وتربّع الظلام.. مُسلسل حصري للمتنا الغالية

[أمــ وليــد الجزائرية]

رد: وتربّع الظلام.. مُسلسل حصري للمتنا الغالية

مبدعة جديدة تنضم لنا

يالروعة

دعيني اخبرك انكي وصلتي لك تدمعينني

رواية من البداية قاسية فمااصعب ان تصبح الاحلام من الماضي فقط

عيندما يضيع شرف الفتاة تضيح كليا

احببت ان اقرء عنها انها هربت قبل ان يصيبها مااصابها

و للاسف حدث ماكنت اخشاه فعلا

نحن ننتظر القادم

واصلي فانت في طريق الابداع

:regards01::regards01:
​

 

[Melia azedarach]

رد: وتربّع الظلام.. مُسلسل حصري للمتنا الغالية

مبدعة جديدة تنضم لنا ​

يالروعة ​

دعيني اخبرك انكي وصلتي لك تدمعينني ​

رواية من البداية قاسية فمااصعب ان تصبح الاحلام من الماضي فقط ​

عيندما يضيع شرف الفتاة تضيح كليا ​

احببت ان اقرء عنها انها هربت قبل ان يصيبها مااصابها ​

و للاسف حدث ماكنت اخشاه فعلا ​

نحن ننتظر القادم ​

واصلي فانت في طريق الابداع ​

:regards01::regards01:​

أهلا بملينة الغالية..
الحمد لله كنت عند حُسن ظنك حبيبتي
نورت الصفحة
وما تحرميناش من طلتك الباهية​

 

[Melia azedarach]

رد: وتربّع الظلام.. مُسلسل حصري للمتنا الغالية

الحلقة السابعة ...
كان شخص قريب لقلبي رغم انو بعيد عني ..نسيت تفاصيل وجهه من الطفولة..
مي مزاله محافظ على شكله وملامحه..
كان أسامة بن خالتي..
في المكان الغلط واللحظة الغلط
تلاقيته
وفي حالتي المُبكية..
مصدقش أنو يلقاني..
وخصوصا بعد صدمة فقداني

وهذا ما بكاني ..
تمنيت الموت ألف مرة كي شفته..
هيه يا زمان ..
قطعلي موجة الحزن وفقدان الأمل..
قاللي...
"نُهى ..
الحمد لله كي لقيتك
لافامي راهم يحوسو عنك.."
قالها وغصة باينة حابستله..
هيه يا أسامة
لو عرفتو واش صارلي كنتو ما حوستو عمركم عني..
قلتها في قلبي بلا ما يسمعني..ودموعي سيل ..
نبكي على أحلامي يلي تبخرت ..
نبكي على مُستقبلي المظلم
نبكي على بابا وماما..
نبكي على خاوتي..
ونبكي على كل شي..
كانت لحظة أنو فقدت الأمل وبقا الظلام معشش في داخلي..
طفالي كل النور..
نفسيتي كانت محطمة
وقلبي محطم
وكلشي تحطم

قالي تقدري تنوضي ..وهو متأكد أنو سقطت في الأرض ومش راح نوض..
رفدني ..
واداني للمستشفى نتاع المدينة ..
متفكرتش الطريق والسيارة وو..
لأنو كنت في حالة يرثى ليها
كنت مش شايفة والو
شايفة دنياي بمنظار مغبر مظلم
كان اسامة خبر بابا وماما باه يجو
ودخلت للغرفة بعد فحوصات طبية ..
باه يكتب الطب الشرعي

مُغتصبة بخط أحمر كبير..
بابا ما قدرش الصدمة من العيار الثقيل عليه وطاح ..
كان تعرض لجلطة دماغية دخلاتو غيبوبة ...
ماما تبكي
وجدة تدعي
وخالتي أم اسامة تبكي
وكلهم
يبكو على مستقبل وردة في 18 سنة
طار ..

وجا وقت طرح الأسئلة كان أصعب وقت وأشدو..
مي نسيت صعوبة الكلام ..
وتفكرت أطفال ماتو ..
ونسا تحطمو كيفي..
تفكرت في الضحايا الجدد
ضحايا سمير وأصحابو
كنت حابة نوقفهم عن حدهم..
ونرفع راية خلاص حبسو
جا وقت لحساب في الدنيا
والآخرة مزالها

جاوبت عن كل سؤال..
وذكرت الطفلة ليلى ..
الصدفة العجيبة
أنو ماماها الطبيبة يلي قاعدة معايا..
حسيت عينيها لمعو..
وتبدلت الأدوار
بدل ما الشرطة تسأل وأنا نجاوب
كانت الطبيبة هي يلي تسأل عن وحيدتها..
فلذة كبدها
كي شفتها مليح عرفت بلي صح كاين شبه بزاف كبير
في العينين الخضورة
وتقاسيم وجهها..

يمكن كنت أملها الوحيد ..
لكن غير باش نصبرها
أنو بنتها عايشة ولو بوصمة كيفي..

ودارو لأسامة يسقسوه..
كانوا..حابين يعرفو بلي كيفاه لقاني
قاللهم أنو كان يمشي رايح لدارنا يسقسي عليّـا..
لكنّه لقا الجواب نتاعه في الطريق
لقاني مرميّـة..

بعد ما كمّل أجوبته
فوجئت بكلامه ..
يمكن ما توقعتوش في هذيك اللحظة
كان آخر شي...


نتلاقاو بإذن الله مع حلقة جديدة ..​

 

[أمــ وليــد الجزائرية]

رد: وتربّع الظلام.. مُسلسل حصري للمتنا الغالية

راني حاسة انو لجديد راح يشوقنا كثر

هانا نستناو و مزالنا نستناااو


كنت انا الي نخلي الناس تستنى درك ولات دالتي

في انتضار القادم
​

 

[Melia azedarach]

رد: وتربّع الظلام.. مُسلسل حصري للمتنا الغالية

راني حاسة انو لجديد راح يشوقنا كثر​

هانا نستناو و مزالنا نستناااو ​

كنت انا الي نخلي الناس تستنى درك ولات دالتي ​

في انتضار القادم​

أهلا
ههههه
ضحكتيني ..
شفتي الدنيا دوارة
المرة لجاية انا وياك نخليو الناس يستناو
:p

الجديد بزاف مشوق بدرجة ماهو مؤلم
وجدي مشوارة
انت والمشاهدين​

 

[أمــ وليــد الجزائرية]

رد: وتربّع الظلام.. مُسلسل حصري للمتنا الغالية

أهلا
ههههه
ضحكتيني ..
شفتي الدنيا دوارة
المرة لجاية انا وياك نخليو الناس يستناو
:p

الجديد بزاف مشوق بدرجة ماهو مؤلم
وجدي مشوارة
انت والمشاهدين​

كي قلتيلي برك نعود نقراها غير في اليل

ستر ماستر الله :cray02::cray02::d
​

 

[Melia azedarach]

رد: وتربّع الظلام.. مُسلسل حصري للمتنا الغالية

كي قلتيلي برك نعود نقراها غير في اليل​

ستر ماستر الله :cray02::cray02::d​

أهلا
كيف ما تحبّي..:-r
برك نورينا بإطلالتك
لأنو منقدروش على غياب اسمك في الصفحات القادمة​

 

[yasmine 4ever]

رد: وتربّع الظلام.. مُسلسل حصري للمتنا الغالية

آآآآه يا إلهي التشويق راهو يزيد أكثر و أكثر
بلا ما نقولك هاديك تاع راني نستنا بفارغ الصبر راكي عارفة هههههه
يعطيك الصحة حبيبتي​

 

[Melia azedarach]

رد: وتربّع الظلام.. مُسلسل حصري للمتنا الغالية

أهلا ياسمين ...
مزالت لادوز ديال التشويق تزيد
غير ما تخافيش...

نورتي
اضربي طلة لعشية تلقاي الحلقة جاية

 

[Melia azedarach]

رد: وتربّع الظلام.. مُسلسل حصري للمتنا الغالية

وجع الظلم
الصفحة راهي تستنى فيك
ولا حبستي المسلسل ؟
بويسك عرفتي بلي خيالي..

راني نقارع فيك
متطوليش علينا بطلتك
♥​

 

[Melia azedarach]

رد: وتربّع الظلام.. مُسلسل حصري للمتنا الغالية

السّلام عليكم ورحمته تعالى وبركاته​

اليوم مع الحلقة الثامنة:​

يا رب واش نطق ..هذا هبل أكيد
تمنّيت أنو الآرض تنشق وتبلعني..
ومنسمعش واش قال أسامة..
قال: ممكن تقولي وش هي الإجراءات باه ندير عقد مدني في أسرع وقت..؟
أنا تقولي ضربتني صاعقــة..
وأش عقد يا أسامة؟
راح تربط روحك بوحدة كيفي..
آلف بنت تتمناك ..
وخصوصي أنك أستاذ جامعي..وتحضر للدكتوراه
مقدرتش صدمة بعد صدمة وآخرها هذي
ياه ..
صحيح أنو كنت معجبـة بيه
لأنو انسان عصامي
كوّن نفسو بنفسو
والده تخلى عنو
وطلق خالتي
صافي عاش هو راجل البيت من يلي شفا..
نجح وتخرج
حفظ القرءان الكريم
والمواصفات نتاع الرجل الصالح كامل فيه
مي أنا مش حابتلو الشينة ...مش حاباتو يتزوجني وأنا بوصمة..
والبنات الدنيا مليانة
من الناجحة إلى يلي قاعدة في الدار
وكاملهم كاملين بشابابهم وجمالهم..وحتى أخلاقهم
موقف يمكن صعيب أنك تخير بين حلين الأول والثاني في زوج صعاب ..
ماشي باليسر نختار..
إمّا الفضيحة تبقى معلقة
والدشرة كامل تحكي فيها وتضرب المثل بيا..ويردفوها بــ تحت السواهي دواهي
رغم أنهم ميعرفوش حتى التفاصيل عنها​

وإمّا نتزوج من واحد ندمرلو مستقبلي معايا بزواجو من مُغتصبـة.. وانا متمنيتلو الخير​

في هذي الأثناء وأنا غارقة في موجة التفكيرر...
قاطعني الشرطي
آسكو رااكي موافقة بنيتي ..؟​

هيه سكتت في هذيك اللحظة وحبيت نهرب من الموقف..
بدموعي و طلبي انو نروح نشوف بابا
وهو في سرير المرض بسبتي .. لكن هي مقادير ((قدر الله وما شاء فعل))
يمكن ربي حب يمتحن قوة إيماني بهذي الحادثة ومن يعرف..؟​

أسامة بانت عليه أنو فهم بلي نتهرب من الموضوع بأي شكل..
فخلاني على راحتي..
رحت لبابا
كان راقد ومغمض عينيه
والآلات حولو..
تمنيت أنو نكون مكانو ..
يا رب واش ندير..
حسيت روحي راح تطلع من شدة القهر ..
بابا سامحني ..تمنيت أنو نكون مثل ما حبيتني نكون ...
بصح ربي كتبلي أنو نعيش في البيت بين أربع حيطان..نكون طبيبة نفسي بشهادة الأيام
ماشي بشهادة الجامعة..
وغرقت في دموعي..
بستله ايده ..
ورحت ندعي انو ربي يرجعولي كيف ما كان ..
يلاقيلي نهى ..
نوضي صلي الفجر..
يجيبلي كتب تفسير..وأمهات الكتب..
يدخل وفي ايده مجلة جديدة من يلي نحبها..​

قاطعتني الممرضة باه نخرج..
خرجت ولقيت ماما
وجدة جات ضمتني ليها..وهي تبكي..وتقلي اصبري ربي مع الصابرين..
أما خالتي فكانت في عالم آخر..تبكي على شي آخر..
يمكن على موضوع اسامة المفاجئ.​

طبعا اي أم تتمنى لبنها أحسن البنات..
لقيت اسامة بعيد يخزر فيا..
هبطت راسي ومشيت ..
ومخزرتش فيه..
يمكن كان حاب يقول كلام مي
معطيتوش الفرصة..
لأنو فعلا مش حابة حتى فرصة..
وسمعت صوت .. ما تمنيتش نسمعه​

إلى مُلتقى بإذن الله ​

 

[أمــ وليــد الجزائرية]

رد: وتربّع الظلام.. مُسلسل حصري للمتنا الغالية

ايه اسامة بن فاميليا

طلع راجل و نص

اسمعي المارة الجاية خليه يهدر معاك

وقبلي تزوجي و خلينا نفرحو

خلينا من الاحزاان​

 

[Melia azedarach]

رد: وتربّع الظلام.. مُسلسل حصري للمتنا الغالية

ايه اسامة بن فاميليا​

طلع راجل و نص ​

اسمعي المارة الجاية خليه يهدر معاك ​

وقبلي تزوجي و خلينا نفرحو ​

خلينا من الاحزاان​

صح كون جا غيرو ما يتجرأش

الحلقة القادمة بإذن الله
نشوفو لجديد​

 

[وجع الظلم]

رد: وتربّع الظلام.. مُسلسل حصري للمتنا الغالية

وجع الظلم

الصفحة راهي تستنى فيك
ولا حبستي المسلسل ؟
بويسك عرفتي بلي خيالي..​

راني نقارع فيك
متطوليش علينا بطلتك

♥​

والله غير عندك الحق
صحيح محبيتش ندخل لانها خيالية وانا من النوع الي ما احبش الخيال خلاص
بصح كومام وادخلت وقريت الحلقة وافهمت انه عندك خيال واسع قريب من الواقع
ما تخميش انكمل المسلسل
وفي النهاية نعطيك رايي بكل صراحة:regards01:بالتوفيق ان شاء الله

 

[Melia azedarach]

رد: وتربّع الظلام.. مُسلسل حصري للمتنا الغالية

أهلا
صار لما ندعوك باه تجي؟

الحمد لله كي جيتي

تعرفي ..
أنا حبيت نجرب أنو نتخيل وننسج روايــة..بويسك أغلب الروايات نلقاوهم من نسج خيال الكاتب
بقالب واقعي..يعني تحكيلنا على الواقع بشخصيات من الخيال..
خلاص راني نقارع في ردودك مصحوبين بالمُلاحظات
باه يعني نتقواو ..
ونوعد المرة الجاية راح ندير قصة قصيرة واقعيّــة..
صحيتي​

 

[yasmine 4ever]

رد: وتربّع الظلام.. مُسلسل حصري للمتنا الغالية

يعطيك الصحة يا ميسون القصة راهي تزيد تشويقا مع كل حلقة
راكي مبدعة ختي ربي يوفقك ان شاء الله تتألقي أكثر و أكثر
+ هاداك أسامة طلع فحل
هههه حبيت نقولك بللي كاين شخصية فمسلسل الحب و العقاب الجزائري اللي داروه في رمضان على الجزائرية, هاديك الشخصية اسمها أسامة و هو أستاذ جامعي تاني هل هي مصادفة هههههه
و بيانسور في انتظار التكملة بشوووووق
شكغاااا:d​

 

[Melia azedarach]

رد: وتربّع الظلام.. مُسلسل حصري للمتنا الغالية

يعطيك الصحة يا ميسون القصة راهي تزيد تشويقا مع كل حلقة​

راكي مبدعة ختي ربي يوفقك ان شاء الله تتألقي أكثر و أكثر
+ هاداك أسامة طلع فحل
هههه حبيت نقولك بللي كاين شخصية فمسلسل الحب و العقاب الجزائري اللي داروه في رمضان على الجزائرية, هاديك الشخصية اسمها أسامة و هو أستاذ جامعي تاني هل هي مصادفة هههههه
و بيانسور في انتظار التكملة بشوووووق

شكغاااا:d​

يعيشك خيتو
هههه
تصدقي أنو ما نشوفش تيلي ؟
وسيرتو اليتيمة
مقاطعتها من يلي كان عمري 3 سنين


والله غير الاسماء جاوني غير هاك
أما اسامة
فشفت انو اسم الاسد
يعني شجاع كيفو انقذها من الفضيحة

هذا مكان

نوريني يسمونة

 

[{مُدَلَّلَتُهُ}]

رد: وتربّع الظلام.. مُسلسل حصري للمتنا الغالية

السلام عليكم

اليوم برك انتبهت للمسلسل الي راكي حاطاته من البدية تاع القصة صيدتيني و كملت الصفحات وحدة وحدة

اديتيني بعييييييد بقصتك تخيلت أحداثها و كل واش صرا فيها

خيالك واسع عرفتني تربطي الأفكار بطريقة جميلة الله يببارك عليك

ان شا الله برك تكمليه قبل ما تجي القراية نحوس نشوف شا صرا في التالي

متابعة لك بإذن الله
بالتوفيق
سلامي
​

 

[نزهة الفلاح]

رد: وتربّع الظلام.. مُسلسل حصري للمتنا الغالية

السّلام عليكم ورحمته تعالى وبركاته​

نتمنى انك بخير ميسون
أنا عارفة أنك مقلقة رغم أني مقصدتش نزعلك
لكن أعتذر لك وأرجو من الله أن تقبلي اعتذاري
بورك فيك
​

 

[Melia azedarach]

رد: وتربّع الظلام.. مُسلسل حصري للمتنا الغالية

السلام عليكم​

اليوم برك انتبهت للمسلسل الي راكي حاطاته من البدية تاع القصة صيدتيني و كملت الصفحات وحدة وحدة​

اديتيني بعييييييد بقصتك تخيلت أحداثها و كل واش صرا فيها​

خيالك واسع عرفتني تربطي الأفكار بطريقة جميلة الله يببارك عليك​

ان شا الله برك تكمليه قبل ما تجي القراية نحوس نشوف شا صرا في التالي ​

متابعة لك بإذن الله
بالتوفيق
سلامي ​

وعليكم السّلام ورحمته تعالى وبركاته
شُكرًا لك على الإطراء..
سعدت كثيرًا لانضمامك إلى قافلة المُشاهدين
وأنا كذلك أتمنى اتمامها قبل ذلك وان كان في العمر بقيّـة ..
لكن الحلقات كثيرة
ولازال الباقي أطول من الذي سبقه
سأحاول ...
بوركت وأتمنى رؤيتك مُجددا هنا أخيتي​