كرسي الاعترآف النسخة الجَديدَة ’موضُوع متجدد’

[اميرةA=A]

المشاركة تاعي ويييييييييييين:s

 

[ђ@ĸĭ๓]

ههههههههه لا ما تخافش ما نزعفش ولا حاجة قلقتني نقولك :d
​

ههههههه أوكي ربي يخليــك ورآح نبدى لك بهآذو
والبقية تجي منبعد إن شـــآْ الله أيآ على بركة الله
1~فيمآ يخص الحجآب هنآك بعض البنآت الغيــر متحجبآت
لآيحبــون من يقول لهن متبــرجآت مآهي وجهة نظر نور الهدى :s
2 ~ في رأيك رجل بدون عمل زعمآ مآ خدآمش وكيمآ نقولو
حطيــست وحآب يتزوج وخآصة في هآذ الضروف المعيشية الصعبة
في زمآننآ الحآلي وسؤآلي كيفآش تفسري لينآ هآذ الظآهرة :s
3 ~ شآبة في 25 من العمــر بآقي ليهآ أســبوع على زوآجهآ
مي لبروبلآم مآتعرفش طيب ولبروملآم الأكــبر هي رآح تعيش
وتسكن مع عآئلة زوجــهآتقدري تتحطي في موقف كمآ هذآ :s
أيآ شوية جدية هذآ هو كلومبو سآعة على سآعة
يخرج خرجآت كمآ هذو :up:


​

 

[la_safa]

نونو مش رآح تخلصي بهالسهولة هههه

يلآ جآوبي فحلتي :

قدآه مرة بدلتي النيمرو تآعك ؟
شحآل مرة حبيتي ؟
نونو و العرآك احكيلنا مرة تعاركتي مع وحدة ههه ؟
نونو كون وحدة تديرلك جاست مش مليحة
تسكتي ولا تشعلي فيها ههه ؟؟
نونو اخر مرة بكات ؟؟ و علآه ؟؟ و شكون زعفك ؟؟
نونو و الـtv تتفرجي ؟ و وش تتفرجي ؟
علآه هكآ انا نحبك :p ؟؟
​

 

[{مُدَلَّلَتُهُ}]

المشاركة تاعي ويييييييييييين:s

اختي أميرة صاحبة الموضوع هي الي تحدد شكون العضو الي يكون ضيف في كرسي الإعتراف و باقي الأعضاء يسألو و هو يجاوبهم :regards01:

 

[{مُدَلَّلَتُهُ}]

ههههههه أوكي ربي يخليــك ورآح نبدى لك بهآذو

باسم الله يا ربيي

والبقية تجي منبعد إن شـــآْ الله أيآ على بركة الله

ايه صح مرحبا بيك :regards01:

1~فيمآ يخص الحجآب هنآك بعض البنآت الغيــر متحجبآت
لآيحبــون من يقول لهن متبــرجآت مآهي وجهة نظر نور الهدى :s
صح ما يبغوش الي يقولهم متبرجات و ما يبغوش الي يقولهم الحجاب راه فرض ماراهش مسألة قناعة . خويا الصراحة كاين الي ما لقاتش شكون الي يدلها للطريق الصحيح و يفهمها بلي الحجاب راه فرض علينا وgـاع جانا صعيب شوية باه نتأقلمو معاه مي ضوكا تتقطع رقبتنا و ما نقلعوش . و كاين الي تخشن راسها برك كل ما انت تحاول تقنعها كل ما هي تزيد و تقولك راك تفتي عموما الله يهدي كل واحد ربي يكاكينا بعيوبنا قبل لا يفوت الحال

2 ~ في رأيك رجل بدون عمل زعمآ مآ خدآمش وكيمآ نقولو
حطيــست وحآب يتزوج وخآصة في هآذ الضروف المعيشية الصعبة
في زمآننآ الحآلي وسؤآلي كيفآش تفسري لينآ هآذ الظآهرة :s
يا خويا برايي مشي الخدمة الي ماكانش الرجال هوما الي ما يبغوش خدمة الميزيرية gـاع يحوسو على البيرو . أما على الزواج يتزوج و ما يروحش يدير حاجة حرام قال نبينا عليه الصلاة و السلام "من استطاع منكم الباءة فليتزوج "
يعني اذا صبر حتى لقا خدمة ما "راحش يوكل بنت الناس الحجر " يتزوج و اذا ما قدرش يحوس على خدمة في أقرب الآجال و يتزوج على روحو خير ما يفسد المجتمع الدليل شا رانا نشوفو و نسمعو كل يوم :down: الحل بيديه في الحالات لل2

3 ~ شآبة في 25 من العمــر بآقي ليهآ أســبوع على زوآجهآ
مي لبروبلآم مآتعرفش طيب ولبروملآم الأكــبر هي رآح تعيش
وتسكن مع عآئلة زوجــهآتقدري تتحطي في موقف كمآ هذآ :s

انا صح ما نقبلهاش على روحي على هاديك راني دايرة الماكسيموم باه نتعلم الطياب . ماراهش حاجة صعيبة مي كاين الي هاداك ما عطا ربي .


و تاع هاديك الي كي بقا سمانة على عرسها تفكرت بلي ما تعرفش طيب ههههههههه يا حسراه شفنا منهم شحااال و راهم بديارهم تعلمو و ما خصهم والو المشكل مشي في كي ما كانتش تعرف المشكل في الي معقدة ما تسقسيش خايفة لا طيح قيمتها ؟ بالعكس الي ما يسقسيش ما يتعلمش



أيآ شوية جدية هذآ هو كلومبو سآعة على سآعة
يخرج خرجآت كمآ هذو :up:


​

راني جاوبتك خويا كلومبو كي تجيك خرجة من هادو مرحبا بيك :regards01:

 

[{مُدَلَّلَتُهُ}]

نونو مش رآح تخلصي بهالسهولة هههه

ابداي بالفضايح يا الفحلة :p
يلآ جآوبي فحلتي :

نجاوب و علاه عندي حل آخر :p

قدآه مرة بدلتي النيمرو تآعك ؟
مرة و راني ناوية نبدلو هاد ليام ان شا الله
شحآل مرة حبيتي ؟

هي مرة وتوبة يقطع داود لا يعاود :p

نونو و العرآك احكيلنا مرة تعاركتي مع وحدة ههه ؟


من لي كنت في الpريمار ما تعاركتش نحس روحي صغيرة كن نحكم وحدة نضربها تعرفيني عاقلة مي لوكان تجيني وحدة ناوية عليها ها ادير على روحا

نونو كون وحدة تديرلك جاست مش مليحة
تسكتي ولا تشعلي فيها ههه ؟؟

مانيش من النوع الي يسكت مي لا كانت وحدة كبيرة عليا نكنها في قلبي ما عندي ما ندير

نونو اخر مرة بكات ؟؟ و علآه ؟؟ و شكون زعفك ؟؟

بكيت عندي وحد اليومين هاك ولا ما نعرف . كنت زعفانة شوية . زعفت روحي بروحي ههههههههه تفكرت حاجة تزعف

نونو و الـtv تتفرجي ؟ و وش تتفرجي ؟


la tv من عام الباك نسيتها لا تفرجت نتفرج كاش فيلم شباب ولا حاجة هاك برك

علآه هكآ انا نحبك :p ؟؟
​

علاه هاكا تحشمي فيا :$ :$:$ تبغيني خاطرش انا نبغيك ♥
​

 

[{مُدَلَّلَتُهُ}]

انا نروح ضوكا تصبحو على خير

صح صحوركم
​

 

[ђ@ĸĭ๓]

راني جاوبتك خويا كلومبو كي تجيك خرجة من هادو مرحبا بيك :regards01:

يعطيك الصحة هدى رآكي درتيلي
لكورآج بآه نزيد نقعد هنآ شوية ههههه
:regards01:
أيآ نكملــو في التحقيق تآعنآ
1~ نعرفو بلي هنآ في المنتدى بلي كل وآحد وعندو غآية
علآه رآهو يدخل كل يوم كآين لي بآه يشآرك ويتعلم وكآين لي
بآه يدردش ويقرعج برك وكآين لي يتفرج ويشوف كآش جديد
وكآين وكآين مي بالنسبة لك ختي هدى وش هي الغآية
من دخولك هنآ للمنتدى
2 ~كآش نهآر حقرتي وآحد بالمظهر ولآ المستوى ولآ المعيشة ديآلو :s
3 ~جآمي جرحتي وآحد من حبآبك بلكلآم تآعك
4~ كآين إنسآن في حيآتك رآكي حآسة بلي ظلمك بالتصرفات تآعك
5~ وجهة نظرك للشبآب لي هنآ في المنتدى
6 ~ ظآهرة دآئمآ نشوفوهآ في المنتديآت ولآ في الفيس بوك
هي أن كل وآحد يدعي أنه مجروح ومظلوم من تجربة سآبقة
زعمآ مآيكونوش هومآ لي مآشي ملآح ومنآفقين
وسؤآلي وش رآيك في هآذ لحكآية :s
7~ من خلآل متآبعتي لك ولردودك شد إنتبآهي هآذ التعليق

ما نقبلش الرسائل الخاصة من عند

{معقدة}
أواه اواه انت واعرة :p
ما نقبلش الرسائل الخاصة من عند الشاشرا خلاص تعقدت منهم :pلا تعقدت لا والو نتقلق من الرسائل تاع راني حاب نتعرف عليك على جال هاك خليتهالهم في التوقيع باه ما تجيني رسالة هاك ما نزعف :d

وش مرآكيش تشوفي بلي رآكي قآسية نوعآ مآ في القرآر تآعك
ولا هذآغرور وتريدين إظهآر شخصيتك ولآ حنآ فهمنآ غآلط
ولآ حنآ مشي سآهلين ونستآهلو كيمآ هكآ خرجآت
أيآ صح فطورك ختي نور سلآم
~ كولومبــو ~
:regards01:
​

 

[{مُدَلَّلَتُهُ}]

يعطيك الصحة هدى رآكي درتيلي
لكورآج بآه نزيد نقعد هنآ شوية ههههه


ايا مرحبا بيك تنور خويا حكيم
:regards01:
أيآ نكملــو في التحقيق تآعنآ

باسم الله

1~ نعرفو بلي هنآ في المنتدى بلي كل وآحد وعندو غآية
علآه رآهو يدخل كل يوم كآين لي بآه يشآرك ويتعلم وكآين لي
بآه يدردش ويقرعج برك وكآين لي يتفرج ويشوف كآش جديد
وكآين وكآين مي بالنسبة لك ختي هدى وش هي الغآية
من دخولك هنآ للمنتدى

بكري دخلت هاك و خلاص مبعد وليت باه نتعلم كاش حاجة جديدة و تعلمت بزااف حوايج في كل المجالات + كسبت صداقات الله يبارك ماكانش كيفهم ربي يحفظهم ان شا الله الهدف لول هو الإفادة و الإستفادة حتى و راني مقصرة عنديي مدة ما درتش موضوع

2 ~كآش نهآر حقرتي وآحد بالمظهر ولآ المستوى ولآ المعيشة ديآلو :s

في لول كنت نحكم بالمظاهر و ان شا الله ربي يسمحلي كاين الي من مظهرهم حقرتهم مي مبعد خرجت غالطة أما مستوى المعيشة جامي ياخي ربي هو قسام لرزاق هادي ماهيش بيد العبد

3 ~جآمي جرحتي وآحد من حبآبك بلكلآم تآعك

جرحت و ربي يسمحلي برك كاين الي جات فرصة وطلبت منهم السماح و كاين الي لا
4~ كآين إنسآن في حيآتك رآكي حآسة بلي ظلمك بالتصرفات تآعك

ظلمني بالتصرفات تاعه قصدك ؟
ايه كاين و علابالو بلي كان ظالمني و قلتهالو شحال من مرة مي نورمال :d يجي النهار وين يفيقو

5~ وجهة نظرك للشبآب لي هنآ في المنتدى

شوف خويا فيهم و عليهم كيما البنات فيهم و عليهم . كاين الي هنا داير روحو إمام و مخو فيه غي دعاوي الشر يغيبها للشيطان الله يهديهم و كاين الي الله يبارك الله يكثر من أمثالهم

6 ~ ظآهرة دآئمآ نشوفوهآ في المنتديآت ولآ في الفيس بوك
هي أن كل وآحد يدعي أنه مجروح ومظلوم من تجربة سآبقة
زعمآ مآيكونوش هومآ لي مآشي ملآح ومنآفقين
وسؤآلي وش رآيك في هآذ لحكآية :s

هههههه وي كل واحد يتمسكن و يقول انا خاطيني bnالماجوريتي تاع العباد يميلو لتبرأة رواحهم و دايرين اللوم في الناس و كل واحد يشوف روحو ملاك و الناس هوما الي شياطين ماكانش الي يشوف عيوبو :p هادي هي الحكاية باللاك

7~ من خلآل متآبعتي لك ولردودك شد إنتبآهي هآذ التعليق

وش مرآكيش تشوفي بلي رآكي قآسية نوعآ مآ في القرآر تآعك
ولا هذآغرور وتريدين إظهآر شخصيتك ولآ حنآ فهمنآ غآلط
ولآ حنآ مشي سآهلين ونستآهلو كيمآ هكآ خرجآت

ههههههه و علاش تتقلق :p

لا خويا مشي قصة مغرورة الغرور ماوش طبيعتي مي بيناتنا كاين الي مازال ما فهم حاجة سموها "صداقة" يشوفك ناس ملاح و ما تبغيش تخرج للعيب يبدا يزيد فيها و يدير فيك تيكي . قليييييييل الي تبقى العلاقة بينك و بينه صداقة برك
صراحة خسرت أصدقاء ' تكون معاه ami و مبعد يرجع ينوي فيك الناقص' و ما نيش باغية نزيد نخسر وحد أخرين هادي هي الحكاية :$

أيآ صح فطورك ختي نور سلآم
~ كولومبــو ~
:regards01:
​

الله يسلمك خويا حكيم صح فطورك انت تاني تفطروا بالصحة ان شا الله

 

[ђ@ĸĭ๓]

الله يسلمك خويا حكيم صح فطورك انت تاني تفطروا بالصحة ان شا الله

الله يسلمك ختي هدى ورآكي جآيبآهآ لحتى لدركآ
مشآء الله عليك أيآ نكملــو:d
1 ~ رآنـي نشــوف غير كولومبــو لي رآهو
يسقسي هذي يوميــن وش هو تحليلك :s
2 ~ عطينآ إســم عضو يعكر المزآج :-r
3 ~ صح بكل صــرآحة عطيني
نسبة التقلآش عندك :s
نســبة التكبر عندك :s
نســبة الحقـد عندك :s
نسبة الغيــرة عندك :s
نسبة التقرعيج عندك :s
نسبة التسآمح عندك :s
نسبة الأدب عندك :s
نسبة التفآهم عندك :s
4 ~ وش نتي من النوع لي يحب لي كآدو :d
5 ~ كيف يكون شعورك عندمآ يقدم لك شخص
أو إنسآن قريب هدية :-r
6 ~ وش نتي من النآس لي سآكنهم الملل زعمآ يحبو
كآش حآجة وكي يملكوهآ يملو منهآ :s
7 ~ كآش نهآر صرختي في وجه بآبآك ولآ أمك
8 ~ نعطيك حكمة وقوليلنآ رآيك فيهآ ونطلب
منك تحكينآ كآش قصة صرآتلك ولآ سمعتي
بيهآ ينطبق عليهآ لكلآم هذآ
لا تخشــى طـعـنــة [ آلـــعـــدو ]
فهو لآ يــعـرف أمـاكن آلــضعف فــيـك
بل آخشـى طــعنــة [ آلـحـبــيــب ]
فهـو أكــثـر شـخـص خـبـير فــيــك
9~ السؤآل التآسع هههههه عندي مشروع حآب
نحطم بيه الرقم القيآسي وهو حآب نحطلك 900
ســؤآل هنآ وش رآيك :d
ودوكآ فآصل ونوآصل
سلآم نور
:regards01:
​

 

[{مُدَلَّلَتُهُ}]

الله يسلمك ختي هدى ورآكي جآيبآهآ لحتى لدركآ
مشآء الله عليك أيآ نكملــو:d

ايا الحمد الله . اوكيتو نقولو باسم الله




1 ~ رآنـي نشــوف غير كولومبــو لي رآهو
يسقسي هذي يوميــن وش هو تحليلك :s

ههههههههه مروة ما نعرف وين راهي . هدهد ما لقاتش شا تقرعج تعرف كل شي هلهولة ماهيش تدخل بزاف لولا غيبوهالها ما لقاتش شا تسقسي :p هادي هي

2 ~ عطينآ إســم عضو يعكر المزآج :-r

لا داعي لذكر الأسماء هههههه بالاك العضو الي يعكرلي مزاجي انتوما يزهيكم :d

3 ~ صح بكل صــرآحة عطيني
نسبة التقلآش عندك :s

كنت مقلشة ضوكا راح القلاش قعد 25% برك :d

نســبة التكبر عندك :s

خاطيني التكبر حكيم خويا راك تشوف فيا ناس ملاوح :$

نســبة الحقـد عندك :s

يا لطيف قلب المومن ما يكون حقود ما شكيتش نحقد على كاش واحد ما تربيتش على الحقد

نسبة الغيــرة عندك :s

شوف من طبعي كي حاجة تعجبني ولا نغير منها شوية ندير الpوسيبل تاعي باه نجيب ما خير منها "عموما تكون في قرايتي ولا حاجة هاك أما الماديات ما علاباليش بيهم بزاف "

نسبة التقرعيج عندك :s

نقرعج على الي نعرفهم حتى يملو مني :p الباقي حتى نعرف العقلية كيفاه دايرة

نسبة التسآمح عندك :s


متسامحة لأبعد الحدود حتى و ساعات نتوشا صح. بالاك هاديك الحاجة الي صرات ما ننساهاش بصح une fois يجي الي خسر معايا يقولي اسمحيلي نسامح

نسبة الأدب عندك :s

الحمد الله والديا تعبو و نالو جامي جبتلهم مشكل للدار ولا واحد تجرأ و قال عليا هدرة مشي مليحة الباقي الي يعرفوني يقولولك كيفاش تربية نور :$

نسبة التفآهم عندك :s

على حساب الوقت الي جيتني فيه هههههههه ساعات نكون متفهمة و نتفاهم نورمال . و ساعات نقولك المعزة تطير :p و ما نتفاهمش حتى مع اختي كي يكون حاكمني الهبال

4 ~ وش نتي من النوع لي يحب لي كآدو :d

هههههه و من لا يحب الكادويات

5 ~ كيف يكون شعورك عندمآ يقدم لك شخص
أو إنسآن قريب هدية :-r

صح نموت بالhappy ههههههه تعجبني الحالة نحس بلي حسو بيا نبغي هاديك الحاجة جابوهالي :p

6 ~ وش نتي من النآس لي سآكنهم الملل زعمآ يحبو
كآش حآجة وكي يملكوهآ يملو منهآ :s

انا ملعباد الي يبغو يجيبو حاجة جديدة ساعه على ساعة بصح ما ينساوش الحاجة القديمة الي كان قلبهم فيها و تقعد ديما بلاصتها كاينة

7 ~ كآش نهآر صرختي في وجه بآبآك ولآ أمك

ربي يسمحلي مي طلبت السماح كنت في يامات الباك و في هاددوك ليام الخوف كان مبدل طبايعي

8 ~ نعطيك حكمة وقوليلنآ رآيك فيهآ ونطلب
منك تحكينآ كآش قصة صرآتلك ولآ سمعتي
بيهآ ينطبق عليهآ لكلآم هذآ
لا تخشــى طـعـنــة [ آلـــعـــدو ]
فهو لآ يــعـرف أمـاكن آلــضعف فــيـك
بل آخشـى طــعنــة [ آلـحـبــيــب ]
فهـو أكــثـر شـخـص خـبـير فــيــك

وي صح عدوك ما يعرفش نقاط ضعفك مي القريب ليك على بالو بكلش عليك و على بالو بالحوايج الي يقلقوك و يجرحوك مالا الطعنة من عندو تجي واعرة بزاف و صعيييب باه تنوض منها

صراتلي وي كنا فالليسي و تزايدت أنا و وحدة في الهدرة هاد الطفلة كانت صحبتي تعرف عليا كل شي قاتلي هدرة جامي إيماجينيتها تجي من عندها مي مبعد جات عندي قاتلي اسمحيلي و فاتت نورمال

9~ السؤآل التآسع هههههه عندي مشروع حآب
نحطم بيه الرقم القيآسي وهو حآب نحطلك 900
ســؤآل هنآ وش رآيك :d
ودوكآ فآصل ونوآصل
سلآم نور
:regards01:
​

اذا قدرت تكتب 900 سعال نقدر نحطلك عليهم الأجوبة :p :p بالشوية على اختك يا حكيم خويا ههههههههههه

مرحبا بيك في كل وقت

 

[ђ@ĸĭ๓]

اذا قدرت تكتب 900 سعال نقدر نحطلك عليهم الأجوبة :p :p بالشوية على اختك يا حكيم خويا ههههههههههه
مرحبا بيك في كل وقت

هههههه نضحك معآك برك :d يعطيك الصحة
ختي هدى على الصرآحة والعفوية تآعك
بآرك الله فيك
:regards01:
​

 

[{مُدَلَّلَتُهُ}]

هههههه نضحك معآك برك :d يعطيك الصحة
ختي هدى على الصرآحة والعفوية تآعك
بآرك الله فيك
:regards01:
​

الله يسلمك خويا حكيم

يعطيك الصحة على الأسئلة

بارك الله فيك
​

 

[la_safa]

نونو حبيبتي مآزآلكي هنآ !!

عندي زوز أسئلة جآوبيني عليهم من جوآآآت قلبك ليبرد قلبي هههه

.
.
.
.
.
.
.

وش رآيك في البنت لي تتلصق في وآحد و هو مش حآبهآ !!
و وش رآيك في البنت لي تعرض روحهآ على وآحد !!
​

 

[{مُدَلَّلَتُهُ}]

Bon نورمالمو خلاصت الإستضافة تاعي
يعطيكم الصحيتو كامل الي جاو هنا و سقساو
jspr عرفتو شوية شكون هادي Lovely smile ^_^
يعطيك الصحة لولا على الإستضافة
صح عيدكم كل عام و انتوما بألف ألف خير ينعاد علينا و عليكم بالصحة

سلآمووو

 

[{مُدَلَّلَتُهُ}]

dsl صفصف هادا وين شفت أسئلتك

نونو حبيبتي مآزآلكي هنآ !!

ويوي عمري راني هنا مي اليوم يفحتوني من الكرسي :p

عندي زوز أسئلة جآوبيني عليهم من جوآآآت قلبك ليبرد قلبي هههه

.
هههههههههههههههه اوكيتو .
.
.
.
.
.

وش رآيك في البنت لي تتلصق في وآحد و هو مش حآبهآ !!

اسمحيلي ما نكرهش حاجة قد هاد 2 صوالح اليي راكي قلتي عليهم

لولة مطيحة بكرامتها تبا لها يا ختي هني روحك كاين الي يستاهلك بالاك هو راه قلبه مع وحدة اخرى

و وش رآيك في البنت لي تعرض روحهآ على وآحد !!
​

bn لا اللولة مطيحة بكرامتها الزاوجة ما عندهاش كرامة خلاص شحااال كاين منهم و كل وحدة عندها سبة كاين الي على جال الحديدة و كاين الي على جال الدراهم و كاين الي على جال نقطة الله يهدي هادا ما نقولو ربي يكاكيهم بعيوبهم و يتوبو طيحو علينا البق حتى تخلط الحابل بالنابل و ولاو يقولو البنات كامل كيف كيف

 

[la_safa]

يعطيكـ الصحة يآآآ نونو ع اجآبتكـ :up: ..
رآكي كنتي ضيفة هآيلة خفيفة ظريفة و حبآآآآبة ..
يآ قمر يآ حبيبتي ♥
​

 

[{مُدَلَّلَتُهُ}]

يعطيكـ الصحة يآآآ نونو ع اجآبتكـ :up: ..
رآكي كنتي ضيفة هآيلة خفيفة ظريفة و حبآآآآبة ..
يآ قمر يآ حبيبتي ♥
​

:$ حشمتيني صفصوفتي

ربي يحفظك حبوبتي اسئلتك عسل ربي يخليك <مواااااح >♥

 

[~lola.dz~]

§نشكروآ نورالهدى علآ قعدتهآ لي كآنت خفيفة حلوة وظريفة
عرفنآ فيهآ شخصيتهآ البآهية الله يبآركـ ربي يحفظهآ من كل شر

مآرسي بزآف نونو شرفتينآآ في الكرسي يحفظك ان شآء الله §​

 

[زهرة الندى]

نونوش فوووووووور حبيبتي

كنتِ هآيلة ربي يحفظكـ ويحميكـ ويخليييييييييييييك

هنآ زدت تعرفت أكثر على ننوش ازينة ربي يخليهآ :$

صحآ عيدكـ وكل عآمـ ونتِ بألف خير
​