ماذا ستطبخين سيدتي ...انستي جزء'''31''''

[hasna23]

مســـــاء الخير

صح عشاكم ابتسام ايمان صومو ميمي روعة سماح حدة وكل الفحلات يعطيكم الصحة >>>ياربي مانكون نسيت حتى مانيش موالفة بالتقارير

الصفحة فارغة تصفر من تحت مالفة الدعوة زاهية هدا واش من وردي وش من اخضر ومووف ضربووكم بعين صحاب الحياك(الزوار)

المهم ياطويلات العمر مالنهر شفت السي رائد متحرحر بالبطوط قلت نجربو هدا ونشوووف كي عاد رائح وندى يمسحو الصحن اكييييد راهو قمة في البنة وجربتوو وتحرحت وديكلونشات l'alarme d'incendie في كرشيتي وش نقولكم :d وليت ناكل في السكر خخخخخ

هذا هو حبيب الجماهير









هدا القاطو تاع عرس صحبتي اختي البارح ربي يهنيها





صحيw ن دراجي



والصباح قالو زعما ماكناش التريستي ولي باسبور قريب يموتو قلنا نبروفيتيو ضربنا دورة خفيفة لتونس (لباجة) وجبت لكم شوية نقرشات الحالة سخوووووونة عندهم اكثر منا ماتقدري تمشي خلاص









بيدون شكولاتة ناكل ونمعمع :yahoo01:









شوية توابل وملوخية وهريسة تونسية

 

[ibtesem]

اه ياحسنة وهريسة تونس يمي يمي
بصحتك التحويسة في تونس
شنوا حوالك حسنة
اممممم نموت على هريسة تونس برشا برشا
​

 

[ibtesem]

اه ياحسنا مالا تشرفطتي شوية ههه تكبر بنتي وتنسى خخخخ
مبروك على صاحبتكم العرس ربي اهنيها
اممم مشماش جا دجى
ايا فال خير علينا

​

 

[somo_81]

صباح الخيرات ان شاء الله
انا البارح حكمتني وحد الفشلة الماعن تاع العشا مغسلتهمش على هاديك مقدرتش نحط عشايا

 

[somo_81]

اه يا حسنة اختي قتلتيني بالصور لي مصغرتيهمش و بقضيان تونس و زدتي كملتي عليا يبدون الشكولا بصحتكم تمعمعي و زيدي انا هريستهم مازال مدقتهاش مي قع يحكو عليها
بصح يا طفلة رحتي لتونس باش تجيبي يسر ديليس ياو هاداك تاعنا يتخدم في يسر بومرداس :d بصحتكم كلش ربي يهنيك

 

[somo_81]

صباح الخير سرين حنونة راهم التوانسة سرقو يسر دليس تاعكم هههههههههههه رانا كالعميان معلاباناش شكون راه التحت

صباح الخير عليكم يا جماعة التحت واش راكم

 

[زائــــــــرة حلوة]

صباح الورد ليكم يا حباباتي
توحححححشتكم كاااامل كاااامل ..وخص نص اللي سقساو عليا:p:p
شريكتي وميمي يسقسي عليكم الخير والخمير إن شاء الله ..إييييييه حتى لونتي \\ راني درت تعديل ماتخافيش هههه
والباقيات الصالحات بصحتكم واش طيبتوا وواش عتطيبوا..ديما متألقين تبارك الله عليكم :thumb_up02:
و نهاركم مبروووك إن شاء الله
​

 

[mimi53]

زؤزوؤتي حبيبتي انشاء الله تكوني بخير توحشتك يالزينة
حسنا يا حسنا واش تسالينا واش هادا كامل الله يبارك من صابني عندك
اممممممممممممممممممممممم بصحتكم حبيبتي ومبروك على صحبتك زواج الدهر انشاء الله

 

[somo_81]

شريكتي و انا نقول واش هادا النور لي حط على الكوزينة اليوم و هي انتي يا المعسلة توحشتك يا الحلوة وين هادي الغيبة شوفتي راه واحد ماراه يشوف في خوه
واش معولة طيبي اليوم
انا معولة على القرنطيطة شهتني فيها لويزة و زادت كملت عليا ميمي حنونة البارح هيا قلت مبدهاش اليوم نديرها خاصة كي صبت وصفة لويزة وفرت عليا سؤال عجوزتي ههههههههههههه كل منحب نديرها لازم نسقسيها كيفاه نديرها

 

[somo_81]

‏somo_81, ‏شذى الزهور, ‏mimi53, ‏ام رحاب, ‏றĭṩṤ❤Ṡoşσ, ‏ŚσÚмĨÁ.Ďz, ‏اسيرة, ‏ام بسومة, ‏SOSO84, ‏أمونة المتألقة, ‏زائــــــــرة حلوة+, ‏lina11, ‏sousouT, ‏s_luna, ‏خديجة التقية, ‏fati7a, ‏ام خديجة1, ‏wassila21, ‏ليـــال, ‏ام التوام, ‏samah06, ‏Dounia11, ‏والدة فاروق

هههههههههههه حكمكم الرادار هادو لي راهم في ركن الطبخ مي كل وحدة وين راهي ههههههههههه

 

[زائــــــــرة حلوة]

دا النور نورك شريكتي :love01:....ههههههههه وحدك والله:-o واحد مايلعب معاك صورتي الجماعة كامل اللي في الركن تاع الطبخ ماينة ليك..تستاهلي تقييم على هذا المجهود هههههه :p:p
و بصحتك مسبقا القرانطيطة امممممممم مجربتها من قبل تاع إيمانووو هااايلة صح:up: ربي يجازيها كل خير جارتي..
==
تسلميلي ميمي لبسبوسة والحمد لله على سلامتك حبيبتي من لاgريب ...موااااااح ليك:love01:
==
غدايا ثريدة وصح غداواتكم كاااااااامل
​

 

[imane27]

يامساء الخير عليكم راكم عارفين رانى نهدر ومعلباليش مع من هههههههههههه المهم عضو ولا زائر
زيزو حنونة توحشت هدرتك اهدرى كيما تحبي دورك حتى واحد ما يفيق بيك
حسنة بصحتكم واش كليتو لبارح ومشاء الله رفيطايمو كامل صورتيه شاطرة
صومو عشاك يشهى بصحتكم وبصحتك قرنطيطا كى تكملى تاكلى مدى رايك
عشايا لبارح غير حوت وصريط هههههههههه كونت مزنقة مجيتش يكرى هاداك ما سلكها

​

 

[مطبخ الأحلام]

السلام عليكم

بصحاتكم لبنات واش تعشيتو واش فطرتو

راكم جايبينهآ :d





الي عندها بنتهآ صغرونآ تخليهآ تتفضل تتعلف أشغال يدوية

^_^

http://4algeria.com/forum/threads/371457/#post4748893​

 

[hasna23]

اه ياحسنا مالا تشرفطتي شوية ههه تكبر بنتي وتنسى خخخخ
مبروك على صاحبتكم العرس ربي اهنيها
اممم مشماش جا دجى >>>>ايه وجد بصح الكيلو 180 الف
ايا فال خير علينا

​

يسلمك بسوومة لوكان جيتي قريبة نبعتلك كيلو هريسة رافيطايم لرمضان مايغلاش عليك حبوبتي

اه يا حسنة اختي قتلتيني بالصور لي مصغرتيهمش و بقضيان تونس و زدتي كملتي عليا يبدون الشكولا بصحتكم تمعمعي و زيدي انا هريستهم مازال مدقتهاش مي قع يحكو عليها
بصح يا طفلة رحتي لتونس باش تجيبي يسر ديليس ياو هاداك تاعنا يتخدم في يسر بومرداس :d بصحتكم كلش ربي يهنيك

الهريسة بنة على بنة كيما يقولو هوما هايلة سومو غير جربي وعلى ضمانتي

لالا يسر ديليس جبتو من ام الطبول على خاطر مالفين نقضيو من بنزرت والبارح السخانة ماقدرناش نكملو وصلنا لباجة ورجعنا وباجة المونوبري تاعها معجبنيش مافيه والو زعما رحت ع الفرماج لقيت غير لافاش كيري هههههه وليت كملتها قضية من بلادي المهم منرجعش الصرف:d

 

[hasna23]

حسنا يا حسنا واش تسالينا واش هادا كامل الله يبارك من صابني عندك
اممممممممممممممممممممممم بصحتكم حبيبتي ومبروك على صحبتك زواج الدهر انشاء الله

يعيشك ميمي الزينة ارواحي مرحبا بيك الدار وصحابها تحت امرك

لعقوبة ليك ولكل الصبايا اللي في اللمة

يامساء الخير عليكم راكم عارفين رانى نهدر ومعلباليش مع من هههههههههههه المهم عضو ولا زائر
زيزو حنونة توحشت هدرتك اهدرى كيما تحبي دورك حتى واحد ما يفيق بيك
حسنة بصحتكم واش كليتو لبارح ومشاء الله رفيطايمو كامل صورتيه شاطرة
صومو عشاك يشهى بصحتكم وبصحتك قرنطيطا كى تكملى تاكلى مدى رايك
عشايا لبارح غير حوت وصريط هههههههههه كونت مزنقة مجيتش يكرى هاداك ما سلكها

​

يسلمك لويزة وبصحتك الحووت طيابك روووعة ربي يبارك فيك :regards01:

 

[hasna23]

ميس سوسو صحة وعافية على قلوبكم

غدانا كان قرنون محشي وجلبانة





نقلت على ام منصف ربي يخليها>>>قالك عاند ولاتحسد :$






وهذا للفانز تاع الفول :-r



وهذي انوسة تسلم عليكم وتقولك صح غداكم

 

[serinee]

صباح الخير سرين حنونة راهم التوانسة سرقو يسر دليس تاعكم هههههههههههه رانا كالعميان معلاباناش شكون راه التحت

صباح الخير عليكم يا جماعة التحت واش راكم

:up:
اهلا بصامو السمسومة واش راكي غاليتي
اي هدوك عايشين غير بالسرقة
مي البنت و الدوق و الجمال راهم عندنا في يسر دليس هداك تقليد برك
راهي يسر قريبة ليا نبعتلك و دوقي و رديلي الخبر
هههههههههههههههه و الله رانا عميان صح
يا صباحو
البنات بصحتكم واش عملتو ربي يديمها
​

 

[serinee]

مممممممممممم حسنا كلشي من تحت ادديكي يشهب انا ديت صحن الديسار و هربت
يا عمري على الببونة خموس عليها ربي يحفظها اااااممممممممممممممممممممممممممممممممممممممممممممممممممممممح
ليكي حبوبتي الصغنونة
​

 

[مطبخ الأحلام]

عجبتني هاذ الامورة ربي يبارك فيها وتكبر ان شاء الله في طاعة والديها

بصحة فطورك يا انوسة يا امورة ^_^

مادرتيناش الخبز اليوم

​

 

[شجـ الروح ـون]

مساء الفل والورد والياسمين
ان شاء الله تكونو بالف خير بنات
جبتلكم كوطة نتاع تصاور لقيتهم فلاباراي من عام كنت فحلة هههه
الدجاجة هدي فكرتني في سندس ربي يذكرها بالخير ههه

ان شاء الله يعجبوكم
أمسية طيبة​