نقاش العرايس/ التعامل مع الخطيب ( العدد الأول )

[minoucha anoucha]

احسن حل حبيبتي تقولي لماماك هي لي تحكي مع باباك

لانك ما زلتي في عصمة ابوك ما تقدريش تعصيه و انت مرتاحة
و ادا اعطاك الموافقة تاعه تقدري تحكي معاه​

وي ماما نورمال قلتلي اذا حبيتي تحكي معاه و خويا تاني مي بابا رافض باش نحكي معاه هو راه خايف عليا في المستقبل مي راها تبالي عندو الحق حتى من نعقد و نحكي معاه بالاك
و فيرايك انت كي ندير؟

 

[جامعية]

هههههههههه والله يا البورتابل تاع مشاكل صح اولا ما حقوش يقول اخطاء مرتو المستقبلية ادا غلطت قدام اهلو و تان كي كوبا عليها مسكينة ههههههههه والله يا امال فكرتيني في 2 مواقف صراولي مع خطيبي كي العادة نحكيلكم
الموقف الاول جا خطيبي بين قوسين هو من زرالدة و انا بسكرة لكن اصلو بسكري ... المهم قتلكم جا يزورني مع الوالد نتاعو قاللي ديريلنا محاجب و انا مازالني ناقصة شوي مالا عاونتني ماما مي ماقتلوش راهي عاونتني ايا كي جاو راح ياكلو قال ل باباه و بابا جيبولي ورقة نكتب فيها ملاحظاتي على المحاجب قالو ابوه ايااااا كول و اسكت ههههه
و الموقف الثاني في يوم من الايام كان يناقش فيا نسيت الموضوع قلقت منو كوبيت عليه ههههههههه جامي درتها لأي انسان من بعد زعف مني مدة و رجعنا عادي لكن من هداك النهار ما عاودتهاش

 

[جامعية]

وي ماما نورمال قلتلي اذا حبيتي تحكي معاه و خويا تاني مي بابا رافض باش نحكي معاه هو راه خايف عليا في المستقبل مي راها تبالي عندو الحق حتى من نعقد و نحكي معاه بالاك
و فيرايك انت كي ندير؟

اذا دايرين الفاتحة عادي . تحاول امك تقنع باباك
و اذا ماكمش مفتحين هدي بلا شك مايجوزلكش تهدري معاه
و ربي ييسرلك لي فيه الخير ان شاء الله و استخيري

 

[Just Hope]

ههههههههههههههه شفتي ؟؟
التلفون و مشاكله

الجاست اللولة الي دارها خطيبك عادي حسيتها زعاقة نورمال ما تزعفش هههههههه
و الثانية راكي سلكتي هههههه
بصح كون جات بالعكس و هو الي كوبا عليك واش تديري ههههه ؟؟

 

[Just Hope]

وي ماما نورمال قلتلي اذا حبيتي تحكي معاه و خويا تاني مي بابا رافض باش نحكي معاه هو راه خايف عليا في المستقبل مي راها تبالي عندو الحق حتى من نعقد و نحكي معاه بالاك
و فيرايك انت كي ندير؟

ايه اهدري معاه نورمال ...بصح ما تكثريش .... اذا كان مفتح عليك
و خليه هو الي يعيط ما تعيطيش نتي و تقولي انا فلانة
و جربي يماك تقنع باباك

 

[جامعية]

ههههههههههههههه شفتي ؟؟
التلفون و مشاكله

الجاست اللولة الي دارها خطيبك عادي حسيتها زعاقة نورمال ما تزعفش هههههههه
و الثانية راكي سلكتي هههههه
بصح كون جات بالعكس و هو الي كوبا عليك واش تديري ههههه ؟؟

ههههههه لحد الان الحمدلله عندنا عام خطوبة مادارليش جاست لي نقولك يقلق صح لكن تعرفي حنا النساء مرات نكونو منارفيين بلا سبب... نوليو نفهمو بالناقص و المشكل يكبر من العدم
اذا كوبا عليا واش ندير؟؟؟ ااممممم اذا كان عندو الحق و انا الغالطة و كوبا عليا بحجة باه ما يتفاقمش المشكل راح نسامحو بلا ما يطلب مني السماح لكن اذا هو الغالط و يزيد يكوبي راح نزعف منو و ناقشو و نخليه يطلب السماح من بعد عادي و اذا كل مرة يتكرر الجاست و على ماكانش يكوبي عليا هديك حاجة اخرى
الله لا يوصلنا ههههههههه و ربي يجعل المودة بين كل زوجين مستقبليين ان شاء الله

 

[Just Hope]

صحيتي برافو عليك
في رايك سميرة وصلت روحها يكوبي عليها ؟؟
انا في الموقف حسيته غالط و لازم يطلب السماح

 

[جامعية]

لالا ماوصلتش روحها و هو الغالط و لازم يطلب السماح . من هدرتو هذي قوليلها ديري القلب و تعلمي باه مايعايركش و بالعكس يمدحك قدامهم

 

[Just Hope]

هههههههههههههه اوكي
ويناها لي نقلها بصح هههههه
هذا موقف اخترعته
اذا تحبي تديري كاش موقف تفضلي ^^
​

 

[جامعية]

اوكي انا راح نحكيلكم على مشكل صرا بيني و بين خطيبي و بسببو شهر ما حكيناش مع بعض و بدأنا نخممو في التفكير نتاع الانفصال او تأجيل العرس
كيما تعرفو كلكم مرات نوصلو رواحنا للمشاكل
انا بطبعي ماحبيتش نولفو وين نروح نقلو المهم قالي تكوني مع داركم تخرجي مشي وحدك . مرة من الايام سافرت انا و ابي و كي وصلت رفدت الموبيل قتلو راني في باتنة قالي صااااااار تروحي بلا ما تقوليلي؟؟؟ قتلو ياك راني مع دارنا قالي لالا غير زيدي روحي وحدك من بعد قالي المهم تهلاي فروحك سلام سلام...
.
.
.
.
للغد كنت رايحة للعرس مع امي و خواتاتي قلت ايا نقولو اني رايحة بعثتلو مسج في رأيكم واش جاوبني؟؟ قالي روحي وين تحبي ماتزيديش تقوليلي لأنك تحبي ديري رايك انا قتلو اوكي و رحت للعرس زهيت و شطحت ههههههه
من بعدها للغد نعيطلو مايرفدش عرفتو زعفان نبعثلو مسج ما يجاوبش مازدتش عيطتلو
كانت امو و ابوه في العمرة كي جات عيطتلها باركتلها.... من بعد قاتلي نجيو لداركم باه نحددو وقت العرس و انا و هو شهر ماناش نهدرو مع بعض
امي تدخلت في الموضوع و عيطتلو قاتلو علاه ماراكشش تعيط لخطيبتك قالها راني مشغول مع التحضيرات...
من بعد شهر و كي حددنا وقت الزفاف بعثتلو مسج قتلو كيفاه راح نبقاو هكادا؟
قالي راني نخمم نأجل العرس بعد عامين ههههههه و انا يبست في بلاصتي
.
.
.
.
.
قتلو علاه قالي هكدا قتلو دير لي يساعدك . في الغد عيطتلو و تناقشنا و انا قتلو المشكل فيك و هو يقلي المشكل فيك و من بعد سامحنا بعض و رجعنا عادي و منذ ذلك اليوم نقصنا من حكايات البورتابل هههههه و انا نقصت من خشانة رأسي كيما يقولي هو
.
.
. ان شاء الله مانكونش طولت عليكم
ننتظر في آرائكم و نصائحكم

 

[Just Hope]

هههههههه تعجبني فيك حاجة
على حساب ما راكي تحكي راكي هادية
حتى و زعف منك زهيتي و شطحتي ههههههه نستعرف بيك
كون انا نقعد نخمم و ما نحبش نخليه زعفان

انا مع خطيبي وين روح نقلو ... على اساس يكون علباله ماشي على اساس يقلي نروح ولا لا
حتى ولا يتحكم وحده ...في هاذي انا غلطت ولفته
بصح في حالتك عجبتيني كي ما ولفتيهش بصح بالغتي ....سافرتي بلا ما تقوليلو انا راني نشوف بلي عنو الحق
كي زعف + علبالك بعقلية الرجال
و على خشانة الراس الله يستر انا راني كما نتي راسي خشين ...ربي يجيب الخير هههههه
ميرسي حنونتي
فرحت بمشاركتك جامعية ^^
و الله يوفقك ان شاء الله و يسعدك

 

[جامعية]

ايه كيما قلتي يوالفو لكن هو قالي قوليلي باه تعرف وين راهي مرتي برك هههههه و راني درك عدت ناخذ الراي نقولو وين رايحة
حاجة اخرى كيما قلتي قالي يا الجايحة كيفاه تخلي شهر يفوت و راجلك زعفان عليك هههههههه انا شوي عندي وحد عزة النفس :p
المهم راني بديت نتعلم بلي المرأة ديما تنقص من روحها لكن مشي تسمح في حقوقها
ربي يعطينا العقل و نعرفو كيفاه نتعاملو مع الخطيب لي هو الزوج المستقبلي ان شاء الله

 

[Just Hope]

جامعية
تأمني كنت رايحة نطلب منك الفايس بوك نتاعك هههههه
حتى لقيتك حاطتلي
انا ما عنديش سكايب .... مانيش مسطالياته لا في التلفون لا الميكرو
عندك فايس بوك ؟

 

[جامعية]

كان عندي فايس بوك مي نحيتو قالي الموسيو نحيه هههههههههههه

 

[Just Hope]

معليش كلشي ولا المسيو يزعف
اذا ستاليت السكايب ناجوتيك ^^

 

[minoucha anoucha]

ههههههههههههههه شفتي ؟؟
التلفون و مشاكله

الجاست اللولة الي دارها خطيبك عادي حسيتها زعاقة نورمال ما تزعفش هههههههه
و الثانية راكي سلكتي هههههه
بصح كون جات بالعكس و هو الي كوبا عليك واش تديري ههههه ؟؟

ههههههههههههه
كي يتزوجني نخلفهاله:p

 

[minoucha anoucha]

كان عندي فايس بوك مي نحيتو قالي الموسيو نحيه هههههههههههه

واش الاولاد حلال عليهم حنا البنات حرام علينا

 

[minoucha anoucha]

انا اختي نحكي معاه بالسوايع لكن الوحدة تعرف كيفاه تحكي تخلي القدر بيناتهم احسن
و على اهله كان فالاول ما يحكيليش لكن كي ولينا فالسيريو راه يحكيلي و اكيد مع اسئلتي هههه

كنصيحة مني نقصي الهدرا معاهعلى الاقل مرة في النهار او مرتين

 

[جامعية]

واش الاولاد حلال عليهم حنا البنات حرام علينا

لا قالي انا ماعنديش مالا نتي تان اقفليه و عندو حق فايسبوك بلا فايدة و المنتدى اللمة احسن منو

 

[minoucha anoucha]

مسكين ما عندوش
ايه في الحقيقة تا انا غلقت الفايس كانو يبعثولي ليفوطو ماشي ملاح بصح حليت 2منتديات سكارا على الفايس