مغترب تحت المجهر

سلام عليكم يا مغتربين

بناتا وشباب اليوم راح نحط موضوع للتعرف على المغتربين الموجودين في المنتدى كل على حدى يعني ندعو احد المغتربين وننتظر تلبيته للدعوة ونطرح عليه مجموعة من الاسئلة نتعرف فيها عليه في حياته ككل من مدة الاغتراب طريقة العيش وهكدا سيكون الموضوع متجدد مع كل اسم لدلك اطلب المساعدة من مشرفة القسم في تنسيقه

بانتضار موافقتكم قومو باقتراح اسم لبدء الحوار معه وخليونا نحركو قسمنا شوي ونعملو نشاط للمغتربين باش يتعرفو على بعض بطريقة اكبر وفي نفس الوقت يعرفو الناس الي ماش في الغربة حياة المغترب كيفاش تكون بالعموم

​

 

[أم أمين23]

سميرة هاي ليك الصورة صورتها من البالكون تاعي:

 

[رنيم الغربه]

قريت كامل الاسئلة ما لقيت ما نسقسيك هههههه منا الثلاثاء يكون الموضوع مهجور ههههههه

صحا قوليلي شحال راكي توزني ههههه هبلتني لاطاي

وكي راكي نازله للبلاد ماراكيش خايفه تندمي بلوتاغ على مستقبل الاولاد
​

 

[ام الحلوين]

ام امين
ـــــــ هل ختنتي ولادك ؟ في البلاد ؟و لا في ايطاليا ؟
ـــــــ ما هو فارق السن بينك و بين زوجك ؟
ـــــــ ما هو عدد الاخوة و الاخوات و ترتيبك بينهم ؟ ربي يحفظكم و يخليكم لبعضاكم .
ــــــ ما هي افضل 3 اكلات تشاهايهم في الغربة و غير تروحي للبلاد يطيبوهملك في الدار يعني في داركم يقولو راهي جاية بنتنا و تحب هاذ الاكل ؟
ــــــ كي موالفة تهبطي للزاير تخبري اهلك من قبل و لا تخليها مفاجأة حتى طبطبي في الباب ؟
جاوبي و مزالت الاسئلة ان شاء الله .

 

[lina-67]

مساء الخيرات
كيفاش تعرفتي على راجلك و اين
هل كان عندك تردد باش تجي للغربة ولا نورمال
لوكان قالك راجلك كي جا يخطبك نتزوجو بصح انا نروح و انتي تبقاي فالبلاد كنتي تقبلي
كيفاش دايرة علاقتك مع عجوزتك و اخوات زوجك
عندك منزل خاص في البلاد
ما هو طبقك الايطالي المفضل
شحال كان في عمرك كي تزوجتي
ما هو نوع الحجاب الذي ترتدينه و هل صرالك موقف جيناك مع القور على الحجاب
شحال عندك من صديقة اللي يجو عندك و تروحي عندهم و ماهي جنسياتهم
جاوبي و كي نتفكر نرجع ليك
(اني ندير حجاب طويل و خمار مالا نجي ههههه)

 

[أم أمين23]

قريت كامل الاسئلة ما لقيت ما نسقسيك هههههه منا الثلاثاء يكون الموضوع مهجور ههههههه
شوفي اسيدي يعني في رايك فضو الاسئلة استني تجي دالتك وتشوفي سمانة وما تكفيش
صحا قوليلي شحال راكي توزني ههههه هبلتني لاطاي
حاليا مع الحمل راني 93 نهار حملت كنت 83
وكي راكي نازله للبلاد ماراكيش خايفه تندمي بلوتاغ على مستقبل الاولاد
​

اكيد خايفة خصوصا المرا وحدها وتربية الاولاد الدراري خاصة صعيبة شوي والاهم انك ماكش في دارك وبراحتك اما للمستقبل الله اعلم به والا كان كاتبلهم ربي مستقبل مليح هنا والا لهيه يديروه يديروه
​

 

[أم أمين23]

ام امين
ـــــــ هل ختنتي ولادك ؟ في البلاد ؟و لا في ايطاليا ؟
لا ختنتهم في البلاد عملت عشا لدارنا ودار العجوز وختنتهم
ـــــــ ما هو فارق السن بينك و بين زوجك ؟
13 سنة
ـــــــ ما هو عدد الاخوة و الاخوات و ترتيبك بينهم ؟ ربي يحفظكم و يخليكم لبعضاكم .
البنات زوج وانا الثالثة والصغيرة فيهم ووراي طفل واحد
ــــــ ما هي افضل 3 اكلات تشاهايهم في الغربة و غير تروحي للبلاد يطيبوهملك في الدار يعني في داركم يقولو راهي جاية بنتنا و تحب هاذ الاكل ؟
تقريبا انا الحاجة الي نسخف عليها نطيبها غير الملوخية والمكثر نسخف على الباتسري والكرواسون يجيبوهملي كي نكون لتم اما ماكلة الدار كيما قلت نطيب كلشيء الي نسخف عليه نحاول نجربو
ــــــ كي موالفة تهبطي للزاير تخبري اهلك من قبل و لا تخليها مفاجأة حتى طبطبي في الباب ؟
الهبطة الاولى خربتهم لخاطر هبطت وحدي وكان لازم يقابلوني في العصمة وفي الثانية خليتها مفاجئة بصح المخلوق مصطهالي وليت بدل ما نطبطب صونيت في التيليفون هههه
جاوبي و مزالت الاسئلة ان شاء الله .

براحتك وجدي وراني هنا

 

[أم أمين23]

مساء الخيرات
اهلا وسهلا
كيفاش تعرفتي على راجلك و اين
زواج تقليدي جرتو حبيبتنا عرفتنا على بعض وتم المكتوب
هل كان عندك تردد باش تجي للغربة ولا نورمال
نورمال ولو اني قبل ما كنتش نخمم نغترب لبلد اوربي كنت حابة بلد عربي والا خارج ولايتي
لوكان قالك راجلك كي جا يخطبك نتزوجو بصح انا نروح و انتي تبقاي فالبلاد كنتي تقبلي
طبعا لا ولا حتى اهلي
كيفاش دايرة علاقتك مع عجوزتك و اخوات زوجك
عادي لا خير لا شر ما كانش تواصل بزاف
عندك منزل خاص في البلاد
للاسف ليس بعد
ما هو طبقك الايطالي المفضل
ماكليتش بزاف اطباق ايطالية تعرفي على جال الحلال والحرام بصح اكثر حاجة تميزهم هنا هو التنويع في طبخ المعكرونة مرة كليت معكرونة بيضا هايلة
شحال كان في عمرك كي تزوجتي
27 سنة تقريبا
ما هو نوع الحجاب الذي ترتدينه و هل صرالك موقف جيناك مع القور على الحجاب
حاجب هاداك الطويل ومن تحت سروال قبل كنت ندير خمارات الي تلفيهم وضرك وليت ندير هاداك المسدول
لا لا الحمد الله ما كانش عندي اشكال مع الحجاب
شحال عندك من صديقة اللي يجو عندك و تروحي عندهم و ماهي جنسياتهم
الصديقات سبعة الي يجيوني زوج كلهم دزيريا وزوج تونسيات وواحدة مصرية يعني ماشي صحبتي فور فور مي نقعدو مع بعض كي نروح ندي الاولاد يلعبو
جاوبي و كي نتفكر نرجع ليك
اوك براحتك راني هنا
(اني ندير حجاب طويل و خمار مالا نجي ههههه)

اكيد مرحبا بيك مادابيا والمانيا ماشي بعيدة وعندي الاتساع يعني كاين وين نحطك هههههه

 

[fatouma2012]

سلام عليكم

جهاد نستعرف بيك انتي واه ناشطة مخلتناش شاء نسقسوها ، بصح وجدي روحك كي تجي نوبتك أم أمين غادي تخلف فيك كلشي هههه

أم أمين مالقيت واش نسقسيك ؟؟

قوليلي واش هي العادة أو كيما نقولو حنا الطبيعة الخاسرة لي كانت فيك وكي تزوجتي حبستيها ؟ نقصد حاجة تضحك متلا ، وطبيعة وحد أخرى مازلت فيك ومقدرتيش تحبسيها ؟ أنا عندي بزاف هههههههه

 

[fatouma2012]

om amin sba7t mbakra 3lik bah n9oolak 3id milaad sa3iid w kol 3aam w anti bkhir nchallah

 

[ام الحلوين]

صباح الانوار و جمعة مباركة
ام امين
ــــ شحال بقيتي بعد الزواج وطلعتي لايطاليا ؟
ــــ شحال قعدتي باش مدولك الفيزا ؟
ــــ ماكنتيش خايفة مايمدوكش الفيزا ؟
ــــ ماهي اول اكلة طيبتيها في دار عجوزتك و ما رأي العائلة فيها ؟
ــــ ماهي اول اكلة طيبتيها في ايطاليا ،و ما رأي زوجك فيها ؟
ــــ هل سبقلك وتصلتي بالاسعاف و كنتي وحدك في البيت اي زوجك كان خارج البيت ؟ بعيد الشر عليك .
ــــ اول مرة جا زوجك للبيت يعني قبل الخطبة و شافك لقيتيه بالخمار او بدون خمار ؟
سلامي .

 

[lina-67]

 

[أم أمين23]

سلام عليكم
وعليكم السلام ورحمة الله وبركاته
جهاد نستعرف بيك انتي واه ناشطة مخلتناش شاء نسقسوها ، بصح وجدي روحك كي تجي نوبتك أم أمين غادي تخلف فيك كلشي هههه
او الي صقصى والي ما صقصاش غير نحكمو يقر بكل شيء ما تقولوش خليم ا نصقصيش باش حد ما يصقصيني ههه
أم أمين مالقيت واش نسقسيك ؟؟

قوليلي واش هي العادة أو كيما نقولو حنا الطبيعة الخاسرة لي كانت فيك وكي تزوجتي حبستيها ؟
العناد والجدال ولو انها ما زالت فيا مي مع شوي تنازلات
نقصد حاجة تضحك متلا ، وطبيعة وحد أخرى مازلت فيك ومقدرتيش تحبسيها ؟ أنا عندي بزاف هههههههه

العياط كي نتقلق خاصة مع الاولاد عيا فيا المخلوق بصح كي نتقلق ما نعرف حتى واحد

 

[أم أمين23]

om amin sba7t mbakra 3lik bah n9oolak 3id milaad sa3iid w kol 3aam w anti bkhir nchallah

الله اخليك ماشي مشكل حنونة احنا لسنا من ناس اعياد الميلاد عادي في حينا هههه

 

[أم أمين23]

صباح الانوار و جمعة مباركة
ام امين
تربحي حنونة ومباركة عليكو على كل المسلمين
ــــ شحال بقيتي بعد الزواج وطلعتي لايطاليا ؟
انا عقدت في جانفي في اكتوبر وجدو الاوراق طلعت يعني تزوجت هنا ما دخلتش في البلاد
ــــ شحال قعدتي باش مدولك الفيزا ؟
ماشي بزاف تقريبا يمكن 6 اشهر
ــــ ماكنتيش خايفة مايمدوكش الفيزا ؟
لا لا ماشي بزاف لخاطر المخلوق كان عندو مدة طويلة في ايطاليا
ــــ ماهي اول اكلة طيبتيها في دار عجوزتك و ما رأي العائلة فيها ؟
انا طيبت في الفاكونس كي نزلت عندهم وطيبت بطاطا مرقة وكسرة بصح الباطاطا حطت لي سلفتي فلفل حار على الاخر تفلق ولات حارة تقتل يعني ما بان منها والو ههه الكسرة عجبتهم غير العجوز قتلي ديريها رقيقة مرة اخرى احنا نحبوها رقيقة
ــــ ماهي اول اكلة طيبتيها في ايطاليا ،و ما رأي زوجك فيها ؟
وين راح نشفالك انا ما نشفاش انا اصلا ما نيش طباخة ماهرة يعني بديت الطياب مع الزواج مرة تصلح ومرة لا بصح اكثر حاجة تعجبو الشربة فريك والكسكس ولو اني احيانا نديرور مسوس
ــــ هل سبقلك وتصلتي بالاسعاف و كنتي وحدك في البيت اي زوجك كان خارج البيت ؟ بعيد الشر عليك .
لا لا جامي وحتى كون تجرالي حاجة نعيط لمخلوقي ماشي للاسعاف هههه
ــــ اول مرة جا زوجك للبيت يعني قبل الخطبة و شافك لقيتيه بالخمار او بدون خمار ؟
بالخمار طبعا
سلامي .

في امان الله ام الحلوين ومستنيين عودتك ههه

 

[أم أمين23]

مرسي حنونة هاد العام غير المنتديات حبابت المنتديات تفكرو عيد ميلادي ربي اخليك على الطورطة الهايلة

 

[fatouma2012]

أم أمين شكون في ولادك العاقل وشكون طيارة ؟

واش هي الحاجة أو الحاجات اللي من خلال تجربتك مع التربية تع ولادك الاولين مغاديش تديريها ولا تخلي بنتك توالفها ؟

عندك ساتيليت ف دارك والقنوات تع العرب ؟ تتفرجي مسلسلات ؟

 

[أم أمين23]

أم أمين شكون في ولادك العاقل وشكون طيارة ؟
الكبير عاقل اما الصغير جمرة تقوليلو غرب يروح شرق ولو انو الكبير ضرك ولى يتبع في الصغير
واش هي الحاجة أو الحاجات اللي من خلال تجربتك مع التربية تع ولادك الاولين مغاديش تديريها ولا تخلي بنتك توالفها ؟
والله ما نعرف بصح ممكن العياط لخاطر كون ما نعيطش على ولادي ما يفهموش ههههه
عندك ساتيليت ف دارك والقنوات تع العرب ؟ تتفرجي مسلسلات ؟

ايه عندي الهوت بورد والقنوات تاع العرب الي فيه ايه نتفرج حوايج كي يكون المخلوق ما كانش لخاطر هو ما يحبهمش ويقول على كل المسلسلات وحتى الحصص الفكاهية شياطين مادابيه نشوف برك الجزيرة واقرأ بصح انا نقلق ونتفرج ونتبع مسلسلات مش بزاف بصح نشوف كي يعود ماكانش

 

[ام الحلوين]

ام امين
ما هي اخر هدية هداهالك زوجك ؟
هل تحتافلي باعياد ميلاد ولادك ؟ربي يطول في عمارهم .
شحال كان في عمرك كي تحجبتي ؟
هل ديري خمار قدام شيخك و خاوة زوجك ؟
واش تلبسي في الاعراس ؟
كيف كانت ولادتك عادي او قيصري ؟
ما هو مانع الحمل لي كنتي دايراتو ؟ و كم بقيتي بعد المانع و حملتي ؟

 

[lina-67]

ام امين
واش هي الحاجة اللي بكاتك من الفرحة في حياتك
واش هو البلد اللي تتمناي تزوريه
واش هم البلدان اللي زرتيهم وواش هو اللي عجبك و تمنيتي تعيشي فيه
ركبتي la moto ولا جامي :d

 

[أم أمين23]

ام امين
ما هي اخر هدية هداهالك زوجك ؟
المخلوق تاعي ما يقولش بالهدايا يقولي الا حابة حاجة هاكي الدراهم وربي يسهل
هل تحتافلي باعياد ميلاد ولادك ؟ربي يطول في عمارهم .
لا نحن لا نحتفل الا بالعيدين الكبير والصغير
شحال كان في عمرك كي تحجبتي ؟
كي تحجبت كنت نقرا سنة سابعة والا الثامنة يعني تقريبا يمكن 11 او 12 سنة
هل ديري خمار قدام شيخك و خاوة زوجك ؟
ايه اكيد شيخي لا من المحارم بصح مدايرة الخمار طول في دارهم لخاطر سلافي يدخلو فجأة يعني انحي غير كي نرقد
واش تلبسي في الاعراس ؟
من يوم تزوجت ما رحت لحتى لعرس حضرت طهور برك وكان في دار لبست غوب الي كيما تاع الخليج هادوك مع خمار
كيف كانت ولادتك عادي او قيصري ؟
الحمد الله عادي في زوج
و كم بقيتي بعد المانع و حملتي ؟ حملت قبل ما يكمل امين ثلاث سنين ب4 اشهر