ماذا ستطبخين سيدتي ...انستي جزء'''31''''

[ام أمينة]

نسيت نرحب بلاخت ام لقمان ​

 

[روعة2005]

السلام عليكم
يوم موفق للجميع وصحااا غدواتكم
غدايا شخشوخة رزام

 

[ibtesem]

بصحتكم الغدوات يالبنات
سومو بصحتك البيتزا هاف &هاف
كون ماكتبتيش ماتولهتش
فوفو بصحتك شخشوخة الرزام امممم
كيف حالك
انا نشرب قهوتي
​

 

[ibtesem]

 

[imane27]

مساء الخير عليكم صح فطوركم كامل وجمعة مباركة على الجميع
حدة منيو يشهى بصحتكم
صومو بصحتكم بيتزا نص غويال ونص دزاير
روعة حنونة واش راكى ليوم ريحتى
عشايا لبارح خفيف جبنا صيف يجرى

 

[hadda0425]

مساء الخير
جمعة مباركة
وتقبل الله صلاتكم بمزيد من الاجر والثواب
ام امينة ولويزة مرسي ليكم تسلمو
وعشاك يالويزة صيافي وخفيف بصحتكم
سهام بصحتك الشطيحة ههههه والبتزال نص رويال
بصحة لي راهم يشربو في قهيوة
​

 

[ibtesem]

سلام
لويزة بصحتك لعشا امممم
غدانا كان مقرون خفوفي

بصحت الجميع
​

 

[hadda0425]

ابتسام وقيلا كشما قلعتي روض تاع برويطة ههههه
بصحتك المقرون روض تبان تشهي
​

 

[serinee]

السلام عليكم
جمعة مباركة
البنات يعطيكم الصحة كلشي من تحت اديكم بنين
ماتنساوش صورة الكهف
​

 

[ام الحلوين]

 

[somo_81]

مساء الوردات و القرنفلات عليكم الكوزينة راهي تصفصف الفحلات قع رجعو فنيانات متكلين على المتورطات هههههههههه
ارجعو للكوزينة تشوفو
يعني حتى انا فطرت عند خيرة اليوم ربي يسترها و نسيت نصورلكم الطعام لي فطر بيه راجلي العرضة كانت خاصة بالنساء فقط هههههههه :p:p:p:p:p:p:p
تعيشي ام امينة
حدة هاديك زعما الوصفة تاعك تعيشي
لويزة حنونة ضحكتيني بنص دزيري و بصحتك العشا لي شهي راهي قتلتنا السخانة هاداك ما يليقنا ناكلو دوك
زوزو حنونة راني حاسة بيك راهي سخانة فشلتني توحشتك يا المعسلة

 

[روعة2005]

مساء الفل عليكم الغاليات
بصحتكم بسومة ولويزة العشاوات ممممممممممم
جبتلكم تتقهاو

 

[روعة2005]

ام الحلوين مممممممممم واش هذوك يشهو بصحتك

 

[ام الحلوين]

ام الحلوين مممممممممم واش هذوك يشهو بصحتك

يسلمك اختي هداك كعك اول مرة نجربو .

 

[somo_81]

روعة حنونة على سلامتك طهورا ان شاء الله راكي قريب ولا مازال

 

[samah06]

لبنات راني جيت وجبتلكم بربوشة الجمعة لكن راهي حفيانة
الحاج غايب وميدو في البلاصة وانيس راح لجدو بقات البربوشة بلا صباط

 

[ام الحلوين]

بصحتك سماح الكسكس
واش راه وليدك ؟؟؟؟؟؟

 

[اسيرة]

السلام عليكم كامل لبنات
انا دائما متابعة ليكم بالاك من سنتين أو أكثر واستفدت منكم بزاااااااااف ودائما نطبق في وصفاتكم وكل مرة نقول نحط تطبيقي نحشم لكن اليوم حبيت نشارككم وان شاء الله تقبلوني بيناتكم
حبيت نحط تطبيقي لكيكة الدانيت اللي اخذتها من المنتدى لكن نسيت اسم العضوة اللي دارتها واللي نشكرها من كل قلبي

ان شاء الله نكون وفقت فالتطبيق مع ان الذوق راااااااائع ودائما نعملها وكامل الدار عاجبتهم

 

[ام الحلوين]

ماشاء الله عليك اسيرة .
تطبيق رائع .

 

[samah06]

ام الحلوين اولا خبريني باسم ناديك بيهاحسن من الكنية
ثانيا الله يسلمك ويخليك
ثالثا تسقسي عليك العافية الحمد لله راني نقول لاباس لمارجع يرفد يدو يوصلها لفمو يعني ياكل ويشرب وحدو
الله يحفض الحلوين اللي عندك