بيت المغتربين 2

الحالة
مغلق ولا يسمح بالمزيد من الردود.
السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​


do.php


do.php
 
آخر تعديل:
إضغط للتوسيع...
رد: بيت المغتربين 2

السلام ختي فطونة واش راكي لاباس مبروك عليك و الله يفرحك بيهم
لينا متشرفة بيك و ربي يعاونك ممكن نتعرف عليكوانا ياسمين مغتربة ف فرنسا و نتي؟
ام الحلوين طمنينا عليك رانا بدينا نتقلقو و اذا كانش وحدة عندها اخبار عليها تقولنا
سلامي للجميع
 
رد: بيت المغتربين 2

ماشاء الله اختي ربي يكملك بخير ولعقوبة لينة ان شاء الله واش راكم لبنات ان شاء الله كامل بخير انا تحرقلي الكمبيوتر راني مالتيليفون عينيا تعماو
 
رد: بيت المغتربين 2

السلام عليكم اخواتي ناس بيت المغتربين جبتلكم خبر يفرح منذ قليل خبرتني الاخت ام امين بان اختنا ام الحلوين ولدت والحمد لله بخير وجابت احلى لميسو في العالم وبهذه المناسبة السعيدة جعلها الله قرة اعين لوالديها وجعلها من الطاهرات العفيفات الحافظات لكتابه الكريم والشفاء العاجل لاختنا ام الحلوين تتربى في عزكم والطمينة متنسايناش الف الف مليون ترليون مبروك ❤❤❤❤
 
آخر تعديل:
رد: بيت المغتربين 2

الله يحفظك أختي ياسمين وربي يفرحك والله حتى أنا بكيت مالفرحة والشوق ربي يفرحنا والله مانظن كاين إحساس أجمل من الأمومة ربي يشفيها ويحفظ لها أطفالها باش توجد لنا الطينة ولا التاقنتة. كيما يقولولها ناس تلمسان :)
 
رد: بيت المغتربين 2

ربي يفرحنا في اقرب وقت و نشااله ما تكونش نساتنا و دعاتنا
اييههيه يا مينا نستعرف بيك راكي تعرفي بلي نقولولها تقنتا ههههه كي تولدي نديرهالك نشاالع
و ام الحلوين لازم توجدهانا كي نمشو نباركو
 
رد: بيت المغتربين 2

ياسمينا نعرفها قتلك نسابنا تلمسانيين جيت لتلمسان وحوست فيها رحت حتى لمغارة بني عاد وأختي كانت تسكن فالكودية ودرك رحلت غير كيما منعرف وين راهي البلاصة
 
رد: بيت المغتربين 2

تلمسان ماشاء الله مدينة شابة ولي زاد في بهاها النظافة ديالها باريت كل الولايات يقتدو بيها
 
رد: بيت المغتربين 2

ايه رامي عارفة بلي رانا نسوبية انا زعما قتلك حتى تقنتا تعرفي بلي حنا نقولوها ايا هاذك المرة كي تجي ل تلمسان رواحي عند ختك ياسمين
 
رد: بيت المغتربين 2

أن شاء الله كي اليوم أختي رحت أنا وراجلي عجباتو بزاف ومنحكيلكش أختك كيف أش ولات تتفنطز هههه
 
رد: بيت المغتربين 2

صباح الخير عليكم
صباح الاخبار لي تفرح
مبررووك لام الحلوين لميس تتربى في عزكم
و مبررووك لفطومة لوليد ربي يكمللك و يجيبلك وقفة ساهلة
الحمد لله على سلامتك لينا انا قلت نسيتينا ان شاء الله تكوني مليحة
لعقوبة ان شاء الله لكامل لبنات ربي يرزقكم​
 
رد: بيت المغتربين 2

صباح النووور و الافراح
الف الف مبروك الحلوة الصغيرة جات مرحبا تتربى في عز والديها ان شاء الله و الشفاء العاجل لفتوح لعقوبة ليا و لكل الحوامل ان شاء الله
سميرة واش راكي وواش راهم الدراري و العايلة كامل لالا ما نسيتكمش كنت في البلاد و راكي عارفة الخرجات و الاعراس و الله ما حسيت هذاك الشهر كي فات بلخف المهم راني رجعت و الحمد لله
ياسمين متشرفة بمعرفتك انا تاني راني في فرنسا في ستراسبورغ بالضبط
ام امين و فطومة و سيرين و بيونة و ام سراج و ميما و ملاك و مينة و كامل لبنات ان شاء الله تكونو بخير
سلامي لكن
​
 
رد: بيت المغتربين 2

اهلا بعودتك جهاد نورتينا من جديد ان شاء الله راه الفاكونس عدى مليح والحمل بخير
راني وليت ما نقدرش ندخل السكايب راه فيه مشكل ما يحبش يتحل
مينة ما نعرف الا سمتها لميس والا لا قالت برك بلي ولدت نستنو حتى تجي راهي ولدت البارح على الواحدة تاع الصباح
سميرة يلا حبوبة انت وياسمين خفي راني انا ومينة قاعدين نعقبو في وقت مليح تعرفنا اكثر والله مليح الواتس حتى الا ما قدرتيش تدخلي للكمبيوتر التيليفون في يدك تقضي بيه الحاجة يظهرلي لازم ندير النت في البورطابل افضل ههههه
مبروك فطوم وربي يكملك على خير والله على الكيف طفلة وطفل هكا تكوني جبت الزوج وتهنيتي
 
رد: بيت المغتربين 2

السلام عليكم أن شاء. الله رأيكم كامل بخير كيما قالت أم أمين لي عندها الواتساب تلتحق بينا
تحيااااتي ليكم كامل
 
رد: بيت المغتربين 2

Salam labnat nchallah rakoum ga3 mlah yassmine wach raki hanouna malak asamhili la tablette diali rahi khasratli 3liha manich naftah skype diali rani b3atha yakhadmouhali inchallah doka rani naktab bal portable ta3 rajli
 
رد: بيت المغتربين 2

السلام البنات مينة ايا مرحبا بيك نتي و راجلي باش تزيدي تتفنطزي عليه
ام امين مدابيا ندير الواتساب و نزيدو نتعرفو كثر
لينا متشرفة بيك ختي انا نسكن ف نانت و غندي خالي ف ستراستبورغ و قريب نزورو نشالله
لاميشكو علاسلامتك حنونتي توحشتك بزززززززززاف الحمد الله اللي راكي بخير و راجلك جا بخير
 
رد: بيت المغتربين 2

ana tani touahachtak yassmine bassah "3andi mouchkil hadi alkhatra m3a la tablette rahi khasratli ou zadat l internet sa3at tji ou sa3at trouh raki ta3arfi free kima tahoualou machi rkhiss fi batal
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top