مطبخك في رمضان ..في اللمة الجزائرية تحلى جمعتنا

[imane27]

سلام لبنات علبالي راكم فالكوزينة
كمبيوتر تداعى وخضونى فيه طاح لبارك تكسر رانى غير من ايباد
منعرفش نحط بيه صور رانى غير نحاول
ندى بصحتك تحويسة وعاطشة فى نفس الوقت
فريدة كلش فور بصحتكم
بسومة طابلة متولة بصحتكم

 

[خولة19]

صح فطوركم من بعد ان شاء الله حبيباتي

 

[نريمان المسيلية]

صح فطوركم كامل
نخليكم
​

 

[ام قصي]

مساء النور والسرور
اليوم درت حريرة بوراك طاجين المدgوg
صحا افطوركم ​

 

[السلطانة]

سخفت اليوم على الملوخية يمي يمي
زدت معاها اللوبيا الفصاصي لبابا وخويا خطراكش يحبوها
و سلاطة راجل بلي موسطاش :dو شربة فريك مع المطلووووع يمممم
نحيتلهم القلي اليوم قلت تريح المعدة شوي

صحا فطوركم كل درج ويأدن عندنا

​

 

[ام فيروزا]

​

 

[أم معاد]

صح فطوووركم كامل
هادا هو فطورنا اليوم بصح مقدرتش نصور كلش
درت سلاطة و شربة فريك و وكسرة و سخفت علي العيش (البركوس) درتوو درت حميس

 

[serinee]

saaaaaaaaaaaaaaaaaaaaaaaaaaaaaaaaaaaaaaaaaaahhhhhhhhhhhhhhhhha fttttttttttttttttttttttttttttourkoum
les filllllllllllllllllllllllllllllllllllllllllllllllles
​

 

[كوثر الوهرانية]

صح فطوركم يا خوتاتي
ام فيروزا يا اختي مدينة جديدة مندورش بيها في رمضان الغاشي بزاف منقدلهمش بصحتك شا طيبتي يا اختي
ام معاد اله يبارك فحلة بصحتكم
سندريلا راكي ساجية و قايم بالواجب مع داركم الله يهنيك
ام قصي بصحتك الطاجين راني نشوف راكي وهرانية تخدمي غير لحريرة
اليوم درت داند مفور و من يعد حمرته في الفرن و قليت معاه فريت و سقيته بصوص لكرام فراش و درت لي ريك حاااارين و سلاطة و حميص و درت تارتولات بكرام موسلين و لي فروي و فلان كرمال و ربي يدومها نعمة على الجميع
من بعد نحط الصور

 

[samah06]

صحى فطوركم لبنات كاملات وربي يتقبل منا ومنكم
راني لاحضتكم لبنات مزالكم تاكلو في الطاولات
اما انا لالا في رمضان نحضر المجمع السني والمايدة
وناكلو كامل من طبق واحد والله يدوم لمتنا ولا يفرقنا بجاه النبي
وانا درك نصلي العشاء وندير التراويح تاعي ونرجع نحطلكم اطباقي
درت شوربة فريك بلحم لخروف وطاجين الفرماج وسلاطة خضراء وخيار وعصير قارص بالنعناع وحمود بوعلام وجي واحد اخر مادريتو واش نهو
وحليب وتمر لشقان الصيام
وقهوة بماء الزهر مع الترك حلوى وثاني عوامات
والبراكة والله يدومها نعمة ويحفضها من الزوال

 

[samah06]

saaaaaaaaaaaaaaaaaaaaaaaaaaaaaaaaaaaaaaaaaaahhhhhhhhhhhhhhhhha fttttttttttttttttttttttttttttourkoum
les filllllllllllllllllllllllllllllllllllllllllllllllles
​

WA ANTI ZADA MA BELLE

 

[samah06]

ام قصي طيابك يشهي
صحى فطورك انت والعائلة الكريمة
لكن رانا في 2من كاروبير
قوليلي واش هو طاجين المدGوG

 

[hadda0425]

السلام عليكم لبنات
وش راكم ان شاء الله تكونو بخير
وصح رمضانكم وصح فطوركم من اليوم الاول لهذا اليوم :d:d
مبروك عليكم عطاولكم كوزينة جديدة وطلعتها ندوش للسانكيام اطاج :p
وش نقول دايما اطباقكم يمي يمي الله يبارك عليكم
مرحبا بالجديدات معانا جا رمضان وزادو الاطباق الله يبارك
زيادة الخير خيرين
والقديمات نقولهم توحشتكم
نقول فقط لنسرين ربي يشافيك ويعافيك اختي وما تشوفي شر
​

 

[ام قصي]

ام كوثر ام قصي بصحتك الطاجين راني نشوف راكي وهرانية تخدمي غير لحريرةانموت على اصحاب الغرب يستاهلو كل خير
سماح اهلا ببنت ولايتي واش راكي هو طاجين الرخام وهو عبارة عن لحم مرحي امداوي اديريه حربوش او تحشيه بالعظام امشرشمين تقفليه بالبابي اليمونتار وفوق الالمنيوم اطيبيه في الفور واديريلو مرق بيضى وشهية طيبة

 

[ام قصي]

​

hadda0425
:: عضو بارز ::
وين كنتي يا لالا امع لعراس اتوحشناك

 

[hadda0425]

جبتلكم شي لي صورتو
نبداو بالشربة المغبونة دايما حاضرة
اليوم درت شربة الفارميسال

دولمة

طاجين الفرماج

بوراك بالبطاطا

وهذا بوراك بالبيض المسلوق والفرماج

​

 

[hadda0425]

​

hadda0425
:: عضو بارز ::
وين كنتي يا لالا امع لعراس اتوحشناك

يسقسي عليك الخير سرسورة
خلصت عرسي وجيت :p
وش راك انت والاولاد
​

 

[*Sarah Dz*]

الله الله على هاديك المايدة حدووودة
غدوة نجي نفطر عندك ’’
تحتا درنا البوراك + شوربة + سلاطة + فلان شوكو
و كان باقي نص طاجين الزيتون تاع البارح
​

 

[ام قصي]

الحمد لله والشينوى راهو امعاك

 

[*Sarah Dz*]

حالياً الأعضاء النشيطين الذين يشاهدون هذا الموضوع : 68 (32 عضو و 36 ضيف) ‏*sarah dz*, ‏نهى28, ‏والدة فاروق, ‏وصال تسنيم, ‏السلفية الصغيرة, ‏ام مراس, ‏ام فيروزا, ‏ام قصي, ‏ايروك شيماء, ‏docteur farah, ‏faiza fofo, ‏fatima der, ‏hasna23, ‏ibtesem, ‏iman88, ‏حورية الجزائر, ‏خولة19, ‏miss-imane, ‏NaNouS, ‏nihade.off, ‏om siraje, ‏rima29, ‏samah06, ‏sarah11, ‏s_luna, ‏كوثر الوهرانية, ‏عاشقة الوردة, ‏عفاف الجزائرية+, ‏wassila21, ‏wijdane, ‏ziassia, ‏قَطٌر❀ الٌنَـدَى

صح سهرتكم با الحبابات
​