واش رايكم في واش دارت قناة النهار بشرف بناتنا

[Esprit f]

رد: واش رايكم في واش دارت قناة النهار بشرف بناتنا

السلام عليكن لحبااااااب
ياختي واش نقلك انا اصلا كي داروه كنت في لاسيتي وطبعا ما عندي منين نسمع وما نهبطش ل فوايي لانهم دايما يتفرجو يا افلام هندية يا مسلسلات تركية لا اخبار لا هم يحزنون .... المهم ,,, سمعت من وحدة صاحبتي
والمرة الاولى قلت كيفك ,,, باي حق يهدروا على بنات الجامعة بصورة سيئة بحيث لموا فيها الطالح والصالح اللي راح في جرت الطالح
مي مبعد خممت فيها وقلت مثلا ,, انا ياخي علابالي بروحي وهاديك وهاديك وتلك ووووووو ,,,
اما الطالحة فممكن هاذ التشهير يخللي اولياءها اللي ممكن غافلين عليها يفطنوا ويتفطنوا لبنيتهم اللي باعثينها ,,,تقرا ,,,
وما نخفيكش الامر انو كاين جيراني في لاسيتي يعني يُندى لهن الجبين من كثرة الوساخة نتاعهم مي واش نقولوا ,,,,,

ربي يهدينا ويهدي الخلق اجمعين اما عن قضية التشهير فممكن تشوفي من زاوية اخرى قليلا ممكن تتقبليها شوي
ومعارف انا هادا رايي لانو مستحيل رايحة تبقاي مقلقة روحك على جال فيديو او كلام او اووو ,, ف هذا الفيديو خاص باصحابو واصحاب الموضوع اختي

ربي يحفظنا ويحفظ كل طفلة في قلبها تكمل قرايتها وتفرح والديها

 

[{مُدَلَّلَتُهُ}]

رد: واش رايكم في واش دارت قناة النهار بشرف بناتنا

السلام عليكم و رحمة الله و بركاته

يعطيك الصحة ميلينا على الموضوع

تاع الصح النهار دارو تبهديلة من العيار الثقيل من بكري الناس كامل كان على بالهم شا صاري في الإقامات الجامعية و شا كاين ! ماهيش حاجة جديدة مي بصح تتنشر حاجة كيما هادي في قناة يتفرجوها الناس gــاع ؟ بزااف ! مرgوها تاع الصح

ولينا كي نجو خارجين من الإقامة الجامعية نحشمو . . . . نشوفو العباد كامل يشوفو فينا و كل واحد شا يسمعك كرهنا حياتنا السمانة الي فاتت و كاين شحااال من بنت جاو والديها اداوها من الإقامة على جال ديك التبهديلة

و كي تجي تشوفي العينة هاديك الي صوروها ما تضررت بوالو بعد ما اتنشر هاداك الفيديو بنات الفاميليا هوما الي راحو في الرجلين
bn الله يهدي ما خلق هادا ما نقولو و الله يبقي الستر
​

 

[AlgeRiano2]

رد: واش رايكم في واش دارت قناة النهار بشرف بناتنا

حاجة مليحة دارتها النهار لانو بعض البنات راح يفسدو المجتمع لوكان يبقاو يتسترو عليهم نشوفو ما اكثر على هادي كان لازم هاك
​

 

[الورد الأحمر]

رد: واش رايكم في واش دارت قناة النهار بشرف بناتنا

السلام عليكم ورحمة الله وبركاته
رأيي أنها جعلت البعض يشكك فيها، لكن بينت جانب مخيف كاين منو صح وسأمنا منو تاع الصح، شكرا ميلينا يعطيك الصحة سلامي .

 

[angel]

رد: واش رايكم في واش دارت قناة النهار بشرف بناتنا

السلام عليكم


انا ماشفتش الروبرتاج ومانيش جابة نشوفو



وجني قلبي كي قريت العنوان برك فما بالك نش\وفو



كاين لمليح وكاين الحاير في هاد لحياة

لو كان جينا كامل ملاح مكانش جهنم والعكس

رانا شايفين واش راه يصرا بلا مايزيدو يهدرو بصح ماشي اادرجة هاديك


في 100 تلقا وحدة خارجة الطريق


المهم حنا عندنا اتحاد الطلبة راهو دار تقرير يطالب بالاعتذار الرسمي في قناة الشروق عقب على وزارة الاعلام

رانا نستناو


ربي يهدي ما خلق وشكرا ليك
​

 

[la_safa]

رد: واش رايكم في واش دارت قناة النهار بشرف بناتنا

السلآم عليكم و رحمة الله و بركآته ..

الأمر أخذ حجم أكبر منه ، ألآ ندري مالذي يحدث !
كلنآ نعلم مآ يحدث دآخل الجآمعآت ، لكن الذي قآمت به النهآر هو الفضح فقط .
لو تكفلت بجآنب آخر و هو درس هذه الظآهرة و ايجآد حلول لكآن أفضل .

رأيي باختصآر .

شكرآ فلتي ^^
​

 

[ضحکَة خچڸ ღღ]

رد: واش رايكم في واش دارت قناة النهار بشرف بناتنا

والله فالحقيقة ختي
الشئ لي راهو صاري في الاقامات ما يعلم بيه غير ربي
وراني جامعيات ونعرفو وش كاين وش مكانش

مي الشئ لي دارتو النهار كان النقطة التي افاضت الكاس
على سبيل المثال
والله عندي صحاباتي يقرو معايا والله ما شاء الله
تربية واخلاق مي والديهم بطلوهم من القراية
بعد انتشار هداك الربورتاج
وكيما قالت الاخت صفا نورمالمون يديرو حل
ماشي يزيدو للطين بلة

وربي يهدي الجميع
​

 

[man+invite]

رد: واش رايكم في واش دارت قناة النهار بشرف بناتنا

سلام عليكم
سمعت احد الائمة قال ان هذه القناة
كان لازم عليها مين تحط السلبيات
لازم تحط الايجابيات ثاني ملازمش التعميم

وكلامه صح

كان لازم عرض الروبورتاج في واجهتين
الايجابية والسلبية باه المواطن يرتاج
مش باه نشعلو النار ونديرو فتنة
ربورتاج مفيد وفي نفس الوقت سلبي
وسلبيتو اكثر من ايجابياتو

بارك الله فيك
​

 

[جمال جمال]

رد: واش رايكم في واش دارت قناة النهار بشرف بناتنا

مع اني ضد التعميم وضد عنوان الفيديو لانه يجعل من بنات الجامعة سواسية في هذه الافعال الشنيعة لان المحترمات كتيرات في الاقامات الجامعية الا انني لا الوم النهار القناة الخاصة لانها كسرت طابو من الطابوهات والتي كان مسكوت عنه في قناة اليتيمة الحكومية التي لها خط واضح ومعروف ،حيت ان المتمعن جيدا في هذا الروبرتاج يجده في صالح بناتنا المحترمات ويجعل الفاسقات يحسبن الف حساب قبل الاقدام على مثل هذه الاشياء وكذلك معاونيهم من عمال الاقامات.

 

[صفحة بيضاء]

رد: واش رايكم في واش دارت قناة النهار بشرف بناتنا

انا من زمان نسمع بلي الجامعة راهي مليانة فساد
فيها الفسق ..وكل اللي يدخل للبحر يشرب شوية ماء
غصبا عنه يشرب
وكي دخلت للجامعة هي عارفة انها رايحة تتهم بالفسق
وانا بكل صراحة نكره الجامعة وبنات الجامعة
اصلا يهدرو غي على صحابهم قالي دارلي جابلي
وكاين لي عندها 4 اصحاب في نفس الوقت
وتجي تقولك انا قارية كأنو نحنا ولا شيء
وقناة النهار نستعرف بيك
الله يكتر من امثالك .. وانا مصدقة اللي قالته قبل ما تنطق​

 

[issac570]

رد: واش رايكم في واش دارت قناة النهار بشرف بناتنا

اقول بحرف الواحد ادا كان اناس في جامعة غير اناس الدين تم تحدت عليهم في برنامج تلفيزوني يقولوان بأنه اساء اليهم جميعا

فلمادا هؤلاء لم يتحركوا قبل اعداد دلك برنامج ...الانهم كان يعشيوان كل يوم دلك الامر
لمادا طالب يخرج يتظاهر من اجل نقطة في معدل او قانون جديد في جامعة بينما لا يخرج يتظاهر من اجل فساد

ما قامت به قناة تلفيزونية ليس شيىء سلبي بل سلبي هو ان كل يعلم الكل يعلم ما يحدت ولا احد يتكلم فلمادا عندما ينشر على تلفاز تقوم قيامة منافقة

هل عندما يكون بيتك نظيف بينما شارع كله نفايات فهل هدا يعني انك نظيف

تم عن اي شرف تتحدت وهل بقي شرف لكي نتحدت عنه

لو كان هناك طلبات شريفات في تلك جامعة حقا ....لا اوقفوا دراسة حتى يتم تسوية مشكل مع بعض فتيات وشباب.

هنا ارفع قبعتي لهن لكن الكل يعيش دلك الامر يوميا وفي صامت قاتل ومنافق تم تقول لي شرف عن اي شرف تتحدت واين كان شرف قبل ان تقوم قناة بنشر برنامج

فل تدهب طابوهات الى جحيم وتحيا برامج متل هده ...احببتم ام كرهتم هدا هو الواقع

هل من يتكلم عن واقع بكل شجاعة وحرية تحت شعار الطابوهات الى جحيم يصبح مدنب وانسان غير صالح في نظر البعض .

تم موضوع الدي تكلم عنه برنامج ليس مشكلة في جامعة بل دلك مشكل هو مشكل مجتمع ككل بل موجود اينما تدهب .
المجتمع الدي يفكر بهده الطريقة يصبح اردل شعب على وجه معمورة

ادا كانت هناك فتاة او شاب لديهم مشكل اخلاقي ( الله يهديهم بل اللهم اجعلنا سببا في هداياتهم ) وبي توازي لديهم اصدقاء يعلموان بمشاكلهم الاخلاقية لكنهم يتسترون عليهم .بصراحة في تفكيري كلهم في نفس الخانة .

وشيىء ملاحظ الدي لا يريد مجتمع ان يتغير في دهنه هو دئما دنب فتاة عظيم بينما نفس دنب لي شاب ليس بنفس نظرة

لمادا
هل شرف امر متعلق بي فتاة وليس بي شاب كدلك

والله يهدي ما خلق
والشيىء مهم ادا نريد ان نصلح شخص ليس بي اقصاء وتهميش
الشرك هو اعظم دنب عند الله العظيم لكن لو يتوب الانسان منه توبة نصوحا يغفر الله العظيم له ...بينما الانسان هو خلق من خلق الله العظيم لا يستطيع ان يغفر دنب الاخر وهده مشكلة .

مجتمع قاس لا يرحم ...اياكم تم اياكم
شكرا
​

 

[ولــــد الـDZ]

رد: واش رايكم في واش دارت قناة النهار بشرف بناتنا

هذا الشيء من يا حصرا و حنا علابالنا بيه
بصح كيما نقولوا قناة النهار زادت الطين بلة
وهذا الروبورتاج اللي داروه..ماناش عارفين واش كانت نيتهم...؟؟؟؟!!!
وسيرتو في المجتمع نتاعنا هذا يحكم و عينيه مغمضين
المهم حنا علابالنا بلي كاين بنات الشرف و الأخلاق
الي في نيتهم العلم.. تحياتي ليهم
​

 

[kouacem48]

رد: واش رايكم في واش دارت قناة النهار بشرف بناتنا

[FONT=Arabic Typesetting, cursive]واش زعمة مكانش منها والله غير صح واش حكات النهار وأنا راني معاها قلب ورب قريت في الجامعة وشفت العقلية كيفاش زيد ياك الشرع يقول المرأة ما تخرجش بلا لي شرعي هنا حبسنا والسلام[/FONT][FONT=Arabic Typesetting, cursive][/FONT]

 

[عصام ابو عماد]

رد: واش رايكم في واش دارت قناة النهار بشرف بناتنا

السلام عليكم ورحمة الله و بركاته انا راني حاير عهلاه راكم مقلبين الحالة الي راهي نظيفة نظيفة
و كاين مثل يقول لا تضع نفسك في موضع شبهة ثم تلوم الناس انهم يتهموك
الظاهرة الي هدرت عليها النهار راهي انتشرت بشكل رهيييييب
و كان لازم تكون قنبلة مثل هذي باه الناس تتوله شوية الي يعنيه الكلام و الي ما يعنيهش
خذوها بالجانب الايجابي

 

[βĨЬỔũ]

رد: واش رايكم في واش دارت قناة النهار بشرف بناتنا

ألسلآم عليكم

كلام جــمِيل و فالصَمٍيم

ألله يحفظ بنات الفاميليا و يسترهم من هاذ الهجوم الأعمى لي ما خلى لآ أخضر لآ يابس

عالعموم بدون إطالة الربرتاج هذا مصلحة شخصية 100 فالـ100 و لكن لازم نعترفو هو يعكس الواقع المقرف

و ديما نقولوها و نعاودوها ’’’ بنات الفَاِميليَا كاينين طول مارانا نتنفسو في هاذ الهوآ .

و السلآم .
​

 

[jiji la star]

رد: واش رايكم في واش دارت قناة النهار بشرف بناتنا

حسبي الله و نعم الوكيل
الكل يعلم أن المجتمع في فساد و تدهور
في حقيقة الأمر كانت إلتفاتة مهمة لمعرفة أين هم المسؤولين ؟؟؟ و ما دورهم’؟؟؟
ولكن ليس هكدا
تم تشويه لعدة إقامات و لعدة طالبات اللواتي راحت ضحية ربورتاج يوجد فيه فيديوهات مفبركة....
أنا طالبة بالمدرسة العليا و أمكث في الإقامة لمدة سنتين
فلا يوجد سرير مثل النوع الموجود في الفيديو (هداك كانابلي نتاع صالون مشي سرير نتاع إقامة)
وكل الإقامات مثل بعضها
و بزاف بنات الأولياء نتاعهم ثقافتهم محدودة حبسوهم من الدراسة وكانو معضمهم ضحية الموضوع



وربي شاهد على كل شيء ..حتى صرنا مسخرة الشارع
حتى ولو كان الموضوع مهم ......لإلتفتوا إلى الجانب الإيجابي للطالبات المتفوقات و المتدينات و الملتزمات
وشكرا

 

[Asma soussi]

رد: واش رايكم في واش دارت قناة النهار بشرف بناتنا

مليح كي فضحتهم

 

[21 فارس 21]

رد: واش رايكم في واش دارت قناة النهار بشرف بناتنا

سمعتو كامل بالكارثة الي حطتها قناة النهار عل بنات الجامعة
اين هي الكارث كل شيئ صحيح مئة بالمئة ولا يوجد شيئ جديد قامت به القناة كله موجود في الاقامات الجامعية واكثر بمليون مرة
علبالنا كامل انو هذا الشيء مش صحيح و تهمة باطلة :-o مي الناس ماتفهمش
يعني انت لي تفهمي نقلك حاجة الاقامات 90 بالمئة فيها خماج ومايصلحوش ونعرفهم خير منك
وفعلا يشربوا الخمر ويتكيفو ويشربو الحبوب ويعملو الفسق اشكال والوان ويباتو برا تاني وهدا لكلام نحكيلك فيه صحيح يعني انت لي ماتفهميش

درك نقولو كاين عينة خامجة مثلا هذا ميعنيش يجملوهم كامل
اصلا هوما ماجملوش انت ياكاتبة الموضوع واش من مستوى تعليمي عنك حاب نفهم برك عاودي شوفي الروبورتاج ماراهم يجملو من الاغلبية الساحقة تاع لبنات فساق وفاتو حتى الغربيين
كاين الي لقاها سبة باه يزيد يوسخبناتهم و كاين و كاين

و لا نتوما ثانيك صدقتو الي راه ملفق على بناتنا ؟ و رحتو في الخط معاهم ؟

انا مصدق عليهم البلاوي الزرقا من قبل ماتعمل النهار الربوورتاج على خاطر نعرفهم مليح مليح ماشي حتى يحكولي عليهم
​

 

[إشراقة حب]

رد: واش رايكم في واش دارت قناة النهار بشرف بناتنا

وعليكم السلام ورحمة الله
الله غالب اختي هذا هو شعبنا

وتعرفي المثل اللي يقولك :

حبة بطاطا فاسدة خسرت الكاجو قااع

​

 

[عليلو 24]

رد: واش رايكم في واش دارت قناة النهار بشرف بناتنا

النهار هدرت الحق
في السنوات القادمة ارتفاع نسبة العنوسة مقابل ارتفاع الزواج بالاجنبيات
وما تجي غير فيهم​