عضوة في ضيافة ركن العناية بالجسم -العدد الخامس-: مع العضوة: magique

[magique]

Bienvenue à ma sœur, comment prendre soin de vos cheveux​

ماغسي حنونة نستعمل لشعري الزيوت ،، لي نلقاه نستعملو ونحب ثاني ساعة ساعة نجرب نشري زيت جديدة
نديرلو خلاصة الصبار ولي كخام لي نلقاوهم عند الكوسميتيك سيغتو لي مخدومين بالقمح
تاني لي شامبو نخير لي يناسبني ماشي اي شامبو
وبما انو شعري جاف مانكثرلوش الغسيل مرة وحدة في الاسبوع ولا مرتين سا ديبون
ومانكثرلوش السوشواغ صافي غير كي يكون اوبليجي
ماغسي حنونة على مرورك
​

 

[نور الجنة 29]

متزوجة انتي؟؟ تستعملي فالمكياج ههههههه
و الماسكرا وشي؟
​

 

[magique]

متزوجة انتي؟؟ تستعملي فالمكياج ههههههه
و الماسكرا وشي؟
​

متزوجة؟؟؟ لالا ،،،ربي يجيب مكتوبي خخخخخخخخخ
نستعمل غير في العراس:-r:-r
الماسكارا نحب XXL Waterproof mascara هايلة جربيها راهي فوووووغ:up::up:
​

 

[־●ـ‗غمــــوض ــالــورد_ـ●־]

السلآآم عليـــــــــــكم ورحمة الله وبركآته ،
ايدي هايلـــــــــــــــــــة والعضوة فووور بزآآآف
لي عودة ان شاء الله
رانـــــــــــو وجدي روحك غدوة نجيك خخخخ
​

 

[magique]

السلآآم عليـــــــــــكم ورحمة الله وبركآته ،
ايدي هايلـــــــــــــــــــة والعضوة فووور بزآآآف
لي عودة ان شاء الله
رانـــــــــــو وجدي روحك غدوة نجيك خخخخ
​

خخخخخ ماغسي حشمتيني :$:$ ماطوليش برك!!
​

 

[jiji la star]

salut les filles wach rakoum sava
rani m3akouuuM​

 

[magique]

salut les filles wach rakoum sava
rani m3akouuuM​

slt 7anouna,, ouéé tfadhli b les questions

​

 

[حياتي كلها لله]

مرحبا
راني وليت قبل لايتقفل الموضوع خخخخخ
ماجيك حنونة قوليلي ادا نفعك خلاصة الصبار وزيت الصبار للشعر وادا لاحظتي نتائج باينة وقداه من مرة تستعمليه لشعرك ......
والا تفضلتي يا الزينة قوليلي شعرك كي تديريلو السوشواغ وش تديريلو كبلسم ولا والو ولا اي حاجة افيدينا ....
اظافر اليدين عندي لاباس عليهم اما القدمين نلاحظ فيهم خطوط كلي مكسورين بواش تنصحيني ......
انا تان حبيت نفيد لبنات بحاجة :$ هو ظفاري نمسحهم بزيت جوز الهند في قطنة والله يولو تقول درتيلهم فارني ترونسبارون
سلام

 

[magique]

مرحبا
راني وليت قبل لايتقفل الموضوع خخخخخ

وي حنونة مرحبا بيك في كل وقت
​

ماجيك حنونة قوليلي ادا نفعك خلاصة الصبار وزيت الصبار للشعر وادا لاحظتي نتائج باينة وقداه من مرة تستعمليه لشعرك ......

كي تستعملي خلاصة الصبار رايحة تحسي بنعومة فائقة في الشعر ولازم تستعمليه وشعرك مبلول، بالنسبة لزيت الصبار نتايجو مليحة لكن يعتمد على نوع شعرك مثلا انا شعري جاف

نتايجو مليحة مي ماتظهرش في الحين وفي المقابل الام تاعي كي تديرو تشوفي شعرها يبرق ولونو يبان غامق وحيوي
تقدري تستعمليه قبل الاستحمام بساعات ولا بعد الاستحمام بكمية اقل وتشدي على شعرك..

والا تفضلتي يا الزينة قوليلي شعرك كي تديريلو السوشواغ وش تديريلو كبلسم ولا والو ولا اي حاجة افيدينا ....

انا مانستعملش السوشواغ العادي مي نستعمل الليسوغ،،

والليسوغ لازم تدهني شعرك بكريمة تصفيف ولا اي كرام ،، تمنع الجفاف وتحكملك لافوغم وتنحي لي فوغش

اظافر اليدين عندي لاباس عليهم اما القدمين نلاحظ فيهم خطوط كلي مكسورين بواش تنصحيني ......

اظافر القدمين عرضة بزاف للمشاكل،، تقدري تحطي رجليك بماء دافي وصابون، من بعد قصيهم وحكيهم بقطنة مشمخة بزيت الخروع راح تلاحظي نتيجة مليحة

​

انا تان حبيت نفيد لبنات بحاجة :$ هو ظفاري نمسحهم بزيت جوز الهند في قطنة والله يولو تقول درتيلهم فارني ترونسبارون
سلام

ماغسي حنونة
وعليكم السلام
​

 

[نور الجنة 29]

متزوجة؟؟؟ لالا ،،،ربي يجيب مكتوبي خخخخخخخخخ
نستعمل غير في العراس:-r:-r
الماسكارا نحب XXL Waterproof mascara هايلة جربيها راهي فوووووغ:up::up:
​

مليحة
والدودرون والريحة وشي؟؟
​

 

[־●ـ‗غمــــوض ــالــورد_ـ●־]

هـــآي جيت حنونــــة مي طولت بآلاآك خخخـ نوغمآآل :d
-1-وش نوع بشرتك و لي gــومآج لي تستعمليهم لبشرتك وش هوما؟
-2-شحـــآآل من مرة تستعملي ليGومآج فالسمانة ؟
-3-افضل gوماآج ناسبك وشفتي نتيجة ملاحة وش هو ؟
-4-وش هومــا ليبروبلام لي صادفتيهم مع شعرك يعني تساقط تقصف تتجعد ... اواش هوما ليصوليصيون لي درتيهم معاه ؟
-5-كي تسافري لكش بلاصة وتبدلي جو وتقعدي بزااف فديك لبلاصة تتبدل بشرتك ولا نو ؟ وتبقاي تستعملي نفس ليكرام ولا تشونجي ؟
-6-زيمآه تهتمي بليلآفر ديالك ؟
ادآ ماجا في بآآلي كي تجاوبي عليهم دوك نرجع
//
​

 

[magique]

مليحة
والدودرون والريحة وشي؟؟
​

الديودوغون نبدل اشاكفوا تعجبني ماركة نشري منها
مي لي نحبها بزاف emotion romance هااااايلة

والريحة نحب nice blue avenue ونحب nina ricci
​

 

[magique]

هـــآي جيت حنونــــة مي طولت بآلاآك خخخـ نوغمآآل :d

نوو حنونة ماعليش

-1-وش نوع بشرتك و لي gــومآج لي تستعمليهم لبشرتك وش هوما؟

بشرتي عادية لا جافة ولا حساسة ولادهنية ماعنديش مشاكل معاها ،، لي gـــوماج لي نديرهم هوما صفار بيضة مع كمية قرفة وتقدري تبدلي القرفة بالفول المرحي {يابس}
وكاين gـوماج الحليب والخميرة تخليه يخمر وتهزي لرغوة هديك تحطيها على وجهك،،
هدو فيزوج نتايجهم ملاح

-2-شحـــآآل من مرة تستعملي ليGومآج فالسمانة ؟

نستعمل الــgـــــوماج مرة في الاسبوع ومليح يكون بعد الاستحمام بويسك المسامات يكونو مفتوحين

-3-افضل gوماآج ناسبك وشفتي نتيجة ملاحة وش هو ؟

لي قتلك عليهم كامل ملاح :up:

-4-وش هومــا ليبروبلام لي صادفتيهم مع شعرك يعني تساقط تقصف تتجعد ... اواش هوما ليصوليصيون لي درتيهم معاه ؟

المشاكل كامل واجهتهم،، التقصف والتجعد نحاول معاهم ب لي ماسك تاع البيض والزبدة اما التقصف توجوغ مانغسلش شعري بمائ سخون ونعاونو بزيت الخروع وزيت الصبار

-5-كي تسافري لكش بلاصة وتبدلي جو وتقعدي بزااف فديك لبلاصة تتبدل بشرتك ولا نو ؟ وتبقاي تستعملي نفس ليكرام ولا تشونجي ؟

وي ديفوا نلقى جفاف نحاول انظف بشرتي مليح ونعاونها بلي كرام

-6-زيمآه تهتمي بليلآفر ديالك ؟

توجوغ مع السخانة نواجهو مشكل التشقق والجفاف والقشور
نجيب فرشاة اسنان ناعمة شوي ونحك بها الشفتين مليح مليح، من بعد نبل صبعي بقطرة ماء نهز سكر ونزيد نحك بيه لفترة من الزمن،، نغسل ونحط الفازلين وندهنو ملييح مليح وقبل مانرقد نحط طبقة وكاين مرطب الشفاه لي نشريوه
نحب ذوق القارص هااااااايل وتحسي بشفاهك ناعمة :up:

ادآ ماجا في بآآلي كي تجاوبي عليهم دوك نرجع
//

اوكي حنونة مرحبا بيك وماغسي على ليكستيون تاوعك
​

 

[־●ـ‗غمــــوض ــالــورد_ـ●־]

اوكي حنونة مرحبا بيك وماغسي على ليكستيون تاوعك
​

مغسي حنونتي على ليريبونص
- باغيــــــــــة نفهم زيماه اديري ماسك البيض والزبدة لشعرك زيماه تعمليهم وشحال تقعدي بالماسك ادا على شعرك ؟
-وتآني وش من شومبوان غسلتي بيه وشفتي ريزيلتا ملاحة ، باسكوا مآم انا شعري دوكا وليت نحس فيه جآآف وطآآح كآآمل ولا خفيف خلاه وتقصف ،
​

 

[حياتي كلها لله]

شكرا ليك حنونة ماجيك على اجاباتك :regards01:راكي:up:
استعملت بزاف انواع نتاع فوندوتان مانحكمش نوع فريد(في الاعراس فقط) لاني باغية نوصل لنوع مهم جدا ههههههه وهو اللي يديروه لبنات في الجامعة هههههه تبانلك صافية مري وكي تقرب منك تبان الحقيقة هههههههه يعيشك الا عندك لامارك قوليهالي .....لاني ماعنديش خبرة اطلاقا في مجال الماكياج وعفايسو هههه
وزيد يا الزينة الا بغيتي ولاحبيتي وتكرمتي (وعمبالي ماتخيبينيش) ماسك البيض والزبدة للشعر اشرحيهولي كيفماه تديريه ....وهل تستعملس البياض ولاالصفار ولا بيضة كاملة ....
وربي يجازيك اخيتي

 

[dori]

الله يبارك ... بالتوفيق يا ماجيك
عجبتني طريقة اهتمامك البسيطة بنفسك .... وخليتي عندي الارادة باش ما نكسلش :$
تقريبا لبنات ما خلاو والو باش نسقسيك .. الله يبارك

 

[magique]

شكرا ليك حنونة ماجيك على اجاباتك :regards01:راكي:up:

ماغسي حبوبة هذا من ذوقك عزيزتي
​

استعملت بزاف انواع نتاع فوندوتان مانحكمش نوع فريد(في الاعراس فقط) لاني باغية نوصل لنوع مهم جدا ههههههه وهو اللي يديروه لبنات في الجامعة هههههه تبانلك صافية مري وكي تقرب منك تبان الحقيقة هههههههه يعيشك الا عندك لامارك قوليهالي .....لاني ماعنديش خبرة اطلاقا في مجال الماكياج وعفايسو هههه

ههههه انا تاني مانيش من النوع تاع لبنات لي يعتمد غير على الماكياج اصلا نديرو غير في المناسبات وكيما يقولو : {لا يصلح العطار ما افسده الدهر} ،، يعني وحدة تجيب عمرها كامل وهي هاملة روحها وكي نهار تتزوج تقولك بشرتي تعبانة ولا جافة ولا محببة كيفاه ندير :down:، صدقيني الطبيعة احلى كي تتخلصي من مشاكل بشرتك ماتحتاجي لا فوندوتان لا والو مي كوم زيادة برك انا ندير كرام pond's age miracle

غير في العرس بيضا ،ولونها ماهوش وردي كيما لي نلقاوهم ساعات، بانتلي ماركة مليحة بلاك تعاونك ..ندير نيفيا كوم بودغ مي ماشي توجوغ

وزيد يا الزينة الا بغيتي ولاحبيتي وتكرمتي (وعمبالي ماتخيبينيش) ماسك البيض والزبدة للشعر اشرحيهولي كيفماه تديريه ....وهل تستعملس البياض ولاالصفار ولا بيضة كاملة ....
وربي يجازيك اخيتي

يعيشك حبيبتي،، تجيبي زبدة قد ماحبيتي يعني على حساب شعرك ،، تخلطي معاه اي نوع تاع الزيوت ،انا كان عندي:: زيت زيتون ،زيت صبار، زيت الخروع،زيت اللوز، درتعم كامل مع بعض وتزيدي صفار بيضة وتخلطيهم حتى يدخلو في بعضهم مليح ويجي خليط متماسك تحطيه على شعرك مدة 3 ساعات ولا قد ما بغيتي من بعد تتحممي هدا مكان
​

ماغسي حبيبتي على اسئلتك منورة الصفحة بحضورك

 

[magique]

الله يبارك ... بالتوفيق يا ماجيك

وفيك بركة عزيزتي كامل ان شاء الله
​

عجبتني طريقة اهتمامك البسيطة بنفسك .... وخليتي عندي الارادة باش ما نكسلش :$
تقريبا لبنات ما خلاو والو باش نسقسيك .. الله يبارك

يكفيني مرورك حبيبتي نورتي....
​

 

[magique]

مغسي حنونتي على ليريبونص

با دوكوا شيغي

- باغيــــــــــة نفهم زيماه اديري ماسك البيض والزبدة لشعرك زيماه تعمليهم وشحال تقعدي بالماسك ادا على شعرك ؟

هاو ليك حنونة:: تجيبي زبدة قد ماحبيتي يعني على حساب شعرك ،، تخلطي معاه اي نوع تاع الزيوت ،انا كان عندي:: زيت زيتون ،زيت صبار، زيت الخروع،زيت اللوز، درتعم كامل مع بعض وتزيدي صفار بيضة وتخلطيهم حتى يدخلو في بعضهم مليح ويجي خليط متماسك تحطيه على شعرك مدة 3 ساعات ولا قد ما بغيتي من بعد تتحممي

-وتآني وش من شومبوان غسلتي بيه وشفتي ريزيلتا ملاحة ، باسكوا مآم انا شعري دوكا وليت نحس فيه جآآف وطآآح كآآمل ولا خفيف خلاه وتقصف ،

الشومبوان حنونة تحوسي على لي مخدوم بالبيض والصبار ،، نستعمل سانسيلك لصفر ولا بالموليف دوف تاني مليح ونتي جربي ولي خرج عليك هذاك هو
​

​

 

[GI Joe]

je vais essayé le masque de la pomme de terre + lait et l astuce pour angles ma3lich sur les orteils ??
et la marque de ton lisseur ?


​