ماذا ستطبخين اليوم سيدتي انستي الجزء **34 **

[ام ايناس]

رد: ماذا ستطبخين اليوم سيدتي انستي الجزء **34 **

صباح الخير لبنات جمعة مباركة انا هادا وين قعدت كنت مع الشغل
زهرة بلا اوراق فكرتيني في اجواء العيد يعطيك الصحة صورتي بالتفصيل وكلش يشهي بصحتكم راني ديت كاس اتاي هههه
رغودة الشخشوخة تبان هايلة بصحتكم
ام خديجة بصحتك اللبن والمسفوف
لبنات كامل بصحتكم الفطور انا درت لحم مفور وفريت اوملات وسلاطة
سلالالامي للجميع

​

 

[nada242008]

رد: ماذا ستطبخين اليوم سيدتي انستي الجزء **34 **

السلام عليكم وجمعة طيبة
سوسو صور رائعة بصحتكم والاطباق تشهي والتاي امممممممممم ..ربي يحفظلكم الوالد
نسيمة عيد مبارك والصور قريب تنطق يعطيكم الصحة
رغود اممممممممممممم فطير فايف ستار يعطيك العافية والشخشوخة ريحتها وصلتني
هذيك مسطردة ديجون على قولة المصاروة خخخخخ
بصح فيها حبوب الخردل ونكهتها غير لاذعة كيما لخرى تغمسي وتاكلي ديراكت :up:
ام نوسة بصحتك لمفور .. كيفاش ديريه ؟
ام خدوج بصحتك المسفوف
انا غدايا بربوشة من بعد نوافيكم بالصور

 

[حاملـة المسك]

رد: ماذا ستطبخين اليوم سيدتي انستي الجزء **34 **

صباح النور ام ايناس مع القليان عملتي مليح بتفوار اللحم نقاصة ايدام بصحتكم
ندى مرة نقول ذرة و ديفواموطارد مي مدخلوش لراسي سرتو الموطارد.. شكرا على التبيان
في انتظار الصور الحصرية لطعام العلا ..سؤال لاثراء الحصة ..السوg عندكم خدم :d
حنا شويا بياعة من نية بكري باعو و البقية معيدين.. الله الله عليهم :regards01:هههههه
جاتني القرعة روتار فورتها و لحتها في المرق
الشخشوخة هد المرة صورتها بضوء الشمس :p

بصحتكم غدواتكم .. جمعة طيبة.

​

 

[ام ايناس]

رد: ماذا ستطبخين اليوم سيدتي انستي الجزء **34 **

اممم رغووودد الشخشوخة رايحة تنطق بصحتكم والله يسلمك
ندوش اللحم تتبليه بالملح والفلفل الاسود وراس الحانوت من النوعية الجيدة وفلفل احمر حار وتقطعي معاه شوي دبشة وشوية قارص ومغرف طماطم نتاع العلب وتخلطيهم مليح وتحطيهم في التلاجة ساعة وديريه في المنيوم وديريه في الكسكاس يفور راهو يبطا في التفوار حساب اللحم ايلا كان طري راو ليه ليه يطيب
​

 

[روز]

رد: ماذا ستطبخين اليوم سيدتي انستي الجزء **34 **

السلام عليكم
جمعتكم طيبة مباركة

حاملة الشخشوخة شخشوختك هبلتني يعطيك الصحة توحشتك لهيه,,
سوسو ماعجبنيش اسمك رجعي لقديم صور شوا يشهي وكل شي هايل
أم ندوش الكبيرة نتاعنا (انا تاني عندي غير ندوشة وحدة ،، بوسيلي رؤود خسارة قصيتيلو شعرو
ام خديجة ماشاءلله عليك دايما توب
كوثر خسارة ماكيش قادرة تصورينا توحشنا طيابك بصحتك اللمة مع العايلة
عفافيتو يعطك الصحة فحلة كي العادة
بصحتك العصبان اول مرة نعرف بلي االحشو نتاع العصبان ديرولو الحمص !
سلمي على اسماء ان شاءلله تقدري تكوناكتي معانا في دار راجلها..
ام منصف مش تبان ان شاءلله بخير وايمان تاني
بسومة بصحتكم وش طيبتو يادرا مريم وش دارت شوطت الراس ولا نقات الدوار ؟

ام ايناس وسماح الباقيات كلكم يعطيكم الصحة راني نكتب وخايفة ننسى

انا ايامات العيد نصهم كنت معروضة ونصهم ناكل برا وين نلقاو الزهو والفيستيفالات والمهرجانات نقعدو و ناكلو هه
اليوم برك معولة على شوي شوا .. تقهمت منو قلت ندير السيرة والعادة برك
كي نكمل نحطلكم الصور باذن الله

 

[شمس الله]

رد: ماذا ستطبخين اليوم سيدتي انستي الجزء **34 **

بصحتكم ان شاء الله تعيدو وتعاودو .بصح خسارة عليك مدوقتيناش باينة بلي بنينة يعطيكم الصحة:up:

 

[imane27]

رد: ماذا ستطبخين اليوم سيدتي انستي الجزء **34 **

سلام عليكم لبنات جمعة مباركة على الجميع
امممممممممممم يعطيكم الصحة كامل بلا ما نذكر اسماء باش ما ننسا حتا واحدة
اطباق لى حطتوهم راهم يشهو بصحتكم
ندى كون نقولك لى راهم فالدار كرهو كاما اسم لحم كون يصيبو ميشفوهش رانى نطيبلهم نورمال بلا لحم ههههه
بطرودة وسمعودة
يعطيكم الصحة كامل وبصحتكم​

 

[samah06]

رد: ماذا ستطبخين اليوم سيدتي انستي الجزء **34 **

مساء النور لبنات وجمعة مباركة عليكم والعاءلة
حاملة المسك وعدت وجبتي شخشوحة صح هبلتني راح الحال عليها وثاني راني مع التسياق كيما يقولي راجلي تقول زدتي في بركة ماء كل يوم ادوشي الارض
رهرة بلا اوراق ذرك تقوليلي على المقلي في الكوكوط دبري راسك
ندوش لي كوت في الكوكوت خرجولي روعة الله يسلمك حنونة
علبالي كثرت بالهدرة والصور ينوب ربي لكن كل شيء راه مصور ومحطوط
وخفت اذا نحطهم ما تشوفو فيهم والو لبراي تاعي تبرمات
وعموما راح نوافيكم بالبوم صوري عن قريب ان شاء الله
وباقي لبنات كل واحدة باسمها يعطيكم الصحة وربي يهنيكم و1000بوسة ليكم
علبالي في بزاف اذا مكفاوش اتقاسموهم هههههههههههه

 

[samah06]

رد: ماذا ستطبخين اليوم سيدتي انستي الجزء **34 **

سلام عليكم لبنات جمعة مباركة على الجميع
امممممممممممم يعطيكم الصحة كامل بلا ما نذكر اسماء باش ما ننسا حتا واحدة
اطباق لى حطتوهم راهم يشهو بصحتكم
ندى كون نقولك لى راهم فالدار كرهو كاما اسم لحم كون يصيبو ميشفوهش رانى نطيبلهم نورمال بلا لحم ههههه
بطرودة وسمعودة
يعطيكم الصحة كامل وبصحتكم​

لويزة حنونة والله عندهم الحق حتى انا وزوجي واولادي صراتلنا هكاك سيرتو جانا الشحم اكثر من اللحم فيه
انا للغداء درتلهم ليكوت بطريقة ندوش جاوني ملاح وثاني مصران محشي وفريت مع سلاطة وعنب وقازوز وخبزت كسرة معجونة معليهمش كلاو جاهم احسن من الطبيخ مع انو مزالنا مطبخناش
والا الشواء راهم حلفو عليه انيس راهم محروقة يدو
هو يبقط لفحم بالشاليمو وتملص منو التويو تاع الغاز وحكملو في يدو راني في غلبا معاه وجاتو في اليمنى وهو يقرا
هاذي غير ابتسام مدتلو مرتومة وماعينهاش فيههههههههههههه واين راهي

 

[كوثر الوهرانية]

رد: ماذا ستطبخين اليوم سيدتي انستي الجزء **34 **

جمعة مباركة على الجميع
زهرة بلا اوراق بصحتكم الدبيحة كل عام و انتم بالف خير كل شيء راه يشهي من يديك يا اختي
روزيتا واش راكي اختي و بصحتك العرضات و الخرجات
ندوشة اليوم درت ليكوتلات على طريقتك جاو تحفة راجلي ياكل و يشكر قتله الفضل يرجع لام ندوشة ربي يحفضك اختي
سماح انا سخفت على فطير رغود و نضت شمرت على درعتي و عجنت و طيبته و ان شاء الله نطيب المرقة للعشاء نوضي نوضي متخليهش في قلبك سيرتوا راكي تتوحمي
رغود فطير فايف ستار فور بزاف الله يبارك بصح راني عاندتك و مخليتهش في قلبي
لويزة تسمى هنوك من الطياب راكي غير مع الخفيف
بسوميتا وينك اليوم
دليلةبصحتك المفور و الاوملات
ميمي واش راككي حنونتي
سمورة واش راه سيفوا كاش ما عاونك فالدوارة ولا هرب و خلاك
اليوم مخرجناش وجدت كل شيء الصباح كي راح راجلي باش يخرج اللوطوا من القراج لقاه مغلق و العساس مكانش املا تفرت فينا رانا نقولوا غدوة ادا كتب ربي نخرجوا
درت للغداء كوتلات على طريقة ندوشة و فريت و سلاطة
ولعشاء وجدت الفطير من بعد نطيب المرقة نتاعه و درك نوض نضف شويا الدار انا و كوثر باش غدوة ادا خرجنا نخلوها نقية

 

[oumsif]

رد: ماذا ستطبخين اليوم سيدتي انستي الجزء **34 **

[SIZ="4"]مساكم بالخير لبنات وجمعة مباركة للجميع
راني جمجمتكم الكل الله يبارك اطباق في القمة بصحتكم ولي حطونا الكباش والدبيحة يعطيكم الصحة لعيشتونا معكم هدااللحظة
ندوشة ورائد ربي يستركم ويبعد اعليكم العين
ادومة الهندو الله يبارك اعليك غزال ما شاء الله
ام ندوش وفريدة والله ما دبحنا اهنا رانا معسوسين منقدروش ندبحوا غير لي يسكنو في لبفيون يدبحو بسرقة وكاين البوشية يدبحوا تروح ليه تسلكوا وتعطيلوا اسمك وهو يدبحلك والعشواو تاني يوم يجبهولك كلي تروح تشري اللحم وما علابلكش كيفاه دبحو كي ما تكونش حاضر ما يسماش عيدتي وراجلي ما يحبش يقولي كلي شرينا اللحم ماش عيدنا
وكاين انتاع البطوار يدبحولهم ويجبوهملهم ومن بعد يعيطوا بالاسم ومدولهم الكباش احنا ما ندروش هادو .الكبش كي ما تدبحوش بيدك ماهوش عيد [/SIZE]

 

[samah06]

رد: ماذا ستطبخين اليوم سيدتي انستي الجزء **34 **

كوثر يعطيك الصحة اللي درتي لفطير مع العشية انا لكان نديرو منكلوش غير يوجعني راسي من ريحة الزيت وخلاص
انا درتلهم روز واشواق راها بدات فيه وهو في الكسكاس يفور
منخليش الشخشوخة في قلبي قالتها بسومة اما على الوحم صايي خلصتو كملت 3 شهور
سمورة صحى عيدك حبيبة واين راكي ساكنا راني مافهمتكش بخصوص الذبيحة وراني في البروفيل تاعك نشوف في سكيكدة والا في بلاصة اخرى
المهم الله يكون في العون ويفرج على كل مسلم في تادية الفرائض والسنن

 

[samah06]

رد: ماذا ستطبخين اليوم سيدتي انستي الجزء **34 **

الان واح نحطلكم غدانا اليوم

 

[samah06]

رد: ماذا ستطبخين اليوم سيدتي انستي الجزء **34 **

شفتو البرتابل تاعي كي صراتلو
انا نضن كاش نهار دوشتهولي اشواق وانا معلبليش
اليوم راهي دوشت التلي كوموند في زوج
عندنا اولاد جارتنا توام اسمهم مينة ومينو وهي تموت عليهم المهم تلعب معاهم كي تدخل الدار يرجعو التلي كموند هوما مينا ومينو اليوم لقيتها في الدوش يا بنتي واش اديري واليامبوان والبنوار معمو ميمان المهم قاتلي ندوش في ولادي وينهم ولادك نعت لي التلي كوموند هوما ولادها مينا ومينو هههههههههههههههه

 

[حاملـة المسك]

رد: ماذا ستطبخين اليوم سيدتي انستي الجزء **34 **

مساء النور و الانوار
ندى اين الكسكسي..؟ متكونيش مثلا في حديقة التسلية مع الدراري
روز بصحتك العرضات و في انتظار الشوا متنسايش تصوريلنا القمر:d
شمس الله ونت ثاني يا عثل
بطرودة و سمعودة :-oاللهم زدنا فهما ههه الترجمة بليز ايمان ههه و تعيدي و تعاودي
كوتر بصحتك الغدا و الشخشوخة و ميرسي ليك و لندى طلعتولي المورال بلي مزالني حاكمة مع الفطير خطراش اغلب طيابي المركب
و بصحتكم الخرجة رسبيرو الهواء النقي قد ما تقدرو:-r
سمورة كمسيتي نتمنى جوزتي العيد بيا مع العائلة
الصورة فلو سماح الله يسمحلك ههه علاه عتمتيلنا الرؤية..بصحتكم الاطباق
ام فيروزا.. حلوتي اين أنتما..؟
روعة زرينا كل سنة مرة حرام تنسينا بالمرة
خيرة خصك خيط وش خصك برك قولي

تقبل الله صلاة الجميع.

​

 

[samah06]

رد: ماذا ستطبخين اليوم سيدتي انستي الجزء **34 **

شفتو وعلاه مارانيش ندخل بالصور والله فزدتلي العضوية خلاص وراني راح نستقيل الحاج محبش يشريلي واحدة اخرى
والا نرجع نحيلو تاعو نصور بيها

سموحة تفضلي راني عملتلها شوية ميك اب :$

والحنة تاع بنتك الله الله تهبل خخخ راني وقبت مليح عليها :p

 

[ibtesem]

رد: ماذا ستطبخين اليوم سيدتي انستي الجزء **34 **

سلام عليكم يالبنات
جمعتكم مباركة جميعا
رغود هبلتيني بالشخشوخة يمي يمي
سموحة الله اعينك مالا غدوا تشخشخي انت تاني
فرودة راكي حادقة يالالة
لويزة وينك منعتي علينا صور ريمة كسرتلك لابراي وقيل
سمورة عيدك مبروك وقيل توحشتي سكيكدة راني نشوف في داري من توقيعك خخخ
تحياتي للجميع بدون استثناء​

48 (17 عضو و 31 ضيف:regards01‏ibtesem, ‏مسلمة وافتخر, ‏ام ايناس, ‏ام ريهام, ‏ام زهرة و خليل, ‏بلقيس12, ‏meryem5, ‏nassima 87, ‏NIHAL2013, ‏nour inasse, ‏samah06, ‏Samia Eljazairia, ‏samora68, ‏SaRa QuEeN, ‏sarah11, ‏s_luna, ‏كوثر الوهرانية+

حدود تحوسي على القلب ابعتيلي دعوة نجي لعندك انا نشجع فيك من لعجين الى الماكلة

طيبنا تليتلي​

اليوم حبيت كسكسي بالخضروات
اووومعرف ادا مادرتش في راي:d​

 

[كوثر الوهرانية]

رد: ماذا ستطبخين اليوم سيدتي انستي الجزء **34 **

هداوين كملت مع الشقى اللي ميكملش
ومرقتي نتاع الشخشوخة ريحتها راهي معبية الدار شكون تجي تتعشاء معايا
بيسوا التليتلي راه بنين من الصورة لحقتني بنته
سمورة ان شاء الله تكوني فالبلاد و تحضري للعيد اشري شويا لحم و قليه للفال و خلاص
سموحة الصورة راهي فلوا باينة درب تحميمة تليفونك

 

[ibtesem]

رد: ماذا ستطبخين اليوم سيدتي انستي الجزء **34 **

كوكو راني هنا ديري فيا اجر نجي نتعشى اليوم عندك هنيني شوية من الطياب والكوزينة
بصح نجيت الغاشي تاعي معايا راه ميعطنيش قلبي انا نتعشى هوما اباتو بلا عشا​

 

[كوثر الوهرانية]

رد: ماذا ستطبخين اليوم سيدتي انستي الجزء **34 **

يااااه يا بسومة شكون كيفي لوكان تشرفيني انتي و اسرتكي اكون اسعد انسانة في الوجود ديري القلب و ارواحي ياو نهنيك من الطياب و التربية و من كل شيء نعيشك سلطانة غير ارواحي