مطبخك في رمضان ..في اللمة الجزائرية تحلى جمعتنا

[ام مراس]

صباح الخير واش راكم

 

[أم معاد]

صباح الخير يا بنات
ان شاء الله تكونو كامل بخير
البارح كنت مريضة و راني عييت نوض من الفراش بصح الله غالب
مقدرتش نحط فطوري تاع البارح قلت نحطو اليوم
بوراك


غراتان تاع لوبيا ماشطو مممم بنين يهبل

طاجين الحلو

شربة فرييك

سلاطة

الطابلة اونسوبل ههههههههههه


هايا صح فطوركم حبيباتي راني ندير في عصير المشماش و معجون تاعو ثاني

 

[روعة2005]

صباح الخيرات على الجميييع
ام منصف طابلتك تشهي الله يبارك ولي شو مممممم باين خفاااف ولا كاس التاي مع قلب اللوز ممممم باين خرجلك هايل طري ومعسل كيما يحبو القلب
زاسيا مايدة متولة بصحتكم لحبيبة
نسيمة فطور هايل والبلون والنوار زادو في الماكلة النص
ميمي الغالية فطور يشهي الله يبارك بصحة والهنا
عايشة فطور هاايل ويشهي بصحتكم الحبيبة
لويزة مايدتك تهبل والماعن زادو في طيابك النص
بسومة فطور يشهي بصحتكم لحبيبة وماعنك يهبلو وقيلة شريتي انت ولويزة من فرد ماgزة
ام معاذ ربي يشافيك وفطور يشهي تبارك الله عليك
جهاد الله يبارك طايلة تفتح النفس ربي يديم الخير
واخيرااااا وليس اخر الغالية الزينة الطيوبة الحبوبة خيرة صحا فطورك لحبيبة والميني بيتزا تشهي الله يبارك والجاري تاعك من لونه وخثارته باين مايتشبعش مممممممم بصحتكم رانا كامل كيف كيف المايدة تاع رمضان صح تحب اللمة والعايلة الكبيرة تتعمر بصحن هذا وهذاك وكاس هذا وهذاك وطلبات هذا وذاك ممممممممم نموووت على الاشهار تاع تانج خخخخخخ ان شاء الله ربي يلحقنا ونوليو جدات وولادنا وعرايسهم وولادهم دايرين حاالة

 

[{مُدَلَّلَتُهُ}]

السلام عليكم و رحمة الله

صح رمضانكم و تصومو بالصحة
جيت ضربت تقرعيجة خفيفة باه نشوف كاش وصفات جديدة رانا حاصلين واش نديرو فطور اليوم

ايه تفكرت اي فتحت قناة الطبخ الجديدة تاع سميرة

12418H 27500 3/4

الي تحكمها تدعيلي بالخير n_n

صح فطوراتكم
​

 

[راضية حامدة]

الله يبارك على موايدكم
انا هذي اول مرة نشارك معاكم في الكوزينة
غيروني ماعنكم
هذه المرة تكلختلي المرة الجاية ان شاء الله ما تزيدتش تفوتني


ربي يدومها ساعة خير ان شاء الله

 

[مايا الجزائرية]

مساكم بالخير وصحا فطوركم كامل لبنات
ربي يهنيكم ان شاء اتلله على المبياركة نتاعكم وربي ما يحرم اخت من زيارة بيت ربي ان شالله كامل توصلولها وبربي ما ننسى حتى اخت بالدعاء
عفوف مبروك الطوال سيري الجديد خرجلك يهبل :p
رقية قدرة نتاعكم تهبل
شوشو بصحتكم الكفتة والشربة والبوراك

ام قصي بصحتكم طابلة متولة بكمالها ربي يبارك
باقي البنات صحا فطوركم كاااامل ربي يتقبل منا نهار ليوم ان شاء الله
انا هاذا هو فطورنا درت شربة طاجين حلو وكعكات بطاطا بلاصوص وبوراك وسلاطة وفلفل مشوي ومقلي ومطلوع وربي ورحمتووو

صحا فطوررررررررركم كاااااااااامل يا لبنااااااااات..
​

الله يبارك على مايدتك ربي يخليها لمة
وصحا رمضانكم
حبيت برك نسقسيك هاذي واش هيا

وشكرا

 

[stella.m]

صحا رمضانكم وكل سنة وانتم سالمين
ينعاد علينا وعليكم بالصحة والعافية ان شاء الله
الله يبارك عليكم يا الفحلات ماشاء الله على موائدكم تشهي
خمسة خموس عليكم يا الحراير
صحا ختيتي ام معاذ الوصفة تعيشي :$
وربي يخليك ويحفظلك معاذ

​

 

[أم معاد]

مباشر من مطبخي ههههههههه
عصير المشمش هاداوين كملتو

معجون المشمش مازالو يغلي


و هذا قلب اللوز ثاني خدمتوفي الدار و درتلو السيلوفان و خبيتو في الثلاجة

 

[أم معاد]

صحا رمضانكم وكل سنة وانتم سالمين

ينعاد علينا وعليكم بالصحة والعافية ان شاء الله
الله يبارك عليكم يا الفحلات ماشاء الله على موائدكم تشهي
خمسة خموس عليكم يا الحراير
صحا ختيتي ام معاذ الوصفة تعيشي :$
وربي يخليك ويحفظلك معاذ

صح رمضانك اختي
نبداو مع الوصفة
كالعادة نقيو اللوبيا و نقسمو الحبة على 2 ولا على 3 و تغيليها و تملحيها و تحطيها تفور حتى تطيب
هزي مقلاة حطي فيها طرف زبدة زيدي كرفجي (ابشري) 6 سنات ثوم لان النكهة كلها في الثوم
اظيفي اللوبيا طايبة زيدي لحم مرحي ثم حطي معاه شوية ملح و شوية فلفل اسود قلي كلشي معا بعض حنى يطيب اللحم و حطيهم في المول و رابي فرماج من فوق و لوحي في الفرن 10 دقائق و شهية طيبة حبيبتي
ان شاء الله تعجبكم و ادعيلي:d:d

 

[مايا الجزائرية]

بنات صورت شوية حوايج ماشي فطور
هههههههه:p

هذا قالب اللوز درتو بعد مدرتو تفكرت بلي رحيت اللوز كامل و نسيت مخليتش باش نرشق من فوق هههههههههه:d



هذا فلفل مشوي تاع السلاطو مشوية موجداتو من قبل و حطاتو في بورت مونجي







هذه هريسة الدار درتها قبل رمضان



هذا فلف حار ششويتيو و رقدتو بزيت الزيتون



و هذي السلاطة نتاع السنارية هاي طيب




و هذي لاصوص تاعها




كي طيب نوريلكم كيفاه جات ​

ممكن وصفة الهريسة بلييز
صحا فطوركم

 

[كوثر الوهرانية]

جمعة مباركة على الجميع
نهاركم سعيد
بصحت فطوركم خوتاتي طوابل يسخفوا الله يبارك و يقوي الخير

 

[stella.m]

ختي ابتسام بصحتكم
تعيشي حبيت نسقسيك
واش هذيك الي مسامي القدرة؟:$
ماشي الي مسامي الحليب لخرى :-r
اني كبيرة وعينيا ما يلحقوش :d
​

السلام عليكم او صحا فطوركم او يعطيكم الصحة على المائدات

ختي نسيمة بصحتكم
نسقسيك هذي شبهتها لوحد الموضوع شفتو هنا في اللمة
تاع البوراك هذاك
هو ولا ماشي هو ؟
يعني مديلي لاغوسات تعيشي
​

صح رمضانك اختي
نبداو مع الوصفة
كالعادة نقيو اللوبيا و نقسمو الحبة على 2 ولا على 3 و تغيليها و تملحيها و تحطيها تفور حتى تطيب
هزي مقلاة حطي فيها طرف زبدة زيدي كرفجي (ابشري) 6 سنات ثوم لان النكهة كلها في الثوم
اظيفي اللوبيا طايبة زيدي لحم مرحي ثم حطي معاه شوية ملح و شوية فلفل اسود قلي كلشي معا بعض حنى يطيب اللحم و حطيهم في المول و رابي فرماج من فوق و لوحي في الفرن 10 دقائق و شهية طيبة حبيبتي
ان شاء الله تعجبكم و ادعيلي:d:d

يعطيك الصحة
ربي يبارك فيك ختي ام معاذ
ويعطيك واش تتمناي
مرسي حبوبتي :regards01:
ان شاء الله نجربها ونرجعلك الخبر
وموائدكم عامرة ان شاء الله
​

 

[مايا الجزائرية]

ممكن الوصفة

صحا فطوركم من شرق للغرب ومن الشمال للجنوب والمغتربين وربي يصبر الي مزالو
روز ممممممم شهيتيني بصحتكم
سرسورة ديما الاولى نجي نسن عندكم هههه بصحتك
روعة ديما روعة على سلامتك وكي العادة فنانة فأطباقك
اليوم خطفت شوية صور فالكواليس علبالكم نسكن وسط العائلة ونحشم نصور قدامهم
باركولي لبراي فطرت بعد صيام طويل هههههه
بسم الله بندا
خبز نص خمير

سلاطة صورتها قبل ما نكملها :d

بوراك

حميص

فريت

سكالوب

وشربة فريك ملحقت نصور

​

ممكن الوصفة
صحا مايدكم وشريبتكم

 

[FATIMA 19]

حالياً الأعضاء النشيطين الذين يشاهدون هذا الموضوع : 62 (32 عضو و 30 ضيف) ‏FATIMA 19, ‏*Nouha*, ‏ahlem1, ‏ألاء الرحمـــن, ‏أم معاد, ‏مايا الجزائرية, ‏ام مراس, ‏ام نوسه, ‏ام الحلوين, ‏ام رحاب, ‏ام زهرة و خليل, ‏ام قصي, ‏اسيرة, ‏اشراقة الامل, ‏DARINE05, ‏docteur farah, ‏بنت الجسور المعلقة, ‏fatima_19, ‏hasna23, ‏imen ahmad, ‏lola mahboula, ‏Lovely ღ smile, ‏mimi53, ‏nada242008, ‏NAIMA.M, ‏nassima 87, ‏om abdulhadi 2011, ‏om mima, ‏sarah11, ‏كوثر الوهرانية, ‏عائشة حسان, ‏ziassia

 

[fatima_19]

لالا مش نسكن في العاصمة حاليا راني في قطر
ههه سخفتك وقيل

صحا فطوركم جميعا

لحم ايفيلي جا بنين عكس ماكنت متوقعة لاني مانحبوش بزاف
وجبنة كيري ذابت مالقيتهاش مي خلات الطعم نتاعها هايل

صح رمضانك
عيشك اعطيني لا روسات
شكرا و صح فطورك

 

[ام قصي]

ههههههههههههههههههههههههههههه
​

ام قصي صاحبة الرقم القياسي في وضع الصورة
سمسومة :d:d:d:d

 

[ام قصي]

هاهي لا غوسات
​

حسبت واحد مايدوموندي عليه بسكو شكلو ماجاش كما حابة رغم انو بنتو تهبل

شريت هبرة كبيرة نتاع لحم مالقيتش وش نعملها
امالا شَرَحتها بالموس حتى ولات رقيقة وطويلة امبعد درت درتو بالشرمولة
الشرمولة هي :
شوي كمون زريعة ورند و3حبات قرنفل gـليتهم فوق النار ودقيتهم وخلطت معاهم
البصل مرابي والثوم والفرماج رابي وشوي زبدة ودهنت بيها اللحم كامل

وطبخت الدجاج وفتتو وزدتلو ذيك التتبيلة ودرت حربوش نتاع دجاج في وسطو جبنة كيري
وحطيتو فوق اللحم ولويتو وشديتو بالخيط باش مايرجعش يتفتح
هذاماكان وامبعد زدت دهنت بلي تبقا من التتبيلة من فوق وخليتو ليلة كاملة في الثلاجة
واليوم طيبتو
غطيتو بالباي المينيوم وكي طاب نحيتو وخليتو يتحمر من فوق
جا هايل

 

[ألاء الرحمـــن]

ممكن الوصفة

ممكن الوصفة
صحا مايدكم وشريبتكم

وصحا فطورك
هدا حميص ساهل
جيبي فلفل حلو طماطم حب وسنينات ثوم والا تحبي الحار حطي شوية باه يجيكش حار بزاف اشويهم وغسليهم مليح وبعدها قطعي الفلفل والطماطم قطع صغيرة وزيدي توم والبهارات والملح وحطيهم يطيبو على نار قليل حتى يذبلو مليح وفالاخير كي نشف شوية نظيفلو مغرفة زيت زيتون

 

[مايا الجزائرية]

صح فطوركم ربي يتقبل منا ومنكم
الله يبارك اعليكم طوابلكم كلها تحفة ما شاء الله ربي يدومها نعمة ويحفظها من الزوال
روز عودة ميمونة لاطباقك الزوينين توحشناهم
وهدي طاولتي المتوضعة انا ووليدي زوجي خدام في الليل الحمد لله علي هدا النعمة

بليز وصفة الكورنيات؟؟
صحا فطوركم مايدتكم باهية

 

[ألاء الرحمـــن]

السلام عليكم وصباح الانوار عليكم جميعا وجمعة مباركة
ممممممممممم اطباق متنوعة وعديدة من الشرق للغرب ومن الشمال للجنوب وبلا ما ننساو المغتربات :up:
ندوشة لويزة بسوم خيرورة ميمي سميرة نسيمة ام معاد سميرة شوشو دهبية زاسية نينا سنديرلا جهاد أم معاد
نيما والي نسيتها تسمحلي يعطيك صحة
أمسية طيبة للجميع اليوم انتو طيبو وانا نجي نفطر روبو من الكوزينة :p
​