عضوة في ضيافة ركن العناية بالجسم -العدد الخامس-: مع العضوة: magique

[magique]

ما شاء الله الضيفة ماجيك تبان خبيرة تجميل

ههههههه حشمتيني:$:$ والله خبرة بسيطة من لانترنت هدا ما نخدم نهار طول هههه

سؤالي لكِ حنونة
هل تثقين في الصابون كغسول للوجه

نقولك الصح لالا،، ديفوا نحب نغسل وجهي كل يوم بالصابون مي من بعد نلقاه شايح
نظن الغسول افضل سيغتو للي بشرتها دهنية
لكن ادا استعملت الصابون نديرDove

كما تعلمين بعض الخبراء ينصحون بالغاسول وليس الصابون

ايه صح توجوغ نسمعهم يقولو الغسول خير

أخبريني ما تاثيره على بشرتكِ طيلة مدة إستعمالكِ له

كيما قتلك نلقى الجفاف مي نعوضو بالكريمات والزيوت
ولي عودة إن شاء الله ​

مرحبا بيك عندكي لا ماتوليش
​

 

[magique]

عدت :-r ،

يااااهلا الزينة

أختي مآجيكـ ، مآنوع بشرتكـ !

بشرتي بيضاء عادية صافية الحمد لله ماعنديش مشاكل معاها {متفاهمين بالبيان} خخخخ

هل وآجهتي مشآكل كالحبوب مثلآ على بشرتكـ !

ايه مع الدورة الشهرية نلقى بعض الحبوب مي تروح فيساع
ومشكل صغير الرؤوس السوداء بالانف مشكل اغلب الفتيات

و كيف تعآملتِ مع المشكل !

الحبوب: نغسل بالشامبوان توجوغ نقولها كيما ينحي الزيوت من الشعر ينحيهم من البشرة ، ونستعمل معجون الاسنان باه الحبوب تجف وتروح
الرؤوس السوداء: مالــgــري تعبت معاهم،، ندير معجون الاسنان مع الملح بعد مانكون فتحت المسامات بماء ساخن، ونحك بشكل دائري 5 الى 10 دقائق من بعد نغسل.
جربت قناع الخل والنشاء نتيجتو مايش مليحة بزاف
وطبعا الحمامات البخارية توجوغ ننصح بيهم

على مآذآ تعتمدين في نزع الشعر الزآئد !

على حسب المناطق
الوجه: خاصة فوق الشفتين، نستعمل الخيط مؤلم شوي بصح لي بغا الشباح مايقول آح ،،مليح علكيف ينحي من الجذور وتتاكدي بلي مابقا والو
الابطين : مانحبش نستعمل لاسيغ غير كي نكون لابسة حاجة تكشف هاد المنطقة بويسك تؤدي الى الترهل وانا مانحبش نبان عجوزة قبل وقتي خخخخخ
مي كي نكون لابسة اون مونش نستعمل الشفرة لي تكون حادة ومليحة مايهمش النوعية
المنطقة الحساسة: شفرة تكون حادة بزاف والرسول عليه الصلاة السلام قال بلي لازم استعمال الشفرة لعدم الاضرار بالمنطقة
الساقين: نستعمل الشفرة عادي وراني ندير في وصفة الاخت ايمان بالخل وان شاء الله نلقى نتيجة

هل انت من محبي المآكيآج !

وي بيانســuــغ ،،واععععععشق ماكياج الكوريات سي بوغ سا تلقايني نحب ندير كيما هوما حاجة خفيفة خلاص ...

و في الأعرآس مآذآ تستعملين !

في الاعراس على حساب وش نلبس
حاجة تخاديسيونال { لحاف شاوي،، كاراكو،، بدرون،، ساري } ندير كحل عربي داخل العين وماكياج قوي شويا
كي نلبس سيـــvـــيليزي {اـــuـــن غوب ولا سروال ولا..} ندير لايناغ ماسكارا قاوية ،، فاغاــpــوpـــيآغ باج ولا اوغجونتي تكون خفيييييييييفة وبيانســـuـــغ الحنون تاعي بغيون لاــvـــغ

أفضل مآركة في الكحل ! و في الريسيل !

لكحل ندير كخيون XXL
الماسكارا XXL Waterproof mascara
لاماغك هادي نحبها
لايناغ نحب Beilizi

لي عودة ان وجدت أسئلة أخرى ~

ouiiiii biensur ارجعي

شكرآ لكـِ شوشيتآ :$ ~
​

ماغسي حنونة
​

 

[magique]

الزيت تع الشعر وشي؟؟
​

ندير زيت الصبار، زيت الزيتون ،زيت اللوز، الخروع...
ليسونسيال كي ندير ندير بانتظام باش نلقى نتيجة
زيدي حبوبتي
​

 

[magique]

انا نغسل بصابون ديتول يهبل ينحي الحب تع الوجهـ

​

جامي جربتو الحمد لله ماعنديش حبوب مي سمعت بلي صابون الكبريت ثاني مليح اقراي وش مكتوب

 

[حياتي كلها لله]

السلام عليكم
اختي ماجيك ماشاء الله من خلال ردودك حسيتك بروفيسيونال
لي عودة ان شاء الله

 

[~lola.dz~]

☺سلملم ☺
اني جيت ههههه :d
مخلآولي ولآ سؤآل ههه
-قوليلي كآش مآ جربتي وصفة لتفتيح البشرة ونجحت ؟
-طريقة عنآيتكـ بالاظآفر ؟
-وآش تستعملي كوم فوندوتآن لآ مآركـ يعني ؟
- استعملتي من قبل وصفة لتطويل الرموش ونجحت معآكـ ؟ لكآن ايه قولينآ
-عندكـ مشكل تع حبوب علآ كتفكـ ؟ لكآن ايه كيفآش وآجهتيهم ؟
-بمآ اني قريت بلي رآكي من مستعملي المكيآج وآش تتستعملي كوم منظف ومزيل للمكيآج ؟
- اعطيني وصفة جربيتيهآ علآ البشرة وجآبت نتيجة
:up:
اممم هآدآ مكآن لجآ في بآلي اسئلة نرجع حبيبي اوكي ☺
​

 

[نور الجنة 29]

جامي جربتو الحمد لله ماعنديش حبوب مي سمعت بلي صابون الكبريت ثاني مليح اقراي وش مكتوب

شرات منو ماما بشرتها ولت تلمع
وشي الكريمة اللي ديريها فجسمك؟؟؟ عجبتني الاسئلة هههه:p:p:p
​

 

[نور الجنة 29]

ندير زيت الصبار، زيت الزيتون ،زيت اللوز، الخروع...
ليسونسيال كي ندير ندير بانتظام باش نلقى نتيجة
زيدي حبوبتي
​

جربتهم كلهم مع بعضهم معاهم زيت
اكليل الجبل

وزيت الحية

ولى شعر طوييييييييييل وكل يوم ندهن شعري بزيت ايكومار
وشي الشامبوا اللي تستعملي فيييه؟؟
​

 

[نور الجنة 29]

ماجيك وينك؟؟
حبيتك تجااااوبي:s:s
سؤال اخر وشي الدونتيفريس اللي تستعملي فيه يوميا
​

 

[magique]

السلام عليكم

وعليكم السلام

اختي ماجيك ماشاء الله من خلال ردودك حسيتك بروفيسيونال

ماغسي حنونة شوي برك ماشي بزاف خخخخخخ:$
لي عودة ان شاء الله

وي حبي ارجعي مي غابيد لا يقفلو الموضوع هههه :p:p
​

 

[نور الجنة 29]

يا ماجيك جاوبي على الاسئلة اللي حطيتهلك
​

 

[magique]

☺سلملم ☺

هلا وغلا

اني جيت ههههه :d

اني شفتك خخخ

مخلآولي ولآ سؤآل ههه
-قوليلي كآش مآ جربتي وصفة لتفتيح البشرة ونجحت ؟

اوكي،، بشرتي فاتحة ماعندها وين تزيد مي جربت مرة ماسك البطاطا المسلوقة مع الحليب ، تخدمي منهم خليط متماسك وتحطيهم عشرين دقيقة تداومي عليها لمدة اسبوع وتلاحظي الفرق من ثالث يوم ان شاء الله
جربت الماء تاع الياوورت تمسحي بيه وجهك بويسك غني بالبروتين والفيتامين
مام الحليب مليح نحب نمسح بيه وجهي

-طريقة عنآيتكـ بالاظآفر ؟

ادا حبيتي ظفارك يكونو باهيين خيييير منك تبعي الخطوات هذو، مجربتهم وراهم حصري ليك وحدك خخخخخخ
- استعملي مبرد الاظافر ولا الكوp اونـــgـــل اعدليهم مليح بالشكل لي حبيتيه..
- جيبي طاس ماء دافئ خلاص حلي فيه شوي شامبو ولا صابون،، Dove مليح ،، ماتخليش حتان يرغى غير يتبدل اللون نحيه {ماكيش حتدوشي} ههههههه
- حطي فيه ظفرك حتان يطراو حيث يقدرو يتعوجو، خرجيهم وامسحيهم مليح...
- جيبي قطن ومعجون الاسنان { نستعملو في كلش قريب ناكلو } ههههه
حكي ظفارك مليييح وزيدي شليهم وامسحيهم...
اللمسة الاخيرة زيت اللوز،، فيه فيتامين E المفيد للشعر والبشرة والرموش وغيرو
حكي بيه ظفارك بالقطن من بعد شللي يدك وديري كريم مرطب
كي درتها مفعولها يدووم مام سقساوني ويلا مدايرة vernis transparant ههههه

-وآش تستعملي كوم فوندوتآن لآ مآركـ يعني ؟

الكرام ندير بوندس
ولابودغ ندير نيــــvـــيا

- استعملتي من قبل وصفة لتطويل الرموش ونجحت معآكـ ؟

وصفااات ماشي وصفة

لكآن ايه قولينآ

مانقوووولش :p:p خخخخخ
استعملت الوصفة المعروف كمية من زيت اللوز مع كمية من زيت الخروع
نتيجة: 0
جربت الفازلين مي نتايجو يطولو خليتو
قاتلي ماما على وصفة الحبة السوداء ،، تقليها حتان تخرجي منها الزيت وتهرسيها وتخلطي معاها زيت الخروع مي مازال مادرتهاش تفنينت هههه
دك راني نستعمل في واحد الزيت شريتها معند خالي بخمسين الف هي مجموعة زيوت تبانلي مليحة بويسك لاحظت فرق
انا عينيا ناقصين بصر سي بوغ سا شفاري يطيييحو بزاف دونك عاونتني هاد الزيت

-عندكـ مشكل تع حبوب علآ كتفكـ ؟ لكآن ايه كيفآش وآجهتيهم ؟

شوي ماشي حاجة
الحل::::: معجون الاسنان

-بمآ اني قريت بلي رآكي من مستعملي المكيآج وآش تتستعملي كوم منظف ومزيل للمكيآج ؟

نستعمل حليب ههههه فور ينحي خير ماتتصوري،، جربيه وطيشي الديماكيون تاعك:p

- اعطيني وصفة جربيتيهآ علآ البشرة وجآبت نتيجة

:up:

جربي تاع البطاطا لي قتلك عليها،، ونزيدلك صفار بيضة وكمية من الفول المرحي ولا القرفة حطيها على بشرتك جيست تيبس قشريها
نعومة نظافة وصفاء،،

اممم هآدآ مكآن لجآ في بآلي اسئلة نرجع حبيبي اوكي ☺

اوكي حنونة مرحبا بيك وماغسي على اسئلتك
​

 

[نور الجنة 29]

ماجيك ماعدتش باش نسألك لاني مديتلك اسئلة وما جاوبتي عليها
​

 

[magique]

شرات منو ماما بشرتها ولت تلمع
وشي الكريمة اللي ديريها فجسمك؟؟؟ عجبتني الاسئلة هههه:p:p:p

ادا قصدك كريم ترطيب فانا ندير فازلين بزيت اللوز ولا فازلين بحبة البركة
للقدمين ندير فازلين خاص بالتشققات
اليدين والوجه كريم الترطيب بوندس، نيفيا، دوف هادو تلاثة ملاح بزاااف
الشفه نحب ندير Lip balm تلقايه باغتو
​

جربتهم كلهم مع بعضهم معاهم زيت
اكليل الجبل

وزيت الحية

ولى شعر طوييييييييييل وكل يوم ندهن شعري بزيت ايكومار
وشي الشامبوا اللي تستعملي فيييه؟؟

نستعمل سانسيلك الاصفر، نيفيا ،بالموليف يعني نبدل مي بزاف سانسيلك الاصفر يخرج عليا مليح

​

ماجيك وينك؟؟
حبيتك تجااااوبي:s:s

اني هنا ماتتقلقيش

سؤال اخر وشي الدونتيفريس اللي تستعملي فيه يوميا

الدونتيفخيس لي جا اداك هوا مانتشرطش بزاف ،، عندنا في الدوش شي ربع ولا خمس دونتيفخيس لي نشوفو ليوم مانلقاهش غدوة هههه

​

ماغسي حنونة شرفتي
​

 

[magique]

يا ماجيك جاوبي على الاسئلة اللي حطيتهلك
​

ماجيك ماعدتش باش نسألك لاني مديتلك اسئلة وما جاوبتي عليها
​

اسمحيلي حنونة راني خرجت ورجعت سي بوغ سا ما جاوبتكش اسمحيلي حنونة
​

 

[~lola.dz~]

يعطيكـ الصحة ستفدنى منكـ بزآف مآشآء الله عليكـ
قوليلي فوآش تتسعملي معجون الاسنآن
​

 

[نور الجنة 29]

وشي نوع الفونداتا
اللي تستعملي فيه؟؟؟؟

​

 

[حنان بنت الجزائر]

Bienvenue à ma sœur, comment prendre soin de vos cheveux​

 

[magique]

يعطيكـ الصحة ستفدنى منكـ بزآف مآشآء الله عليكـ

ماغسي لولا الزينووونة
قوليلي فوآش تتسعملي معجون الاسنآن
​

كي تقراي ردودي على الاخوات تلقاي غير نهدر عليه
نستعملو في الاظافر كيما قتلك
نستعملو للحبوب ديفوا نلقى حبة نروح نجري نديرلها معجون اسنان ونخليه تنشف بالخف وفيساع تروح...
نزيدلو شوي ملح ونحك بيه الاماكن لي فيها الرؤوس السوداء انا عندي في منطقة الانف دونك نديرو..
وتاني عند ازالة الشعر بويسك يخفف الالم...
ونديرو .
.
.
.
.
.
لاسناني :d:d:d
​

 

[magique]

وشي نوع الفونداتا
اللي تستعملي فيه؟؟؟؟

​

نستعمل بوندس كوم كخام
ونيفيا كوم بودغ :d:d:d
​