بيت المغتربين 2

الحالة
مغلق ولا يسمح بالمزيد من الردود.
السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​


do.php


do.php
 
آخر تعديل:
إضغط للتوسيع...
جهاد معناتها انا ما جبتهاش هيا راكي درتينا سيسبانس
ما كاينة غير فطومة نعرفوها و الا رنيم​
 
ايا والله مليح على الاقل كاين زوج زارو بعض والله مليح هكا على الاقل تتعرفو اكثر وان شاء الله معريفة خير يا رب
 
جهاد بصحتكم الجمعة ربي يدوم المحبة
احكينا :) كيفاش كان اللقاء كيما تاع الفيلمات

 
سميرة خلي فطومة هي تحكيلكم و تقولكم اذا عجبها الحال ولا لا
 
سلالالام
راني نشوف بلي بديتو تتلاقااااو
وانا نسيتوني
هيا الفحلة فيكم لي تعرف كاش ولد فاميليا تزوجني باش نقرب ليكم ومنها فعل خيير
والله توحشتكم وراني نوجد في روحي لسيدنا رمضان الله يقبل منا ومنكم يااااارب
ماتبخلوووووونيش
 
سلام لبنات واش راكم
لهين مع التوجاد ربي يتقبل
اهلين مريومة يتوحشك الخير يارب وربي يبعتلك ولد الحلال في القريب العاجل
جهاد وفطومةفرحت كتلقيتو اموا كاين شكون تلقاو هنا ويله حكونا كفاش كان القاء الاول ولعقوبا المرات الجاية ادجو دزروني
 
سلام بنات واش احوالكم البيت راه فارغ وين راكم لاهيين
فطومة بصحتك الزيارة عند جهاد
انا ليوم خرجت من الصباح شريت شوية حوايج و شريت 2 قرونوياغ لبنتي و راجلي هبل كي شافهم و اسراء و اسحاق تاني فرحو و المشكل انا صعييييييييييييييييبة في الشري حتى حاجة مالقيتها توالمني .لقيت معظم لي غوب تاع جارزي و مانحبش هداك القماش بسكو سخون و تاني يفصل المرا بزاف
مريومة ربي يكتبلك وليد الحلال و نفرحو بيك ان شاء الله
سلامي للبقية
 
images

أم أمين كيما قاتلك أم الحلوين قصدي ترشي بعض الحبات بالبيستاش والباقي حطيه سامبل باه يجي الطبسي متنوع ، وهادي يديروها الاتراك والسوريين

درك نكمل ونحكيلكم على زيارتي الجهاد ربي يحفذاها
 
بنات هاد الويكاند فوتة من أروع ما يكون السبت صباح على 8 بكرت أنا وسرسورة ال-flohrmarkt قصدي سوق الاشياء المستعملة بصح خاص برك بالصوالح البيبييات عجبني فيه صوالح حتى جداد بتيكي ورخاص بزاف والمرا لي تكون بالحمل يدخلوا بنص ساعة قبل الناس العاديين ويخيرو في خاطرهم ويقفزو بصوالح الرخاص ، دخلت أنا وصديقتي اردنية وهي تاني حامل وهي حكمت جهة وأنا جهة وكي نلقى حاجة توالمها نرفد وهي تاني psq مكاش البائع كاين غير السلعة فوق الطوابل وفيها التمن وفالخرجة نخلصو ومنبعد جمعنا في قنت كي العجايز وبديت نعطيها وتعطيني فالحوايج psq هي عندها 3 دكور ، وشريت poussete تع 2 بلايس ماركتها مليحة ب-55 اورو جديدة تدير 500 اورو جربتها كي تنطوى ومشيتها ولقيتها فرصة لا تعوض ههه وشريت تنيسات كادويات للبلاد جدد بتيكي ب-2 أرو ، نفسها شريتها سيمانة لي فاتت ملحانوت ب-25 اورو وشريت لعب وروبات السرسورة منبعد نصورهم نشالله وكون مشي كنت رايحة الفرانسا عند جهاد كنت نروبلها بصح المهم فرحت غير بالبوسات ههههههه غلفتها وراها فال-cave تستنى المولود الجديد نشالله
 
منبعد جاء عندي المخلوق كيما تقول أم أمين ههه ورحنا عند جهاد رحنا قبل للمرشي تع العرب فيه الخضار وصوالح رمضان كما البلاد والناس كامل تهدر العربية حسيت روحي في مدينة جديدة تع وهران شريت زيتون تع البلاد والقسبر والبرقوق وتمر وفواكه باه مندلش خارجة ف رمضان والنعناع وديول وسميد ومرغاز والكبدة و كوتلات هادوا من عند التركي psq التركي لي عندنا يغلي كولشي ، ومنبعد رحت لدار جوجو وراجلي تلاقى صدفة بولد حومته في وهران راح عنده

فوتنها من أروع ما يكون جماعة وفطور الله الله قلشتنا نقولكم واش كليت باه متخيلوش من عندكم ههههه

طاجين الزيتون بلحم والبطاطا محشية بالكفتة عطينا لاغوسات جوجو يجي مليح ف رمضان ، والبوراك والحوت وسلاطة ماشالله جوجو تعرف طيب ومنبعد جماعة على الكيف وسرسورة لعبت ورقدت فوتناها غاية خاص غير بلاستكم معانا ومنبعد شورت وديت معايا المسمن والبسكوي دارتهم جوجو تقهويت بيهم الاحد الله يبارك

وصلنا الدار ميتين بالعيا بصح حسيت روحي رحت للبلاد وجيت psq نفس الجو والناس وريحة رمضان كل الناس تقضي .

هادي هي وهادا هو ، فرحت بزاف والكونتاكت face a face حاجة أخرى

الاحد خرجنا شوينا فالغابة حدا الغزلان ، ويكاند فور العقوبة ليكم

merci جوجو
 
صباح النور
فطومة بصحتك حنونة و جهاد ربي يجازيها و يعطيكم واش راكم متمنيين
شفتي مليح الانسان يبدل شوية
هيا دروك شكون لي جي عندي و لا انا نجيكم مادامني خفيفة ماتخلونيش حتى نولي كيما الدربوكة و تقولولي ارواحي ههههه

ربي يجمعنا على الحب و الخير .
 
ما شاء الله فطوم مالا راكي روحتي لللبلاد في نهار ووليتي ربي يدوم العشرة وربي يبارك غرت انا ثاني اهاهاهاهاها
 
اه نسيت مبروك ما شريتي ام الحلوين وفطوم انا ثانيم ا عندي ما شريت للبنوتة يعني غير البدل تاع السبيطار وبيبرونة برك هههه
احنا ثاني عندنا واجد تاع الاشياء المستعملة رحتلو مرة واحدة بصح ما لقيتش فيه حوايج بزاف انا رحت على جال الكروسة مي مالقيتش واحدة مليحة والمخلوق تاعي ما حبش يدخل معايا خلاني وراح مالا درت ورجعت شريت برك ستيليزاتور وشورت على قولتك ههه
 
صباح النور لبنات
الله يخليك فطومة ان شاء الله نعاودوها و لعقوبة ليكم لبنات ان شاء الله نتلاقو كلنا و اللي جي لفرنسا تجي عندي مرحبا
 
صباح الخير عليكم
فطومة وام الحلوين بصختكم ما شريتو
فطومة بصحتك التحويسة وجهاد يعطيها الصحة هذو هما بنات لفمليا بنات ادزاير مش كما لراهم هنا وحدا متبغي تتعرف على لخرا
ام الحلوين مرحبا بيك اروحي لوقت لتحبي داري مفتوحة في كل وقت و معليش حتى ب3 دراري ولا 4 هكذا ذرونا لمبيونص
وماش غير ام الحلوين كامل لبغا يجي مرحبا بيه
 
صباح الخير لبنات كي راكم .أنا الويكاند جاز يجري ،ما خرجتش مرا غير ما tbyaaoush لعجوزتي
smiley-cry.gif
درت نتويج لدار ،شويت الفلفل درتو في كنجلتور ،درت الديول ،عندي رست سهلة ومتشدش الوقت ،إلى hbitou نعطيكم الوصفة
فطوم وجهاد بصحتكم ،شحال من كم بناتكم ،لعقوبة لي أنا وسرين رنا قراب شوية .فطوم قلتلك كاين تاني swaleh الدار وكلش في ،e bay surtou - موبل ،
سرين ضحكتني على رجلك يشبه لرجلي ياكل ويعلق ،ناقصة ملح ناقصة سكر فيها بزف طماطم ،،،،،،البارح زعفت ،درت عشة هايل ،كي ج ياكل در شوية زيت زيتون فوق المكلة ،dakha gueli درتي بزف فلفل أحمر جات مرة ،wana مدرتش الفلفل الأحمر قلتلو مدرتش gueli املا أنا كذاب ،زعفت wzaaf هو تاني ،شوية lguitou يدوق في طبسي taai أنا مدرتش زيت زيتون gueli طبسي taak مشي مر ،أمبعد fak بلي زيت زيتون تع إسبانيا مر
 
ههههههههههههههههههههههههههه معليش بيونة راهم هكا يحبو ديما يعلقو خاصة في الماكلة انا ديما ناقصة ملح والا زايدة ملح وكي نسبق انا ونقولول مالحة شوي؟؟ والا مسوسة يقولي لا لا نورمال هههه
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top