مطبخك في رمضان ..في اللمة الجزائرية تحلى جمعتنا

[fatima_19]

هاهي لا غوسات
​

حسبت واحد مايدوموندي عليه بسكو شكلو ماجاش كما حابة رغم انو بنتو تهبل

شريت هبرة كبيرة نتاع لحم مالقيتش وش نعملها
امالا شَرَحتها بالموس حتى ولات رقيقة وطويلة امبعد درت درتو بالشرمولة
الشرمولة هي :
شوي كمون زريعة ورند و3حبات قرنفل gـليتهم فوق النار ودقيتهم وخلطت معاهم
البصل مرابي والثوم والفرماج رابي وشوي زبدة ودهنت بيها اللحم كامل

وطبخت الدجاج وفتتو وزدتلو ذيك التتبيلة ودرت حربوش نتاع دجاج في وسطو جبنة كيري
وحطيتو فوق اللحم ولويتو وشديتو بالخيط باش مايرجعش يتفتح
هذاماكان وامبعد زدت دهنت بلي تبقا من التتبيلة من فوق وخليتو ليلة كاملة في الثلاجة
واليوم طيبتو
غطيتو بالباي المينيوم وكي طاب نحيتو وخليتو يتحمر من فوق
جا هايل

يعطيك الصحة ام قصي بارك الله فيك
صح فطوركم لبنات

 

[ziassia]

 

[ام قصي]

ناكلوها او نلبسوها .........................................................444444444444444444444444444444444

 

[أم معاد]

رمضان مبارك حبيبتي
ضعي كمية من المشمش دون نواة مع كمية من السكر مع كمية من الماء على نار هادئة حتى يطيب تقدري تضيفي حبة من الخوخ تعطي نكهة جميلة لما تبرد شوية ارحي المزيج بالميكسور ثم صفي المزيج و اضيفي الماء حتي تتحصلي على عصير خاثر شوية اضيفي سكر حسب الرغبة
تقدري تزيدي عصرة قارص لاضافة نكهة
في المقادير عينك هي ميزانك
صحا فطوررك
ان شاء الله يعجبك و ادعيلي
هادي وصفة عصير المشمش يا عاشقة الوردة
مقدرتش نبعث رسالة خاصة لانو مشاراكاتي لا تتجاوز 300 مشاركة

 

[fatima_19]

المتبل

وهاذا كرات نتاع فيونداشي وبطاطا محشية بالمودزاريلا ما قدرتش وما لحقتش باه نقسملكم تشوفو زربوني

​

يعطيك الصحة اختي عفاف مايدتك هايلة
من فضلك اعطيني لاروسات تاع كرات نتاع فيونداشي وبطاطا محشية بالمودزاريلا ز المتبل
شكرا جزيلا و صح فطورك

 

[مايا الجزائرية]

وصحا فطورك
هدا حميص ساهل
جيبي فلفل حلو طماطم حب وسنينات ثوم والا تحبي الحار حطي شوية باه يجيكش حار بزاف اشويهم وغسليهم مليح وبعدها قطعي الفلفل والطماطم قطع صغيرة وزيدي توم والبهارات والملح وحطيهم يطيبو على نار قليل حتى يذبلو مليح وفالاخير كي نشف شوية نظيفلو مغرفة زيت زيتون

الله ياطيك الصحا
باهية

 

[yas simsima]

رمضان كريم

 

[ام رحاب]

تقبل الله منا ومنكم الصيام والقيام وصالح الاعمال امين

موائدكن تهبل الله يبارك وربي يدوم عليكم النعمة

ان شاء الله نوافيكم بالصور في اقرب وقت​

 

[عفاف الجزائرية]

يعطيك الصحة اختي عفاف مايدتك هايلة
من فضلك اعطيني لاروسات تاع كرات نتاع فيونداشي وبطاطا محشية بالمودزاريلا ز المتبل
شكرا جزيلا و صح فطورك

الله يسلمك اختي ربي يبارك فيك
الوصفة نتاع كرات الفيونداشي بالمودزاريلا هي :
تجيبي كمية ن اللحم المرحي تغلي 3 بيضات ترابيهم على اللحم المرحي وتدوزنيه فلفل احمل ثوم ملح معدنوس مقطع شوي كسبر مطحون وانتي والتوابل اللي تخدمي بيهم تكسري عليه بيضة وتحطيلو 3 مغارف شابلير ولا 4 حتان تقدري تتحكمي فيه وتشكليه
تغلي البطاطا تاني وتدوزنيها نفس الشي بالمعدنوس الثوم الملح الفلل الاكحل وشوي فلفل احمر باه تجي بنينة ولا تقدري تحطي مغرفة هريسة
تحضري صلصة الطمامط كيما موالفة تديريها انا رابيت الطماطم حطيت عليها ثوم ملح رند وشوي كسبر مطحون وفلفل احمر وقرصة صغييييييرة سكر وخليتها تطيب خليها شوي جارية ماش ناشفة
بعد ذلك تجيبي اللحم والبطاطا تشكليهم كرات وتحطي وسط كل كرة طرف من المودزاريلا يجي هااايل وكي تفتحيها تذوووب
تمرغيها الكرة هذيك في البييض فيه ملح وفلفل احمر وتعاودي تمغريها في لاشابلير وتقليه
بعد ما تكملي نفس العملية مع البطاطا والفيونداشي تحطي لاصوص طوماط في البلاطو نتاعك وتسدفي طريق بطاطا وطريق فيونداشي حتان تكملي الكريات نتاعك كامل
تدخليهم للفرن وحد ربع ساعة برك باسكو كل شي طايب وقبل ما تخرجيها تحطي عليها الغرويار وتقدميها مع رشة كسبر وقارص
-------
المتبل شويت الباذنجان وحطيتو في الروبو حطيت معاه سنتين ثوم ملح فلفل اكحل عصير حبة قارص وعلبة ياوورت طبيعي ورحيت كل شي حتان يوليلك كي الكريمة وتقدميه مع قطرات زيت زيتون وتزينية بالفلفل الحمار كيما شفتيه

نتمنى تكوني فهمتيني كشما سوال اني هنا.. ربي يوفقك اختي
​

 

[عفاف الجزائرية]

الله ياطيك الصحا
باهية

اختي مايا كنتي طلبتي مني وصفة لكنك اقتبستي الصور كامل ما فهمتش وينا وصفةحبيتيها

--------------
صباحكم منور يا عدراآآآت نهاركم مبروك ربي يتقبل منا في هاذ الجمعة الجامعة وماللايكة السامعة ربي يرزق كل واحد حساب قلبو ويعطيه ما يتمنى يا رب
​

 

[مايا الجزائرية]

اختي مايا كنتي طلبتي مني وصفة لكنك اقتبستي الصور كامل ما فهمتش وينا وصفةحبيتيها

--------------
صباحكم منور يا عدراآآآت نهاركم مبروك ربي يتقبل منا في هاذ الجمعة الجامعة وماللايكة السامعة ربي يرزق كل واحد حساب قلبو ويعطيه ما يتمنى يا رب
​

ايه اختي وضعتلك الضورة في الاخير يمكن ما لاحظتيش هادي لي في وسط الفلفلة

وشكرا

 

[oum BIBARS]

JOMO3A MOUBARAKKA LII JAMI33E
RABBI YETEKABEL MENNA WE MENKOM
NCHALLAH​

 

[خولة19]

سلام الله يبارك عليكم يعطيكم الصحة
اختي عفاف الجزائرية حابة نسقسيك فلاصوص تاع كعيكعات الباطاطا كفاه درتيها

 

[AMMOUNA IMEN]

سلام يا لبنات انشا الله تكونوا مجوزين النهار بخير

ђĩหđǿĉħa كنت سألتي على ليشوصوا انا نعمل لعجينة وحدي
فرينة ,(زبدة +م ك زيت زيتون ) ,م ك خمارة (زيتون ومعدنوس مطحون) , م ك لحظة ,وتوابل (ملح,فلفل كحل ,كركم,زعيتره) ولمها بالما دافئ
ونعمرهم باكفتة ولفرماج وزيتون او طون ولبطاطا ولفرماج
راني عاملتهم ليوم للفطور انشاء الله راح نحط لافوطو

صح فطوركم يا لبنات

 

[مايا الجزائرية]

مايا الجزائرية, ‏*Nouha*, ‏açil, ‏ahlem1, ‏AMMOUNA IMEN, ‏أم نيفين, ‏مسلمة وافتخر, ‏chamma, ‏ام نوسه, ‏ام رحاب, ‏ام قصي, ‏اسيرة, ‏بنت الجسور المعلقة, ‏fatima der, ‏lina20, ‏mimi53, ‏n@tcho, ‏NAIMA.M, ‏nassima 87, ‏om mima, ‏oum BIBARS, ‏siimo, ‏كوثر الوهرانية, ‏عائشة حسان, ‏فايزة1207, ‏ziassia
سلام عليكم
واش حوالكم اي الحاضرات وحتى الغايبات نسول عليكم
ان شاء الله لاباس ؟
صحا رمضانكم وصحا صيامكم وربي يتقبل منا يا رب
والله عجبوني موايدكم الله يبارك
غيرتوني وديجا كيما لاحطتو راني طلبت وصفات ما عرفتهاش
يم يم شكون ارهي جيعانة ولا عطشانة
انا شوي جيعانة
ربي يبارك عليكم في انتظار موايدكم

​

 

[nassima 87]

ختي ابتسام بصحتكم
تعيشي حبيت نسقسيك
واش هذيك الي مسامي القدرة؟:$
ماشي الي مسامي الحليب لخرى :-r
اني كبيرة وعينيا ما يلحقوش :d
​

يعطيك الصحة
ربي يبارك فيك ختي ام معاذ
ويعطيك واش تتمناي
مرسي حبوبتي :regards01:
ان شاء الله نجربها ونرجعلك الخبر
وموائدكم عامرة ان شاء الله
​

السلام عليكم اختي لا هادي وصفة اخرى راني درتها في المنتدى على هاد الرابط
http://4algeria.com/forum/threads/377919/

صحا فطورك

 

[AMMOUNA IMEN]

وعليكم السلام مايا الجزائرية صحا رمضانك أنا تاني راني جعانه شويه :-r
و أنا تاني عجبوني بزاف موايد لبنات كامل فحلات مشاء الله
انا حد لآن ما حطيتش فطوري غي شويا عجز مي انشاء الله ليوم راني نصور
صح فطوركم

 

[imane27]

جمعة مباركة لبنات
يعطيكم الصحة كامل

 

[ايمان التلمسانية]

السلام عليكم البنات جمعة مباركة
يعطيكم الصحة على الموائد الي تشهي
انا كل يوم نصور ونعجز باش نحطهم ان شاء الله اليوم بعد الفطور نحطهم
صح فطوركم
وسلام
​

 

[l'algeroise]

صحا رمضانكم يا لبنات تصومو بالصحة و لهنا نشالله
يعطيكم الصحة على المايدات الشابين
هدا فطورنا تاع البارح حاجة خفيفة برك مازال متفتحتش الشهية

صح فطوركم نتلاقاو فالسهرة نشالله