كي كنا صغار

[أمــ وليــد الجزائرية]

كي كنا صغار خدمنا ماعن بالطين

ولي يدنا ليهم راحت عليه​

ايه و كنا نطيبو بهم كل وحد فينا يجيب حاجة من الدار و نديرو اكلة عجيبة

و تكون بنيـــــــــــــنة

وينك ياصغري:cray02::cray02:

​

 

[أمــ وليــد الجزائرية]

اتفكرت حاجة كنا كل وقت واللعبة الخاصة به مثلا
الربيع نلعبو البلايط الصيف الكوردة في وقت ليكول لاروند نذكر اغنية كنا نقولوها بزاف
عائشة يا عائشة ...ما لك يا عائشة
ترد هي التي تكون في وسط الدايرة قايلة انني مريضة من راسي وبطني
نرد عليها نحن الله اشافيك يا عائشة
من يذكر الاغاني تاع الكوردة والبلايط وحتى لاروند
كنا نلعب قرد في الليل او المقيل بالكعب او الحجر
كان الاولاد يلعبون سيق والفريدة لمانيش غالطة في الاسم تلعب بالنعالي حشاكم فيها الضرب لعبة اللورمة وصيد العصافير بالمقلاع كنا نحن البنات نلعب عشة تخيلو كل وحدة تسرق حاجة من دارهم هذي حبة بطاطة هذي حبة بصل هذي اتجيب الطماطم المصبرة الملح وحدة اتجيب الزيت بالتخبية نشعلو النار ونطيبو الخلوطة في قوطي طوماطيش وناكلوه لا مرض لا عيف:d
كنا نصنع العرايس البوبية بالمطارق زوج مطارق على شكل زائد نخيطو لها الكتان نطلبوه من عند الخياطات ونضعو لها الشعر ننزعوه من البطانة تاع الماعز ونلسقوه بالعلكة والله كنا عباقرة
الاولاد يصنعو السيارات بالسلك برك الرياشات يصنعوهم بقرعة سعيدة
اما ليلة العيد نوضع احوايجنا تحت المخدة والصباط قدامنا باه غير انوضو نلبسو
كنا نضع الحنة في اليد اتقولنا جدتي الي حنتها تخرج صفرا غيارة انوض انا الولى نغسل الحنة غير بالعقل باش ما تتنحاش شحال نفرح كيتخرج حمرى
والله كنا نية
نشكر كل من قاسمنا طفولته في هذا المنتدى دمتم سالمين

اه اختي غير زيدي تفكري راكي كلما تديني للهه ياااااه كاين من هذو الي درتيهم عشتو انا ثانيك

و كاين الي مفهمتهم ههههه بصح قدرت نتخيلهم

كنا صغار مي مخلينا الطياب مخلينا لخياطة حتى لكروسات كنا نصنعوهم ايه و في نهار تاع المولد النبوي الشريف كان الحي كامل يتضوى بشموع و باه منتحرقوش و نديرو حلة باهية كنا نديرو الشمعة داخل علبة الطوماطيش و نثقبوها من الجيهة لخرى باه تبان الضوء تاع الشمة و نزيدو نديرولها لعصا باه نحكموها ههههه روعة و الله روعة
​

 

[D aucun]

السلام عليكم
هههههه موضوع شباب كي غايا
نحكيلكم مرة كنا نلعبو البالون وفي رمضان ايا ديك المرة وأنا صايم قريب مت من الجري بالعطش ايا جيت نيشان شربت الما حتى خرجلي من نيفي بوي لعبتها صايم ونورمال هههههه
كي نتفكرها نبقى غير نضحك​

 

[أمــ وليــد الجزائرية]

السلام عليكم
هههههه موضوع شباب كي غايا
نحكيلكم مرة كنا نلعبو البالون وفي رمضان ايا ديك المرة وأنا صايم قريب مت من الجري بالعطش ايا جيت نيشان شربت الما حتى خرجلي من نيفي بوي لعبتها صايم ونورمال هههههه
كي نتفكرها نبقى غير نضحك​

و فرحان بروحك ههههه

بصح مقلتلناش

غرمتو هذاك النهار ولامزااالو معلق في رقبتك؟؟
​

 

[وجع الظلم]

السلام عليكم

هههههه موضوع شباب كي غايا
نحكيلكم مرة كنا نلعبو البالون وفي رمضان ايا ديك المرة وأنا صايم قريب مت من الجري بالعطش ايا جيت نيشان شربت الما حتى خرجلي من نيفي بوي لعبتها صايم ونورمال هههههه

كي نتفكرها نبقى غير نضحك​

كامل اتريشينا في رمضان:-r كان اجي في الصيف ناكلوه ونبالطو الناس باللسان الابيض :p وري لسانك اذا كان ابيض انت صايم كنا نتريشاو غير باه اخلونا نفطرو مع الكبار:$مرة بنت عمتي قالت لي انا نرقد عندما تسمعي الاذان الاول نوضيني باش نشرب الماء اتكلت عليا لما افتحت عينيا صبت النهار اطلع ما نقولكش واش اصرالها
شكرا اخي :regards01:

 

[فتاة حساسة]

ااااااااااااااااااااه قلبي الصغير لا يتحمل ختي حرام عليك فكرتيني فالصغر ...يا حسراااااااااااااااااااااااااااااااااااااااااااااااااااااا تواحشت دزك الليام ...اللي كناف يهم صغار يا حسراااا نتمنى لوكان يوليو ولو نهار ربرك ...يامات مايتنساااوش​

 

[D aucun]

و فرحان بروحك ههههه

بصح مقلتلناش

غرمتو هذاك النهار ولامزااالو معلق في رقبتك؟؟
​

ههه
لافيريتي والله ماغرمته بويسك كنت صغير 12 سنة ماكنتش مكلف هههههه
ها مالك باغية تصوميني في هاد الصيف​

 

[D aucun]

كامل اتريشينا في رمضان:-r كان اجي في الصيف ناكلوه ونبالطو الناس باللسان الابيض :p وري لسانك اذا كان ابيض انت صايم كنا نتريشاو غير باه اخلونا نفطرو مع الكبار:$مرة بنت عمتي قالت لي انا نرقد عندما تسمعي الاذان الاول نوضيني باش نشرب الماء اتكلت عليا لما افتحت عينيا صبت النهار اطلع ما نقولكش واش اصرالها
شكرا اخي :regards01:

ههه يا حصراه على تاع لسانك والله غير كنت حافظها هادي وريلي لسانك كنا نجيو من البريمار ولا من السيام ونلعبوها صايمين ياه يالصغر ياه​

 

[serinee]

شكرا على الموضوع الباهي رجعتيني لايام شابين اوووه ليت الطفولة تعود يوما
هههههه تاع الفريجيدار درتها نغرقو غير بلعقل باش نشوف الضواية
نطلع فوق فراش ماما و نرمي روحي و نصوطي و نلعب
و الدراهم ماكنتش نعرف نحسبهم
كي يسقسيني بابا او ماما على الساعة الكبير راهو في 6 و الغير في 5
و ادا زدت تفكرت راني نرجع
​

 

[وجع الظلم]

اتفكرت اول لانيفارسار اتاعي
كي كنت في السنة الثالثة ابتدائي اسمعت صحاباتي يتكلمو على لانيفارسار عمري ما سمعت بها
كل مرة تعرضهم وحدا انا ماكنتش اروح
جاتني مرة الفكرة في راسي اندير انا لانيفارسار علاش لالا
كان يوم الجمعة ما خبرت حتى واحد اعرضت الكلاسة كاملة 36 او اكثر
وبدئت الوفود تدخل جدتي الله يرحمها اتخلعت واش كاين قلتلها لانيفارسار ما فهمت والو وانا ثاني ماكنت فاهما فيها والو
رحت لوالدي قتلو اعطيني الدراهم باه نشري الكازوز قالي علاه قتلو لانيفارسار اتاعي اليوم
اضحك عليا حتى شبع قالي لانيفارسار اتاعك في الشتا واحنا رانا في ماي
المهم اعطاني الدراهم اشريت الكازوز جبت الكراسي ماكفاهمش البلاص الحمد لله كاين الي جابو الباتيسري اكلاو قاطوهم شربو الكازوز جداتي راهي تغلي في الكوزينا
وحدة من صحاباتي قالتلي راكم دايرين الطعام انموت فيه
وصلت الساعة اضن قريب الثناعش جداتي متقدرش اتشدهم على الفطور خاطرش كانت دايرا حساب 3 وحنا كنا40 جات عمتي قالت لهم هيا احباباتي اكليتو اشربتو روحو لدياركم
قالولها نقعدو نفطرو
وهنا عمتي اتعمرولها لقرع هيا ضرك اخرجو يا الله
خرجو ولما بعدو شويا على الدار عايروني فلانا المخلوعة:d
ادخلت نبكي مشي باصكو زعكوهم لالالالالا خفت ولا يضربوني كي ندخلو اليكول
من هذاك النهار مادرت لانيفارسار ما نحبها يا و الي ماهو ليك غير اعييك :$

 

[أمــ وليــد الجزائرية]

ااااااااااااااااااااه قلبي الصغير لا يتحمل ختي حرام عليك فكرتيني فالصغر ...يا حسراااااااااااااااااااااااااااااااااااااااااااااااااااااا تواحشت دزك الليام ...اللي كناف يهم صغار يا حسراااا نتمنى لوكان يوليو ولو نهار ربرك ...يامات مايتنساااوش​

بلاك راح يخترعو كبسولة الزمن

و نقدرو نققو احلامنا شكون شاااف
​

 

[أمــ وليــد الجزائرية]

شكرا على الموضوع الباهي رجعتيني لايام شابين اوووه ليت الطفولة تعود يوما
هههههه تاع الفريجيدار درتها نغرقو غير بلعقل باش نشوف الضواية
نطلع فوق فراش ماما و نرمي روحي و نصوطي و نلعب
و الدراهم ماكنتش نعرف نحسبهم
كي يسقسيني بابا او ماما على الساعة الكبير راهو في 6 و الغير في 5
و ادا زدت تفكرت راني نرجع
​

اوكي الزينة مرحبا بيك في كل وقت

رح تبقا هذي الصفحة جامعة ذكرياتنا كلها

الي ميقرش الواحد ينساها

اكيد رح تتفكري رانا نستناو نشوفو خرايبك انت ثانيك
​

 

[أمــ وليــد الجزائرية]

اتفكرت اول لانيفارسار اتاعي
كي كنت في السنة الثالثة ابتدائي اسمعت صحاباتي يتكلمو على لانيفارسار عمري ما سمعت بها
كل مرة تعرضهم وحدا انا ماكنتش اروح
جاتني مرة الفكرة في راسي اندير انا لانيفارسار علاش لالا
كان يوم الجمعة ما خبرت حتى واحد اعرضت الكلاسة كاملة 36 او اكثر
وبدئت الوفود تدخل جدتي الله يرحمها اتخلعت واش كاين قلتلها لانيفارسار ما فهمت والو وانا ثاني ماكنت فاهما فيها والو
رحت لوالدي قتلو اعطيني الدراهم باه نشري الكازوز قالي علاه قتلو لانيفارسار اتاعي اليوم
اضحك عليا حتى شبع قالي لانيفارسار اتاعك في الشتا واحنا رانا في ماي
المهم اعطاني الدراهم اشريت الكازوز جبت الكراسي ماكفاهمش البلاص الحمد لله كاين الي جابو الباتيسري اكلاو قاطوهم شربو الكازوز جداتي راهي تغلي في الكوزينا
وحدة من صحاباتي قالتلي راكم دايرين الطعام انموت فيه
وصلت الساعة اضن قريب الثناعش جداتي متقدرش اتشدهم على الفطور خاطرش كانت دايرا حساب 3 وحنا كنا40 جات عمتي قالت لهم هيا احباباتي اكليتو اشربتو روحو لدياركم
قالولها نقعدو نفطرو
وهنا عمتي اتعمرولها لقرع هيا ضرك اخرجو يا الله
خرجو ولما بعدو شويا على الدار عايروني فلانا المخلوعة:d
ادخلت نبكي مشي باصكو زعكوهم لالالالالا خفت ولا يضربوني كي ندخلو اليكول
من هذاك النهار مادرت لانيفارسار ما نحبها يا و الي ماهو ليك غير اعييك :$

والله غير قتلتيني من الضحك
هذا كامل عشتيه
و الله يعطيك الصحة
ايا ولا مزال تفكرتي غير ارجعي
متقوليش راني كثرت عليك بالعكس
​

 

[فتاة حساسة]

بلاك راح يخترعو كبسولة الزمن

و نقدرو نققو احلامنا شكون شاااف
​

هههههههههههههههههههههههههههاوه نتي حاسبا روحك مع نادين وكبسولة نتاعها هاديك ههههههههههههههه تشفااااااااااااااااااااااااااااااااي عليها هههههههههههههه يامااات :p

 

[IMI MESSI]

ههههههههههههههههههه عندك الحق
انا كي كنت صغيرة فالمولد النبوي الشريف ما نرقدش باه صباح نشوف الشمس ترقص
يعطيك الصحة موضوع هايل

 

[أم أمين23]

تفكرت حاجة كي كنا صغار نديروها وما نعرف الا ذكروها الاعضاء والا لا لخاطر ما لحقتش نقرى كل الردود وهي عفسة كي نشوفو طوموبيل حمرة نعملوها باش يجونا الدراهم

 

[أمــ وليــد الجزائرية]

تفكرت حاجة كي كنا صغار نديروها وما نعرف الا ذكروها الاعضاء والا لا لخاطر ما لحقتش نقرى كل الردود وهي عفسة كي نشوفو طوموبيل حمرة نعملوها باش يجونا الدراهم

هذي انا اول مرة نسمع بيها عندنا مكانوش يلعبوها هذي

على كل جاوكم دراهم ولا لالا؟؟؟؟:d
​

 

[D aucun]

الفرق بين الصغر في وقتنا والصغر دروك
دروك تلقاه
عمره 13 عام و كاتب سأقبلها حتى الموت ..!
.
.
.
.
.
.
.
.
.
.
.
.
.
في هذاك العمر كونت نحشم حتى من سعاد تاع كتاب القراءة
​

 

[وجع الظلم]

تفكرت حاجة كي كنا صغار نديروها وما نعرف الا ذكروها الاعضاء والا لا لخاطر ما لحقتش نقرى كل الردود وهي عفسة كي نشوفو طوموبيل حمرة نعملوها باش يجونا الدراهم

هذي كنا نديروها بصح ما نقدرش انفهمك
كنا كي نشوفو لوطو حمرة انديروالابهام le pouce
في فمنا ونطبعو به الكف تاع اليد 7مرات اضن لا اذكر
بصح ما شفتش الدراهم
شكرا لام امين

 

[وجع الظلم]

اتفكرت حاجة راهي مازالت راسخة في راسي
كي كنا صغار وقت الدلاع والبتيخ او الفكوس ماناكلوش الراس
اقلولونا الي ياكل الراس ياكل راس امه وبوه
والله لحد اليوم مانكولش راس الدلاع :$علابالي بلي ماكاش منها بصح الله غالب حبسونة كملت حابسة :d
واذا اتفكرت رايحا نرجع فرحانة ابروحي