قندورة التصديرة ب 8ملايين أنتي مهبولة !

[السلطانة]

ها السلام عليكم هاني جيت وتقولي ما جيت ... موضوووعك ابداااع وعليه نرد ونزيد نقولك الا درنا وقلبنا ها اختي صفحات قسم واش راك تهدر نلقاو موضوعك من المواضيع النادرة جداا ههههههههههههههههههههههه

وعليكم السلام
اهلا اخي راك ديما تنورنا
​

سي المراة عندها قيمة عندي لكن بحدووووود مستعد نخطب بشرط تجيني بملابسها لا اكثر اكسي وادي ....عمبالي بنات درك بالعقلية هادي تقولك بايرة وما نديكش هههههههههههههههههههههههههههههه

هههههه لازم الصداق ولاتخلى عليك هههه والخاتم والكادوات وووو
​

لي تروح ليها دركا تنوي تخطب تشرط عليك مواصفات عالمية ....كورتاج لازم يكونو فيها سيارات دارنيي كري المهر طول ما انت وعايش تجمعلها في المهر 40 سنة تقولك داري وحدي ياو هي اصلا مايش حابة تزوج تليكيديك على البلاصة برك ...... وافرض ها سيدي كان كمل زواجك اخرتها يؤؤل الى طلاق بويسك ماكانش ثقة بين طرفين ماهوش زواج على اساس انك رجل ما عندهمش النية يخيرو في الرجال برك زواج طمع مصلحة حاشا القلة خخخخخخخخخخخخخخخخخخخخخخخخخخخخخخ

وتقولك امضيلي على ورقة مسبقا كون كاشما يصرالك ندي كلش :d الى جانب ورقة الزواج
الثقة في الوثيقة
​

الحمد لله ما يخصني والو( رنيخشا الهم اي روحينو بالشاوية هههه ) و مانيش نفكر في الزواج درك في هاد الزمان ومع بنات دركا ( لا تلقو ايديكم الى التهلكة فقط) والله يا نطمع نبدا نصووووووووم من دركا ههههههههههههههههههههه ....والا زوجت وان شاء الله ربي يطيحنا في الحلال الطيب برك نديها رومية تتزوج اوروبية تدخلها للاسلام خير من دزيرية تخرجك من رحمة ربي
( وعلى نياتكم ترزقون )
هذا رايي تقبلوه والسلام عليكم

ربي يرزقك الزوجة الصالحة
وتاع الصح اديها رومية على الاقل تربح دنيا وآخرة

​

 

[السلطانة]

ربي يحسن العون برك
انا نخطب ويشرطو عليا بزاف نبطل
المشكل كي تعجبني الطفلة ويشرطو عليا بزاف لثم نقبل وخلاص علا جال بنيتهم ههههههه
​

هههه من اللخر ربي يعاونك
​

 

[السلطانة]

وعليك السلام ورحمه الله وبركاته
ربي يحفظك ويحفظ الوالده ويخليها
زينه العقل ، وكلام لا يُعلى عليه...
جزاكما الله خيرا
​

بارك الله فيك :regards01:
​

 

[السلطانة]

أهلين شوشيتـآآآ
احنـــآآ في ولآيتنـــآآ أو بالأحرى عآئلتنآ كلشي سآهل مآهل
كآين المهر و كآين الخآتم و كآيت التبق
وأحيـــآآنآآ يكون غير المهر والتبق أمــآ الخآتم حتى لنهآر العرس ويديرهالهآ
مي المهر يكون من10 حتى ل 20 مليون
قليل لي رآهم يدفعو تحت 10 ملآين
اهلا اختي
انتوم راكم فور خلاه
وكي مآ قلتي كآين شي حوآيج غير زيآدة×زيآدة تلبسهم غير دقيقة وتنحيهم
إمآلآ علآه تروح تمحن الرآجل بيهم
أنـآ تآني رآيي كيمآ رآيك تمآمآ
ياريت مجتمعنا يدخل حاجة لراسو
ماش لازم يمحن روحو باه يبان فور قدام الناس
الدراهم لي تروح في الخرطي تتحط في حوايج اهم
لو جآت الفتآة وأهلهآ يفكرو غير شوي
مآ يطلبوش كثييير
لأنو الرآجل هذآاللي رآهم يمحنو فيهـ
رآيح يكون رآجل بنتهم
يعني
وين رآهي الفآيدة إذآ تسلف ودآرلهآ العز والشنآ ومور العرس يبقى
متمحن مع الديون
بـ رأيي في حآلآت كيمـآ هآذو التخلي عن العآدآت و التقآليد وآجب
لتسهيل أمر الزوآج على الشبآب

ايه ومن المفروض حنا في وقتنا درك
تكون الطبقة القارية هي لي تحارب هاد الظاهرة ماش العكس






​

صحيتي حنونة
​

 

[السلطانة]

رجعتلك حبيبتشي
موضوعك نال الختم طبعا لأنو مميز وبفضلو تحصلتي معنا على 100 نقطة
نوغمالمو اي وصلت :up:
اهلا الحب ميغسي ميغسي
ماوصلت لردك لابسيف هههه 3ايام
نرجعو لموضوعك سيغتو كي حكيتي على قندورة التصديرة علابالك احنا في قسنطينة
اللي ما تديش القندورة تع القطيفة كي شغل ما دات والو
انتوم معروف عليكم التمسك بالعادات والتقاليد
وتجيبو الفرقاني :d
خواتاتي داروهم في وقت الغفلة ما سقامولهمش بزاف ختي لكبيرة شراتها مقيومة
وختي لوخرا خدمتها فتلة عند وحدة تاني كيف كيف
وحد النهار قاعدة نحكي معاهم قتلهم نتوما طفرتوها قاتلي ختي لكبيرة :
نوغمال كي تجي دالتك نسلفولك تاوعنا كي يجيك عرس :d
قتلها دبري على حانوتك وكي يكون عندنا عرس ونحضرو في تلاتة وش نلبس؟:s
خخخخخخخخخ
مي راني نشوف في روحي مرصية ليها :-r
هههه ياو كلجي وحدة منهم قولها عادت تجيك ضيقة وراكي سمنتي وطيريلها بيها ههه

نرجع لسعالك


انا نقدر نتخلى ومستغنية ومنندمش
خاطر آخر همي كلام الناس،، وانا وبابا لي نوليو فالغصايص كي نخليلو الدين كيما قلتي
ولا نفسد دراهمي في شكليات ما عندها حتى أساس
يا ختي ندي الشي لي كتب ربي ونعيش مع زوجي في تبات ونبات ونجيبو صبيان وبنات
( منا لهداك النهار فرج ورحمة :d )
ايه مرات يكونو الاساسيات ماكانش والدار ولوازمها الاساسية الديونات خانقة العبد وهوما يخمو في التصديرة والخرطي هاداك وبعدها تخلي باباها حاصل وتروح
ورانا شفنا اللي داو داو داو وكي عاد لهناء مكانش كيما وحدة نعرفها
نهار جات تطلق شبع القاضي ضحك على قائمة الأثاث تعها
قالها : يااو انتي العلمة كاملة شريتيها؟:p
ياي محنت روحها في الباطل هادي
لعقل ماكانش
تباا... وزيد الرسول عليه الصلاة والسلام نهانا عن التبذير وهادي وحدها تكفي



​

عليه الصلاة والسلام
ديما الحكمة لي يخليهالنا حنا نروحو نعكسوها
ربي يهدي برك
​

 

[السلطانة]

حوايج تقدر لوحدة مقتنعة بيهم مديرهمش...هي بلاك الوحدة راح يكون حلمها تدير أي حاجة مليح و تلبس غير الحاجة المخيرة في نهار كيما هذاك....أنا في رايي لي عندها و قادرة ديرها وين راه المشكل...و لي مهيش قادرة مكان لاه تشقى و تدير حاجة كثر منها.....

وكي متديرهمش ماش راح يطير راسها :p
كل نفس تدير قدها
المهم لهنا
مشكورة حبيبتي

​

 

[Only me]

أ والله غير عندها الحق يماكـ ،،،

البارح برك وخويا يهدر على مصاريف الزواج والشباب هذا لي راه هايب من الزواج

قالك انا انحي الحنة ـ يعني نقولهم واحد مايحنيلي ووليد خالتي رايح ينحي لحزام تاع لعروسة هكذا الناس مساكن مايتخلعوش كي يكون عندهم واجب سورتو الصحاب يحبو يبينو رواحهم

وبالنسبة لـ 2 قناطر صوف هاذي تاعكم في قالمة

أنا قالولي نجيبو 2 قناطر ونص صوف ومقاط لي معلاباليش واش هو ، قالولي يسوى 20 مليون والله بزاااف انا في روحي استخسرتهم ،، ووصلنا لحل باش هاذ الصوف مايجيبوها مانندب بيها ،، كاين لمطارح في السوق

وخويا اصغير راه يقولكم vive الدفوع التركي ــ يعني كسي وادي 10 ولا 20 مليون مدهم للطفلة واش بغات تشري خاطر كي تجي ليك تنسا كامل واش اشرات تعاود تسلعها من جديد

ربي يكون مع لاجوناس تاع اليوم ويقدرهم باش يكملو نص دينهم

 

[Only me]

البارح خويا مسكين راه شرا كوستيم بـ 17 مية وفات زعما يساوم لي روب قالي لقيت وحدة بـ 15 مية

قالك انا الكوستيم شريتو يعني نلبسو شحال ماشي غير نهار العرس مي لاروب هاذيك تكريها برك على نهار ،، قالنا تبانلي نقولها 7 مية عليك و8 مية عليا ههههه

 

[love papitou]

walahi hata ana rayi man rayak

 

[sara_k]

السلام عليكم
ميرسي على الموضوع المهم اللي طرحتيه
تصدقي اختي
انا درك راني نوجد فجهازي
والله راني استغنيت على الف حاجة مانحتاجهاش
حتى انا نكره هاذ الشكليات واللي ماعندهاش فايدة
حتى بقاو يعايروني ويقولولي تحسب عندك 100 عام

وماتعرفيش للهمة
واش من همة كي نخسر دراهم كبار على حاجة نلبسها مرة واحدة
:p
و+ دارنا متفاهمين مانشرطوش على الخاطب
والحمد لله الواحد يدير على حسابه
يعني اذا ماعندهش خطيبي والله عادي مايعطيني والو
ونورماال
​

 

[NASRO DZ]

والله موضوع رائع اختي مميز من عضوة متميزة دئما صرحتا هذه هي الموضيع الرائعة اللتي تخص هذا القسم اللتي تتكلم عن الناس الحياة اللتي يتمشى بها المواطن

راح ندير طلة مباعد ان شاء الله

عندي مانفرغ قلبي

 

[־●ـ‗غمــــوض ــالــورد_ـ●־]

يعطيك الصحة اختى عالموضوع الزين
شفتي داك الخرطي وذيك لخسارة ،انا هاد لعادات والتقاليد تاع الزهر منحطهمش في راسي خلاه، ومنديرهمش في حياتي انشاءالله، دوكا لوحدة كي اديرلك هاد لقنادر تاع 6 ملاين و 8 ملاين على جال نهار تلبسهم مرة في حياتها وتخبيهم علاه، كاين وحايد غير لفوخ والزوخ قالك انا لازم نديرهم منروحش هكداك يقولوا راها مدارت والوا هههه جياحة كبيرة ايه نسيت الناس مبعدا يجيو يكريوهم عليها كي تكمل تلبسهم ميصلحش مديرهمش عيب تخليهم هكداك ههههههه ...عندنا وحدة من لفامي شرطت هاد ليشوز قاتلها بنت خالها انا راني درتهم وندمت منلبسهم راهم محطوتيت وياك عندي غير 6 اشهر ملي تزوجت اديهم صدري بيهم كيما تبغي ورديهم متخسري روحك ماتخسري راجلك الدراهم لي اديري بيهم هاد لقنادر ديريهم حاجة تفيدك وزيد راجلك قد حالوا قاتلها امشي تلعبي دبري على بناتك كي تجيبيهم انت درتي وانا مدرتش مكيش خير مني هيا دارت رايها ودرتهم ، ومبعد وش لقات لقات راجلها عندوا الدين 40 مليون باش يعيشوا ولاو يخلصوا فالدين دركا راها نادمة راها تبيع فيهم قندورة تاع 8 ملاين تبيع فيها بزوج ملاين ملبستها ماوالوا خسرت راجلها باطل وزيد وش راها باعت دهبها باش تخلص الدين ودوركا راهم مش متفاهمين قاتلك انا تزوجت باش نتهنى وليت منشري وش نبغي مانحوس ماندير وش نحب وليت نخلص فالدين ولات كرهت حياتها، ياك هي لي دارتها بيدها وش دارلها لفوخ والزوخ قدام الناس على جال حوايج معندهم حتى فايدة زايدين باطل تاع خسارة برك....وهدا تاع 2 قناطر صوف لي دوخني علاش هدا كامل وش ادير بيه تفتح مصنع تاع مطارح هههههههههه نورمالموا لواحد كي تشرط عليه وحدة الصوف يقلها عندي الارجيك تاع الصوف تجيبه لداري يتقطعلي النفس ونتخنق مانديروش نقتل روحي ههههههه باش هي تبطل هدا ادا راها تفكر في راجلها باسكوا انا نظن لي تشرط هادوا كامل متحوس خلاه عليه تحوس تبان قدام الناس وصايي، وكاين لي متشرط ماوالوا قالك مهر مايفوتش 20 مليون محسوب فيه كلش ومايدير لا دهب لا صوف لاحوايج خلاف تاع الزهر.....لوحدة كي متفكرش في راجلها ملول وتخسروا غير تهني روحها مش راح تلقى روحها معاه مبعد لوحدة لازم تحوس تتهنى هدي هي لحاجة اللازمة متحوسش على حوايج لخسارة مباعد...وربي يكون فالعون انشاء الله..
-- مشكورة اختي ربي يهنيك --
​

 

[آستثنآء]

كاين الي تبغي تقلش روحها
كاين غير هدرة خرطي في خرطي
و كاين و كاين​

 

[أمــ وليــد الجزائرية]

انا ميهمنيش واش راح نلبس

و مش راح نشرط عليهم حتى حاجة

المهم نتزوج هههههه:p:p

الي يهمني ندي الي راه في بالي درك و يقبلو دارنا و يكمل كلشيء


دعولي برك معاكم

و التصديرة هاني سمحت فيها
​

 

[السلطانة]

لي رجعة باه نواصل الاقتباسات

عجبوني الآراء المتنوعة لي درتوها :d
​

 

[NICHA03]

ههههههههههههههه شوشو و الله جبتهيا موضوع هواااااا
صباح و انا ندور فالبلاد نسمع في وحدة نقولها حطي خيطي لقندورة تاعك من ضرك ماو راجلك لي يسلك
قتلها لماما تسمعي غير القندورة و خيطي و اشري و الله مساكن ربي يعينهم
و اما عادات الزواج انا نشوفها خرطي خرطي هيا صح الواحد يشد فيها شيا مي التبذير بزاااااااف حرام
و لي معندوش مسكين منين راح يجيب و يقلك بناتنا بارولنا فالدار
مرسي على الموضوع جا في وقتواا
​