ما نيش حابة اهلي يعرفو بلي هاد الخاطب تعرفت عليه فالانترنت واش رايكم

[Moha le sage]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

المشكل مش في النت ... المشكل بعد النت وش كاين ....

اذا راه جاي يخطب و تشوفيه اونفاص و يشوفوه والديك هذيك حاجة عادية ... و احسن تخرج العلاقة للواقع في اسرع وقت ..خير من تعيشي حلم وردي يتحول لكابوس اكحل ...

ياي مش النت اللي مش مليحة ..حنا لي مش ملاح ...


كي نولي لسؤالك الاول من رايي تصارحي والدتك بالخبر .. و هي تدبر راسها ...

الوالدة عموما حنينة و متفهمة و تسهل الامور ..و الوالد في غالب الاحيان ما يهموش مشاعر بنتو بقدر ما يهمو كلمتو و رايو ...

ذرك اذا كانو والديك قراب ليك و طيبين صارحيهم عادي .. يخي ما تلاقيتيهش في بلاصة مشبوهة ... أما اذا كان واحد فيهم واعر ولا ما يسمعلكش صارحي الثاني .. و ان شاء الله ربي يديرها طريق و يوفقك و يصلحلك الامور ...

الله غالب النت ولات وسيلة تاع لعب ذر ( حاشاك ) ..اللي ماممسحش عينيه من العمش يحل فايسبوك و يكونيكتي و يشارشي بسكايب .. و اللي مازالت ما مشطتش شعرها من القمل تلقايها تشاتي مع الف واحد ... و ضاع المفهوم تاع النت و اصلها الاول لي تخلقت على جالو اللي هو التواصل و الفايدة ... وولات تمسخير و دخص و تكسار راس و اللي تحطيه موسى يطلعلك فرعون ...............








​

 

[aljentel]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

وجهة نظري لاتقولي لاهلك انك تعرفتي عليه بالنت ...

لكن خليه يجي لمدينتك ويقابل اي واحد من اهلك ابوك اخوك قريب للعيله ويمثل انها صدفه ويتعرف عليه ثم عن طريقه اذا كان ذكيا يستطيع الوصول اليك بسهوله ويخطبك رسمي ,,,

 

[Moha le sage]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

من واقعنا ... الافتراضي .......


​

 

[✿أسيـل✿]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

شوفي ماتقوليش لأهلك تعرفت عليه فالــــنت يمكن تولي مشكل

ربي يسهلك إن شاء الله
​

 

[*RAHMA]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

hedi hya denia khti
w heda wech kteblek rabi
w heda wech deret bina net donc
yji nhar yefehmou
hiya sah ykoun houwa nes mleh
machi sah mnin ja
rabi ywef9ek khti w nchoufouk 3rossa
soon

 

[YAHIA S]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

السلام عليكم
هذا النت راه انتي و زهرك يا طيحي في واحد اخاف ربي و ياواحد ......
انتي اتقولي ابانلك مليح لكن لازمك تسئلي ليه و اتشوفي اهله و دارهم
و اتقولي لداركم ثاني حكاية قطر شوية صعيبة خخخخ

 

[هدوء المطر]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

و عليكم السلام،.
يا ختي كي قلتي ما عندوش أهل في الجزآئر، هنا دخلني الشك، كيفآش جزايري و ما عندوش ولو خآل/خآلة، عم/عمة، أخ/أخت، هذا ممكن ما هوش جزآيري و يعرف اللهجة الجزآئرية برك، و حب يطيحك في مكيدة،.
أنا من رايي أخطيك من زوآج النت، واستنآي مكتوبك يا لوكان يولي عمرك 50 سنة، أحسن من أنك تتورطي في رآجل ماكي عآرفة عليه وآلو، و ممكن أهلك يرفضوه، و يولي يفضحك و يقلهم تعرفت عليها في النت، و بالتآلي ما تتزوجي بيه، و زيد تفقدي ثيقة دآركم،.
أخطيك ختي أخطيك، راكي في دآر باباك معززة مكرمة،. و ربي يجيبلك الرآجل الصآلح إن شاء الله في أقرب وقت.
سلآم‘.​

 

[Ŝĥåĥĭйëž Ïķřăмơǖ]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

هادي حاجة نورمال لوكان تقوليلهم
خطرش هدا غادي تتزوجي بيه
انا تاني راجلي تعرفت عليه بالانترنت ووضروك دارنا علابالهم نورمال
خطرش هادا جا خطبني وقاع ماشي زعق عليا
هدا راه جايك ملباب مراهش يزعق ولزكا نتقوليلهم شيء عادي خطرش راه خطيب بنتهم ماشي صحابها باه تبقاي تخمي
هدا رايي ​

 

[اسيرة نفسي]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

السلام عليكم
يا اختي انا راني فاهماتك الله يكون في عونك اولا
نحوسو نحلو المشكل مشي نقولو علاش عرفتيه على النت او في اي مكان
على خاطر راهم كيف كيف انشاء الله يكون ولد حلال برك
الناس لي جاوبوك باش تصارحي والديك انا مارانيش معاهم
على خاطر احنا واحد وليد بلادنا ولا وليد حوما مانقولوش بلي نعرفوه وبعدا عالنت شيء صعيب بزاف
وعائلاتنا مايسمحولناش بهاذا الشيء وقادرين يرفضو الفكرة بلا ميعرفوه
انا الحل من رايي
شوفي انسان تعرفيه ثقة اهلك جارك او صديق ثقة راني نقول هو لييستقبل هذا الخطيب وهو اللي يجي يقدمو لداركم على اساس هو يعرفو وانت ابقاي بعيدة اذا ربي كتب المكتوب اللهم بارك ماكتبش ماتخسريش اهلك موراه ولا اهلك
انا نصحتك من قلبي وانشاء الله نكون ساعدتك واللي فيها الخير ربي يجيبهالك وبلا ماتنساي صلي صلاة الاستخارة وماتقوليش اكبرت لازم هو ولا ماكاش
ولي خلقو خلق غيرو وربي معاك
سلامي
​

 

[مينة آلاء الْقُدُّوس]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

اول مرة تطيح في مشكلة نحس بلي حقيقية
الزواج قسمة ونصيب والإنسان هذا إلا ناوي الخير ربي يسهللكم
انتي علاش راكي خائفة من اهلك الإنترنيت ملكي تتلاقي بيه
بصح أحسن رد هو تاع الأخت moon ديري روحك متعرفيهش وخبري الحقيقة غير لامك ولا واحدة من عائلتك تثيقي فيها
بالنسبة لزواج النت نعرف بزاف قصص ناجحين ربي يوفقك

 

[zakibboy]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

ولكن لاتنسي ...هذا الشخص تعرفت عليه من الانترنيت ويستطيع ان يكذب عليك ويفعل ما يشاء ...يجب عليك ان تتاكدي مما يقول ..لاتتسرعي ياختي .....والله معك .....!​

 

[عرفتك]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

اختي ننصحك متكذبيش على داركم متدريش على ليام ويفيقو واش يكون موقفك قدامهم
انتي قوليلهم وصلي صلاة الاستخارة والتوكل على ربي اولا واخرا
وربي يكملك

 

[الزهرة الحمراء]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

السلام عليكم اختي
اولا عادي صارحي اهلك بلي تعرفتي عليه فالانترنت قوليلهم تعرفت عليه في منتدى بالشوية بدييت نتبع فالمواضيع هكا يعني تخبريهم خير من لي تبداي تبني حكايتك بكذبة
وان شاء الله ربي يفتحها في وجهك ويجمعكم فالحلال يارب

 

[adel._dz]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

ماندري اعلاش تفكرت حكاية الحجلة والذيب
المهم شوفي الأصول كيفاش أختنا الخاطب يخطب والفتاة ترفض والا تقبل شرعا وعرفا وقانونا
اذن أنتي أمامك تستناي اذا السيد جاء اللهم مابارك اذا ماجاش فما حدث شيء
لكن ماتستبقيش الأحداث والأوقات
ناس بكري يقولو :
سوارد الطماع يديها الكذاب
والسلف الصالح يقول :
مانبتت شجرة ذل الى كانت ورائها بذرة طمع
وازني اختي وتبعي الأصول واستناي مكتوبك لاجاء من عند هذا لي تحكي اعليه اللهم مابارك لاجاء من غيرو راجل يبقى راجل

موضوعك خلاني جدي في ردي مع أني عندي مدة بعدت على الجدية ههههههه
أيا السلام وبون شونس
​

 

[حفيد هواري بومدين]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

يعني الانترنت ما هي الا وسيلة وسبب وصلك لمكتوبك
العلاقة كانت في الأول صداقة هادي باينة ومكانش مانع انا نقول
ربي يسهل ويقدر الخير ان شاء الله

 

[zagane]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

السلام عليكم اخوتي و اخواتي راني حابة رايكم في هذه المشكلة
انا فتاة من الغرب الجزائري و تعديت الثلاثين في عمري و تعرفت عن طريق الانترنت على شخص من باتنة مقيم في قطر و خدام تماك عندو عامين ما جاش للجزاير خاطر ما عندوش اهل هنا و هاد الشخص قرر باش يتزوج بي و يجي و يخطبني حتى الان كل شي عادي
مي مشكلتي ما نيش حابة اهلي و اخوتي يعرفو بلي تعرفت عليه فالانترنت خاطر النظرة نتاعهم تتبدل و يبداو يشكو فيا بلي ندير علاقات فالانترنت
من فضلكم شورو عليا واش نقولوهم ؟ وين تعارفنا مثلا ؟ هاد الانسان و لا هاد الناس وين شافوني و لا وين عرفوني مع العلم هو ما عندوش اهل اهنا فالجزاير مي راه حاب يدي من الجزاير
كذلك واش هو رايكم و نظرتكم لزواج ناس يتعرفو من الانترنت ؟
الحقيقة هو انسان لاباس بيه و اخلاقو و قالي واش يحوس بالضبط و قبلت و بقالو شهر و يجي يكمل الخطوات الاخرى

السلام عليكم
الحقيقة هو انسان لاباس بيه و اخلاقو و قالي واش يحوس بالضبط و قبلت و بقالو شهر و يجي يكمل الخطوات الاخرى
طبعا عرفتي كل هدا عن طريق الانترنات التي يمكن للدئب فيها ان يصبح ملاك كما يشاء
لا اعارضك هدا الزواج ولكن اعلمي اهلك بدلك ليتحقو من نوياه وصدقه
قد يكون يكلمك فقط من الجزائر ولا علاقة له بقطر وهناك برامج يمكنها تغيير الموقع في المحادثات في النت .
لا تتسرعي

 

[amn23]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

انا نضن تصرحهم احسن باش تحسي براحة نتي تاني و ما تحسيش بتانيب الضمير من بعد و يولي ما ينفاعش ..........و نصيحة اخرى ردي بالك حبيبتي من زواج النت لانو صعيييييييييييييييييب ما تشريش الحوت ف البحر و اهلك ادرى بمصلحتك و ادا راهو مكتوبلك حتى حاجة ما تبعدو حتى لو بدلو رايهم فيك ولى فيه.و لي فيها الخير ربي يجيبها

 

[ايمان الهدى]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

عن تجربة اختي انصحك ان تفكري الف مرة قبل الاقدام على هذا الزواج ومالفائدة من اخفاء امر الزواج عن طريق النت مادامك مقتنعة بما تفعلين به فهذا لاينقص من قيمتك مادامك تريدين الزواج وهذا امر شرعي وحقك اهلك يجب ان يعرفوا كيف تم التعارف ولا تخجلي منهم ممكن الناس والمعارف لاتقولين لهم قولي لهم انك مثلا عرفتيه من العمل او من حفلة عرس وانصحك ان تفكري وتدرسي الموضوع جيدا لان زواج النت معظمه لاينجح واغلبيته فيه غش وخداع وينصح معظم الشيوخ ان لاتتزوج المراة عن طريق النت وتكون ذات عزة وكرامة وبدل ذالك تقوم الليل وتدعي الله لكن هناك استثناءات ولكل قاعدة شواذ اذا تاكدت منه فعلا وعرفت صدق نواياه فتوكلي على الله ولاتكذبي على اهلك خصوصا واعترفي لهم اما المعارف والناس فمن حقك ان تخفي عنهم وبالتوفيق

 

[ام سراج الدين وملك]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

برأي صارحي والدتك لانو زواج العمر لازمو الصدق والصراحة
اكيد امك راح تفهمك وتفهم كل العائلة
لاداعي لخلق اسباب واو تكدبي عليهم وربي يجيب لي فيه الخير

 

[largo19]

رد: ما نيش حابة اهلي يعرفو بلي هاد الخاطب تعرفت عليه فالانترنت واش رايكم

السلام عليكم ,,,,, أنا رأيي تخلي هذا السيّد يجي يخطب بشكل عادي ,,, و ثم ممكن تتعرفوا أكثر و من بعد تشوفي ,,,, أما بخصوص إخبار أهلك عن حقيقة تعارفكما عبر الإنترنت فإذا كان أهلك عندهم نظرة سلبيّة على هاذي العلاقة فلا تخبريهم ,,,,, توكّلى على الله و استخيريه و استشيري من تثقين فيهم فهذه مسألة مهمّة ,,, ربّي يوفقك لخير اختي