نقاش العرايس/ التعامل مع الخطيب ( العدد الأول )

[*Sarah Dz*]

بالنيبة لسامر // مازال ما قريتش الوقائع درك نولي متتبعة للقصص و نجاوب عليها

حبيبتي مينوشة // مين باباك ماراهش قابل معليش انت استناي نهار العقد و خلاص
بسكو ما تقدريش تعصيه على الرغم من انو بالفاتحة رجعت حلالو و مرتو في الدين

 

[minoucha anoucha]

بالنيبة لسامر // مازال ما قريتش الوقائع درك نولي متتبعة للقصص و نجاوب عليها

حبيبتي مينوشة // مين باباك ماراهش قابل معليش انت استناي نهار العقد و خلاص
بسكو ما تقدريش تعصيه على الرغم من انو بالفاتحة رجعت حلالو و مرتو في الدين

ايه غادي نصبر
شكرااااااااااااااااااااااااااا لك

 

[آستثنآء]

راني غير كي حطيت موضوع نحتاجكم فيه و هو راني رايحة نفوت الباك و خطيبي قالي مورا رمضان لازم نرفدك و نديرو العرس و انا غادي نكون لاهية مع التسجيل و غير يعيطلي ينوض الشليق بيناتنا سيرتو كي يقولي راكي موجدة روحك نقوله واه ان شاء الله ندي الباك يقولي حلمي و الله حايرة مع هذا الانسان​

 

[miss miss]

[FONT=&quot]السلام عليكم و رحمة الله و بركاته [/FONT]​

[FONT=&quot]عندي بزاف و انا حابة نتناقش معاكم بصح كنت نسمع للاستفسارات تاعكم [/FONT]​

[FONT=&quot]انا بالنسبة ليا انا مخطوبة عندي 10 اشهر انا و خطيبي مكناش نهدرو بصح دوك عندي شهر و انا نهدر معاه و يعني هو من العائلة وليد خال ماما يسكن في ولاية غير ولايتي انا في برج بوعريريج و هو في بجاية [/FONT]​

[FONT=&quot]خطيبي من النوع الخجول نوعا ما خاصة من عائلتي انا راني معاه شويا شويا [/FONT]​

[FONT=&quot]مزال ما طحتش براسي بصح بحكم اني مخطوبة عندي شوية مودة ليه في قلبي اهههه [/FONT]​

[FONT=&quot]هو طيب غيور بزااااااااااف اخاف كون يخسرني ومع اني عندي عقليا انا تاني منيش ساهلة هو يحبني و انا ديمة نكون باردة من جيهتو ...........[/FONT]​

[FONT=&quot]قالي شحال مرة نخاف لتخليني و انا ديما نقولو انا لحبيت نرتبط معاك ماشي محتوم عليا المهم انا كنت نقرا بصح حبست راسي شويا يابس و كرهت منها و كزاد خطبني حبست [/FONT]​

[FONT=&quot]هو راه يبني في دار تاعنا و فرحان بزواج ............. و انا تاني راني مع توجاد و جهاز [/FONT]​

[FONT=&quot]نهدرو في الصباح و في الليل و كي نكونو معندناش الهدرة نكوبيو [/FONT]​

[FONT=&quot]انا ديما ندير روحي زعفانة اه اه لازم مترخفيش روحك قدام راجلك كيما قالت ختي ميمي طايحة في دبديبو لازم تشدي روحك مسكين ميحبش ازعفني و ساعة نغلق الموبيل نهار كامل و كي يسقسيني -------نقولو كنت مريضة و راقدة و موبيل طاحتلو الباتري ----------------------------------------بنات هذا هو وقت الدلع و الغزل و المجاملة -----[/FONT]​

[FONT=&quot]صح راني مهبلاتو شوية بصح لازم اههههه [/FONT]​

[FONT=&quot]الهدرة في الموبيل بزاف مش مليحة لازم ديما متخليهش يكره من الهدرة معاك ولا يشبع من كلامك المعسل خليه ديما يتوحشك و يهبل عليك يتحير شوية [/FONT]​

[FONT=&quot]ديري قلبك حجرة علابلي حنا كي نحبو نهبلو بصح لازم نتحكمو في رواحنا[/FONT]​

[FONT=&quot]عائلتو انا مهبلني بحكايات دارهم الحاجة لتصرا يجي يفرغ قلبو عندي اه لازم الراجل ايدير مرتو محل الامان و ايشاورها ............[/FONT]​

[FONT=&quot]ويلا على سي سامر هداك كون نحكمو نقوتلو سيرتو كي خرجت معاهم يماه يعطيه غمة غبنها كان قادر يرضي الطرفين و لا يشري على ذوقو ني يماه ني خطيبتو [/FONT]​

[FONT=&quot]و على تقطيع و تمنشير في ضهور الناس هذي صفة مذمومة تكون في الناس تقدر تروح هي طبيعة مش مليحة لازم مرتو تنصحو كيما هدي الصفة تقدر تكون في المراة و الرجل اههههههههههههههه الانسان ........................ و طبايعو و البيئة لعاش فيها .....[/FONT]​

[FONT=&quot] [/FONT]​

[FONT=&quot] [/FONT]​

 

[Just Hope]

اسمحولي طولت عليكم و الحوار حبس على حساب الشوفة ههههه

ميس ميس
شكرا حنونتي فتحتيلنا قلبك و حكيتينا واش فيه
كنت رايحة نبدا موضوع جديد مي حبيت نستفسر كثر على واحد النقطة

كيما راهي تقول ميس ميس ...خطيبها يحبها و يخاف يخسرها و كي تبلع البورتابل نهار كامل
و تقول كانت راقدة نورمال ...يتقلق عليها ماشي منها

انا خطيبي عقليته شوية ناشفة
كي يكون لباس بيه تقول هادا ماندي .... الهدرة المعسلة الضحكة التقلاش
نهار الي ما نريبونديش عليه يزعف الارض ما ترفدوش
يقلي كوبي عليا نفهم ما تخلينيش هكا

و الله خطرة زعفت منه و ثاني حبيت نتقلش زعما ههههههه قتله في مساج ما تعيطليش مانيش حابة نهدر معاك
انا حسبت يفهم بلي راني غير زعفت شوية و يقلي كاش كلمة مليحة و تفوت
تخيلو واش دار ؟؟ عيط 3 مرات و انا من زهري هاداك الوقت صح كنت مديرونجيا ماشي بلعاني ما رفدتش
تم تم بعث مساج كتبلي فيه والله و الله ما نزيد نهدر معاك ....تشوكيت
و فعلا ماعيطليش واقيلا سمانة
و ممباعد عيط و قالي نصوم 3 ايام .... و قالي عيطتلك باش نقلك لازم نتفرقو و كل واحد يروح لطريقه و بهاذ العقلية
ما نقدروش نكملو مع بعض وووووووو .......
تشوكيت كثر ..... و غاضتني عمري بزاااااااف باسكو حبيته و كنت حاسة بلي حتى و عقليته صعيبة بصح يحبني
المهم دار فيا حالة نهار كامل و انا مريضة و الله
و ممباعد في الليل دار في رايه ...قال كان يجرب فيا اذا نسمح فيه بالساهل ولا لا

صح نحبه و صح مانيش حابة نعيش مع وحدوخر بصح وليت نخاف منه
واش رايكم ؟؟عندي الحق نخاف ولا راني نبالغ

 

[miss miss]

سلام
قوليلي يرحم باباك شخصيتك وين راحة و هااو ليك قالك كنت نجرب فيك ديري مليح في بالك مادام جا خطبك مراحش يسمح فيك بساهل و نتي تاني اتقلشي و ادلعي و الله ما يخليك ادا كان ايحبك .............
نتي تاني ازعفي منو جربيه كما دارلك باش ايحس بيها ماشي ناس كامل كيف كيف انت راكي تعرفيه و تعرفي كيفاش تهبليه و تتقلشي عليه........................ ما طوليش عليا راني حاسة روحي وحدي فالمنتدى وين راحو كامل

 

[Just Hope]

ميس ميس
حتى انا حسبت روحي وحدي خرجت كامل
هههههههههه
عندك الحق
بصح عيييت علابالك ؟؟
المعنى تاع التقلاش تلفتو ههههههههههه

 

[miss miss]

شوفي نتي راح ايكون راجلك لازم تفهمي كيفاش تمشي معاه ادا نحيتي تقلاش من دوكا ماراكيش راح تتقلشي في دارو لازم تولفيه بطبايعك باش ميصيطرش عليك حاجة ساهلة امشي عاقلة معاه و خوديلو الراي بصح في حقك متسمحيش


و انتي تاني متقوليلوش مانيش حابة نهدر معاك قوليلو راني مريدة عيت زعفانة داوسة مع ختي ماما راني حابة نخرج بابا ما خلانيش كرهة حياتي ديري روحك تبكي ....البكاء يسيطر على الرجال هعهعههععههع ......
هكدا ..............ابدايا فالموضوع الجديد راني هنا

 

[كافيري]

انا وحدة من الناس الي يحبو يسمعو كنت انا وخطيبي في الايام الاولى نهدرو ياسر راكي عارفة التعرف على لعقلية مش ساهلة سيرتو الراجل كنت معاه جافة بصراحة وهاذا حال لي مايعرفش و يتمزا ناس لي عمبالو يحبوه والله غير هوا كان معايا فوق ما تصورتو راجل نتاع الصح.وعلى اهلو كنت نسقسي بسبة لقرابة بيناتنا باش يكون في علمكم هوا سلف اختي لكبيرة لازم نسقسي وساعت مانحبش نكثر من الاسئلة ياسر لخطراش يقولي تسقسي عليهم وانا ناسيتني وهو قلبو كبير ييييييييييييييييييييييسر معايا وهو من النوع لي يغير شوية مش من هادوك لي يبالغو حتان لمخلوقة تكره حياتها وتعود نادمة على معريفتو انا هكذا راه معايا انتيك paske لغيرة في وقتها مش على مكانش يغير ولا تغير.ولحب ما بيناتنا متبادل والله ماكنت نحسب لحب هكذا بعدا معاه روووووووووووووووووووعة.وش مليح على كل وحدة تبين شطارتها وقفازتها وفهامتها من نهارها حتى الراجل يفهم لمرا قبل ماتبدا تهدر انا مثلا ساعات نعود نحكي معاه ويقولي حوايج كنت رايحة نقولهملو صح مرة حتان خفت منو.وفي لخر نقولكم هذا لمثل اناديما نمشي بيه في وقت الشدة لواد مايحمل من الندى والفج ما يمشيه غير لي موالفو لي مامشاش معاك بالصفا امشي معا زماااااااااااااااااان وخالفو.اعطوني رايكم

 

[miss miss]

https://www.youtube.com/watch?v=tlzZapSuDr8

عندك الحق ماشي ناس كامل كيف كيف لازم تعرفي كيفاش تمشي و تكسبيه و تخليه طايح فيك

متشبعيلوش هدرتك ما تتلاقيش معاه بزاف هكدا تكوني عزيزة و غالية وا ش قولتي على واش تلبسي

 

[shéryfa luna]

salam ani jdida f elmawdo3 heda
habit na3ref ila keynin bnet menkom des fois yekarho w yegolo nbatlo zwaj khir ana dima tesrali​

 

[Just Hope]

شريفة
تصرا تصرا ..من كثر المشاكل احيانا الواحدة تقول كي كنت براسي خير لي
بصح هاذ سنة الحياه و لازم نوالفو و نعرفو كيفاش نفوتو هاذي المشاكل و الاختلافات
و مع الوقت تتعودي و تنحي الفكرة من راسك
التبطال ماشي مليح سيرتو للطفلة
تولي الهدرة عليها راكم عارفين
مالي من الاحسن تفكر مليح قبل الارتباط باش ما توقعش في هاذ الشئ
و ربي يهنيكم خواتاتي

 

[miss miss]

سلام
صح كاين منها هدي خصوصا كي تكون الوحدة تفرا و عندها حياة سعيد ......... تقول افف زواج تخمام و مشاكل .....و تحب تبدل رايها اختي مهيش المشكل Just Hope
في الناس و الهدرة و انا بالنسبة ليا كلام الناس هو اخر حاجة نخمم فيها لانو هدي حياتي و ادا كان شريك حياتي عقليتو واعر و انا منقدرش نتحمل نخطيه دوك قبل ما نجيب معاه الولاد هدا رايي ............

كلام ناس ميدير ساس الواحد يخمم لبعيد وناس يهدر يهدرو مالا خليهم يهدرووو و انت واش تقوليي....shéryfa luna
http://4algeria.com/forum/members/136728/

 

[shéryfa luna]

ana kraht 3akliet darhom lazguin f ba3dahom bezef w okol yesarfo w yofordo 3lia 9abl w ba3d zwaj lazem dima dima nroh l darhom w ndal f darhom o point ke galouli diri nhar b nhar nhar fi darkom m3a weldik w nhar and omalih
mais 3akliethom samta ki nroh them tdig rohi
w koun manrohech yegalbo denya khwatato w nsa khatwo w yegololi nti mathabich la famille w nti jebda rohek w patati ​

 

[Just Hope]

شريفة ما فهمتكش
نتي مخطوبة علاه تروحي ليهم

 

[shéryfa luna]

pck hakda 3akliethom en France lazem dima la fiancé ta3 benhom troh lihom w tol 3lihom w homa yezido fiha chuia
​

 

[Just Hope]

آآآه اوكي
انا تبنانلي متكثريش خليهم يقولو واش يحبو
باسكو الدسارة بزاااف ماشي مليحة

نتي كرهتي من هاذ العقلية لدرجة انك حبيتي تبطلي ؟؟
شوفي شريفة .... صلي استخارة و خمي في هاذ الراجل الي رايحة تعيشي معاه
ماتخميش في اهله
اذا هو مليح و عاجبك كلشي يفوت لانه الصح في الراجل
اذا هو نتي ما ارتحتيلوش هاذي حكاية وحدوخرا

ربي ييسرلك ختي و يهنيك

 

[أفرآح]

السلام عليكم ورحمة الله وبركاته

بارك الله فيك ع الموضوع المفيد اختي

وشكرا لكل الأخوات على النصائح الثمينة

..لي عودة باذن الله