مطبخك في رمضان ..في اللمة الجزائرية تحلى جمعتنا

[ibtesem]

صباحكم نور على نور
بصحتكم يالبنات الله ابارك عليكم والله ابدعتن حقا
تسلم الايادى لي طبخت وتعبت في الوقوف امام الفرن مع الحرارة
المهم بصحت الجميع من غير ذكر الاسماء
لاني نخاف كشما ننسى كاش وحدة فيكن
تحية لاوانس وسيدات اللمة الجزائرية
​

 

[hala.21]

الســـــــــــــــلام وعليكم ياحراير اللمة ويعطيكم الصحة وصح فطوركــــــــــــــــــــــــــــــــــــــــــــــــــــــــــم ‏

 

[مطبخ الأحلام]

أهلين بإبتسامو صحا فطورك نتاع البارح :d

عجبتني كلمة أوانس ههههه << ها انا نستعرف بيا ظليت قدام الفرن لــول

وعليكم السلام أختي هلا وصحا فطورك انتي زادة ^_^
​

 

[M3TaZ eLLMa]

السلام عليكم

صحى رمضانكم أخوتي وصحى فطوركم وصحوركم يا طيبين

ربي يفتحها عليكم في رمضان ويقبل منكم الصلاواة والدعاء والقيام يارب

وربي يفرحكم دنيا وّأخرة جميعا يارب

ولو جات متأخرة شوي​

 

[راضية حامدة]

سلام يا بنات اللمة
بصحتكم
اطباقكم تشهي تسلم الايادي
اليوم راهي الحمى تاكل فيا بزاف يا درى اذا نقدر كاش ما نطيب و لا لا
اذا حصلت نسلك روحي بالفريت و كاش حاجة مع لا سوب تع البارح
دعواتكم لي بالشفا

 

[ام قصي]

معتــــــز اللمـــــة
:: عضو شرفي ::
شكلراااااااااااااااااااااااااا يااخي ورمضان كريم

 

[ام قصي]

سلام يا بنات اللمة
بصحتكم
اطباقكم تشهي تسلم الايادي
اليوم راهي الحمى تاكل فيا بزاف يا درى اذا نقدر كاش ما نطيب و لا لا
اذا حصلت نسلك روحي بالفريت و كاش حاجة مع لا سوب تع البارح
دعواتكم لي بالشفا

ربي ايشافيك صحتك اهم ديري حاجة اخفيفة واخلاص ربي ايشافيك وايعافيك

 

[مطبخ الأحلام]

ياهلا وسهلا بالأخ الطيب معتز

طورت أخينآ كيف الحال ؟ إن شاء الله بخير

رمضان كريم وكل عام وانت بألف خير تصوم بالصحة خينآ ^_^

أم زهرة بالشفاء أختي ماتشوفين شر صحتك اهم من الطبخ
​

 

[ibtesem]

الله اسلمك سوسو زينة
فطورنا كان

جلبانة في الفرن

بطاطة في الفرن

حمص دوبل زيت خخخخ تاع ام قصي

مطلوع

نجوعكم شوية
كيما انتوما تجوعوني خخخخخخخخخخخخخخخخخخخخ​

 

[M3TaZ eLLMa]

ياهلا وسهلا بالأخ الطيب معتز

طورت أخينآ كيف الحال ؟ إن شاء الله بخير

رمضان كريم وكل عام وانت بألف خير تصوم بالصحة خينآ ^_^

أم زهرة بالشفاء أختي ماتشوفين شر صحتك اهم من الطبخ
​

أهلين بأخت الطيبة ربي يفرحك

غيبة طويلة معها ظروف صعيبة الحمد لله كي رجعنالكم ونشوفوا خوتنا الطيبين هذه الفايدة وربي يفرحك يا طيبة

أخت أم زهرة ربي يشفيك ويحميك وربي يبعد عنك كل شر يارب

وحى فطوركم يا طيبين​

​

 

[رنيم الصمت]

ربي يشفيك ام زهرة العزيزة
صحا صيامكم جميعا

 

[مطبخ الأحلام]

بصحتكم ابتسامو كلشي راهو يشهي من تحت يديك يعطيك الصحة ^_^

معتز الحمد لله على رجعتك بالسلامة نورتنا من جديد
الحياة كلها ظروف يليق لواحد ديما يصبر وسلام

وعن أنس رضي الله عنه قال : سمعت النبي - صلى الله عليه وسلم - يقول : ( إن الله قال : إذا ابتليت عبدي بحبيبتيه فصبر عوضته منهما الجنة ) رواه البخاري وفي رواية للترمذي ( فصبر واحتسب ) .
​

 

[ibtesem]

مرحبا بيك اخي رمضان كريم
ربي يتقبل منا جميعا
================
ام زهرة ربي اشافيك اختي والله معاك حق انا تاني اليوم قررت على حاجة خفيفة مع سوب وخلاص​

 

[ام قصي]

​

حمص دوبل زيت خخخخ تاع ام قصي هههههههههههههههههههههههههههههههههههههههههه
عجبتني هذي كلش 4444444444444444444444444
الله ايدومها يارب

 

[ام فيروزا]

السلام عليكم يا احلى لمة اولاد بلادي ا يسلم يديك يا بسومة على دوبرة جات بسكرية ولا لالالالالالالالالالالالالالالالالالا راني نتعلم نبعث في الصور ليوم نجملهم يا miss soso لعزيزة طلباتك اوامر

 

[ام فيروزا]

ندعوا لكي بالشفاء العاجل ياام زهرة وخليل باه طيبين لفطووووووووووووووووووور

 

[shahrazad]

يعطيكم الصحة لبنات طيباتكم يشوهوو
ربي يقوي خيركم ان شاء الله
والله صدقوني الماكلة كيما تتحط كيما تترفد مع تغيرات بسيطة خخخخ

اعطوني وصفة متبل الباذنجان الله يحفظكم​

 

[مطبخ الأحلام]

السلام عليكم يا احلى لمة اولاد بلادي ا يسلم يديك يا بسومة على دوبرة جات بسكرية ولا لالالالالالالالالالالالالالالالالالا راني نتعلم نبعث في الصور ليوم نجملهم يا miss soso لعزيزة طلباتك اوامر

^_^

تعلمتي تحطي الصور واليوم تتعلمي تجمعيهم وغدوة تتعلمي تصغريهم قبل ماتحطيهم

قتلك برك باش تجي المائدة نتاعك مكتملة وحدة تحت وحدة باش نستمتعوى بالنضر

يعطيك الصحة ختيتي موفقه ان شاء الله

وبصحت فطورك
​

 

[samah06]

صار راكم هنا يا وحيدات وانا هاملة وحدي نتحسر على الكوزينة اللي تغلقت في رمضان
هيا مليح درتو كوزينة رمضان وحدها
مع انو والله شيئ ما يتكل كلو يتكونجلا والا نطيشو
حتى انيس دار روحو راجل راه صايم واشواق عايشا بايندومي
يمشي الماء والقازوز والديسار وكاش فكاير تاع التحلية
انا نكثرلهم من الفلون والقازوز والفاكهة الطياب مانكثرش خلاص
صحى رمضانكم وصحى فطوركم وبعد الافطار راني نرجع اذا قدرت مع ندير التراويح نتعب
يبانلي غير لقعاد والتفراج
علجالكم ندخل نحطلكم سني لفطور

 

[مطبخ الأحلام]

صار راكم هنا يا وحيدات وانا هاملة وحدي نتحسر على الكوزينة اللي تغلقت في رمضان
هيا مليح درتو كوزينة رمضان وحدها
مع انو والله شيئ ما يتكل كلو يتكونجلا والا نطيشو
حتى انيس دار روحو راجل راه صايم واشواق عايشا بايندومي
يمشي الماء والقازوز والديسار وكاش فكاير تاع التحلية
انا نكثرلهم من الفلون والقازوز والفاكهة الطياب مانكثرش خلاص
صحى رمضانكم وصحى فطوركم وبعد الافطار راني نرجع اذا قدرت مع ندير التراويح نتعب
يبانلي غير لقعاد والتفراج
علجالكم ندخل نحطلكم سني لفطور

صحا رمضانك اختي صماك كل عام وانتي بألف خير

حاولينا برك على انيس وأشواق :d

أنتوما ماعليكمش كبار وتتحملو:p

كامل كيف كيف لمراقي ماناكلوهمش برك سلايط ولا كاش كراتا فلفور

غير الما ونتقالو بيه ربي يجيب مافيه الخير

صحا فطورك انتي تاني

وتقبل الله منا ومنكي صالح الاعمال
​