مغترب تحت المجهر

سلام عليكم يا مغتربين

بناتا وشباب اليوم راح نحط موضوع للتعرف على المغتربين الموجودين في المنتدى كل على حدى يعني ندعو احد المغتربين وننتظر تلبيته للدعوة ونطرح عليه مجموعة من الاسئلة نتعرف فيها عليه في حياته ككل من مدة الاغتراب طريقة العيش وهكدا سيكون الموضوع متجدد مع كل اسم لدلك اطلب المساعدة من مشرفة القسم في تنسيقه

بانتضار موافقتكم قومو باقتراح اسم لبدء الحوار معه وخليونا نحركو قسمنا شوي ونعملو نشاط للمغتربين باش يتعرفو على بعض بطريقة اكبر وفي نفس الوقت يعرفو الناس الي ماش في الغربة حياة المغترب كيفاش تكون بالعموم

​

 

[أم أمين23]

اعطيك الصحة ام الحلوين وبارك الله فيك على التفاعل الجميل وامشاركتك الطيبة
ومرحبا بجمانة وراهي روعة ما خلاتلك والو راهي هجوم حقيقي كملي معاها ومن بعد نجي انا ههههههههههه

 

[joumane]

جمان مرحبا بيك حنونة نتمنى لك اقامة طيبة تحت المجهر
وبيك حببتي
نولي للأسئلة
- عجباتك الغربة ؟
لا وبئذن الله منبقاش فيها
- وافقتي على الغربة بسهولة و لا كنتي مترددة ؟
لا كنت متردده والدارنا لي دارولي الكوراج
- واش هي الحاجة كنتي خايفة منها فالغربة ؟
الحق كنت خايفه كيفاه حانعيش وحدي وفي وسط شعب كافر وبلد كفار
- واش هي الحاجة و لا الامتياز اللي عجبك فالغربة ؟
عجبتني متوفر كلشي وزيد دوريجين كيما نقولو وبلاد شابه ونضيفه الحق
- ندمتي على كي روحتي للغربة و لا لا ؟
ماندمتش حاجه مليحه الواحد يخرج برا بلادو ويشوف مي منقعدش فيها بئذن الله
-بما اننا رانا نهدرو على الغربة تبغي الغريبية و لا لا ؟ههههه
ههههه عادي معندي حاجه فيها
-راكي متمنية ترجعي للبلاد و لا لا ؟
ان شاء الله في اقرب وقت
- عندك 06 اشهر فالغربة قوليلي بالترتيب على الاشخاص اللي توحشتيهم بزاااف ؟
امي وابي ودارنا كامل وريحة البلاد كامل
- كون كنتي خدامة و مترسمة و في منصب مليح فالبلاد و جاك هاد المكتوب تسمحي و تروحي للغربة و لا ؟ و علاش ؟

والله انا فترة خطبتي طولت بزاااف وكنت كارهة يعني تبالي نسمح في كلشي ونزوج

 

[روعة انثى]

والله انا فترة خطبتي طولت بزاااف وكنت كارهة يعني تبالي نسمح في كلشي ونزوج

ما فهمتش من واش كرهتي في فترة الخطوبة زعمة كي طولتي باش تزوجتي ؟ و لا ما لقيتيش خدمة ؟ و لا كاين مشاكل قبل الزواج مع الزوج و لا اهلو ؟
سمحيلي على السؤال لكن ما فهمتش الله ينورك

 

[joumane]

- حكيلي نهار وصلتي لروسيا و لقالك راجلك تلاقيتو كيما كل شيء ممكن هههههه و لا كنتو رسميين اكثر ؟هههههههه ضحكتيني روعه والله واش نقولك اناكي فت على الديوانيا اول حاجه خلاوني الاخيره كيشافوني بالحجاب وزيد الرواسا صدقيني ميهدرو غير لوغتهم حتان وليت نحكي انا وياه بالاشارات باه فهم عليا بلي كاين راجلي يسناني وقتلوني بالخلعه انا قلت حيديوني ومنتلاقاهش طول ياخي حتان كي صلني ليه باه راح الديواني وانا كيشفتو قعدت غير نبكي :$هههه من الخلعه وزيد توسوست منلقاهش يسنا فيا وهو الحق جابلي بوكي ورد وكالماني شويا المهم تقدري تقولي كيما كل شئ ممكن هههههه
- كي دخلتي لدارك اول مرة واش حسيتي ؟
والله لوكان نقولك هذاك النهار ديخانا ومن تعب تاع الطريق مكنت فايقا بوالو
احساس مخلط بين الخلعه والخوف والحشمه والفرحه والشوك والله مادريت مخلط
- هل تواصلتي مع زوجك فالسكايب؟ هل ورالك البيت و لا خلاها لك مفاجأة ؟
ورالي في السكايب
- هل راجلك قعد يوريلك فالبيوت و انتي تشوفي و تتأملي و لا كنتي عفوية حسيتي كلي دارك تعرفيها من زمان ؟
لا الحق اول نضره هكا معجبتنيش كينعتهالي في السكايب مي كيجيت لقيتها لاباس
- هل حسيتي الغربة زادت قربت بينكم و لا جاتك عادي كنتو قراب كي البارح كي اليوم؟
حاليا كيزوجنا ايييه زادت قربت بينتنا وبزاااااف سيرتو كيعاد وحدنا لامن يعس فينا الحق عايشين الاز وهادي تاني من ايجابيات الغربه نسيت نكتبهالك
- وين حوس بيك راجلك في شهر العسل ؟
والله حوسنا هنا في سان بطرس بورق كبيييره ولحد الان محوسناهاش كامل وهيا منطقه تاريخيه وسياحيه ومليحه
- واش هي الطبخة اللي حبك زوجك تتذوقيها اول مرة ؟
اول مره داني لمطعم طابعو شرقي ديكور واكل وفيه حتا لبنانيين وكلينا فيه تبالي الكبة والله ماشفيت
ملاحظة اذا احرجوك الاسئلة عادي ما تجاوبيش

لمكان حتى احراج حببتي صيبي راحتك

 

[روعة انثى]

اعطيك الصحة ام الحلوين وبارك الله فيك على التفاعل الجميل وامشاركتك الطيبة
ومرحبا بجمانة وراهي روعة ما خلاتلك والو راهي هجوم حقيقي كملي معاها ومن بعد نجي انا ههههههههههه

كي راكي ام امين وين راكي يا بنتي خليتي بلاصتك فارغة
و لا الدخول نتاعك محتشم كانت سميرة و زدتي انتي
المهم ادخلي لموضوع المجهر باش تطبعيه و للبيت تاني البيت بيتك
خسارة كي كنتي تحت المجهر كنت حشمانة و ما نيش موالفتكم ههههههه

 

[joumane]

ما فهمتش من واش كرهتي في فترة الخطوبة زعمة كي طولتي باش تزوجتي ؟ و لا ما لقيتيش خدمة ؟ و لا كاين مشاكل قبل الزواج مع الزوج و لا اهلو ؟
سمحيلي على السؤال لكن ما فهمتش الله ينورك

تلمو كامل عليا شوي الخدمه مكانش وشوي مشاكل وزيد مش مليح فترة الخطوبه طول بزاف يسراو مشاكل بزاااف

 

[ام الحلوين]

اعطيك الصحة ام الحلوين وبارك الله فيك على التفاعل الجميل وامشاركتك الطيبة
ربي يخليك يا لحبيبة .
ومرحبا بجمانة وراهي روعة ما خلاتلك والو راهي هجوم حقيقي كملي معاها ومن بعد نجي انا ههههههههههه

دروك دالة جمانة نتعرفو عليها اكثر و اكثر .

 

[ام الحلوين]

جمان
ــ ما نوع حجابك ؟
ــ كيفاش تنادي والدين زوجك ؟
ــ شحال كان المهر تاعك ؟
ــ هل ناوية تهبطي هاد الصيف ؟
ــ كي هبطتي للبلاد وحدك و لا مع زوجك ؟
ــ و وين رحتي اولا دارهم و لا داركم ؟
ــ شحال بقيتي في البلاد ؟
ــ هل خبرتو لافامي بلي راكم هابطين و لا خليتيها مفاجاة ؟
ــ هل غلطتي و كليتي حاجة ماشي حلال ؟
ــ هل تعلمتي اللغة الروسية ؟
ــ ماذا يشتغل زوجك ؟

 

[SAMIRA25]

ام الحلوين يعطيك الصحة على الاسبوع لي فوتناه معاك كان رائع و فات في ساع ربي يهنيك و من كل قلبي نقلك ربي يحفظلك اوليداتك و مول بيتك و كل اهلك و يسعد في الدنيا و الاخرة​

 

[SAMIRA25]

SAMIRA25, ‏joumane, ‏om abdulhadi 2011

جمان مرحبا بيك حنونة و ااقامة طيبة ربي يهنيك اختي
انا نطلب غير الصور تاع المنطقة تاعكم لي عايشة فيها هدا مكان
و زيد روعة ما خلات والو جبدتلك الباسييي كامل :d
ربي يسعدك حنونة و هدا كاس شاي دفي روحك باين مزال عندكم الرد

SAMIRA25, ‏joumane, ‏om abdulhadi 2011
ام عبد الهادي مرحبا بيك معانا:d​

 

[om abdulhadi 2011]

SAMIRA25, ‏joumane, ‏om abdulhadi 2011​

جمان مرحبا بيك حنونة و ااقامة طيبة ربي يهنيك اختي
انا نطلب غير الصور تاع المنطقة تاعكم لي عايشة فيها هدا مكان
و زيد روعة ما خلات والو جبدتلك الباسييي كامل :d
ربي يسعدك حنونة و هدا كاس شاي دفي روحك باين مزال عندكم الرد

​

SAMIRA25, ‏joumane, ‏om abdulhadi 2011

ام عبد الهادي مرحبا بيك معانا:d​

baraka alllaho fik hbibti samira rabi yahfadlak wlidatek
rani nchouf bali rakom kaymin biha
kont nakra mortarib taht el mijhar 3ajbatni bazeeef
ana maranich nadkhol bazeeef 3la khatar rajli ja el hamdoulilah 4 mois wa hna lwahadna wadrwak ja bach yadina m3ah wa manic arfa rabi ysahalha 3lina yarab

samira jabtli khwa wahdha makayen walou lyoum

 

[روعة انثى]

ما تزعفوش لبنات حشمتوني :$ راني نسقسي في جمان خاطر انا تاني رايحة ندير عروسة بلا عريس ههههه و يبعثوني ليه
و بغيت نعرف كلشي باش نستفاد
جمان عجبتيني كي قولتيلي نهار لقالك جاب بوكي ورد والو انا تاني لازم يجيب البوكي تاع الورد و لا لقيتو ما جابش نولي طوووول للبلاد و لا نزيد لانجليز نغضب عند ام الحلوين حتى يجيب لي البوكي تاع الورد هههههه

 

[SAMIRA25]

ربي يسهلك و ييسرلك امورك كلها ام عبد الهادي ان شاء الله يا رب
و بالتوفيق و ما تنسايناش طلي علينا مرة على مرة
وهداك الشاي راه لجمان ها وليك انت واحد تاني حنونة

و من بعد ارجعي نحطولك الحلو :p​

 

[SAMIRA25]

روعة تغضبي تطفر غير فيك حنونة
مالا الا ما جابش هو ادي معا واحد ريزارف:d​

 

[ام الحلوين]

ام الحلوين يعطيك الصحة على الاسبوع لي فوتناه معاك كان رائع و فات في ساع ربي يهنيك و من كل قلبي نقلك ربي يحفظلك اوليداتك و مول بيتك و كل اهلك و يسعد في الدنيا و الاخرة​

ربي يعيشك يا لحبيبة و يخليلك كل من هو عزيز عليك .

 

[joumane]

ام امين مرحبا بيك حببتي في اي وقت
وسميره زارتنا الباركه كيما يقولو وميكون الا خاطرك ودفا الحال وخضارت الدنيا روعه وانا هذا وين دخلت من برا صورت الطبيعه روعه توال بيتي وان شاء الله نحطهملكم

 

[joumane]

روعة تغضبي تطفر غير فيك حنونة
مالا الا ما جابش هو ادي معا واحد ريزارف:d​

هههههههههه ههههههههه قتلتيني بالضحك سميره

 

[joumane]

ما تزعفوش لبنات حشمتوني :$ راني نسقسي في جمان خاطر انا تاني رايحة ندير عروسة بلا عريس ههههه و يبعثوني ليه
و بغيت نعرف كلشي باش نستفاد
جمان عجبتيني كي قولتيلي نهار لقالك جاب بوكي ورد والو انا تاني لازم يجيب البوكي تاع الورد و لا لقيتو ما جابش نولي طوووول للبلاد و لا نزيد لانجليز عند نغضب عند ام الحلوين حتا يجيب لي البوكي تاع الورد هههههه

روعه حببتي وحده متحشمك راني هنا وبروفيتي سقسي واش تحبيييي
ومتخافيش يجيبلك بوكي ورد بسكو هنا كامل عندهم ثقافة الاستقبال بالورد سيرتو الازواج والا نقولك كيما قاتلك سميره اعكسيها وادي انتي منو رزارف ومنو فاجئيه انتي

 

[joumane]

جمان
ــ ما نوع حجابك ؟
حجاب محتشم وعادي يعني نلبس ليجيب طوال وزيد ليكات طوال مع سراول
ــ كيفاش تنادي والدين زوجك ؟
شيخي نقولو عمي ومرت باباه نقولها خاتي هو يتيم الام
ــ شحال كان المهر تاعك ؟
باطل :pههههه متتشوكايش بسكو احنا باب يقول بناتي مش خير من بنات الرسول عليه افضل الصلاه والسلام املا يمدنا بلاش
ــ هل ناوية تهبطي هاد الصيف ؟
ان شاء الله رمضان نصومو في البلاد
ــ كي هبطتي للبلاد وحدك و لا مع زوجك ؟
وحدي ومن بعد هو يلحق بسكو هو لازم يروح على موسكو
ــ و وين رحتي اولا دارهم و لا داركم ؟
دارهم بت عندهم الليله الولى من بعد روحت لميمتي وكي جا هو وليت لدارهم
ــ شحال بقيتي في البلاد ؟
شهر
ــ هل خبرتو لافامي بلي راكم هابطين و لا خليتيها مفاجاة ؟
للزم بسكو نروح وحدي
ــ هل غلطتي و كليتي حاجة ماشي حلال ؟
يبالي بسكو كليت مكدونلد وانتو قلتولي حرام
ــ هل تعلمتي اللغة الروسية ؟
شوي بسكو قريت في الجامعه الشهور الولى وتعلمت المبادء الاساسيه الكتيبه ونقراها ونفهم شوي ونقدر نشكل جمله صحيحه
ــ ماذا يشتغل زوجك ؟

زوجي في البلاد قرا فارماسي مي مكملش ضروفو يماه كانت مريضه ومن بعد توفات ربي يرحمها ويوسع عليها المهم هو كان تاثر ولقا روحو ميقدرش يكملها ومن بعد جاب ربي كونكور شارك فيه ونجح وقرا شوي في البلاد وكان من المتفوقين بعثةه يكمل هنا تقدري تقولي مزالو يقرا وشوي منصبو حساس منقدرش نصرح بيه :-hههههههه

 

[روعة انثى]

روعه حببتي وحده متحشمك راني هنا وبروفيتي سقسي واش تحبيييي
ومتخافيش يجيبلك بوكي ورد بسكو هنا كامل عندهم ثقافة الاستقبال بالورد سيرتو الازواج والا نقولك كيما قاتلك سميره اعكسيها وادي انتي منو رزارف ومنو فاجئيه انتي

صحيتي جمان طمنتيني حسيت كي شغل ما ثقلتش عليك
فرحتيني كي قولتلي الورد ثقافة انا نديلو قلة تاع طين ثقافة ههههههههه :up:
ام الحلوين ما جاوبتش وقيلا ما بغاتنيش نغضب عندها ؟؟؟؟؟؟؟؟؟؟؟؟؟؟؟؟؟؟؟؟؟؟