واش رايكم في واش دارت قناة النهار بشرف بناتنا

[مطبخ الأحلام]

رد: واش رايكم في واش دارت قناة النهار بشرف بناتنا

السلام عليكم ورحمة الله تعالى وبركاته

تريدين الصراحية يا اختاه والله من بعد ماشفت الفيديو حشمت بزاف في بلاصة ولايتي

من ناحية حسيت انو الفيديو مطرافيكي شويا ومن ناحية خممت على البنات الصالحات الي بسيف باش خلاوهم يروحو يقراو

اكيد من بعد هاد الفيديو ستحرم فتيات من لاسيتي والدراسة بصفة عامة

ولكن من الجانب الاجابي عندهم الصح على وعسى الحية تتنقى شويا رانا نشوفو الفساد قد عمّ ومابقا لا حياء ولا حشمة

بالنسبة للعنوان اكيد ماراهمش يقصدو كل الطالبات فهناك فئة معينة ويجب التأديب

إن شاء الله برك من بعد هاد الفيديو مانزيدوش نشوفو ظواهر كيما هاكا

والله يسترنا اجمعين ويهدينا الى السراط المستقيم

والحمد لله الذي فظلنا على كثير من عباده

تحياتي للجميع
​

 

[ώᾄƒᾄA ħBᾄⱢ]

رد: واش رايكم في واش دارت قناة النهار بشرف بناتنا

عودة ثانية لي​

ملاحظة: كاين آباء ثقافتهم محدودة ويمكن​

بنات فاميلية راحوا ضحية:down: لهاد الروبورتاج​

 

[السوفي حمة]

رد: واش رايكم في واش دارت قناة النهار بشرف بناتنا

الاقامات الجامعية هي نسخة مصغرة من المجتمع إلي نعيشو فيه بخيره وشره، بصلاحه وطلاحه
فيها الأسوياء وفيها الفاسدين فيها الشرفاء وفيها الفسقة والتعميم بهذه الفئة أو تلك أمر غير مقبول
الروبرتاج الذي بثته النهار كان فتنة أكثر منه كشفا للحقائق، وكأن القناة أرادت إحداث فرقعة إعلامية غير مبالية لسمعة الجامعيات ...
تناقشت مع الكثير من الأشخاص في الموضوع وبالخصوص من لم يسبق لهم دخول الجامعة ووجدتهم مصدومين ومنهم من قال أن يسفكر ألف مرة قبل أن يرسل ابنته للدراسة في جامعة بعيدة
وعلى القنوات الخاصة أن يكون لها ضمير ولتعلم أن الربح المادي والمعنوي لا يكون على حساب المواطنين أبدا
​

 

[نعومة البراءة]

رد: واش رايكم في واش دارت قناة النهار بشرف بناتنا

سلام
وي مينا عندك حق هاذي غلطة دارتها القناة
ماكانش لازم يذكرو كانو يقدرو يحكو بالعام
حكا راهم دارو بلي لبنات لكل راهم يروحو يلعبو
ربي يهديهم كاين حتى اللي دمرلهم حياتهم هذا الروبرتاج
هو بلاك دام ساعة ولكنه دمر دراسة اعوام انا سمعت ببنات بزاف بطلوهم والديهم
هذا خطا كانو لازم يحاسبو المسؤولين ماشي يفضحو الشعب
وهكا راهم محاو التربية وهكا كل الناس بداو يفكرو بلي كامل لبنات في الجامعة راهم هكذا لكن هذا خطا
خسارة القذارة طغت على النظافة
لبنات العاهرات او ماذا اقول شوهو سمعة البنات المتربيات يعني بنات الفاميليا
موضوع يستحق النقاش
بوركت اختاه
​

 

[منار السبيل]

رد: واش رايكم في واش دارت قناة النهار بشرف بناتنا

والله يا ختي غير دارولنا تبهديلا علنااا وابنات الفاميليا هما وحدهم اللي خلصوو فيهاا على خاطرش البنات اللي بانو في الفيديوو ماعدهم ما يديرولهم كل وحدة تتحمل مسؤولية خدمتا وزيد كي كاين اللي يعاونهم ومن داخل الاقامات علاه يحطوا اللوم علينا
حتى حنا لوكان لقينا جامعات قدام ديورنا مانروحوش للتبهديلا
هكا صح فضحوو اللي مشي متربيات بصح حكمو على كامل البنات اللي ساكنين بالاقامات بنفس الفعل
واش عدنا نديرووو
حسبنا الله ونعم الوكييييييل برك

 

[ام اسحاق]

رد: واش رايكم في واش دارت قناة النهار بشرف بناتنا

السلام عليكم و رحمة الله و بركاته

أختي أم إسحاق انتِ تحمليني مسؤولية لست أهلا لها كل ما في الأمر انو عندي رأي و فقط و هو يحتمل الصواب كما يحتمل الخطأ سأجيبك عن سؤالك الثاني أولا لأنه بسيط و بعدين الثاني
أنا لم أشاهد الروبوتاج و لن أشاهده و لن أشاهد هذه القناة كما قلت من قبل كانت لنا معها حادثة في أحد المنتديات و هي لا تمت للحرفية بأي صلة هدفها الوحيد خدمة بعض أصحاب المافيا الأكثر حقدا على هذا الوطن الحبيب و ما هو فيه جميل
جميل ان نسلط الضوء على هكذا أمور و الأجمل هو معالجة هذه الظواهر بشيء من الحرفية و الإتزان لا كما فعل هؤلاء الهواة و أكبر خطأ و قعوا فيه هو ذكر المكان و الآن صار من حق باقي الطالبات رفع دعوى قضائية ضد هذه القناة للأثر المعنوي الذي تركه لديهم هذا الروبوتاج ماذا لو لم يذكروا المكان الم يكن أفضل كان يعطي وقع آخر على النفوس انتي ستقولين في ام البواقي و أنا أقول في سكيكدة و آخر هناك
لماذا لم تكمل القناة في طرحها للموضوع و أحضرت مختصين من نفسانيين و أئمة و عاملين في الإقامات و التنظيمات الطلابية أو قل الطلبة المعنيين الأوائل ثم فتحت النقاش و تطرقت للأسباب و الظروف لتفشي هذه الظاهرة و من بعد مناقشة الحلول ألم يكن أفضل للجميع و يبعث الطمأنينة في النفوس هكذا تمنيت أن يكون الروبوتاج أختي أم اسحاق
لو كان هكذا لستفدنا كلنا و الله

و عليكم السلام و رحمة الله و بركاته

شكرا الاخ ابو مازن على كرمك في الاجابة على مشاركتي و يبدو انك انسان عاقل ...
فدعنا نتحلى بالعقلانية و الحكمة و لا ندع امور اخرى تصرفنا عن نخاع المشكل ...
الي هوَ فساد شريحة من المجتمع بنسبة كبيرة الي من المفروض تكون هي عماد المستقبل ...
ما نحاولوش ندافعو حتى على جهة ..
اولا راح نساندك بالنسبة لقناة النهار هي قناة اعلامية بغض النظر عن موالاتها لاي طرف فهي تبحث عن مصلحتها اولا و اخيرا و هذا من حقها فحين نرى عجوز الاعلام العربي و شمطاؤه الي هي الجزيرة الخنزيرة المريرة تتاجر بدماء المسلمين و بقضايا الامة و تسوِّد التاريخ العربي مولاةً لاعداء الامة فلا نلوم النهار بهذا المنطق لانها رضيع يحبو في سماء الاعلام ...
و زيد بالزيادة كل الاعلام العربي و الغربي موجه حتى الاسلامي فهو يتبع مذاهب معينة و يخدم مصالح معينة حاشى الا قنوات القرآن الكريم التي تبث الذكر الحكيم فقط ....
هذا بالنسبة لقناة النهار فلا نطلب المثالية المفقودة في بحار القوقاز و المدفونة في مثلث برمودة !!!
نأتي الآن لظاهرة مناقشة فساد هؤلاء البنات اولا اخي الكريم الاحتضان بالنسبة للائمة و الدكاترة النفسانيين يكون في مراحل précoce
يعني مثلا في مراحل المراهقة اي في المتوسطة او الثانوية ...
و لكن في الجامعة ؟! من المفروض عماد الامة راه ثم ...
الطفلة هاديك راي هي المهندسة تاع غدوة و طبيبة المستقبل و معلمة و استاذة الاجيال
لكان هادي هي حالتها خمر و دخان و اشياء يندى لها الجبين ...
ما عندناش الحق نتساءلو على فساد النظام !!
لان مثل هاد الطفلة راح تكون ام وزير او ام رئيس او وزيرة او نائبة برلمان !
و لاَّ نستناوهم يطلعو للنظام و مبعد نكريتيكيوهم ؟!
لا الحديد يفلح و هو ساخن ...
و زيد المشكل واضح انو الادب و الاخلاق عمرهم ما يكونو بالعصا و انما بالتربية تاع النهار الاول و مبعد مهما فسدت الطفلة بصديقات السوء دائما راح تكون ليها هاديك التربية خط ما تتجاوزش بيه اشياء معينة ...
قريت في بعض المداخلات انو لازم النظام يِدَخِلْ...
يعني حابين فرض القوة ..
صح راح نعطيكم امثلة الي شفتها بعيني ..و راح نسمي اقامات جامعية و جامعات و الي يخالفني الراي ما عليه غار يتفضل ...
اقامة 19 ماي بسيدي عمار كانت مسيبة واحد الوقت و مبعد عام 2000
علاو الاسوار و اصبح الدخول الا بالكارت تاع الاقامة و الي مش مقيمة حتى بالكارت نتاع لاتيديون ما يدخلش
عادو لبنات يخرجو لبرى ...و يروحو لاماكن اخرى مثل البارك تاع التسلية تاع عنابة ...
البارك رجعوه فامليال و ممنوع دخول الكوبل ابدا ...
هل توقفت هاد الظاهرة ؟؟؟راه شيء يحشم و حرمو علينا احنا العايلات اننا نتنقلو براحة لعين عشير و جبال سرايدي !!
في الجزائر العاصمة ..اوت و جويلية في عز الصيف الحدائق و الغابات العمومية ممنوع فيها الكوبل و زيد تغلق على 6 تاع لعشية ...
مثل حديقة بن عكنون و حديقة الحامة ...
هل توقفت هاد الظاهرة ؟
هادي امثلة للي حاب سياسة العصا ...و العصا عمرها ما كانت مذهب و الي حاب لعصا تمشيه ما عليه غار يدير عصا كل ما يغلط يعطي بيها على راسو !

فيقو يا اولياء و فيقو يا ناس راه الدم بصراحة بْرِدْ في عروق الرجال حاشى الي ما يستاهلهاش
و الدم رْخُس في عروق النساء حاشى الي ما تستاهلهاش
و ربي يسترنا رانا الكل ولايا ..........



​

 

[ĂÝǾΰb]

رد: واش رايكم في واش دارت قناة النهار بشرف بناتنا

خير الكلام ما قل ودل

كل واحد يدخل قبرو وحدو

و الختام سلام
​

 

[la lune rose]

رد: واش رايكم في واش دارت قناة النهار بشرف بناتنا

اليوم رحت عند طبيب الاسنان وكالعادة ننتظر في دوري واد بهم يهدرو على بنات الجامعة وربورتاج النهار تلونت بكل الالوان لدرجة حشمت نقول اني جامعية
الحمد لله اهلي مثقفين واعيين لنو الناس مشي كامل كيف كيف والبنت لبغات تغلط تغلط في الجامعة ولا برا والمربية تحافظ على نفسها في وجود رقابة الاهل او غيرها لانها تخاف الرقابة الالاهية وربي موجود في كل الاماكن

قول الله تبارك و تعالى: {وَللهِ الْمَشْرِقُ وَالْمَغْرِبُ فَأَيْنَمَا تُوَلُّواْ فَثَمَّ وَجْهُ اللهِ إِنَّ اللهَ وَاسِعٌ عَلِيمٌ}. (البقرة / 155) لكن مشكلة مجتمعنا يشوف غي البنت الغير متخلقة لانو البنت المتربية ماتعطيكش حتى فرصة ان تشوفها في مكان غير الحرم الجامعي
وصباع يديك مشي قاع كيف كيف

 

[هآجر]

رد: واش رايكم في واش دارت قناة النهار بشرف بناتنا

سلام عليكم

مكانش وش نقول غير حسبنا الله ونعم الوكيل او يخرج فيهم ربي

 

[مطبخ الأحلام]

رد: واش رايكم في واش دارت قناة النهار بشرف بناتنا

السلام عليكم

عودة مجددة الى الموضوع

بعد المقابلة التي اقامتها قناة النهار مع الصحفيتان وطلاب الجامعة أنا أقول الحق مع الصحفيتان

الهدف ليس التعميم وإنما القضاء على الفساد

كيما قالت وحدة الجانب الاجابي للبنت علاش مايدكروهش
ورد الصحفية عليا : الجانب الايجاب هو فرض على كل طالبة فنحن دولة اسلامية وواجبنا كمسلمون القضاء على الفساد
وقالت الاخرى ليس من حقكن نشر صور للفتياة
فردت الصحفية : ادا اردنا محاربة الفساد يجب ان يكون هناك دليل
كيما قالت ادا كان الكلب يعض ما نتأكدوش من الكلام الا ادا رأينها فعلا يعض انسان حتى نحكم عليه بانه واعر
اي كلام الصحفيتين كان في المستوى وهداك هو الصح
مالازمش نسكتو على المنكر ويجب المحاربة
والمسؤول الوحيد في الامر من المدريات لازم الرقابة ولو تحتمت حتى انهم يحطو كمرات في كل غرفة من الغرف
وكيما قالت فتاة لازم يكون مصلى في كل لاسيتي حتى يقل الفساد

من يوم شاهدة الفيديو وانا مع الصحفيتين الى يومنا هذا

هنا على الاباء زرع الثقة في قلوبهم من ناحية ابنائهم لانو الانسان الصالح لو حطيته في عرش من الفاسدين يظل صالح
لازم محاربة الفساد
​

 

[ام ايناس]

رد: واش رايكم في واش دارت قناة النهار بشرف بناتنا

انا نقول انجي معاهم نعرف بنات راهم يباتو برا والديهم لاخبر والله كل يوم يشربو ومع الفجر يدخلو لاسيتي ربي يهديهم ولي مربي بنتو مايخافش عليها تقرا وتنجح ولي تبات برا باينة في اللخر الرزيلطة زيرو الاباء ماهمش جاهلين لهاد الدرجة من نقاط بناتهم يعرفو واش تسوا بنتهم ايلا راهي تقرا ولا تلعب
ولي واثقة من عمرها ماديرش كامل الروبورتاج في بالها هوما قصدو لبنات لي فسدو لاسيتي ماشي كامل لبنات
​

 

[teken]

رد: واش رايكم في واش دارت قناة النهار بشرف بناتنا

هدا الشيء غير منطقي هكدا نلمؤ الصالح مع الطالح كان يتوجب ستر الفصيحه لان هدا يشكك كل الاباء في بناتهم و لان الله يحب الستر
حتئ لو كهن يقسد الفاسدين فل يفضح المسؤولين علي الجامعات

 

[SAMIRA25]

رد: واش رايكم في واش دارت قناة النهار بشرف بناتنا

الم يكن خلق الرسول صل الله عليه و سلم
- الستر -
حيث حثَّ النبي صلى الله عليه وسلم على ستر العورات؛ فقال: ( من ستر مسلما ستره الله في الدنيا والآخرة )
كان جليا بهده القناة ان تعمل دروس في الاخلاق ان تعمل دعوات اصلاحية لا التشهير بالفاحشة
ان تضع ائمة للدعوة الى الخير و نبد الباطل
ربي يستر علينا و على شبابنا
موضوع قيم اختي ميلينا
بارك الله فيك

 

[Houda Chaouienne DZ]

رد: واش رايكم في واش دارت قناة النهار بشرف بناتنا

هههه هاذا وين لقيت شوي وقت و تفرجت الروبورتاج
الله غالب القراية ما خلاتنيش نتحرك
بون .. هو الروبورتاج صح يعالج قضية مل هيش مليحة مي مشي ب لا فاصون هاذي
أنا راني ساكنة في اقامة جامعية تاع 2000 او 2500 سرير .. من بينهم واحد 8 بنات ما همش ملاح و معروفات
البنات كامل عمبالهم و ما يدوروش بيهم صا في ما يمثلوش حتى 0.5 % من البنات
لا سيتي تاعنا فيها مسجد الله يبارك ديما نصليو فيه و يديرولنا حلقات الذكر و تحفيظ القرآن و التفسير و أحكام التجويد .....
بلا ما ننساو المحاضرات اللي يديروهم ساعة على ساعة ) تقريبا كل سمانة )
و ثاني قاعة المطالعة salle de lecture لي ديما معبية .. لازم تحكمي بلاصة من قبل ياش تقعدي تقراي فيها
بنات يدخلو ما يهزوش ريسانهم من القراية .. يخي علابالكم جماعة الميدسين و الفارماسي
هاذ الحوايج كامل نساتهم النهار و نسيتوهم نتوما و وصفتو بنات الجامعة بابشع الاوصاف
انا الحمد لله مدايرة كونفيونص في روحي و دارنا ثاني مدايرين فيا كونفيونص
آ بار سا ما يهمني حتى وااااااااااااحد

ربي يهدي هاذ البنات و ربي يثيتنا على طاعتو​

 

[adel._dz]

رد: واش رايكم في واش دارت قناة النهار بشرف بناتنا

المهم وتبقى الدنيا حلوة حتى تاتي الصدمة
أو كما يقول أحد الأصدقاء وتبقى الدنيا أمال للجميع تسجيل براءة اختراع ليه ههههههههه

 

[Mr mino]

رد: واش رايكم في واش دارت قناة النهار بشرف بناتنا

بَعْدَ آَنْ تَحْرْقُوْآ بَنَآَتْ آَلْجَآَمِعَةُ بَـــ { آَلَمْلِيْحَةً } بَـــ { آَلَقْبِيْحَةً }
تَوَجَهَتْ آَنْظَآَرْ آَلْشَآَبْ آَلْجَزَآَئِرِيْ لِبَنَآَتْ
{ آَلْتَكْوِيْنً آَلْمِهَنِيْ }
آخْتِصَآَصْ { حِلآَقَةٌ }


​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

بَعْدَ آَنْ تَحْرْقُوْآ بَنَآَتْ آَلْجَآَمِعَةُ بَـــ { آَلَمْلِيْحَةً } بَـــ { آَلَقْبِيْحَةً }
تَوَجَهَتْ آَنْظَآَرْ آَلْشَآَبْ آَلْجَزَآَئِرِيْ لِبَنَآَتْ
{ آَلْتَكْوِيْنً آَلْمِهَنِيْ }
آخْتِصَآَصْ { حِلآَقَةٌ }


​

ربي يهدي ماخلق ​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

رد للاخ بعد التقييم ​

ملاحظة برك يا اخي

مقصدتكش انت


قصد الشعب هذا الي فارغ شغل في يعود يكون قدوة للاخرين

يعس في بنات اناس

واش خلانا ديما لتحت لتحت و عمرنا ما نتغيرو

و سمحلي ولا موصلتلكش الفكرة لداعي للقلق ​

 

[mamouu]

رد: واش رايكم في واش دارت قناة النهار بشرف بناتنا

يا أخي المشكل أنهم ما حبوش يفهموا
أنا نقول راني مع النهار مئة بالمئة
كيفاش تتسترعلى قضية كيما هادي، طالبات علم أصبحوا طالبات هوى
حشموا بالدوائر ديالهم.
الحصة تاع البارح و على حساب الردود من طرف ليس الطالبات بل أقول اليوم المقيمات ، كانوا يتجاهلوا صلب الموضوع
أو ينفقو التهمة للصحفيتين، حتى الحوار ما كانوش قدو.
ما تغطوش الشمس بالغربااااااااااااااااااااااااااااااااااااال
هادي حاجة داروها يخلصوا عليها،
علاش يخلوا الولايات لي قريبة ليهم أو يجوا للجزائر علابالكم علاش
كيما يقولوا الدزاير حلابة، مي خلابة لي يعرفلها مشي لأي واحد
صدعتونا بهاد الهدرة تاع جاو يقراو ........................ كي تجوا أو تشوفو بعينيكم واش راهو صاري
هادا الوقت عندكم الحق باش تدافعوا ، لكن مادام ماشافتش العين ما تدافعوش على الباطل
ربي يهدي ما خلق

 

[bissa hiba]

رد: واش رايكم في واش دارت قناة النهار بشرف بناتنا

مساء النور انا من بلعباس اقسم بالله غير واش وراو صحيح انا منت في اقامة جامعية نتاع بلعباس والله لكان صاري العجب ونزيدكم حاجة يقولو بنات بلعباس بالعكس الاقامة راه كما راس الحانوت من كل جهة ولكن كانو بنات مشاء الله قراو وتزوجو ومزالت نتفكرهم ولكن كاين بنات راهم في 8 سنوات مغادروش الحي الحامعي ادا تسمعو بالكومبيس انا كنت فيها وربي يستر وخلاص كانو لبنات متعندين على اللبسة والماكلة ومتفرقش بين شيخ او شاب المهم يلبسها ويخرجها وخلاص والله يا اخواتي غير الواقع يصدم