كرسي الاعترآف النسخة الجَديدَة ’موضُوع متجدد’

[هآلة]

أه هــآولييكـ طــل القمــر على كرسي الاعترآف تانــــــــى
احم انى انا واش بيكم تحوسو علييييه أأأأأأ حـآآى ^^
وشكوون النجمة الى تخبطت فيــآ عند البـــآ ...... هيهيهي نور هنــآ
وجديلي روحكــ انى راجعة
وراني نســأل كيمـآ نبغي مانيش راح نرجع نقــرى الوآحد صايم نعيى :d
​

 

[ђ@ĸĭ๓]

أه هــآولييكـ طــل القمــر على كرسي الاعترآف تانــــــــى
احم انى انا واش بيكم تحوسو علييييه أأأأأأ حـآآى ^^
وشكوون النجمة الى تخبطت فيــآ عند البـــآ ...... هيهيهي نور هنــآ
وجديلي روحكــ انى راجعة
وراني نســأل كيمـآ نبغي مانيش راح نرجع نقــرى الوآحد صايم نعيى :d

هههههه يــآيــمآ وشــكون رآه
هنآ ليــوم أيآ ختي هدى ربي يكــون معآك
بسكوFBIرآهي هنآ :-o

مــرحبآ هآلة :regards01:
​

 

[هآلة]

يا وجه الهم ..

لون شعركــ ؟
لون عينيكــ . ؟ ...... 1
لون سريركــ ؟
لون ههههـ ^^ لون ال PC تاعكــ ؟ ...... 2
وين تقرآي ؟

من 1 و 2 ... تحبيني ولا لا ؟

واستنتجي من 3 صفـآت فيا يعجبوكــ انت .
وسؤآآل حذفتوآ ود رت النقطة تاعو ع التنظييييم
يلا 1 مينيتة ونرجعلكــ
بيس
​

 

[{مُدَلَّلَتُهُ}]

أه هــآولييكـ طــل القمــر على كرسي الاعترآف تانــــــــى
احم انى انا واش بيكم تحوسو علييييه أأأأأأ حـآآى ^^

حوحو شكار روحو :p طبعا حبيبتي قمر و هل عندك شك :s

وشكوون النجمة الى تخبطت فيــآ عند البـــآ ...... هيهيهي نور هنــآ
وجديلي روحكــ انى راجعة

هههههههه راني واجدة القرعاجة تاعي مرحبا بيك في كل وقت بصح رواحيلي بشوي :p

وراني نســأل كيمـآ نبغي مانيش راح نرجع نقــرى الوآحد صايم نعيى :d
​

اسألي على راحتك على بالك بيا ما نخبيش
لا ارجعي بعد الفطور يعني :p باه نضيفك b1

 

[هآلة]

هههههه يــآيــمآ وشــكون رآه
هنآ ليــوم أيآ ختي هدى ربي يكــون معآك
بسكوFBIرآهي هنآ :-o

مــرحبآ هآلة :regards01:
​

هههههههــ ... عجبتني تــآع ال Fbi هــآدي .. :d
ماتخوفهــآش حكيمو انى غبت عليهـآ نســآت طبـآيعي مسيكنة
عآونني اوكـ !
​

 

[هآلة]

حوحو شكار روحو :p طبعا حبيبتي قمر و هل عندك شك :s
ايه امــآلا شكون راح يشكرني ^^ :$ انت الى خليتيني نديها في روحي :d

هههههههه راني واجدة القرعاجة تاعي مرحبا بيك في كل وقت بصح رواحيلي بشوي :p

واش معناها بشوي :s:s .. سوري مانفهمهــآش

​

اسألي على راحتك على بالك بيا ما نخبيش
لا ارجعي بعد الفطور يعني :p باه نضيفك b1

نســأل على رآحتي هههههههههههههههههــ
لالا والله ماقصدكـ تقولهــآ انى نمرق ^^ :p:p

دركــ وبعد الفطورر وفين المشكل
​

 

[{مُدَلَّلَتُهُ}]

يا وجه الهم ..

واه يا وجه الميزيرية قريب حرقت فطوري على جالك

نرجعو للعسعلة :-r

لون شعركــ ؟

انه chatain

لون عينيكــ . ؟ ...... 1

بنيين :d

لون سريركــ ؟


ما نرقدش في السرير :p لا راكي على درايا ندور غي مع الموv

لون ههههـ ^^

لون ضحكتي صفرة :p

لون ال PC تاعكــ ؟ ...... 2


أكحل :d بصح ماوش عاجبني بالاك نكلخ لبابا نعطيلو هادا و ندي لي راح يشريه :d

وين تقرآي ؟

نقرا في باب الدمار قصدي باب الزوار

من 1 و 2 ... تحبيني ولا لا ؟

ما نبغيكش gـاع :p نفنى عليك برك :$

واستنتجي من 3 صفـآت فيا يعجبوكــ انت .

مهبولة و لسانك حلو اممم و شقية :p 4

وسؤآآل حذفتوآ ود رت النقطة تاعو ع التنظييييم

على هادي ما تفاهمناش :down: نديها النقطة بسيف عليك

يلا 1 مينيتة ونرجعلكــ
بيس
​

اوكيتو ما طوليش لا نتوحشك :d
​

 

[{مُدَلَّلَتُهُ}]

هههههه يــآيــمآ وشــكون رآه
هنآ ليــوم أيآ ختي هدى ربي يكــون معآك
بسكوFBIرآهي هنآ :-o

مــرحبآ هآلة :regards01:
​

ههههههههههه حكمتني العام لي فات في كرسي التقرعيج سلختني تم ربي سطرني قعدت 3 ايام هاد المرة غادي تخلفهالي

هههههههــ ... عجبتني تــآع ال Fbi هــآدي .. :d
ماتخوفهــآش حكيمو انى غبت عليهـآ نســآت طبـآيعي مسيكنة
عآونني اوكـ !
​

يعاونك :s راه قايم بالواجب بلا ما توصي

تبا مازلتي تساليني الثار تاع العام لي فات الي قعدتيني على جالو في الكرسي هههههههههههههه

نســأل على رآحتي هههههههههههههههههــ
لالا والله ماقصدكـ تقولهــآ انى نمرق ^^ :p:p

دركــ وبعد الفطورر وفين المشكل
​

مرحبا بيك نردهالك في الخير كي تقعدي هنا لا ما خبطتيش راسك على الكلافي ما بقاش أنا :p

 

[هآلة]

يــآ وحد البوقوقو ...

ااا انتى دبدوبة كبييرة عمي اب نور راح تكلحيييه . ستر ربي و حكمت النيميرو عندي دوكــ نبعتله ابال موآآ ^^ و نشكم ب صحبتي

حرقتلكــ الفطوور .. هههههــ الشح المح الشح المح

1- .. ورقتكــ مش ورقة تلمييذ خلاص .. ندخل فيك بدمـآغ نهبطلكــ سنيكـ زيدي صححي عينيكـ فيا تشوفي

قوليلي واش راح تفطري و كي نعمر كريشتي نجي نقرعج
صح فطورركم كامل ..

سنعود بعد قليل
​

 

[{مُدَلَّلَتُهُ}]

يــآ وحد البوقوقو ...

صح يا الستوت

ااا انتى دبدوبة كبييرة عمي اب نور راح تكلحيييه . ستر ربي و حكمت النيميرو عندي دوكــ نبعتله ابال موآآ ^^ و نشكم ب صحبتي

لا دبدوبة صغيرونة برك :p امم ما يآبليكش عاقل

حرقتلكــ الفطوور .. هههههــ الشح المح الشح المح

كاموفليت الدعوة تم تم :p

1- .. ورقتكــ مش ورقة تلمييذ خلاص .. ندخل فيك بدمـآغ نهبطلكــ سنيكـ زيدي صححي عينيكـ فيا تشوفي

يا إلهي خفت ما نزيدش نعاود

قوليلي واش راح تفطري

غادية نفطر شوربة و بوراك لحم طايب في الكوشة مع فريت و طبعا مرقة بابا نحطولة الفريت ناشف يندمنا على النهار الي تعلمنا فيه الطياب :d ميني بيتزا و شكشوكة + السلطة و طاجين الحلو و ركزيلي على jus و الموزاية

و كي نعمر كريشتي نجي نقرعج
صح فطورركم كامل ..

سنعود بعد قليل
​

مرحبا بيك البالومة صح فطورك ما تكثريش بزاف لا ترجعي كي البتية

مرحبا بيك في بعد قليل :up:

 

[ђ@ĸĭ๓]

السلآم عليكم ختي نــور
رآنــي رجعت من جديد
وجدي روحك
1~ قسوة الرجل تعبر عن رجولته ؟
2~ كملي الفراغ التالي : أنا سعيدة لأنني.......؟
3~ مـا هو اكـثر شيء ناقـص في حياتك وبصراحـــة ؟؟؟
4~ شــكون هو اول وآحد واخر واحد تعرفتى عليه هنا ؟
5- تتكلمي مع نفسكـ في المرايا بــزآف .. ؟
6- رتبي الكلمات هدي حسب الاهمية عندكـ بصراحة
الصحه , المال , الأم , الخروج للترفيه , الحصول على اعلى المناصب , راحة البال , الاسراحة .. ؟
7 - نتي بطبيعتكـ تحبي الجدال .. ؟
8 - حاجة شايفاها صح في نفسكـ والناس كلها شايفاها غلط .. ؟
9 - وقتآش تحسي بالغيرة .. ؟
10- وقتآش تسمعي دقات قلبكـ .. ؟
أيآ صح فطورك وفطور الجميع
:regards01:
​

 

[{مُدَلَّلَتُهُ}]

السلآم عليكم ختي نــور
رآنــي رجعت من جديد
وجدي روحك


و عليكم السلام و رحمة الله و بركاته مرحبا بيك من جديد خويا حكيم

1~ قسوة الرجل تعبر عن رجولته ؟

لا لا لاا تعبر عن ضعفو psk كي يكون قوي الشخصية ما يحتاجش القسوة

2~ كملي الفراغ التالي : أنا سعيدة لأنني.......؟

أنا سعيدة لأنني لدين محمد أنتمي . هادا أكبر شرف ليا . سعيدة على خاطر والديا معايا الحمد الله ما يخصنا غي الي تجينا من عند ربي

3~ مـا هو اكـثر شيء ناقـص في حياتك وبصراحـــة ؟؟؟

اممم حاجة ناقصتنييي خاصتني موهبة نفوت بيها وقتي هههه جربت شحال من حاجة و مازال ما لقيتش حاجة مناسبة ليا 100 %

4~ شــكون هو اول وآحد واخر واحد تعرفتى عليه هنا ؟

اول واحد تعرفت عليه هوو وحد العضو من ليبيا اسمو مناف نسيت اسم عضويتو و آخر واحد لولا المهبولة

5- تتكلمي مع نفسكـ في المرايا بــزآف .. ؟

ساعات مشي بزاف كي نكره ما نلقاش مع من نحكي برك

6- رتبي الكلمات هدي حسب الاهمية عندكـ بصراحة
الصحه , المال , الأم , الخروج للترفيه , الحصول على اعلى المناصب , راحة البال , الاسراحة .. ؟

أوكيتو بصح أخر كلمة ما فهمتهاش

الأم . الصحة و راحة البال مع بعض . الحصول على أعلى المناصب هو الي يجيب المال بطبيعة الحال . و كي نكملو نزيدو الخروج للترفيه :d

7 - نتي بطبيعتكـ تحبي الجدال .. ؟

نهار نكون في موقف وين لازم ندافع على وجهة نظر ولا مبدأ ولا حاجة فاهمتها مليح و الطرف الآخر راه غالط في فهمها برك حاجة أخرى لا psk في أغلبية الوقت يكون جدال عقيم كل واحد باغي يفرض رايو على لاخر و من طبيعتي ما نبغيش نفرض رايي نبغي نقنع بيه أحسن

8 - حاجة شايفاها صح في نفسكـ والناس كلها شايفاها غلط .. ؟

نقول كلمة الصح في الوجه كاين بزاف الي ما يبغوهاش

9 - وقتآش تحسي بالغيرة .. ؟

مانيش مغيارة بطبعي لكن نبغي نجتهد باه نوصل لنفس الحاجة الي غرت منها أو أحسن

10- وقتآش تسمعي دقات قلبكـ .. ؟

المراة بطبيعتها عاطفتها غالبتها و تسمع لدقات قلبها في كل المواقف الي تصادفها تقريبا لكن هادا ما يمنعش حضور صوت العقل باش نتجنبو بزاف حوايج مش ملاح


أيآ صح فطورك وفطور الجميع
:regards01:
​

الله يسلمك صح فطورك انت تاني تفطرو بالصحة ان شا الله

 

[ђ@ĸĭ๓]

الله يسلمك صح فطورك انت تاني تفطرو بالصحة ان شا الله

يعطيك الصحة على الصرآحة تآعك
والكلمة لي مآفهمتيهآش هي الإســترآحة
مرسي :up:
​

 

[هآلة]

او جــآء البعد قليل تاع قبيييل ^^

عدنــــآ ..

نور أكي هنــآ

نبدآو ...
فكريني قدآه راكي قــآعدة هنا معانا تشوفي ؟؟
​

 

[{مُدَلَّلَتُهُ}]

يعطيك الصحة على الصرآحة تآعك

رانا قاعدين هنا باه نقولو الصراحة هادا واجب

والكلمة لي مآفهمتيهآش هي الإســترآحة

اممم صح معناتها راهي تشبه للخروج للإستجمام على خاطر هو الي يجيب الإستراحة

مرسي :up:
​

العفو خيوو تنور بأسئلتك

او جــآء البعد قليل تاع قبيييل ^^

هاهي جات الستوتة تاعي مرحبا بيك

عدنــــآ ..

عودة طيبة

نور أكي هنــآ


لا ما كنتش هنا في بعد قليل تاعك راني هنا في بعد قليل تاعي

نبدآو ...


ما بديتي والو ما سقسيتيش gـاع :p

فكريني قدآه راكي قــآعدة هنا معانا تشوفي ؟؟
​

واقيلا راه باقيلي 4 أيام و تخلاص الإستضافة لا بغيتي تزيدي كثر زيدي حتى انا هاد الكرسي يربح عليا :d
​

 

[زهرة الندى]

صحآ فطورك ننوش الزينوش

صف ولآيتكـ تيآرت في 10 أسطر

وآش أكثــر حآجة تتميزو بيهآ يعني صفة او...

وآش همآ الأكلآت التقليدية الي مشهورة بيهمـ تيآرت

احكيلي في أعرآسكمـ كيفآش تديرو


​

 

[{مُدَلَّلَتُهُ}]

صحآ فطورك ننوش الزينوش

الله يسلمك عفوفتي صح فطورك انت تاني

صف ولآيتكـ تيآرت في 10 أسطر

ولاية معروفة بالجود و الكرم و الأصالة معروفين بالخيل و الخير الضيف عدنا نديروه فوق راسنا صح كاين الي يقولو ولايات الغرب هاك و هاك مي نقولولهم par tout كاين المليح و القبيح و طبعا ماناش في المدينة الفاضلة
شابة مي ماهمش قايمين بيها فيها بلايص هايلين الأثار حتى و البلايص الطبيعية تاني مي الله غالب ما همش معروفين و زيد ماهمش مهتمين بيهم
الصح تاع ربي نروح وين نروح بصح تيارت تبانلي كي paris نروح لآخر الدنيا و نرجعلها متوحشتها vive تيارت و ولادها و بناتها

وآش أكثــر حآجة تتميزو بيهآ يعني صفة او...

اختي معروفين بالجود و الكرم نقومو بالضيف + تيارت معروفة بالخيل بزاف و الصناعة التقليدية كيما جلابة الوبر و الزربية و السرج و هاد الحوايج

وآش همآ الأكلآت التقليدية الي مشهورة بيهمـ تيآرت

يمكن المشوي و السفوف + الطعام "الكسكس " التيارتي ماكانش كيفو في الدنيا و باقي الاكلات كاينين في ولايات الغرب كامل مي تختلف طريقة التحضير من بلاصة لبلاصة

احكيلي في أعرآسكمـ كيفآش تديرو


​

اعراسنا نحكيلك يامات العرس برك ما نحكيلكش من قبل يعني من الخطبة حتى لليلة العرس
نفترضو العرس بالخميس المقربين من العريس كيما خواتاتو و خالاتو و هادوك يجو سمانة قبل باه يوجدو عدنا كل حاجة توجديها للعرس لازم يكون الزهو و الزغاريت فال حلو
يبداو في صنيع الgاطو و يدورو على الحوايج الي خاصينهم باه ما يحصلوش نهار العرس من نهار الاثنين يتبنا الgيطون "هادي كي كان الgيطون ضوكا راهم ستgورو يبغو لي صال :down: " و الضياف يجو بالأخص البراوية لي من ولايات اخرين يجو قبل و يقعدو في دار العرس حتى يكمل كل شي
نهار الأربعاء يديرو الحنة للعريس في هاداك النهار يتلمو الضياف تقريبا gـاع يفطرو النسا . و في الليل الرجال في السهرة تروح مرا كبيرة لي يستفالو عليها تدير الحنة للعريس و لصحابو العزاب باه يتزوجو :p و الخميس يروحو يجيبو العروس يجو معاها ماليها ....... و الخ الخ هههههههه
ماليها يروحو باللإثنين تقريبا بعد الحمام
الأطباق الي في لعراس كل واحد حساب طاقتو كاين الي يدير المشوي و كاين الي يدير طواجين و حريرة ....و كاين الي يدير طعام باللحم
و الزهو عند النسا كاين الي يجيبو المداحات و كاين الي يديرو الديجي تاني هادي على حساب الطاقة
عند الرجال كاين الي يجيبو chanteur و كاين الديجي كل واحد يدير على حسابو
و كاين الي يجيبو الgوارير "هادوك الي يلبسو كيما تاع الصحرا و يضربو الدربوكة و القرقابو و معاهم المكحلة"البندقية"
كاين الي يجيب الgوم "فرسان يسوقو في الخيل و الخيل يرقص رقص استعراضي" هادي يديروها الي عندهم الدراهم بزاف psk غالي الgوم
و كاين الي يجيب الزرنة "حنا نقولو العيساوا "
و كاين الي ما يجيبش gـاع

هاكا يفوتو عراسنا تقريبا
اقراي الرد حرف حرف ما قتلكش انا سقسي سعال فيه الهدرة بزاف :p

 

[طير الجنة]

مساء الأنوار حبيبتي

صحا فطورك

على حساب الشوفة راهي حلاتلك القعدة

راني جبتلك شوية أسئلة

رأيك فيا بصراحة

أوصفيني في 10 كلمات

أذكري بعض الصفات الي تعجبك فيا

و بعض الصفات اللي ما تعجبكش فيا

قداش تحبيني

علاش ماراكيش تكونيكتي هاد اليومين



​

 

[{مُدَلَّلَتُهُ}]

مساء الأنوار حبيبتي

مساء الفل و الياسمين أهلا هدهد صح فطورك

صحا فطورك
الله يسلمك و انت زادا حنونتي

على حساب الشوفة راهي حلاتلك القعدة
ههههههه وي عجبتني الحالة ما غاديش نوض ضوك نحصل في الكرسي

راني جبتلك شوية أسئلة
باسم الله

رأيك فيا بصراحة
عندك شخصية الله يبارك عليها قليل وين تعرف وحدة قوية كيما انت ربي يبارك كملي هاك :up:

أوصفيني في 10 كلمات
هدهودة : عاقلة حشامة franche قلبها طيب تستعرف بالجميل مؤمنة طموحة تخاف شوية من الفشل
فت 10 كلمات :$
أذكري بعض الصفات الي تعجبك فيا
شوفي تعجبني قوة شخصيتك . عاقلة تقولي الصح في الوجه و نبغي الي كيما هاك نيتك صافية قلبك حنين اممممم نزيد و لا بزاف :p

و بعض الصفات اللي ما تعجبكش فيا
تتقلقي بالخف متسرعة و ساعات أصغر حاجة طيحلك المورال
قداش تحبيني
شوفي اذا عندك اختك على قد ما تبغي اختك أنا نبغيك
علاش ماراكيش تكونيكتي هاد اليومين



​

ماما راهي مريضة شوية و puisque انا الكبيرة راني مستكلفة بالدار
ربي يشافيها و يشافي gـاع المرضا

 

[هآلة]

جيتكــ ميس ستووت

تتمسخري أه .. يا بوكوكو

ضركــ تشوفي ...

واش اسمكــ ؟

قدآه عمركــ ؟

وآش حابة تخدمي ؟

واش كنتى حابة تخدمي ايام طفولتكـ ؟ تحققت يا ترى ؟ اذا لا ميس نور قوليلي علاه ؟

وعدنــآ بعضـآنا نديروآ افـآر مع بعض .. وآش رآنا نستنــآو ؟ ههههـ
خلاص المسلسل وصـآيي ^^

تسمعي دليلة ولا لا ؟ ووآش تحبي تسمعي ؟

أكملي الفرآغ :
[ ........:-r.......... ]

لمن تقولي كلمة رآكــ ماسوفريتش على جــآلي ؟

تسـآمحي بسهولة ولا لا ؟ :s

قدرتي تنســآي ولا لا ؟ الفـآهم يفهم :d




​