بيت المغتربين 2

السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​

 

[أم أمين23]

ما تضحكوش راني درتها بالتعب ههههه راني حتى اللتوراق ما ورقتهاش كيما يلزم والقصان ما نقلكمش راه الشكل باين ههههههه

 

[ام الحلوين]

ام امين دخلتي علينا بالحلو الله يحلي ايامك و يعطيك وقفة ساهلة يا رب .ولونها خرجلك هايل
انا من سابع المستحيلات ادا بقلاوة تخرجلي مليحة بلاك نسيي سنيوة صغيرة هاد السمانة نوجدها لرمضان ، انا المشكل مرات الاوراق يجو خشان و مرات رقاق و الحشو يجي يتفتت مايجيش شاد روحو .
المشينة تاعك واش هو اخر رقم و فاش تفوتيها الارقام؟؟؟؟؟؟؟

 

[أم أمين23]

ههههه وايامك حبوبة قبل ما ننسى اسم اسماء يمشي مع اسم اسراء على نفس الوزن
ما عملتش بالماشينة حنونة قرصت بيدي على بيها قلت جاتني شوي خشينة
اما الحشو عليك برك كي ترحي المكسرات ما ترقهمش بزاف يعني خليهم حاكمين وراحهم والجوز الا عملتيه ما ترحيهش بالروبو تقليه وفي طبة تعقبي عليه بالقراص والا يدك
والكيلات تعملي 3 كيلات حشو مع كيلة سكر غلاص والا عادي وتزيدي ماء زهر بالشوي برك ما تبليهش خلاص وخليه يرتاح باش السكر يسيب الماء تاعو خاصة الا درتي السكر العادي ما تخليهش شايح الا شفتيه ما سيبش على بيها اولي يتفتت

 

[ام الحلوين]

شكرا ام امين
ان شاء الله نسييها و نقولك كيفاش جات
و الاسم بنت عمي اسمها اسماء و انا مانحبش يكون اسم متكرر في لافامي

 

[أم أمين23]

يا ختي من وين راح نجيبولك مالا اسماء جديدة هههه غير اسماء الي على وزن اسراء
الا ادا بدلنا البداية مثلا حوراء اكيد ما كانش في العائلة ومعناه المرأة البيضاء الرقيقة الناعمة ، البيِّنة الحَوَر، أي : ذات العينين التي بياض بياضها شديد وسواد سوادها شديد ، وحدقتها مستديرة وجفونها رقيقة وما حولها أبيض ، وليس في بني آدم حَوَرٌ ، إنَّما قيل للنساء حُوْرُ العيون ، لأنهنَّ شُبِّهْن بالظِّباء والبقر الوحشي ، والحَوْرَاء : لقب السيِّدة زينب أخت الحُسين بن علي""عليهم السلام"" .

كيما كاين إشراق او افنان او حواء

 

[fatouma2012]

أم الحلوين أنا الاسماء مازال psq نبدل رايي بالخف وسرسورة رها حاسة هاد الايام راها تبكي باه تقعد في حجري ، البقلاوة تخرجلك غليضة بلاك الماشينا تاعك مشي مليحة متراققش بزاف ولازم تروشيها بالميزينة باه تجي مورقة

أم أمين يعطيك الصحة على البقلاوة وصورتو بلا ماشينا تتعبي ، أنا شريت وحدة من عندكم دوريجين لي كانت عندي شريتها من فرانسا مشي شابة وتخرج الاوراق غلاض وعندي ليك إقتراح نصف السني روشيه بالبيستاش مطحون شوية خشين وكي تقدميها حطي فالتبسي حبة سامبل وحبة تع بيستاش تجي شابة فالحطة ولكان عندكم les dentelles لي يديروهم في les caissettes كيما تع البلاد ديري فيهم وأنا خليلي الحاشية في حقي هههه

سيرين عندك الصح ديري ال-b1 ومنبعد تفرغي للبيبييات

 

[lina-67]

يعطيك الصحة ام امين البقلاوة خرجت هايلة خليلي حقي
انا جامي درتها بالاك هاذ رمضان ان شاء الله نسييها

 

[sirin2013]

سلام لبنات
ام امين يعطك الصحة البقلاوة تشهي انا خترا جربتها بلا مشينة مخرجتليش مليحة
راني جبتلك لغوسات تع لبيتزا بصح كنتيتي كبيرة

 

[sirin2013]

6لترات و200 ماء ههههههه كما قلي نقلك
15كيلو فرينة
نص باكي خميرة
هذي هية
300غ صفار البيض
300مل زيت الزيتون
5 مغارف كبار سكر
14مغرف ملح
لترا حليب
200 تع ماء مع لخميرة يتخلطو وحدهم و لمقديرلخرا يتخلطو وحدهم معدا لحليب امبعد زديلهم لفرينة هذا في لعجانة وكتكون تعجن زدلها لحليب شويا شويا حتى تتحصلي على عجينة طرية
ولصوص ميدرهاش لبصل وثوم دجي ساك
وهذا هو كلشي

 

[أم أمين23]

أم الحلوين أنا الاسماء مازال psq نبدل رايي بالخف وسرسورة رها حاسة هاد الايام راها تبكي باه تقعد في حجري ، البقلاوة تخرجلك غليضة بلاك الماشينا تاعك مشي مليحة متراققش بزاف ولازم تروشيها بالميزينة باه تجي مورقة

أم أمين يعطيك الصحة على البقلاوة وصورتو بلا ماشينا تتعبي ، أنا شريت وحدة من عندكم دوريجين لي كانت عندي شريتها من فرانسا مشي شابة وتخرج الاوراق غلاض وعندي ليك إقتراح نصف السني روشيه بالبيستاش مطحون شوية خشين وكي تقدميها حطي فالتبسي حبة سامبل وحبة تع بيستاش تجي شابة فالحطة ولكان عندكم les dentelles لي يديروهم في les caissettes كيما تع البلاد ديري فيهم وأنا خليلي الحاشية في حقي هههه
انا ثاني عندي واحدة دوريجين شريتها منا بصح لازمك واحد يعاونك يعني ما نقدرش نخدم بيها وحدي لازم واحد يحكم معايا على بيها ما خدمتش بيها
وما فهمتش كيفاش العفسة تاع البيستاش؟؟؟؟
انا ثاني اكثر حاجة نحبها في البقلاوة الحاشية نموت عليها ممممم نقسموها مالا

 

[أم أمين23]

ان شاء الله جهاد جربي كمية صغيرة يعني بكيل صغير كيما درا انا اول مرة جربت في بلا تاع روطي
يا عيني على الكونطيطي لازم نقسم ضرك هادي شحال تعطينا من روندالة تاع بيتزا
انا الصفار ولا مرة مستعملاتو في البتزا ان شاء الله نجربها مرسي ليك وللمخلوق

 

[ام الحلوين]

سلام بنات وين راكم اليوم سير راكم مع التوجاد للبلاد
بيونة حتى نتي و خرجتي اليوم امالا دروك نبيpي لعجوزتك و غير تعاود تعيطلي نخبرها هههه
ام امين فطومة قصدها من بعد ماتحطيها في ليكيسات النص زينيه بالبيستاش مرحي و النص خليه عادي باش كي تقدميه في الصحن يجي شباب .
سلامي كامل ليكم .

 

[SAMIRA25]

السلام عليكم
واش احوالكم يا ناس الغربة ان شاء الله اموركم كلها مليحة ربي يهنيكم و يسعدكم
قابلتني البقلاوة الزينة امممم ام امين شهيتيني فيها بصح قوليلي كيفاه طيبتيها و يعطيك الصحة صح التعب و تحكم الوقت كون جات عندي كون ما ت**** هههه انا نعرف نديرها بصح و لا مرة درتها لازملها سني تاع نحاس و كوشة مليحة باه جي صفراء ...... راني نتحجج ​

 

[ام الحلوين]

سميرة هيا نديرو القلب نوجدوها انا و نتي و جهاد و نشوفو شكون تخرجلها مليحة ،انا سير ندي اخر علامة 1.5 على 20 ههههههههههههه
ايه بصح اعطيني طريقتك قبل

 

[lina-67]

سلام لبنات
كانو عندي ضياف ايا احزرو شكون :p

 

[SAMIRA25]

جهاد مما تقوليش فطومة؟؟؟؟؟؟؟؟؟؟؟؟؟؟؟؟

 

[أم أمين23]

ام الحلوين ما قلتيليش رايك في الاسامي لا قلتي لا قباح لا ملاح ههه اوك فهمت ولو اني ولا مرة شفت الطريقة هادي تاع تزيان البقلاوة بالبيستاش
سمير طيبتها في الكوشة تاع الكويزنيار شعلتلها من فوق ومن تحت سخنت ومن بعد حطيتها طابت ساعة تقريبا اطيب
شكون يا جهاد جاك رانا نستناو شكوووووووووووون؟

 

[أم أمين23]

البنات شفتو هاد الوصفة والا لا؟:
http://4algeria.com/forum/threads/376178/#post4859016
انا درتها وجاتني هايلة ننصحكم تجربوها هايلة تاع الصح

 

[lina-67]

ايا ام امين قلتلكم احزرو:-r نشوفو شكون تجيبها

 

[sirin2013]

سلام لبنات
جهاد عرفتها فطومة ختر قالة حبا نجي نقضي منعندكم ولا؟