جئت استشيركم في امر فهلا افدموني احبتي

[أم عبد الله]

رد: جئت استشيركم في امر فهلا افدموني احبتي

السلام عليكم نينا اختي
وعليك السلام ورحمة الله تعالى وبركاته غاليتي
مشكلة صعيبة صح بصح ديري في بالك ماكانش مشكلة وما عندهاش حلّ
كاين عدة حلول بصح ما يخرجوش و سلبياتهم اكتر من ايجابياتهم
لوكان تقولي لمرت باباها قادرة ما تعرفش تتصرف معاها وراكي تعرفي مرت البابات و كيفاش مهما تكون مليحة رح تلقى كره وو
لوكان تقولي لباباها قادر ما يتصرفش معاها بحكمة و طريقة مليحة , قادر يزيرها بزاااااااف و التزيار بزاااف ماشي مليح
نتي هددتيها باش تقوليلهم وهي ما بينتلكش بلي راهي خايفة ولا ..
يعني لحدّ الآن ما تقدري تقوليلهم على واش راهي تدير ما تقدري تسكتي
شوفي من رايي
حاولي تعمريلها وقتها دائما , اشغليلها فكرها بكل الطرق والوسائل
إدا عندها قابلية تتعلم كاش صنعة علميها كروشي, خياطة , برودي, حاشية .. الي هيا علميها
راني سجلتها في دورة ماكرامي مي قالك مرة في السمانة دوماج وهي الله غالب قاتلك ماتحب تتعلم ماوالو
ادا عندها ميولات ادبية اعطيها كتابات تقراهم ولا خواطر من الانترنت تتطلع عليهم
عطيتلها خواطر لحد الان واحد ما اطلع عليهم قراتهم ومن بعد قاتلي نقتبس منهم في كلامي مع الغاشي واش تقولي ماشي حرام عليها
ادا عندها حبّ للالعاب خليها تلعب سيغتو الالعاب هادوك الي فيهم اعمال للعقل كيما الشطرنج , sudoku , سواء تلعبهم من الانترنت او من المجلات و الجرائد
هادو اقتراحات على حساب ميولاتها و هواياتها والهواية مليحة للانسان تشغلو وقتو و فكرو و على الاقل يولي عندها هدف حابة توصلو
الجانب التاني الي يهم اكتر و لازم تتعبي فيه على خاطر ماهوش ساهل
هو التوعية الدينية
صدقيني يا نينا مهما هددتيها وخبرتيها وقنعتيها بلي الشي الي راهي تدير فيه ماهوش مليح ماشي كيما تقتنع هي وحدها بالدلائل المقنعة
شوفو كيف كيف سيغتو كي يقرب الليل برامج دينية وخيري المواضيع المؤثرة والي تمس انسانيتها
نعطيك مثال كيف تتلذذ بالصلاة بجزئيه الاول والتاني و كيف تتعامل مع الله و برنامج أجمل نظرة
هادو برامج كلها مفيييدة بزاااف انا شخصيا غيرتلي حياتي وهي كلها لمشاري الخراز باسلوبو الشيق و البسيط
* احكيلها على عذاب القبر و عذاب الآخرة كيفاش يكون و بسبة ماذا يكون و ربي على واش يحاسبنا
يعني باختصار قربيها من ربي
على خاطر السعادة و النجاة في القرب من الله و الامتثال لاوامرو و الابتعاد عن نواهيه
و بلا ما نوصيك لازم تصبري معاها على خاطر ماهيش حاجة ساهلة باش تقربي واحد من ربي و توعيه و بالاخص لما يكون في مرحلة مراهقة
و استعيني بالدعاء و الاستغفار في كل وقت و حين
وبالمختصر المفيد : اطرقي باب الله و لن تندمي
وفقكِ الله نينا اختي لما يحبه و يرضاه
وربي يجعل هداية الفتاة هادي على يديكِ​

ربي يقدرني برك حبوبتي ساعات نقول الباب الي يجيك منو الريح سدو واستريح وساعات نقول هي وحدها وماكاش لي يوقف معاها يلزم نوعيها
وكيما قلتي يلزم عليا نشغللها وقتها مي ماهيش ديما بايتة عندي وفي دارهم ماتسمعش القرآن خلاص عندها لغنا آفو والشطيح واخلي البلاد برك
وانا نتبع مسلسلات في شونبرتي ع ذيك مانبقاش نعس فيها نهار لي بت عندهم جابت ال2 وهي تهدر في التيليفون قولي يرحم باباك 6 سوايع هدرة منين جابت هذاك الجهد ووين راهي الهدرة اصلا نتاع 6سوايع انا 10د وياربي لاكملتهم في البورتابل وهي ترحي الهدرة رحية
تعيشي حبوبتي راني نحاول نخدم بنصيحتك لانو الا ربي حب يهدي عبد لاشيء سيعيقه وان شاء الله تولي لتريق الصح برك
لانو الا بقات هاكذا محال نزيد نستقبلها في غرفتي
علابالك يلدز راني قلتها ولات كي اتجي اتبات نجيب اختي الكبيرة ترقد عندي كاش ماكان باه تشوف التيلي عندي مي لوقتاه :s
ربي يجيب ساعة الخير
سلامي​

 

[عاشقة الصمت 13]

رد: جئت استشيركم في امر فهلا افدموني احبتي

انا عند رايي والله اعلم انتي اقعدي ملحة عليها الا من تبطل هاد الشي مادامك خايفة عليها ماغاديش تعيي ونتي تنصحي فيها حاولي ليوم وغدوة وماتحبسيش خاطرش راه عاد صغيرة على باه تفهم هاد المتل (خوذ الراي اللي يبكيك وماتخذش الراي اللي يضحكك) انتي درك راهي عندك مسؤولية وعلابالي بللي راكي قدها هيمالا اقعدي من موراها الا من يهديها الله ..............باسكو هادي حاجة تاع خير وربي انشالله يجازيك واما علا بابا باه تخبريه انا ننصحك ماتقوليلهش خير ..........نحلوها غير بالهداوة ............وربي معاك ويجيب الخير:up:

 

[أم عبد الله]

رد: جئت استشيركم في امر فهلا افدموني احبتي

السلام اختي الكريمة .....انا حاب نقولك فرد حاجة احكي معاها و قوليلها في شونبرتك ماتحكيش مع الاولاد و لا الذئاب بصيغة اخرى و لا ماتزيدش تجي تبات عندك لانو انا نظن بلي تخسريها و تولي تكرهك في صلاحها خير ما تولي مشاركة في جريمة لا قدر الله و هو انتهاك عرض هذه الفتاة بالتستر عليها لانو هذه المكالمات تؤدي الى اشياء لا تحمد عقباها و الله الموفق و ربي يكون معاك ان شاء الله

حاولت كيما راك تقول مي من بعد تراجعت قلت عيب عليا نحاوز طفلة يتيمة من شونبرتي راني وليت كل ماتبات عندي نخلي اختي الكبيرة تبات معانا اونكا تحب تحكي تحشم منها سورتو اختي متجلببة وماتحبش الصوالح هاذوما خلاص الا خسرتها انا وخسرت ثقتها شكون يضملني بلي مرايحاش تزيد اطيح في حاجات اكبر من هاذوما
ربي يوفقك اخي الكريم الا مايحبه وترضاه
مشكور ع المرور والنصيحة الغالية
سلامي​

 

[عابر سبيل12]

رد: جئت استشيركم في امر فهلا افدموني احبتي

اختي الكريمة
وانااعرف عليك منذ زمن رجاحة العقل والادب وحسن الاخلاق
واعلم كم تهمك هاته الصلة بينك وبين اصدقائك واقاربك
لاكن لايصح الا الصحيح ..والحلال بين والحرام بين

فلا الحرمان ولا الاوضاع الصعبة ولا الحالات المستعصية تبرر لنا الخطا
وصديقتك هداه الله ..مادامت تكلم فلان وعلان وتستعمل الهاتف لاغراض مشبوهة

فلا مجال هنا للسكوت عن الامر ..فلاتعلمين ماقد يحدث غدا من تصرف اخر قد يؤذيكي انت مباشرة
فالافضل هنا انك
تكلميها وتنصحيها وتتشددي في الكلام معاها وحطيلها حد فاصل يااما تكف عن تصرفاتها يااما ماتزيدش تجيك
على بالي راهي صعيبة شوي انك تقوليهالها لاكن كيف قالو ناس زمان

حمورة في الوجه ولاغصة في القلب
تجيك في لحظة تاع حشمة تقوليلها تبطل وش راها تدير والا تبعدك ..ولاتبقي انت حاطة ايدك على قلبك وخايفة ديما

تخيلي انت لوكان تسمع ماماك والا باباك بهاد الحاجة ...وش راك تكون نظرتهم ليك انت تحديدا ؟؟
هاذا البيت اللي تربيتي فيه وترعرعتي فيه ..هاذا الدار اللي ليها اعراف وتقاليد
ليها حرمة وعندها ناس شرفاء ...حرام يصرا فيها اللي راهو يصرا

وانت واجبك كابنة بارة لوالديك انك تحافضي عليهم وعلى دارك وعلى كل مايخصها

انا نتقولك بصراحة لوكان في بلاصتك وعندي صديق عمل اللي عملاتو صديقتك
رايح نمنعو باي طريقة وماراحش يهمني على خاطر انا صحيح وهو غالط

اختي الكريمة هاذا حق ولايجوز السكوت عن الحق
ممكن تغيضها منك لاكن اللي راح تعمليه في مصلحتها

حاجة وحدة ماتقوليش لوالديها ... ابدا ومهما يصرا مش مليح الواحد يكون سبة في المشاكل صح

لاكن ماتخليهاش تدير هاذا الشي في دارك ...دارك عندها حرمة ...حافضي على حرمتها
بارك الله فيك

نعرفك مليح اختي نينا ..راك انسانة طيبة واخت في الله هنا

​

 

[أم عبد الله]

رد: جئت استشيركم في امر فهلا افدموني احبتي

انا نقولك خليها هاذا راه سن مراهقة تكبر و تستعقل واذا قلتي لباباها ولا مرتو راحا تكوني خاينة و هي مامناتك على كلشي
هذا هو راي نتاعي ​

ياسيدي رانا انقولو مشيت بنصيحتك مي لوقتاه :s حتان تكبر ولوكان تتعوج كثر وكثر
يلوم ضرك نورمالمو نوعوها ونفهموها والا فات وقع الفاس بالراس ماكان مانديرو لالا اختي
علابالي وراني بئر اسرار كثيرات غيرها مي ماتوصلش الامور انو نشاركها في مكالمات غرامية ساقطة ومن بعد نقول الله غالب مسكينة
ربي يخليك حبيبتي ع الرد مي جابلي ربي سن المراهقة ماهو الا حجة علينا وماشي مقياس نقيسو عليه الامور
اسعدني مرورك
سلامي​

 

[أم عبد الله]

رد: جئت استشيركم في امر فهلا افدموني احبتي

انا عند رايي والله اعلم انتي اقعدي ملحة عليها الا من تبطل هاد الشي مادامك خايفة عليها ماغاديش تعيي ونتي تنصحي فيها حاولي ليوم وغدوة وماتحبسيش خاطرش راه عاد صغيرة على باه تفهم هاد المتل (خوذ الراي اللي يبكيك وماتخذش الراي اللي يضحكك) انتي درك راهي عندك مسؤولية وعلابالي بللي راكي قدها هيمالا اقعدي من موراها الا من يهديها الله ..............باسكو هادي حاجة تاع خير وربي انشالله يجازيك واما علا بابا باه تخبريه انا ننصحك ماتقوليلهش خير ..........نحلوها غير بالهداوة ............وربي معاك ويجيب الخير:up:

مي يااختي العاشقة ماشي مسآلة سن راهي 18 سن زواج عادي انا لي ماتدخلش في راسي علاش الكلام الطايح في الهاتف لوكان كلام لائق والله لربما عذرتها عادي فنحن هنا في اللمة ايضا نتكلم مع اخوة لنا عادي ولكن ان تصل الامور الا اشياء اخجل انا الفتاة من سماعها فكيف سيكون نظرة ذاك الشاب اليها ؟
اعلم اني سانصحها ومها جرى سابقى احاول نصحها مي ساعات نحب نغلق كل الابواب دونها ولكن لااستطيع
آمين يارب ادعيلي برك ربي يوفقني ويسدد خطاي​

 

[أم عبد الله]

رد: جئت استشيركم في امر فهلا افدموني احبتي

اختي الكريمة
وانااعرف عليك منذ زمن رجاحة العقل والادب وحسن الاخلاق
واعلم كم تهمك هاته الصلة بينك وبين اصدقائك واقاربك
لاكن لايصح الا الصحيح ..والحلال بين والحرام بين

كما تعلم اخي في الله كم انتظرت ردك حتى اني لم انتظر فقمت باخذ يدك اليه ​

فلا الحرمان ولا الاوضاع الصعبة ولا الحالات المستعصية تبرر لنا الخطا
وصديقتك هداه الله ..مادامت تكلم فلان وعلان وتستعمل الهاتف لاغراض مشبوهة

فلا مجال هنا للسكوت عن الامر ..فلاتعلمين ماقد يحدث غدا من تصرف اخر قد يؤذيكي انت مباشرة
فالافضل هنا انك
تكلميها وتنصحيها وتتشددي في الكلام معاها وحطيلها حد فاصل يااما تكف عن تصرفاتها يااما ماتزيدش تجيك
على بالي راهي صعيبة شوي انك تقوليهالها لاكن كيف قالو ناس زمان

حمورة في الوجه ولاغصة في القلب
تجيك في لحظة تاع حشمة تقوليلها تبطل وش راها تدير والا تبعدك ..ولاتبقي انت حاطة ايدك على قلبك وخايفة ديما

والله عندك الحق في ساعات قوة وخاصة حينما اكون وحدي افكر مثلما تقول ولكن تخونني العبارات حينما تقف امامي فاحدني احاذر عليها واسامحها كطفل صغير لايجب الغضب او الانزعاج منه​

تخيلي انت لوكان تسمع ماماك والا باباك بهاد الحاجة ...وش راك تكون نظرتهم ليك انت تحديدا ؟؟

مجرد ذكرك للامر ومجرد تفكيري فيه مجرد تفكير دب القشعريرة في جسدي
فانت تعلم ان لدينا قوانين منصوصة وخطوط حمراء لايجب تجاوزها وبذالك ساخسر احترام اهلي لي وخاصة ساخسر ثقتهم بي وذالك الشيء الذي لن اتحمله ماحييت​

هاذا البيت اللي تربيتي فيه وترعرعتي فيه ..هاذا الدار اللي ليها اعراف وتقاليد
ليها حرمة وعندها ناس شرفاء ...حرام يصرا فيها اللي راهو يصرا
تانيبك لي في محله ولكنني بت عاجزة اخي في الله
وانت واجبك كابنة بارة لوالديك انك تحافضي عليهم وعلى دارك وعلى كل مايخصها
كيف العمل للتخلص من ذنب لم تقترفه يداي؟
انا نتقولك بصراحة لوكان في بلاصتك وعندي صديق عمل اللي عملاتو صديقتك
رايح نمنعو باي طريقة وماراحش يهمني على خاطر انا صحيح وهو غالط
والله ولن احلف به كذبا ساحاول قدر المستطاع منعها من التكلم ليلا في الهاتف ولكني لن استطيع من منعها من المبيت فهذا والله فوق طاقتي ولم اعتد ع رد ضيف او شخص لجا الي
اختي الكريمة هاذا حق ولايجوز السكوت عن الحق
ممكن تغيضها منك لاكن اللي راح تعمليه في مصلحتها

حاجة وحدة ماتقوليش لوالديها ... ابدا ومهما يصرا مش مليح الواحد يكون سبة في المشاكل صح

لاكن ماتخليهاش تدير هاذا الشي في دارك ...دارك عندها حرمة ...حافضي على حرمتها
قلتها وساعيدها لن اتركها ان شاء الله طبعا ان تستفرد بهاتفها ولو كلفني هذا مراقبتها فكما قلت الاول والاخير اني يجب ان احافظ ع صمعة عائلتنا الطيبة بين الناس وخاصة نظرة الناس لي
بارك الله فيك
وفيك بارك الرحمان واسكنك الجنان اخي في الله
نعرفك مليح اختي نينا ..راك انسانة طيبة واخت في الله هنا

​

تسلم اخي في الله
انت بالذات من الاناس الذين اثق فيهم وفي كلماتهم مهما كانت قاسية احيانا ولكنها صحيحة لاتتحمل المجااملة ولا المكابرة فشكرا لك ع استيعاب مشكلتي وردك عليها
وساحاول قدر المستطاع ان اتبع نصيحتك
سلامي واحترامي​

 

[tabarrakh]

رد: جئت استشيركم في امر فهلا افدموني احبتي

نينا انا بوبكر سرقولي عضويتي وراني لهيه اوك

 

[عاشقة الصمت 13]

رد: جئت استشيركم في امر فهلا افدموني احبتي

مي يااختي العاشقة ماشي مسآلة سن راهي 18 سن زواج عادي انا لي ماتدخلش في راسي علاش الكلام الطايح في الهاتف لوكان كلام لائق والله لربما عذرتها عادي فنحن هنا في اللمة ايضا نتكلم مع اخوة لنا عادي ولكن ان تصل الامور الا اشياء اخجل انا الفتاة من سماعها فكيف سيكون نظرة ذاك الشاب اليها ؟
اعلم اني سانصحها ومها جرى سابقى احاول نصحها مي ساعات نحب نغلق كل الابواب دونها ولكن لااستطيع
آمين يارب ادعيلي برك ربي يوفقني ويسدد خطاي​

ايه ختي عندك الحق الله يهديها برك ...................قلبي وربي ومعاك

 

[أم أمين23]

رد: جئت استشيركم في امر فهلا افدموني احبتي

السلام عليكم ورحمة الله وبركاته
الامر صعب لانك وقعتي في الزاوية يعني بين ثقة الاهل وثقة الفتاة لدلك انا انصحك بأن تتكلمي مع اخ الفتاة ان كان كبير وترين انه انسان ممكن ان يتفهم الامر وليساعدكي هو في تقويمها اما ادا كان صغير فممكن تشاركي الاب في الامر او اي شخص ترين انه من الممكن ان يساعدك في تقويمها بدون ما تخسري ثقتها بمعنى يكون سند لك وعلى اطلاع بما يجري بدون ما يخليها تفقد الثقة فيك
بالنسبة للفتاة خليها تعمل واش اتحب وفي نفس الوقت كلميها بطرق غير مباشرة واهيها عوديها مثلا على الصلاة على قراءة القرآن حاولي تقوليلها على الامور الي ممكن تربحها من الصلاة والقرآن بدون التطرق للامور التي ستخسرها بمعنى احكيلها على الايجابيات بدون التطرق للسلبيات بما انك جربتي معها ذكر الامور السلبية ولم ينجح الامر وربي يعينك مؤكد الامر ماشي سهل وماش راح يكون بين ليلة ونهار ولازمك صبر كبير

 

[أم عبد الله]

رد: جئت استشيركم في امر فهلا افدموني احبتي

نينا انا بوبكر سرقولي عضويتي وراني لهيه اوك

صباح الانوار اخي بوبكر هاذي غيبة مبارك عليك العضوية الجديدة:d
مممممم ولكني انتظر مشاركاتك هاهنا في اللمة:regards01:​

ايه ختي عندك الحق الله يهديها برك ...................قلبي وربي ومعاك

الله يهدينا كامل يارب
تسلميلي ياغالية ​

 

[أم عبد الله]

رد: جئت استشيركم في امر فهلا افدموني احبتي

السلام عليكم ورحمة الله وبركاته
وعليك السلام ورحمة الله تعالى وبركاته غاليتي
الامر صعب لانك وقعتي في الزاوية يعني بين ثقة الاهل وثقة الفتاة لدلك انا انصحك بأن تتكلمي مع اخ الفتاة ان كان كبير وترين انه انسان ممكن ان يتفهم الامر وليساعدكي هو في تقويمها اما ادا كان صغير فممكن تشاركي الاب في الامر او اي شخص ترين انه من الممكن ان يساعدك في تقويمها بدون ما تخسري ثقتها بمعنى يكون سند لك وعلى اطلاع بما يجري بدون ما يخليها تفقد الثقة فيك
بالنسبة للفتاة خليها تعمل واش اتحب وفي نفس الوقت كلميها بطرق غير مباشرة واهيها عوديها مثلا على الصلاة على قراءة القرآن حاولي تقوليلها على الامور الي ممكن تربحها من الصلاة والقرآن بدون التطرق للامور التي ستخسرها بمعنى احكيلها على الايجابيات بدون التطرق للسلبيات بما انك جربتي معها ذكر الامور السلبية ولم ينجح الامر وربي يعينك مؤكد الامر ماشي سهل وماش راح يكون بين ليلة ونهار ولازمك صبر كبير

الاخ اصغر منها ووالله هو مسؤول عليها اكثر بكثير ولكنها لاتستمع لنصائح الكبار بل تثور دوما في وجوه من ينصحها ثم تلجأ لدموع لتثبت وجهة نظرها او الهروب احيانا عن جدتها لتفادي الاحتكاك بمن حولها و باب منها لعمل كل شيء تريده اذ ان هناك ع حسب قولها الكل يحبها ولايحاسبها ع الصغيرة قبل الكبيرة كما وجدت عندنا
انا من عندي رايحا نحاول ونحاول باه نجذبها لصفي مي الا ماقدرت ربي ماشي راح يحاسبني لاني ساعات نخاف نكون دخلت في متاهات الشيطان بسماعي لتلك الحوارات
ساتطرق لايجابيات الدين مع اني لااعتقد انها ستسمع او تستوعب اي حرف اقوله
مشكورة امي ام امين ع النصائح الغالية ياغالية
سلامي واحترامي​

 

[روز]

رد: جئت استشيركم في امر فهلا افدموني احبتي

السلام عليكم

شكرا حبيبتي نينا على الثقة والرسالة

مشكلتك صعبة جدا وفعلا حرت كفاش أهلها الكبار خلو مسؤوليتها عندك نتي
لي اصغر منهم مهما كانت التسميات والاعذار..!
أنتي أصغر بكثير من أن يحملوك هم طفلة مثل هذه في سن مثل هذا..

البنت الآن تعودت على مكالمة الشباب وباش تتوقف من أول نصيحة مستحيل ..
لأن المسألة مش مسألة حنان فقط لأني نعرف يتيمات عايشين معيشة اصعب منها ولكن شادين في ربي

نتي الآن ماتحمليش نفسك أكثر من استطاعتها الأمانة قال فيها الله عز وجل :

إنا عرضنا الأمانة على السماوات والأرض والجبال فأبين أن يحملنها
وأشفقن منها وحملها الإنسان إنه كان ظلوما جهولا
ليعذب الله المنافقين والمنافقات والمشركين والمشركات
ويتوب الله على المؤمنين والمؤمنات وكان الله غفورا رحيما "

صدق الله العظيم"

وشرحها أن الله عرض الأمانة على السموات والارض والجبال قبل أن يعرضها على آدم ، فلم يطقنها
فقال لآدم : إني قد عرضت الأمانة على السماوات والأرض والجبال فلم يطقنها ، فهل أنت آخذ بما فيها ؟
قال : يا رب ، وما فيها ؟ قال : إن أحسنت جزيت ، وإن أسأت عوقبت .
فأخذها آدم فتحملها ، فذلك قوله : ( وحملها الإنسان إنه كان ظلوما جهولا ) .
ان شاءلله تكوني فهمتي القصد

أنا من رأيي عندك حلين :

إما أنك ترجعي البنت لأهلها وهم أدرى بها
وتقلهم اعفوني منها خصوصا انها رايحة تولي تعملك غطاء لأعمالها
مثلا تقلهم راني رايحة عند نينا ولكن تروح لأماكن اخرين
واذا ماعملتهاش الان تعملها امبعد..وبعدها تولي في مشاكل أكبر

الحل الثاني:
انك تخبري والدها ولكن يتجنب يذكر انك انتي لي خبرتيه
مثلا يعمل روحو سمعها تتكلم ولا اي واحد جاه وقالو بنتك راهي تحكي مع فلان وفلان ..
يجرب باباها يقعد معاها ويقلها بصراحة انو عرف عليها كذا وكذا
ويحاول يحكي معاها بطريقة تخليها تحشم من روحها
يقلها ملا اني درت فيك الثقة وعلاه عملتيلي هكذا وهذا شرفي وهذي سمعتي وو من هذاك الكلام..

و اذا ماجابش نتيجة
فما عليه إلا التصرف بحزم اتجاهها حتى لو اضطر لأن ينح عليها الموبايل ويعاقبها
لانو البنت هنا تولي غلطت ويلزم تتعاقب حتى تعرف غلطها
وباش ماتعاودوش او على الاقل تتعلم الخوف

حنا عندنا يقولو الخوف مذهب
يعني انو الخوف اسلوب من أساليب التربية
اذا عرفنا كفاش نستعملوه لانو كاين خطوط حمراء
يلزم اي شخص يعرفها ويتوقف عندها والا تمادى وكانت الكوارث

فمن قال أن الشدة ماتربيش ؟
فالرسول صلى الله عليه وسلم قال في الصلاة فقط: واضربوهم عليها لعشر
فمادام الكلام باللين مانعفعش ومش رايح ينفع
اذا يلزم تعلم الخوف تتعلم انو هذا الامر غلط ويلزم تتربى وتتعاقب وانو اي امر مش مليح رايح يكون في عقاب
الامر يجب أن يتوقف مادام الوضع جديد لانو ادا ماعملتوش حركة توقفها رايحة تزيد تعمل حوايج أكبر من هكذا..
والله المستعان

 

[Mokhtar Kader]

رد: جئت استشيركم في امر فهلا افدموني احبتي

غير صبري وعاودي نصحيها بالاك ربي يهديها
​

 

[Teacher Sweet]

رد: جئت استشيركم في امر فهلا افدموني احبتي

الله يكون في عونك أختي, وهاذي مشكلة كبيرة, و الأمانة واعرة
أول حاجة ننصحك بيها هي أنك تصلي صلاة الحاجة وتطلبي ربي يهديك للخير باسك حلها يعرفوا ربي سبحانه, صدقيني رايحة تريحي وتلقاي الحل ان شاء الله كوني متأكدة من هذا.
ثانيا, مادامك تقولي نصحتها وما فادش معاها النصح, خوفيها بقصة وحدة كانت دير كيفها و مبعد تورطت, مثلا قوليلها كاينة وحدة تخلط في التليفون, ومبعد الشاب حكموه في قضية واعرة و ورطها معاه بمجرد أنو يعرف عنها فقط رقم الهاتف, أو احكيلها شيء من هاذ القبيل.
ثالثا, النصيحة قبل كل شيء, لكن ان لم ينفع معها فعليك باخبار أهلها, فأن تخسريها هي أفضل من أن تخسري علاقتك مع الله.
لأنك نصحتها و قدمت كل ما بوسعك بالتي هي أحسن, ولكن لا حياة لمن تنادي.
تقبلي مروري, ويسر الله أمرك وفرج همك وهمها وجميع المسلمين

 

[أم عبد الله]

رد: جئت استشيركم في امر فهلا افدموني احبتي

السلام عليكم

وعليك السلام ورحمة الله تعالى وبركاته
شكرا حبيبتي نينا على الثقة والرسالة

بل انا التي اشكرك ع الرد فانت تعلمين اني اثق في حكمتك ونظرتك للامور لذالك راسلتك لسماع رايك
مشكلتك صعبة جدا وفعلا حرت كفاش أهلها الكبار خلو مسؤوليتها عندك نتي
لي اصغر منهم مهما كانت التسميات والاعذار..!
أنتي أصغر بكثير من أن يحملوك هم طفلة مثل هذه في سن مثل هذا..

حثمتيني الآلآ هههههههه راني ديباسيت الربع قرن واشمن صغيرة هههههههه في نظرهم الفتيات يتعلمن من بعضهن البعض وخاصة ان كانو مقربات او ان تكون واحدة تحب الاخرى لذالك اعتقد تركوها لي :$
البنت الآن تعودت على مكالمة الشباب وباش تتوقف من أول نصيحة مستحيل ..
مام انا حسيت بيها هاذي
لأن المسألة مش مسألة حنان فقط لأني نعرف يتيمات عايشين معيشة اصعب منها ولكن شادين في ربي
انا التي ارجعت لامر لكونها يتيمة لاني صادفتني حالااات لم اطل فيها التفكير وعالجتها دون استشارات ولكني هنا بت عاجزة

نتي الآن ماتحمليش نفسك أكثر من استطاعتها الأمانة قال فيها الله عز وجل :

إنا عرضنا الأمانة على السماوات والأرض والجبال فأبين أن يحملنها
وأشفقن منها وحملها الإنسان إنه كان ظلوما جهولا
ليعذب الله المنافقين والمنافقات والمشركين والمشركات
ويتوب الله على المؤمنين والمؤمنات وكان الله غفورا رحيما "

صدق الله العظيم"

وشرحها أن الله عرض الأمانة على السموات والارض والجبال قبل أن يعرضها على آدم ، فلم يطقنها
فقال لآدم : إني قد عرضت الأمانة على السماوات والأرض والجبال فلم يطقنها ، فهل أنت آخذ بما فيها ؟
قال : يا رب ، وما فيها ؟ قال : إن أحسنت جزيت ، وإن أسأت عوقبت .
فأخذها آدم فتحملها ، فذلك قوله : ( وحملها الإنسان إنه كان ظلوما جهولا ) .
ان شاءلله تكوني فهمتي القصد

نعم فهمتك غاليتي الحمد لله قد من الله علي برصيد علمي وديني قليل استطيع اللجوء اليه وقت الحاجة:$
أنا من رأيي عندك حلين :

إما أنك ترجعي البنت لأهلها وهم أدرى بها
وتقلهم اعفوني منها خصوصا انها رايحة تولي تعملك غطاء لأعمالها
مثلا تقلهم راني رايحة عند نينا ولكن تروح لأماكن اخرين
واذا ماعملتهاش الان تعملها امبعد..وبعدها تولي في مشاكل أكبر

الله لايقدر اصلا راهي تسكن بعيد عليا يعني يلزم تكري باه تجي عندي ولا تعيطلي وبابا يجيبها يعني الاحتمال هذا شوي بعيد وياربي مانوصلوش لهاذي المواصيل اصلا
الحل الثاني:
انك تخبري والدها ولكن يتجنب يذكر انك انتي لي خبرتيه
مثلا يعمل روحو سمعها تتكلم ولا اي واحد جاه وقالو بنتك راهي تحكي مع فلان وفلان ..
راهو اصلا كي سمعها تحكي ع 2 ديال الصباح نحالها التيليفون قاتلو والله كنت نحكي ماصحبتي وانت علاش ديما اديري هكذا وسمعاتو مرشح عندو اول ماليه آخر
راهي عقليتها فاسدة بزاف
يجرب باباها يقعد معاها ويقلها بصراحة انو عرف عليها كذا وكذا
لوكان يعرف عليها ولو نصف شيء راه يسجنها في البيت وكي تتزير الطفلة كثر من اللازم تتعوج كثر وكثر ماتوافقينيش
ويحاول يحكي معاها بطريقة تخليها تحشم من روحها
خطرات كي نحظر المناقشات ديالهم نقول هاذي الطفلة ماتحترمش باباها خلاص
يقلها ملا اني درت فيك الثقة وعلاه عملتيلي هكذا وهذا شرفي وهذي سمعتي وو من هذاك الكلام..

و اذا ماجابش نتيجة
فما عليه إلا التصرف بحزم اتجاهها حتى لو اضطر لأن ينح عليها الموبايل ويعاقبها
لانو البنت هنا تولي غلطت ويلزم تتعاقب حتى تعرف غلطها
وباش ماتعاودوش او على الاقل تتعلم الخوف

حنا عندنا يقولو الخوف مذهب
يعني انو الخوف اسلوب من أساليب التربية
اذا عرفنا كفاش نستعملوه لانو كاين خطوط حمراء
يلزم اي شخص يعرفها ويتوقف عندها والا تمادى وكانت الكوارث

فمن قال أن الشدة ماتربيش ؟
فالرسول صلى الله عليه وسلم قال في الصلاة فقط: واضربوهم عليها لعشر
فمادام الكلام باللين مانعفعش ومش رايح ينفع
اذا يلزم تعلم الخوف تتعلم انو هذا الامر غلط ويلزم تتربى وتتعاقب وانو اي امر مش مليح رايح يكون في عقاب
الامر يجب أن يتوقف مادام الوضع جديد لانو ادا ماعملتوش حركة توقفها رايحة تزيد تعمل حوايج أكبر من هكذا..
والله المستعان

شفتي كيفاه يقولك ان لم تستحي ففعل ماشئت ورانا كامل تربينا ع الخوف من الكبار وسماع رايهم والسير عليه وجامي حاولنا نتحداو القوانين ولا نتخطاو الحطوط الحمراء مي هذا الجيل الله يلطف تقوشي معجونين من طينة خلاف وبيناتنا مام ماء الوجه عاد ماكاش خلاص ( كيما كانت تقول جدة الله يرحمها وجهم بنات اليوم مايعرقش ومايعرفش الحشمة )
والله باه مايكبرش الامر برك لي جيت وستشرتكم باه تنوروني لحل ممكن انا غاب عليا ولا عرفتو وخفت نطبقو لانو يقولك رايين خير من راي واحد والحمد لله معروف ع اهل اللمة كرماء ويمسكو بالييد لي تنمد ليهم

مشكورة حبيبتي روز ع الرد والنصائح الغالية ياغالية
ربي مايحرمنيش منك
سلامي​

 

[أم عبد الله]

رد: جئت استشيركم في امر فهلا افدموني احبتي

غير صبري وعاودي نصحيها بالاك ربي يهديها
​

الله آمين ربي يهديها وهدينا احنا ثان
مي اخي الكريم الى متى الصبر وهل الصبر في مثل هاكذا حالات يعطي نتيجة احسن ام اننا سنغطي الشمس بالغربال ؟
​

 

[أم عبد الله]

رد: جئت استشيركم في امر فهلا افدموني احبتي

الله يكون في عونك أختي, وهاذي مشكلة كبيرة, و الأمانة واعرة
أول حاجة ننصحك بيها هي أنك تصلي صلاة الحاجة وتطلبي ربي يهديك للخير باسك حلها يعرفوا ربي سبحانه, صدقيني رايحة تريحي وتلقاي الحل ان شاء الله كوني متأكدة من هذا.
ثانيا, مادامك تقولي نصحتها وما فادش معاها النصح, خوفيها بقصة وحدة كانت دير كيفها و مبعد تورطت, مثلا قوليلها كاينة وحدة تخلط في التليفون, ومبعد الشاب حكموه في قضية واعرة و ورطها معاه بمجرد أنو يعرف عنها فقط رقم الهاتف, أو احكيلها شيء من هاذ القبيل.
ثالثا, النصيحة قبل كل شيء, لكن ان لم ينفع معها فعليك باخبار أهلها, فأن تخسريها هي أفضل من أن تخسري علاقتك مع الله.
لأنك نصحتها و قدمت كل ما بوسعك بالتي هي أحسن, ولكن لا حياة لمن تنادي.
تقبلي مروري, ويسر الله أمرك وفرج همك وهمها وجميع المسلمين

اللهم آمين يارب :$بارك الله فيك اخييتي نعم ليس لنا ملجأ غيره سبحانه هو ينير لنا الطريق ولانني يائسة من الحل وجدتني طرقت بابكم للسؤال وهو ذاك ان شاء الله ساخيفها و اعطيها براهين ع كلامي ولربما يكون الله معي فتعود للطريق السوي بدل الهاوية التي هي متجهة اليها
اسعدني مرورك اختي الغالية
سلامي​

 

[قلبي نمشي عليه]

رد: جئت استشيركم في امر فهلا افدموني احبتي

غير صبري وعاودي نصحيها بالاك ربي يهديها

 

[ام اسحاق]

رد: جئت استشيركم في امر فهلا افدموني احبتي

السلام عليكم
الغالية نينا ...تريثت كثيرا قبل ان اضع ردااا ...لان الحالة فعلاا مشكلة و التصرف فيها يجب ان يكن مسؤولا...
طلب الاستشارة منك هو قمة في رجاحة العقل ..
قرات كل الردود التي احترمتها ...
ووضعت نفسي تارة مكان البنت و تارة مكان الاب تاة مكان زوجة الاب و تارة مكانك ....
تصورت المشكلة منجميع الزوايا ...
رأيي ان الحل لن يأتي بين عشية ضحاها ان كنت فعلاا تطلبين الاجر في تعديل عوج هذه البنت فعليك بطولة البال ...
اولا ..البنت مدمنة مكالمات مع شباب و ليس شاب واحد هذا يعني انها تعاني فراغ كبير في الواقع و العاطفة ...
ثانيا ابوها الذي وافق على مبيتها عندكم و هي في هذا السن مهما كان يعرفكم مع احترامي لك و لاهلك الا ان هذا التصرف ينبئ على عدم مسؤليته تجاه البنت و هو بذلك لن يستطيع ان يحل المشكلة ان اعلمته بها بالعقل ...
زوجة الاب يبدو انها لم تستطع كسب ود البنت الدليل انها اختارت المجيئ عندك ...
نأتي الان لما يجب فعله
كما قيل من قبل ان البنت في حالة ادمان نظرا لفراغ عاطفي مهل لفقدان امها بالموت و فقدان الاب بالزواج و فقدان اخت شقيقة تستند عليها ....

لذا فانت عليك واجب كبير لو اردت مساعدتها ...انت او اي انسان كجدتها مثلا
اولا يجب كسب ثقتها ...بالحنان و التودد ..و النصح الغيرمباشر ...
و علمت انك قمت بذلك و فشلت لذلك فهناك اطباء نفسانيون عاملتهم الدولة لمثل هاته الحالات في كل المراكز الاستشفائية الحقيقة انهم يتمتعون بمعرفة كبيرة و سرية تامة ...
اظن ان هذا هو الحل الامثل ...
اما قولك للاب فهدا هو الخطأ بعينه طبعا من وجهة نظري على الاقل في هذه المرحلة لانو ممكن يتصرف تصرف يجبرها على الهروب من المنزل لا قدر الله مثلا ...
لان البنت متأكدة انا انها ليست في وعيها ....
فحرام ندفع بضحية جديدة للشارع الممتلئ اصلا بالضحايا ...
حاولي مثل ما قتلك نينا مع حكاية الطبيب النفساني يا حبذا تكون الطبيبة مراة و اظن ان الدوولة عاملة ايضا خط طبيب نفساني اخظر يتصلو بيه الناس المدمنين ...حتى نبحث و لما نتأكد نقلك ..

ربي يفرج همها و هم كل يتيم يااا رب
​