كرسي الاعترآف النسخة الجَديدَة ’موضُوع متجدد’

[{مُدَلَّلَتُهُ}]

صح فطوركم ........

الله يسلمك صح فطورك انت تاني

راني في المتابعه .........

والتحليل من يومين وهو جاري ......اصبري عليا .........
:d بانتظار التحليل بفااااارغ الصبر

وراني نستفيد من هذا الاعترافات .........بلا دراهم بلا تسايف ..........

ربي يحفظك عمو العميد

صح سحوركم​

الله يسلمك و انت زادا
​

 

[~lola.dz~]

آآآني جيييييييييييييييييييييييييت

قوليلي

اكتر حآجة تعزيهآ في حيآتك
حآجة متعجبكش في حيآتك
صفة تحبيهآ في روحكـ
صقة تتميزي بيهآ
صفة تكرهيهآ في روحكـ
آخر مرة كدبتي
آخر مرة بكيتي
اخر ميسآج زييييييين وآش كآن مكتوب فيه
حآجة تزعف نونو
حآجة تفرحهآ
اتعرضتي من قبل للخيآنة
تسآمحي لي غلط معآك
ترجعي الجآست لي دآرهآلكـ
شخصيتكـ وآش تقولي عليهآ
شحآل طولكـ وزنكـ
لون البشرة هههه تحليل برآ ني خخخ
وآش تقرآي ؟
حلمكـ في الحيآة
شكون حآ بة تتلآ قآيه آ
نونو تحب لعرآس ؟
تحبي تلفتي النظر ؟
نوع لبآسكت لي تخرجي بيه حجآب ولآ ليكآت ....
نونو والحب قبل الزوآآآآآآآآآآآج
​

 

[{مُدَلَّلَتُهُ}]

آآآني جيييييييييييييييييييييييييت
أهليين
قوليلي
شا نقولك
اكتر حآجة تعزيهآ في حيآتك
حاجة ولا صخش ؟ لا شخص والديا لا حاجة الpc :d
حآجة متعجبكش في حيآتك
امم ما جاتش حاجة في راسي ضوك لا تفكرت نقولك
صفة تحبيهآ في روحكـ
نبغي فيا عقوليتي :p نبغي هبالي ماكانش كيفو :d
صقة تتميزي بيهآ
ما هاذا السؤال سقسي لي يعرفوني
انا نقول راسي خشين ههههههههه هوما يادرا شا يقولو
صفة تكرهيهآ في روحكـ
نكره نهار ندير النية في الي ما يستاهلوهاش :down: و نفيق روطار
آخر مرة كدبتي
هههههههه شوية هاك برك على اختي الصغيرة كي سقساتني على بلاصة البطاطا
آخر مرة بكيتي
قبيل شوية كنت زعفانة
اخر ميسآج زييييييين وآش كآن مكتوب فيه
صحبتي قاتلي زيانيتي و جا عليك رمضان ههههههه
حآجة تزعف نونو
نهار نتظلم و كاين حاجااات
حآجة تفرحهآ
نشوف والديا فرحانين هاديك الدنيا و ما فيها
اتعرضتي من قبل للخيآنة
واه . لكن عفى الله عما سلف :-r
تسآمحي لي غلط معآك
لا جا طلب السماح نسامحو
ترجعي الجآست لي دآرهآلكـ
ما ننتقمش لا . نبغي نقتل بالقدر :d
شخصيتكـ وآش تقولي عليهآ
الشخصية الناس هوما الي يحكمو عليها مش انت . رانا قلنا لعمو العمدة يديرلنا تحليل شخصية كي يديره نديرلك copier coller و قراي على روحك
شحآل طولكـ وزنكـ
طولي 1.60 و يااااا ربي نكون زدت طواليت حتى 2 سم :d
وزني آخر مرة وزنت كنت في الميزيرية تاع لاسيتي 48 كغ ضوكا نكون بالاك 51
لون البشرة هههه تحليل برآ ني خخخ
كي نشوف روحي في المراية نشوف حاجة بيضة :p
وآش تقرآي ؟
علوم المادة
حلمكـ في الحيآة
كاين أحلااام . أهم واحد أول حاجة نديرها بعد ما نخدم ان شا الله ندي والديا يحجو
شكون حآ بة تتلآ قآيه آ
صحاباتي الي نعرفهم و مازال ما شفتهم
نونو تحب لعرآس ؟
نموت عليهم هههههه sur tout كي تكون كاية لومبيونص
ديجا قبيل قلت لختي في قلبي نحضر عرس شباب :p
تحبي تلفتي النظر ؟
نبغي نكون انيقة زينة مي لفت الأنظار مش بزاف sur tt لا القصة فيها "آدم "
نوع لبآسكت لي تخرجي بيه حجآب ولآ ليكآت ....
نلبس لي غوب مونتو
نونو والحب قبل الزوآآآآآآآآآآآج
​

شوفي نعطيك رايي بصراحة هاد الحب قبل الزواج جربتو و ما منو والو هف و خلاص الي يبغيك ينويك للحلال و يجي يديك من داركم الحاجة الي تبدا في الظلمة و بالتخبية قلييل وين تكمل بالزواج و قبل كل شي ربي ما حرم علينا حاجة حتى على بالو بلي راهي مش مليحة لينا و ما يجي منها غير المشاكل

 

[هآلة]

صح فطوركـ نونور ..

ألووغ قوليلي ..

مازلتي غــآرقــة و لا خبطوكــ الأموآج ؟؟
حققتي أهدآفكـ كـآمل من هــآ الحيـآة ولا مازآل ؟؟
المثل الى يقول حلال علينــآ حرآم عليكم .. """ جربتيه مع مينوشة في يوم ؟؟
تعليقكــ ع رمضـآن 2013 ؟
كفــ، لمن بـآغية تمديه ؟
قدآه كان في عمركـ يوم شريتي تيليفون ؟
واش من Puce تستعملييهــآ ؟؟
وآش رآكي تستنــآي باه تحلي مدونة ؟؟
تكتبي باليد اليمنى ولا اليسرى ؟
وين رآكي لابسة خاتمكـ ؟ في اي يد وفي اي اصبع ؟
اقتبسيلي ابجدية من نثري انــــآ عجبـآتكــ بزآآآآف و بقـآتلكـ في الميموآل ؟

بركــ .. لي باكـ ان شاء الله




​

 

[هآلة]

ما نقبلش الرسائل الخاصة من عند

{معقدة}

عجبتني هــآدى ^^

مــآم هـآدي دآخلة في لافــآر هـآدييكـ بعد ؟؟
علقيلي علييهـآ بيـآن
​

 

[هآلة]

وآش الحآجة لي بقيتي نآدمة عليهآ طول عمركـ :cray02: .. ؟؟
آسكو رآكي اون لوف ولآ اور لوف :love01: .. ؟؟
نور وآش أكثر حآجة تحبهآ في وآلديهآ :bravo01: .. ؟؟
و آسكو نور تعرف تطيبـــ .. صرآحة لو سمحتي :-r .. ؟؟
سوريآ تستغيث :cray01: .. وآش تعنيلك هآذ العبآرة .. ؟؟
نورد كي توآجه مشكل لمن تحكيه أول مرة :surrender01: .. ؟؟

اول اسم بجهازك ( جوال) ..؟
لون غرفتك ..؟؟
افضل أكله عندك ؟
شخص قاهرك بتصرفاته بالمنتدى؟
اسمك بالبلوتوث ؟
اسمك ع الفيس بوكـ ؟
تحبي تشوفي افلام اكشن او كوميديا او مغامرات أو رعب أو رومانس ؟؟
اكتبي لنا خاطرة من سطرين بقلمكِ ؟
انسان تتمني تشوفيه الآن ؟
ماهو رايك بالمنتدى بصراحه تامه ومطلقه ؟؟
ما هي الاقلام التى لفتت نظرك في المنتدى ولها قلم مميز فى كتباتها ؟؟
ماذا يعني لك الشفقه ...؟؟
اصعب لحظه بحياتك ؟
اجمل قصه قرأتها ؟
شخص حزنت لفراقه ؟
ماهي السعاده بنظرك ؟
اجمل لحظات حياتك ؟
مسلسل تلفزيوني اعجبك ؟
هل تتقبلي العذر حتى ولو كان الخطأ كبير؟
هواياتك المفضله ؟
خبر اسعدك ؟
مدينه تتمنى زيارتها ؟
اغنيتك المفضله ؟
أجمل الاسماء بـ نظرك ؟
أقرب عضو في المنتدى لديك ؟
تاريخ لا تنسينه ابدا ؟
متى تذرف دمعتك ؟


و في الاخير وآش رآيكـ فياآ :$ .. ؟؟
​

 

[{مُدَلَّلَتُهُ}]

صح فطوركـ نونور ..

الله يسلمك هلهولتي صح فطوركم

ألووغ قوليلي ..

نعم شا نقولك

مازلتي غــآرقــة و لا خبطوكــ الأموآج ؟؟

راني نتشبط باه نسلك راسي و صحاباتي ما خلاونيش نغرق بزاف ربي يحفظهم

حققتي أهدآفكـ كـآمل من هــآ الحيـآة ولا مازآل ؟؟

اييييي مازاال ربي يحققلنا شا نتمناو ان شا الله

المثل الى يقول حلال علينــآ حرآم عليكم .. """ جربتيه مع مينوشة في يوم ؟؟

فاللول قبل لا نولي انا و هي صحابات كنت مطبقتها ههههه ضوكا لا الحاجة الي ما نبغيهاش اديرها ما نديرهاش انا ما جاياش نقولها هاديك الحاجة ممنوعة و هي تشوف فيا انا ندير فيها

تعليقكــ ع رمضـآن 2013 ؟

يمكن أكثر رمضان كنت فيه لله أقرب الله يثبتنا على دينو

كفــ، لمن بـآغية تمديه ؟

الكف ما يبردليش قلبي قولي طريحة لمن باغية تمديها :p كاين وحدين راهم مخرجينلي الـgرون نبرد فيهم قلبي
قدآه كان في عمركـ يوم شريتي تيليفون ؟

أول تيليفون درتو كي كنت سنة 3
متوسط

واش من Puce تستعملييهــآ ؟؟

راني مركبة موبيليس مي ناوية نبدلها خلاتني :down:

وآش رآكي تستنــآي باه تحلي مدونة ؟؟

كل يوم نقول غدوة نبدا الكتبة و نبطل . أغلب الحوايج الي كتبتهم محيتهم "نكتب في الpc و ساعات في الميمو تاع التيليفون "
و تاع الوراق تودرولي و كان الي قطعتهم الي بقاو ماهمش ملاح :down:

تكتبي باليد اليمنى ولا اليسرى ؟

نكتب باليمنى

وين رآكي لابسة خاتمكـ ؟ في اي يد وفي اي اصبع ؟

في اليد اليمنى في الخنصر "وين ما يديرو خاتم الخطبة :p "

اقتبسيلي ابجدية من نثري انــــآ عجبـآتكــ بزآآآآف و بقـآتلكـ في الميموآل ؟

الي أيــــــن سـآفر هدوئي .. ؟

الى اين رحـــل كتمــآنى و صَمْتِي .. ؟

وعند ارتــفاع هرمون الحزن بدآخلى ..

أقصــد غرفتي .. انزوي لوحدى .. لا أحد يعلم بحــآلى

اجــآضع تفكيري الغبي لوحدى

أصفــع خيبــآتى وأفيق مبتسمــة ومن ســآئل عني .. ! !

أين تمردت عـآدآتي .. ؟ً

{ بت اليوم عصبية مغعمة بالغضب ..

الصرآخ لا يفـآرق لســآنى ..
تنبعث شرارآت الكره من عيوني

استيقــظ شبح التكبر و العنــآد بـ وجدآنى }

أيهـآ الأسْمَر :

ماذآ فعلت بــ نفسي ؟ ًً

هادي الي قريتها آخر مرة عجبتني عجبتنيي الله يبارك عليك و عندك بزاااف وحد اخرين شابين واصلي لا تفاصلي
بركــ .. لي باكـ ان شاء الله


مرحبا بيك في كل وقت حبوبتي

​

ما نقبلش الرسائل الخاصة من عند

{معقدة}

عجبتني هــآدى ^^

مــآم هـآدي دآخلة في لافــآر هـآدييكـ بعد ؟؟
علقيلي علييهـآ بيـآن

​

​

دخلتها في هاديك لافار بصح ما تفهمتش خلي تفوت الحاجة الي فتحت على جالها الرسائل لكل الأعضاء و مبعد نلغيهم كيما بكري
​

 

[{مُدَلَّلَتُهُ}]

وآش الحآجة لي بقيتي نآدمة عليهآ طول عمركـ :cray02: .. ؟؟

هلهولة الحاجة الي مليحة فرحتنا و الي مش مليحة علمتنا كي نقعد ندمانة شاهي الفايدة

آسكو رآكي اون لوف ولآ اور لوف :love01: .. ؟؟

راني بين و بين يا المحنة يا الوالدين :p راني نسلك في راسي من اللوف انه مضر بقلبي الرهيف
نور وآش أكثر حآجة تحبهآ في وآلديهآ :bravo01: .. ؟؟

في مامتي نبغي حنانتها حتى و راني مهبلتها مي ما تفوتنيش
بابا يا عمري هاداك كحلوشي"أسمري كيما تتقولي انت " ههههه مقلشني و ما الريح ما يقيسناش كي راه راسو يشم الهوا ربي يطولي في عمرهم

و آسكو نور تعرف تطيبـــ .. صرآحة لو سمحتي :-r .. ؟؟

عجبتني لو سمحتي يعني راح نكدب عليك مثلا
نعرف نطيب في ميزك و طيابي تقول مسروق من الجنة :$ بصح الله غالب نبغي نطيب كي تضربلي في الراس مشي كي يقولولي :p

سوريآ تستغيث :cray01: .. وآش تعنيلك هآذ العبآرة .. ؟؟

يا أختي واش نقولك ربي يرفع عليهم البلا و يحقن دماءهم كي نشوفو الحالة الي راهم فيها نحمدو ربي على النعمة الي رانا فيها و ندعيلهم ربي يفرجها عليهم عروس الشام رجعت خراب في مدة خيالية
:cray02:

نور كي توآجه مشكل لمن تحكيه أول مرة :surrender01: .. ؟؟

على حساب طبيعة المشكل كاين الي نحكيه لماما أول مرة و كاين لأختي و صديقتي

اول اسم بجهازك ( جوال) ..؟

*mamati

لون غرفتك ..؟؟

جاي creuvéte

افضل أكله عندك ؟

الجامعه نحاتلي القلاش وليت نآكسيبتي تقريبا كل شي
ماكانش حاجة نبغيها كثر من لخرين

شخص قاهرك بتصرفاته بالمنتدى؟

هههههههه لا داعي لذكر الأسماء

اسمك بالبلوتوث ؟

black snow
وجاية مزركشة و مخربشة :p
اسمك ع الفيس بوكـ ؟

BrIlläñtë Lùñë

تحبي تشوفي افلام اكشن او كوميديا او مغامرات أو رعب أو رومانس ؟؟

نتفرج كل شي المهم حاجة شابة . نفضل الرومانسي :$ تعغفيني حنينة



اكتبي لنا خاطرة من سطرين بقلمكِ ؟

نرسلهالك في الخاص مبعد حبسي الفضايح :p

انسان تتمني تشوفيه الآن ؟

بنت عمتي شحال راني متوحشتهااا

ماهو رايك بالمنتدى بصراحه تامه ومطلقه ؟؟

ملي راحو منه القدم ما ولاش كيما كان ما راهش يعجبني كيما بكري مي يبقا هو المنتدى الوحيد الي نرتاح فيه en + فيه أعز صحاباتي

ما هي الاقلام التى لفتت نظرك في المنتدى ولها قلم مميز فى كتباتها ؟؟

كاين صفصف و انت و بياع الورد و شوشو و سيمو هادو الي قريتلهم الباقي ما نتبعش كتاباتهم بزاف

ماذا يعني لك الشفقه ...؟؟

ما نبغي يشوفلي حتى واحد بعين الشفقة نحس ب ...... مش عارفة تلفتيهالي

اصعب لحظه بحياتك ؟

ما نبغيش نتفكرها
اجمل قصه قرأتها ؟

نبغي نقرا قصص الأنبياء هايلين و فيهم عبر فور gـاع

شخص حزنت لفراقه ؟

راكي علابالك و انا علابالي مي الحمد الله رانا نديpاسو فيها بالشوية

ماهي السعاده بنظرك ؟

السعادة كي تحطي راسك على المخدة ما يأنبكش ضميرك ترقدي هانية
السعادة كي تحسي ربي راه راضي عليك كي تبكي في ركعة من خشيته
السعادة كي يكونو معاك والديك و النعم الي منعم علينا بيهم ربي مازلنا متمتعين بيهم
اجمل لحظات حياتك ؟

لحظات كنت مع احبابي نضحك و نتمسخر ما على بالي بووالو
و العام الي فات كان مجتمعه فيه أجمل ذكريات حياتي

مسلسل تلفزيوني اعجبك ؟

تتفكري أبناء القهر :s شحال كنت نبغيييه هو و حاجز الصمت
يعجبني تاني Grey's anatomie و the secret circle

هل تتقبلي العذر حتى ولو كان الخطأ كبير؟

الإعتذار دايما نقبلو الواحد كي يجي يطلب السماح لوكان ما تقبليش يولي العيب فيك مش فيه هو دار الي عليه انت الي كبرتي دماغك بصح ما نضمنلكش العلاقة ترجع كيما كانت

هواياتك المفضله ؟

شوفي جربت تقريبا كل شي
طالعت . غنيت . مثلت في المسرح . كتبت قصص . كتبت خواطر . رقصت رقص تقليدي 'كي كنت صغيرة طبعا ' و مازااال ما لقيت حاجة مفضلة عييت نحوس نتعلم الGيتار و الوالد ما وافقش راني قاعدة بلاش
خبر اسعدك ؟
مازال ما جاش خلي يجي ضوك نقولهلك :d ربي يجيبه ياا ربي

مدينه تتمنى زيارتها ؟
المدن الي مازال ما زرتهم في خاطري نزورهم gااع
اغنيتك المفضله ؟
ما عنديش غنية مفضلة عندي أغاااني كيما who you are_ jessy-j
mirror _ justin timberlake
Let her go-passenger
the scripet ft will_i_am - hall of fame
و بزاااف
أجمل الاسماء بـ نظرك ؟

يعجبني اسم ندى الياسمين . هالة الشمس "مشي كي راه اسمك برك قريت رواية بطلتها اسمها هالة الشمس "

أقرب عضو في المنتدى لديك ؟

كان .....

و ضوك راهي مرووش و هدى

تاريخ لا تنسينه ابدا ؟

22/11/2012
30/04/2013

متى تذرف دمعتك ؟

مانيش ملي دمعتهم طيح بالساهل كون ما نكونش صح متوشية ما نبكيش و ساعات نلم نلم و نهار نقلع ارواحي انت سكتيني

و في الاخير وآش رآيكـ فياآ :$ .. ؟؟
​

صحبتي حلوة بالخف تكلخ للواحد بلسانها مهبولة و هبالها وحده قلبها كبير لسانك طويل :p و مبدعه كي تكتب الخواطر ما شفت منك غي الخير الصح يتقال ربي يهنيك
​

 

[{مُدَلَّلَتُهُ}]

هاهو وين الموضوع تاع تحليل الشخصية داره عمو العمدة ربي يحفظو ايا اقراو و ادعولو ربي
+ ما تنساوش تعلقو

تحليل شخصية العضو رقم 05 : .. Lovely ღ smile
​

 

[la_safa]

السلآم عليكم ،،
جيتك يآ نونو جيتك :p ..

أممم أول سؤآل وش يعنولك هآذوك التوآريخ :p !!
أهم حآجة في حيآتكـ تخمي فيهآ !!
نونو كون تعرفي بلي وآحد عزيز عليكـ خدعك وش تديري !!
نونو كون وآحد عزيز عليك غلط غلطة تسآمحيه ولآ !!
نونو و الطبخ ، تعرفي تطبخي !!
كآش مرة حرقتني المآكلة ولآ :d !!
نونو و الـ :$ رآكي فيه ولآ !!
تعتبري روحك محظوظة ولآ !! كيفآه رآهآ حيآتك آحكلينآ !!
نونو احكيلنآ كآش مقلب وآحد انت درتيه و وآحد دآروه بيه !!
نونو شحآل طولك ووزنكـ و آسكو نتي زينونة ولآ :$ !!
أمممممم نونو و الذكريآت مديلنآ أعز ذكرى مليحة !!
و ذكرى أثرت فيكـ حزينة !!
نونو تحبيني ولآ :-r !!
نونو وش تقولي للي يكرهوني و مآ يحبوليش الخير :p !!
نونو و الانآقة :
وش تلبسي !!
شريتي قش العيد مآعليش جآوبتيني لهيه زيدي عآودي ههه !!
نونو تديري مآكيآج !!
نونو تلبسي الميني في لعرآس !!
نونو آسكو نتي بيضآ ولآ !!
نونو نفرضو تخطبتي و خطيبك تحبيه آوي آوي
و وحدة تشتيه و ديمآ تدور بيه وش تديري احكي بالتفصيل
- نحتآج الاجآبة :$ -

يلآ كثرت حبوبتي ~
​

 

[{مُدَلَّلَتُهُ}]

السلآم عليكم ،،
و عليكم السلام و رحمة الله و بركاته

جيتك يآ نونو جيتك :p ..


اهلين يتخاف منك ا صفصف هههههههه

أممم أول سؤآل وش يعنولك هآذوك التوآريخ :p !!

ههههههه انت بديتيها من التالي :$ التواريخ هادو تلاقيت فيهم بوحدين عزاز عليا

أهم حآجة في حيآتكـ تخمي فيهآ !!

ضوكا راني نخمم في قرايتي برك

نونو كون تعرفي بلي وآحد عزيز عليكـ خدعك وش تديري !!

شا غادي ندير نتأكد قبل و مبعد نروح و نخليه لوكان جيت عزيزة عليه ما يخدعنيش راح تعاتبي واحد ما تعنيلو والو ؟

نونو كون وآحد عزيز عليك غلط غلطة تسآمحيه ولآ !!

هيه نسامح ها بصح يعترف بغلطتو الول

نونو و الطبخ ، تعرفي تطبخي !!

نعرف واه :d و كاين الي راني نتعلم فيهم

كآش مرة حرقتني المآكلة ولآ :d !!

ههههه تموتي على الفضايح وي حرقت حرقت

نونو و الـ :$ رآكي فيه ولآ !!

راني في ولاا هههههه راني نسلك في راسي منو حاجة الحلال خير

تعتبري روحك محظوظة ولآ !! كيفآه رآهآ حيآتك آحكلينآ !!

جاوبت على محظوظة ولاا صفصوفتي ارجعي شوية ضوك تصيبي راني عيانة باه نكتب :$
حياتي راهي الحمد الله ما خصني غي الي تجيني من عند ربي الأساسيات كاينين و الحمد الله ربي يدوم علينا نعمتو

نونو احكيلنآ كآش مقلب وآحد انت درتيه و وآحد دآروه بيه !!

دااارو بيا المقالب ملياار و حتى انا مانيش ساهلة بالخف نخلفها :p
صحبتي عيطتلي وحد المرة و قاتلي عيب عليك راني في السبيطار و انت ما تسقسي ما تعيطي و على بالي بلي علا بالك :-o و ماكنتش méme pas في الدار باه نروحلها . نعيطلها بلعت التيليفون ما صبت كي ندير رستلها ميساج قتلها و الله ما علابالي ماكانش الي يقولي يا طفلة ربي يهديك خلاتني يومين و انا نعيط و حالتي حالة مبعد قاتلي poisson d'avril قريب ما خرجتلها من التيليفون جيفتها
نونو شحآل طولك ووزنكـ و آسكو نتي زينونة ولآ :$ !!

طولي 1.60 و وزني نورمالمو سمنت شوية راه 51 بالاك
امممم الزين يا الزين هههههههه ها سقسي الي شافوني
انا صحيح كي نشوف روحي في المراية نعجبني :$ :$

أمممممم نونو و الذكريآت مديلنآ أعز ذكرى مليحة !!

وحد النهار فوتو مع صحاباتي خرجنا نديفولو من الغمة تاع الإمتحانات فوتنا نهار ما يتنساااااش

و ذكرى أثرت فيكـ حزينة !!

موت جدي الله يرحمو فات عليه قريب 5 سنين بصح مازال هو الذكرى الي ما نسيتهاش psk هاداك العام الي مات فيه كنت عايشة معاه عام كامل تقريبا وحدي انا وياه و نهار الوفاة كنت حاضرة و كنت هاداك وين شربت قهوة معاه ربي يرحموو و يجعلو من أهل الجنة

نونو تحبيني ولآ :-r !!

نتي من دوك العباد الي بالخف يدخلو للقلب نبغيك طبعا

نونو وش تقولي للي يكرهوني و مآ يحبوليش الخير :p !!

نقولهم ربي يعطيكم العقل ههههههه معليش راهم غايرين ما يكرهك غي الي حاول يكون كيفك و ما قدرش

نونو و الانآقة :
وش تلبسي !!

لي غوب مونتو برا و بيجامات في الدار

شريتي قش العيد مآعليش جآوبتيني لهيه زيدي عآودي ههه !!

ههههههههه شريرة . شريت غوب مونتو و خمار و بيجاما

نونو تديري مآكيآج !!

لاا الماااكسيموم كحل و غيسيل نكره التخلاط في وجهي

نونو تلبسي الميني في لعرآس !!

و علاه زعفتي :p ما كنتش نلبسو و ضوك نلبسو مكرة فيك

الميني لبستو مرة و انا هاك كبيرة . قتلتني الحشمة وليت غي مخزونة pour tant كنت في وسط النسا . منها ما زدتش عاودت

نونو آسكو نتي بيضآ ولآ !!

بيضا بيضا

نونو نفرضو تخطبتي و خطيبك تحبيه آوي آوي
و وحدة تشتيه و ديمآ تدور بيه وش تديري احكي بالتفصيل
- نحتآج الاجآبة :$ -

يلآ كثرت حبوبتي ~
​

هو يبغيني ولا يبغيها ؟ شوفي اذاا يبغيني يا ختي نقوللها يا بنت الناس اخطيه خيرلك هاداك راه خاطبني روحي دوري على مكتوبك و هو اكيد اذا كان يبغيني ما رحش تعمرلو عينو تعيا تعيا و تكره و يجيها مكتوبها
أما إذا خدعني و هاداك ما نكره في هاد الحكايات 'نفسخ خطبتي الي بغي واحد ما يخدعوش نخليه يروحلها ما يلعبش على الحبلين '
اما إذا كان يبغيها راكي قلتي انا نبغيه بزاف بزاف الي يبغي واحد يبغيه يكون فرحان نقولو روح خطب هاديك المخلوقة بركا ما تعذب في روحك و فيها ماجاياش يكون معايا و هو يتخيل فيا هي ما نرضاهاش لروحي و ماكانش الي ترضاها لروحا

هاني جاوبت صح صحوووركم

تصبحو على ألف خير

 

[{مُدَلَّلَتُهُ}]

سلاموو

مايشقاش تقولولي علاه عدلتي :p راني زدت الحوايج الي تفكرتهم و صححت الأخطاء كنت نكتب فالليل على الظلمة لقيت روحي خاربة الدعوة بles fautes
:$
​

 

[~lola.dz~]

يآو سقسآو كلش مخلآولي وآلو
هههه

هيآ دركـ قوليلي عليآ انآ وآش رآيكـ علآبىلي محكينآش بوكو بوكو هه مي كومآم ​

 

[{مُدَلَّلَتُهُ}]

يآو سقسآو كلش مخلآولي وآلو
هههه

هههه ها انت جيتي روطار
مازال كاين أسئلة غي انت ماكيش قرعاجة أونسيان :p جيبي أسئلة خدمي مخك

هيآ دركـ قوليلي عليآ انآ وآش رآيكـ علآبىلي محكينآش بوكو بوكو هه مي كومآم ​

بدات تديرني في الحشوم
يا سيدي شا شفنا من لولا المهبولة
لولا من اسمها باينة crazy بصح فهميني واش جاب لولا لإيمان اشرحيلي
تفرح كي نرسلو نسقسو عليها و أنوشة بلخف تمرض :p ماتقرعجش b1 لازملها لي كوغ
ربي يسهلك في قرايتك حبيبة و يعطيك ما تتمناي :-r
​

 

[~lola.dz~]

بدات تديرني في الحشوم
يا سيدي شا شفنا من لولا المهبولة
لولا من اسمها باينة crazy بصح فهميني واش جاب لولا لإيمان اشرحيلي
تفرح كي نرسلو نسقسو عليها و أنوشة بلخف تمرض :p ماتقرعجش b1 لازملها لي كوغ
ربي يسهلك في قرايتك حبيبة و يعطيك ما تتمناي :-r
​

يعطيكـ غمة رجعتيني انوشة هههه يآو مرضت الله غآلب امصيبة ههه :p:d
ههههه لآلآ نقرعج مي قتلكـ مصبتش العسعلة فقط هههه

ان شآء الله يآرب اجمعين​

​

 

[~lola.dz~]

هههه حقآ خويآ الصغير يعيطلي لولا درتهآ هآدآ مكآن ورآهآ مشتقة من امال عسمي الزآوج ههه ​

 

[{مُدَلَّلَتُهُ}]

يعطيكـ غمة رجعتيني انوشة هههه يآو مرضت الله غآلب امصيبة ههه :p:d

هههههههه معليش ربي يشافيك ان شا الله على سلامتك

ههههه لآلآ نقرعج مي قتلكـ مصبتش العسعلة فقط هههه

ان شآء الله يآرب اجمعين​

​

كي تصيبي جيبي و ارواحي مرحبا بيك في كل وقت
ان شا الله "تنبيه اكتبي "ان شاء الله مشي انشاء الله كاين فرق بين المشيئة و الإنشاء هاكا قريتها وحد المرة :$ "

هههه حقآ خويآ الصغير يعيطلي لولا درتهآ هآدآ مكآن ورآهآ مشتقة من امال عسمي الزآوج ههه ​

امم عاشت الأسامي في 2 شابين الله يبارك . شفتي اختك شحال قرعاجة قعدتيني في كرسي الإعتراف وليت نقرعج عليك :d

 

[~lola.dz~]

ههههههههههههه رآني نشوف رآني نشوف بسلآمتكـ قرعآجة ونص ههه

كآش قآطوآ ؟​

 

[{مُدَلَّلَتُهُ}]

ههههههههههههه رآني نشوف رآني نشوف بسلآمتكـ قرعآجة ونص ههه

:d

كآش قآطوآ ؟​

خدمتي مساعدة الشاف :p رانا معاه شاوينا الحمان و ضوكا هربت هربة :d

 

[la_safa]

سلآموو نونو ،،
رآني جيت كيمآ تفآهمنآ الحرب الحرب بصح خوآتآت هههه

يلآ بسم الله :

نونو شكون سمآك نور ؟
أحكيلي على عفسة درتيهآ بوآحد تضحك يعني ؟
في حآتك قدآه من مرة وثقتي و غدروك ؟
شكون غدرك و كيفآه يعني الحكآية من سآسهآ لرآسهآ ههه ؟
نونو و الزوآج تسيبورتي زوآج تقليدي ولآ مودآرن ؟

رآني جآية
:p:p:p:p:p
​