم
ام منصف واين كنتي مخبيا والله يعطيك الصحة وحبيت نسقسيك الكوكا حطتيها موضوع والا لالا
ولبنات اسمحولي راني مانيش مليحة راسي قتلني هذا واش شفيت المهم يعطيكم الصحة راني علبالي بيكم وحافضتكم بلي حراير
وراني حابا منكم العجينة تاع الكوكا واذا كانت عجينة 110دقايق تصلح
هيا الاجابة تكون درك باه نديرها في العشاء

 

[ibtesem]

ربي يخليكم حبيباتي انتوما اللي وردات
اااااااا حقا بابا قالي تاع لول بارح بنينة يقصد tarte au citron ههههههه
ابتسام ماكلتك تشهييييييييي خاصة هادوك الخبيزات ممكن الوصفة بلييييييييييز
ام منصف يعطيك الصحة حنونة و الكوكة اممممممم تشهييي دوك تدربلي في راسي نديرها هههههه
ام خديجة ربي يخليك حنونة انا من المعجبين باطباقك الشهية
مييس سوسو ربي يخليك حنونة حتى انت دايما تبهرينا باطباقك
اختي تسنيم يعطيك الصحة حنونة و انت نسيتي هادوك لي تارت اللي دايرتهم و الله تحححححححححفة​

تفضلي ياسمين بقلم صاحبتها
ام كوثر الوهرانية

مساء الخير
واش الاحوال عندكم
هنا راه المطر دايرة حالة تقولي الشتاء رجعت من جديد
بصحتك اختي اسيرة راكي ساجية الله يبارك
بصحت عشاكم كامل
انا درت لوبيا خضرة و بقاتلي الحشوة من الهمبرغر نتاع البارح ايا عاودت عجنت و زدتهلهم
ام الحلوين و خيرورتي اليكم وصفة الهمبرغر
العجينة
واحد كلغرام فرينة زوج ملاعق كبار لحضة زوج ملاعق كبار خمارة زوج ملاعق كبار سكر ملح اربعة ملاعق كبار زيت و ملعقة كبيرة زبدة غير مدابة نبسسهم مليح نضيف بيضة و نلم العجينة بالماء الدافي ندلكها مليح (لازم العجينة تكون طرية) ندهنها بالزيت و نغطيها بساشي و نتركها تخمر
الحشوة
اربعة حبات بيض فايضين نرابيهم و نضيف عليهم تلات قطع فرماج شاف و ملح و قليل من الفلفل الاسود نمرسهم مليح
ناخد تلات بصلات نقطعهم صغار و ندبلهم فالزيت تم نضعهم على الكفتة تكون نية مشي طايبة نزيد ربطة معدنوس مقطع صغير و طرف شاف و ملعقة صغيرة فلفلة حمرة ملح و فلفل اسود و نخلطهم مليح
ناخد طماطم و نقطعها دوائر رقاق
طريقة التحضير
كي تخمر العجينة نقطعها كويرات صغيرة و نمرر كل كرة في الفرينة و نغطيها بسربيتة و نبدا نخدم بالوحدة
نحل الكورة مليح من الجوانب و نخلي الوسط غليض شويا و نحط دائرة طماطم و نزيد فوقها ملعقة من خليط البيض و فوقها ملعقة من خليط الكفتة ثم شرائح من الزيتون و ادا تحبي الفلفل اضيفي و غلقي عليها يعني هزي من الجوانب و بقي تلمي فيهم غلقي مليح و حطي فوق سني كرري نفس العملية مع باقي الكويرات غطيها و خليها تخمر في هدي الاثناء سخني الفرن كي يخمر طليهم بالبيض و رشي جلجلان و دخليها الفرن يكون ساخن جدا
ان شاء الله شرحي يكون واضح
دعواتكم يا اخواتي لصاحبت هده الوصفة اللي هي معلمتي ربي يفرج عليها و يفك غبينتها و يعطيها صحتها


​

 

[ibtesem]

ودرك انا نروح نشوف داري واش خاصها وندير عشا للحاج يعود يقتلني وقبل ندير قهوة باه نشوف لحوايج
لبنات راكم جايبينها
ابتسام غداك يشهي بصحتكم حبيبتي وثاني العدسون بصحتكم
ام منصف واين كنتي مخبيا والله يعطيك الصحة وحبيت نسقسيك الكوكا حطتيها موضوع والا لالا
ولبنات اسمحولي راني مانيش مليحة راسي قتلني هذا واش شفيت المهم يعطيكم الصحة راني علبالي بيكم وحافضتكم بلي حراير
وراني حابا منكم العجينة تاع الكوكا واذا كانت عجينة 110دقايق تصلح
هيا الاجابة تكون درك باه نديرها في العشاء

سموحة الله اسلمك
اعملي عجينة المكسرة تجي هايلة
تاني عجينة تاع 10دقايق اعملي تغيير فيها اعجنيها بالحليب دافي واكثري الزيت الزيتون في العجينة تجي هايلة تاني

 

[ibtesem]

سموحة كي عادت للعشا اعملي لعجينة تانية :d
​

 

[samah06]

تعيشي ابتسامو اختي
نستعرف بيك انت
راهو روح الشاوي درك كاش ماكلا بيضاننساها كاش ماكلة مليحة اكل ننسا من الشخشوخة للبربوشة يا قلبي لا تحزن
ديجا اليوم فتح عينيه قالي كون درتيلي الرفيس

 

[samah06]

ابتسام انا نعرف لعجينة تاع 110 دقايق منعرفش تاع 10دقايق ههههههههههههه
شوفي واش كتبت
البارح جاني خويا دوختو باللمة حكيتلو حتى عليك هههههههههههههه

 

[ibtesem]

ابتسام انا نعرف لعجينة تاع 110 دقايق منعرفش تاع 10دقايق ههههههههههههه
شوفي واش كتبت
البارح جاني خويا دوختو باللمة حكيتلو حتى عليك هههههههههههههه

هههههههههههه سموحة وحدك سمى اللمة لحقت حتان عند خوك خلي يعملنا اشهار بيها بصح منسحقوش زوار نسحقو مشاركين هههه
::::::::::::
سموحة اعملي لابات بريزي المالحة تجيك كوكة هايلة تاني تحبي نكتبهالك

 

[SaRa QuEeN]

مساء النور عليكم
يعطيكم الصحة كي العادة فحلات ونص و قايمين بيها ربي يدوم عليكم النعم
تعيشو البنات عندي سؤال . اليوم جانا مهراس من بوسعادة مي ما عرفتش نستعملو مباشرة ولا كشما نديرلو قبل؟ و تاني لحقتنا هاد العفسة و فيها ريحة القطران !؟ جاوبوني ربي يخليكم اني حابة ندير الزفيطي مممممم :d

سلاااام

 

[yasmine mimina]

شكرااا بزاف حبيبتي ابتسام
ربي يخليك انت و ام كوثر الوهرانية​

 

[ibtesem]

مساء النور عليكم
يعطيكم الصحة كي العادة فحلات ونص و قايمين بيها ربي يدوم عليكم النعم
تعيشو البنات عندي سؤال . اليوم جانا مهراس من بوسعادة مي ما عرفتش نستعملو مباشرة ولا كشما نديرلو قبل؟ و تاني لحقتنا هاد العفسة و فيها ريحة القطران !؟ جاوبوني ربي يخليكم اني حابة ندير الزفيطي مممممم :d

ههههه سارة مهراس تاع الصح
ادهنيه بالزيت زيتون خليه يتشربو مليح من بعد استعمليه عادي
للتوم والملح وراس الحانوت والفلفل لحمر بانواعو امممم
بالش تداوي بيه القدرة تاعك
او للزفيطي بومهراس
اما لgنينة اممممممممم عمريها بالماحطيها على جيه تبرد وحدها مليحة في الصيف والرمطان
روحي الى صور فوفتي ديما حاضرة في طابلتها تاع رمضان
بصحتكم اختي ربي اباركلكم فيهم
​

 

[SaRa QuEeN]

ههههه سارة مهراس تاع الصح
ادهنيه بالزيت زيتون خليه يتشربو مليح من بعد استعمليه عادي
للتوم والملح وراس الحانوت والفلفل لحمر بانواعو امممم
بالش تداوي بيه القدرة تاعك
او للزفيطي بومهراس
اما لgنينة اممممممممم عمريها بالماحطيها على جيه تبرد وحدها مليحة في الصيف والرمطان
روحي الى صور فوفتي ديما حاضرة في طابلتها تاع رمضان
بصحتكم اختي ربي اباركلكم فيهم
​

بارك الله فيك ابتسام نهار الجمعة ان شاء الله نديرو فيها مهراس حاااار ممممم والله رانا سخفانين عليه
ربي يخليك الفحلة تاعنا :regards01::regards01:

 

[ندى الورود]

السلام عليكم
مساء الخير عليكم
صحا غدواتكم كامل
الحق مازلت ما شفتش واش طيبتوا كنت نكتب في مواضيع الأطباق تاع الورطة دوختني الكتابة ورفع الصور
درت 3 والبافي لاحقا إن شاء الله تفضلوا

قوارب البطاطا المحشوة بالجبن والزيتون
سلطة الجزر بالكورنيشون والزيتون والذرة
كايك الشوكولاطة بالياغورت

​

 

[روعة2005]

مساء الخيرات عليكم لبنات
صراحة المينيو كان هاااااااااااااااايل ومقدرتش منشكرش صاحباته
اسيرة/شريفة/ندووش/لويزة/ياسمين/بسومة/فريدة**********
بلا ماننسى تسنيم والخيرات الراااااااائعة لي جابتها ممممممم يسلمو دياتك
وسارة بصحتكم ماجاك لحبيبة
غدايا كان محاجب معرعرين وحارين مممممممم