السلام عليكم
راه ضايق بيا الحال سامحوني
طرحت موضوع من قبل و الاخوة جاوبوني ربي يحفظهم لكن الموضوع زايد غير يتازم
انا كنت نحاول نطرح فكرة اني نحل مشروع صغير انا و زوجي بذهبي
زوجي يخدم بعيد على الدار و لازملوا نقل دايما و دوكا رانا في رمضان و سخانة و راكم عارفين
و لا باي تاع الاسلاك المشتركة ما عندي ما نقولكم ما توكلش وعل ، انا و الله ندير في البوسيبل نتاعي باه نحافظ على المصروف حتى اخر الشهر
و لكن و اش نقول الواحد يتخنق كي ما يلقاش و لا يد تتمد ليه و ين ما نصد ما نلقى حاتا واحد حتى ختي لي تخدم ما تحبش تسلفلي و هو ثاني ما عاندو حتى واحد يسلفلوا
عاد ديما عصبي ديما مقلق ديما متنرفي و نا تخنقت قاعدة وحدي طول النهار واحد ما يسال عليا و زيد كي هو يجي نلقاه مقلق و زعفان و هو قلقته صعيبة ياسر
المهم دوركا رانا في رمضان و المشروع حابا نفكر فيه بعد رمضان و لكن دوركا خممت نبيع سلسلة و نشري حاجة اقل منها و الباقي نعطيه لزوجي باه نكملوا هاد الشهر
لي راها قاتلتني انو ماكنش في الدار الف فراك حتى و الله هو يروح يمشي للخدمة و يجي في القايلة و انا فاض بيا خلاص ما عدتش نقدر نتحمل حاسة روحي رايحة تجيني الغواتر من كثر القنطة
انا لي مقنطني اكثر انو واحد ما هو يسال علينا رايحة نموت عندي عايلتي و عندو عايلتو و والو حسبي الله و نعم الوكيل
سامحوني و لكن و الله ضاق بيا و بيه الحال اتمنى انكم تتفهوا و سؤالي واضح
يادرا نبيع السلسلة باه نبدلها باقل منها و تبقالي شوية نكملوا بيها الشهر ؟؟؟؟؟؟؟؟؟؟
و المشروع نديروا بعد رمضان و نتوكل على ربي ؟؟؟؟؟؟؟؟؟؟؟؟؟؟؟؟
راه ضايق بيا الحال سامحوني
طرحت موضوع من قبل و الاخوة جاوبوني ربي يحفظهم لكن الموضوع زايد غير يتازم
انا كنت نحاول نطرح فكرة اني نحل مشروع صغير انا و زوجي بذهبي
زوجي يخدم بعيد على الدار و لازملوا نقل دايما و دوكا رانا في رمضان و سخانة و راكم عارفين
و لا باي تاع الاسلاك المشتركة ما عندي ما نقولكم ما توكلش وعل ، انا و الله ندير في البوسيبل نتاعي باه نحافظ على المصروف حتى اخر الشهر
و لكن و اش نقول الواحد يتخنق كي ما يلقاش و لا يد تتمد ليه و ين ما نصد ما نلقى حاتا واحد حتى ختي لي تخدم ما تحبش تسلفلي و هو ثاني ما عاندو حتى واحد يسلفلوا
عاد ديما عصبي ديما مقلق ديما متنرفي و نا تخنقت قاعدة وحدي طول النهار واحد ما يسال عليا و زيد كي هو يجي نلقاه مقلق و زعفان و هو قلقته صعيبة ياسر
المهم دوركا رانا في رمضان و المشروع حابا نفكر فيه بعد رمضان و لكن دوركا خممت نبيع سلسلة و نشري حاجة اقل منها و الباقي نعطيه لزوجي باه نكملوا هاد الشهر
لي راها قاتلتني انو ماكنش في الدار الف فراك حتى و الله هو يروح يمشي للخدمة و يجي في القايلة و انا فاض بيا خلاص ما عدتش نقدر نتحمل حاسة روحي رايحة تجيني الغواتر من كثر القنطة
انا لي مقنطني اكثر انو واحد ما هو يسال علينا رايحة نموت عندي عايلتي و عندو عايلتو و والو حسبي الله و نعم الوكيل
سامحوني و لكن و الله ضاق بيا و بيه الحال اتمنى انكم تتفهوا و سؤالي واضح
يادرا نبيع السلسلة باه نبدلها باقل منها و تبقالي شوية نكملوا بيها الشهر ؟؟؟؟؟؟؟؟؟؟
و المشروع نديروا بعد رمضان و نتوكل على ربي ؟؟؟؟؟؟؟؟؟؟؟؟؟؟؟؟
