مغترب تحت المجهر

سلام عليكم يا مغتربين

بناتا وشباب اليوم راح نحط موضوع للتعرف على المغتربين الموجودين في المنتدى كل على حدى يعني ندعو احد المغتربين وننتظر تلبيته للدعوة ونطرح عليه مجموعة من الاسئلة نتعرف فيها عليه في حياته ككل من مدة الاغتراب طريقة العيش وهكدا سيكون الموضوع متجدد مع كل اسم لدلك اطلب المساعدة من مشرفة القسم في تنسيقه

بانتضار موافقتكم قومو باقتراح اسم لبدء الحوار معه وخليونا نحركو قسمنا شوي ونعملو نشاط للمغتربين باش يتعرفو على بعض بطريقة اكبر وفي نفس الوقت يعرفو الناس الي ماش في الغربة حياة المغترب كيفاش تكون بالعموم

​

 

[joumane]

صحيتي جمان طمنتيني حسيت كي شغل ما ثقلتش عليك
فرحتيني كي قولتلي الورد ثقافة انا نديلو قلة تاع طين ثقافة ههههههههه :up:
ام الحلوين ما جاوبتش وقيلا ما بغاتنيش نغضب عندها ؟؟؟؟؟؟؟؟؟؟؟؟؟؟؟؟؟؟؟؟؟؟

ههههههههه قتلتيني بالضحك افرحي حببتي وزيدي وراكي خفيفه عليا كي الظل حببتي
ايه ادي معاك حوايج البلاد انا المره هادي كي جيت جبنا معانا طواجن تاع المراركه هادوك لي غطاهم كلي قمع لمولات البيت لي كاريين عليها وخرين صحابو

 

[joumane]

ايا البنات تصبحو بخير غدوا نكملو ان شاء الله

 

[fatouma2012]

أم الحلوين صحيتي على الإجابات ، علابالي راني روطار بصح عجبتيني وبغيت نقولك صحيتي وبارك الله فيك وفي عايلتك

جمانة مرحبا بيك

انتي كيفي عروسة بلا عريس هههه ، واش لبستي ف عرسك؟

تصبغي شعرك ؟

كي تفوتي نهارك ؟

مازال راكي تقري اللغة ؟

 

[ام الحلوين]

روعة البارح كنت مع العشا و الزين جا بكري و راكي عارفة لولاد راني قريب نولي ندير الكراطي مع ولادي راني عيشة قدور بسكو الزين مايهدرش معاهم و انا لازم نشدهم شوية و لا يطلعو فوق راسي .
و الغضبة ارواحي يا لحبيبة و لازم يجيب الورد و الجاه باش نمدك ليه هههههه .
و الورد انا درت عرس في البلاد و طلعنا مع بعض و خلا صاحبو في الدار نقاها و شرالنا الورد و حلوة و شكلاطة و الثلاجة عمرها ياوورت ههههههه نية مسكين .
فطومة ربي يطول في عمرك يا لحبيبة و يحفظلك سرسورة و تفرحي فيها .

 

[روعة انثى]

ام الحلوين يا بنيتي واش نقلك هاكا خليني نتقلش عليه نقولو و لا نروح لصحبتي في لانجليز
سور بلي يخاف و يبدا غير يحنن يقولي انتي قبل ما تجي درتي صحابات في لانجليز و الروس و كي تقعدي هنا تديرهم من القمر ؟؟؟؟؟؟ ههههه
فطومة كي راكي مرحبا بيك حنونة حتى توحشناك ان شاء الله تكوني ريحتي

 

[أم أمين23]

ايا ضرك يا البنات هاد موضوع جومانه تحت المجهر والا ازواجنا ويوم استقبالهم يخي قلنا البيت للحكايات وهنا للاستجوابات
يلا خليني نروح لاسئلتي ولو انو جوجو ما زالها ما جاوبتش على الي فات اسفة راني لقيتهم لخرين جاوبت انا الي ما شفتهمش :
القنصلية في روسيا وين جات؟
وقنصلية روسيا في الجزائر وين جات كيف كيف؟
كيفاش تكون الاجراءات للفيزا؟
شحال قعدت باش جاتك؟
شحال سلكتي عليها؟
في روسيا باش تمشيو يعني الاوراق الرسمية لتم؟
فيهم تجديد والا لا؟
السكنى كيفاش بما انو زوجك راح في بعثة دراسية يعني عليهم والا عليكم؟

 

[lina-67]

صباح النور عليكم لبنات ماشي هنا تحكيو هنا الاسئلة هيا روحو للدار و احكو هههه:p
جمان شحال قعدتي باش خدمولك لي بابيي
ودورك خدمولك كارطة تاع روسيا ولا باسبور لا كيفاش عندكم يعني بواش تمشي
قلتي راجلك مازالو يقرى و يخدم تاني ولا لا
شحال عندك من بياس في دارك و ان كان ممكن صور
راكي حابة تجيبي دراري دورك و لا مازال
واش تعرفي تطيبي و واش الاكلة اللي يحبها راجلك
واش تطلبي بزاف كي تاكلي برا
كي رحتي للبلاد ديتي لي كادو ولالا
كيفاش علاقتك مع ناس راجلك و قعدتي معاهم ولالا

 

[أم أمين23]

كي راكي ام امين وين راكي يا بنتي خليتي بلاصتك فارغة
و لا الدخول نتاعك محتشم كانت سميرة و زدتي انتي
المهم ادخلي لموضوع المجهر باش تطبعيه و للبيت تاني البيت بيتك
خسارة كي كنتي تحت المجهر كنت حشمانة و ما نيش موالفتكم ههههههه

راني هنا يا روعة برك اليومين الي فاتو كانت عندي مواعيد الطبا ورا بعض يعني من الايكو للتحاليل للجينيكولوغ يعني كي نخرج شوي نكون تعبانا ما نقدرش نطول على الميكرو برك والا راني متابعة لكل الحكايات وزاد راني نحاول نشارك في الاقسام الاخرى

 

[joumane]

صباح الخير ابنات نرجع لاسئلتكم

 

[joumane]

أم الحلوين صحيتي على الإجابات ، علابالي راني روطار بصح عجبتيني وبغيت نقولك صحيتي وبارك الله فيك وفي عايلتك

جمانة مرحبا بيك
وبيك حببتي وان شاء الله تكوني ريحتي شوي

انتي كيفي عروسة بلا عريس هههه ، واش لبستي ف عرسك؟
هههه والله راني نشوف فيها في انتشار مستمر في الجزائر والدليل روعه راي في الطريق,في عرسي كي جيت من عند الحفافه جيت في كاراكو من بعد لبست جبه فرقاني حنيت فيها ومن بعد لبست لاغوب بلونش صورت فيها والناس روحت وانا مازات لابستها قلت خلي نشبع منها مرة في حياتي ومتتعاودش

تصبغي شعرك ؟
نصبغو نفتحو شوي مي منديرش ليماش منحبهمش

كي تفوتي نهارك ؟
عادي صباح نفطرو وشوي مع الميكرونقراو اخبار البلاد الا نفرز شوي الدار ولعشيه كشما نطيب وكي يكون الجو مليح نخرجو
مازال راكي تقري اللغة ؟

حاليا لا مانيش نقرا مي عندي كنترول حنفوتو شهر الجاي لازم نوجدلو شوي
مشكوره حببتي على الاسئله وبوسيلي سرسوره

 

[joumane]

روعة البارح كنت مع العشا و الزين جا بكري و راكي عارفة لولاد راني قريب نولي ندير الكراطي مع ولادي راني عيشة قدور بسكو الزين مايهدرش معاهم و انا لازم نشدهم شوية و لا يطلعو فوق راسي .
و الغضبة ارواحي يا لحبيبة و لازم يجيب الورد و الجاه باش نمدك ليه هههههه .
و الورد انا درت عرس في البلاد و طلعنا مع بعض و خلا صاحبو في الدار نقاها و شرالنا الورد و حلوة و شكلاطة و الثلاجة عمرها ياوورت ههههههه نية مسكين .
فطومة ربي يطول في عمرك يا لحبيبة و يحفظلك سرسورة و تفرحي فيها .

هههههه ام الحلوين عجبتني النيه المسكين هههههههههههه

 

[joumane]

ايا ضرك يا البنات هاد موضوع جومانه تحت المجهر والا ازواجنا ويوم استقبالهم يخي قلنا البيت للحكايات وهنا للاستجوابات
معليش ام امين هنا والا هيه رانا في دار وحده
يلا خليني نروح لاسئلتي ولو انو جوجو ما زالها ما جاوبتش على الي فات اسفة راني لقيتهم لخرين جاوبت انا الي ما شفتهمش :
اوالله على الاول كيقريت شككتيني قلت كيفاه ام امبن تسالني ومن جاوبهاش حتان رجعت بحثت في الصفاة لي فاتو وملقيت والو ايا درتي التعديل ولا داعي للاسف مرحبا بيك اي وقت
القنصلية في روسيا وين جات؟
في موسكو
وقنصلية روسيا في الجزائر وين جات كيف كيف؟
في البيار الجزائر العاصمه
كيفاش تكون الاجراءات للفيزا؟
والله جاتني البارجمون روحت دفعتها ليها ليها عطاوني الفيزا
شحال قعدت باش جاتك؟
في نهارها
شحال سلكتي عليها؟
800الف
في روسيا باش تمشيو يعني الاوراق الرسمية لتم؟
بالباسبور تاعي و وحده الورقه هكا خضرا كلي فيزا
فيهم تجديد والا لا؟
تبالي كل عام
السكنى كيفاش بما انو زوجك راح في بعثة دراسية يعني عليهم والا عليكم؟

هو الحقيقه عندو سكن خاص بيه ولكن معجبوش حب يكريلي في بلاصه شابه وزيد بعيد على ناس ليعرفهم

 

[joumane]

صباح النور عليكم لبنات ماشي هنا تحكيو هنا الاسئلة هيا روحو للدار و احكو هههه:p
جمان شحال قعدتي باش خدمولك لي بابيي
هنا اول مره كي جيت كانت فيزا ثلاث اشهر وقعت شهر ججدودوهالي عام
ودورك خدمولك كارطة تاع روسيا ولا باسبور لا كيفاش عندكم يعني بواش تمشي
عندي واحد الورقه خضرا كلي فيزا نمشي بيها وباسبوري وزيد كارطه تاعي طالبه جامعيه زعما
قلتي راجلك مازالو يقرى و يخدم تاني ولا لا
ماشي يقراا في الجامعه لا هو يقرا في معهد خاص كلي يكون في روحو و هيا خدمتو ويسلك عليها
شحال عندك من بياس في دارك و ان كان ممكن صور
ضرك نحطهم ان شاء الله اليوم بلاك وعندي شمبراكبيره وكوزينه برك
راكي حابة تجيبي دراري دورك و لا مازال
مزال شوي حتان تبان وضعيتنا بسكو مزال مبانش وين حنستقرو
واش تعرفي تطيبي و واش الاكلة اللي يحبها راجلك
والله يحب كلشي يعني الحمد لله تعجبو ماكلتي يقولي يدك بنينه وبصراحه مكانش هكا حاجه سبيسيال نعرف نديرها مي نطيب كلشي ونهز وصفات من المنتدى ونجرب والحمد لله ديما نتوفق فيهم
واش تطلبي بزاف كي تاكلي برا
نحب الشورما
كي رحتي للبلاد ديتي لي كادو ولالا
ديييت
كيفاش علاقتك مع ناس راجلك و قعدتي معاهم ولالا

علاقه مليحه عاديه لحد الان يعني ملحقوني ملحقتهم وقعدت عندهم مي بت فير يومين وباقي الايام نضل يوم كامل عندهم من بعد نروح نبات في داري كي يكون المسيو وكي ميكونش نبات عند امي

 

[أم أمين23]

احكيلنا واش عندك قنوات عربية وواش من ساتيليت؟
واش اتبعي في التيفي بالعموم؟
اكثر حاجة ما يحبهاش المخلوق؟
اكثر حاجة عجباتك في روسيا؟
اكثر حاجة ما عجبتكش؟
واش تشوفيه خاصك في دارك؟
واش هي الادوات المنزلية الي عندك؟
انت تقضي والا هو؟
كاين حوانت العرب والا لا؟
وكاين المكالة تاع العرب واللبسة والا لا؟

 

[ام الحلوين]

جمان
ــ دارك في البلاد كبيرة و لا في عمارة ؟
ــ و درتي جهاز يعني فراش في عرسك و لا لا ؟
ــ دارك معمرة و لا فارغة كيما تاعي ؟
ــ عندك خاوة زوجك مزوجين يعني نتي عروسة رقم شحال ؟
ــ هل كاين مسجد قريب ليك في روسيا ؟
ــ ما هي الاكلة لي شهيتيها و غير رحتي للبلاد طيبتهالك يماك و لا خواتاتك ؟.
ــ هل طيبي عند ناس دارك ؟و لا كيما انا يعطوني نغسل الماعن برك ههههههههه.
نروح نصلي الظهر و نرجع .
سلام

 

[ام الحلوين]

جمان عندي طلب حبيبتي اكتبي بلون مغاير باش يبان السؤال من الجواب .
مشكورة حنونة .

 

[joumane]

سميره هادو صور من المنطقه لي ساكنه و توال داري صورتهم البارح كي خرجت
هنا وين يديرو شواء


وها كنت نصور و شوفو وش فات فجأه

وهذا البارك لي حكيتلكم عليه ناس كامل تجري و يصوقو الدراجات والا يصيدو الحوت
وكاين لي يتمشاو ويصورو كيحالتي

 

[joumane]

احكيلنا واش عندك قنوات عربية وواش من ساتيليت؟
والله معندي لاقنوات عربيه لاستليت وهنا في الروس مزالهم على سيستامنا القديم في الجزائر الدوله هيا لي تطلق القنوات للشعب غير القنوات الروسيه مي نتفرج في الانترنت قاويه عندي ونتفرج ليشان على المباشر
واش اتبعي في التيفي بالعموم؟
نتبع النهار والاخبار ونتبع مسلسلات سوريه وتركيه نتيليشارجي ساعات من النترنت
اكثر حاجة ما يحبهاش المخلوق؟
ميحبش نرجعلو الهدره
اكثر حاجة عجباتك في روسيا؟
عجبتني الطبيعه ماشاء الله عايشين في جنه
اكثر حاجة ما عجبتكش؟
المعيشه في وسط الكفار
واش تشوفيه خاصك في دارك؟
هنا خاصيني حوايج بزاف مي منيش نخمم فيهم بسكو مزال معلبليش وين حنستقر
واش هي الادوات المنزلية الي عندك؟
هنا معندي والو تاعي كاينين مي تاع مولات الدار مي المره لي فاتت شريت كلشي الكترونيت وهبتو لداري في البلاد مزال العجانه برك ساعات نخمم نشريها من البلاد وخلاص وهنا منحتاجهاش بزاف
انت تقضي والا هو؟
الاغلبيه هو وساعات مع بعض
كاين حوانت العرب والا لا؟
مكانش عرب مي كاينين من الشيشان مسلمين
وكاين المكالة تاع العرب واللبسة والا لا؟

لمكانش حيجابات مي كاينا اللبسه لي تقدي تنسقيها لحجاب والماله كاينين مطاعم شرقيه و واحد تاع مروكي وهوما غاليين شوي بسكو برستيج زعما ساعات ناكلو فيهم

 

[joumane]

جمان
ــ دارك في البلاد كبيرة و لا في عمارة ؟
في عماره
ــ و درتي جهاز يعني فراش في عرسك و لا لا ؟
درت شوره فراشات وكلشي
ــ دارك معمرة و لا فارغة كيما تاعي ؟
عندي شمبرا كوشي وكوزينتي مخدومه وعندي كوشه وفريجيدار ومشينا مي مزال معنديش صالون معوله المره هادي نزيد نشريوهم لي بقاو
ــ عندك خاوة زوجك مزوجين يعني نتي عروسة رقم شحال ؟
كاين خوه كبير عليه مزوج يعني انا عروسه رقم اثنان
ــ هل كاين مسجد قريب ليك في روسيا ؟
كاين مي بعيد علينا
ــ ما هي الاكلة لي شهيتيها و غير رحتي للبلاد طيبتهالك يماك و لا خواتاتك ؟.
الزفيطي نموت عليه
ــ هل طيبي عند ناس دارك ؟و لا كيما انا يعطوني نغسل الماعن برك ههههههههه.
هههه الحق مرت باباه فحله وزيد ناس ملاح نعونها برك في الطياب ولغسيل بالذراع ومتخليني
نروح نصلي الظهر و نرجع .[/SIZE
تقبل الله حببتي ادعيلنا ]
سلام

سلام حببتي

 

[joumane]

جمان عندي طلب حبيبتي اكتبي بلون مغاير باش يبان السؤال من الجواب .
مشكورة حنونة .

راني نحاول مي عندي مشكل كيعاد بالايباد ساعات يخربط