واش رايكم في واش دارت قناة النهار بشرف بناتنا

[محبة الدراسة]

رد: واش رايكم في واش دارت قناة النهار بشرف بناتنا

ما سمعتيش واش قالو في آخر الروبورتاج؟؟

قالوا هاته المشاهد لا تعني ان كل البنات الجامعيات غير متخلقات فهناك من تزال تحافظ على شرف عائلتها

واعلاه هاذي الهدرة تاعك كامل؟؟ انا نحسب هدروا في شرف تاعهم كامل ياخي حالة ياخي

 

[ام اسحاق]

رد: واش رايكم في واش دارت قناة النهار بشرف بناتنا

لا لم يكن قصدي البطالة فهذا ليس موضوعنا أنا قصدت حتى ولو تم إتخاذ إجراءات عقابية في هذه الإقامة هل نقول انو وجدنا الحل ما يحز في النفس هذه القناة لم تتطرق للموضوع بطريقة أكاديمية فقط روبورتاج و خلاص يعني أصلا المشكل ما يهمهمش المهم عندهم رآه حرك الأمور و ودار حركة إعلامية و الدليل رانا انشوفو فيه كل المنتديات تتكلم الفايس بوك .......
يحكى انّه كان شخص يسكن مكة و كان تافه لا أحد يعطي له قيمة أراد يوما أن يجعل لنفسه شهرة و لأنه تافه انتظر وقت الحج و صعد على الكعبة و بال عليها فتكلم عنه العرب و العجم و أصبح أشهر من سدنة الكعبة و لكن بماذا ببوله على الكعبة
و القياس أراه ينطبق على هذه القناة
بصح واش نقولك ان شاء الله نتمنى هذا الروبوتاج يحرك بعض الأباء الغافلين و ربما يخلي بعض من هادي الكاليتي يرجعو للصواب و ا ذالك على الله بعزيز

اخونا ابو مازن ...
اظن انك وضعت يدك على الجرح ..و هو المعالجة الاكاديمية ..التي كنت تتمناها من الروبورتاج ..شيء جميل ان نسلط الضوء على ظاهرة و نحاول معالجتها ..
و انا الآن اطمع في كرمك في ان تقول لنا الطريقة المثلى لمعالجة هكذا ظاهرة ..؟؟..
و كيف كنت تتمنى ان يقدم الروبورتاج ؟

انتظر ردك لو سمحت ...

​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

اخونا ابو مازن ...
اظن انك وضعت يدك على الجرح ..و هو المعالجة الاكاديمية ..التي كنت تتمناها من الروبورتاج ..شيء جميل ان نسلط الضوء على ظاهرة و نحاول معالجتها ..
و انا الآن اطمع في كرمك في ان تقول لنا الطريقة المثلى لمعالجة هكذا ظاهرة ..؟؟..
و كيف كنت تتمنى ان يقدم الروبورتاج ؟

انتظر ردك لو سمحت ...

​

اخالتي شفتي الروبرطاج ؟

شفتي واش صرا باولياء اكل؟

تعرفي الشعب الجزائري الله ابارك كيفاه واعي في مثل هذو الامور

مشفتيش التعليقات تاع الشباب في الشارع ؟

كل هذا الشيء من الروبرطاج هذاك ؟

علاه محوسوش يحكمو لبنات هذوك و يدوهم للحبس و يحققو فيهم منين و كيف توصل هذوك الامور للجامعة ؟

علاه ميدرسوش الامور كما يلزم ؟

علاه حتى نوصلو لهذي المرحلة نورمالكو كاين الف وسيلة قبل ميوصلو لهذي لا ؟؟؟​

​

 

[ام اسحاق]

رد: واش رايكم في واش دارت قناة النهار بشرف بناتنا

اخالتي شفتي الروبرطاج ؟

شفتي واش صرا باولياء اكل؟

تعرفي الشعب الجزائري الله ابارك كيفاه واعي في مثل هذو الامور

مشفتيش التعليقات تاع الشباب في الشارع ؟

كل هذا الشيء من الروبرطاج هذاك ؟

علاه محوسوش يحكمو لبنات هذوك و يدوهم للحبس و يحققو فيهم منين و كيف توصل هذوك الامور للجامعة ؟

علاه ميدرسوش الامور كما يلزم ؟

علاه حتى نوصلو لهذي المرحلة نورمالكو كاين الف وسيلة قبل ميوصلو لهذي لا ؟؟؟​

​

اهلا فلتي ....
انا اني قتلك ما يهمنيش الروبورتاج بقدر ما يهمني ايصال الصورة الي راها اكيد ما تشرفش و الروبورتاج ما حكاش كلش هدا اكيد لان هاد الامور تابو بالنسبة للناس الكل ...

فلة خليني نقلك اننا للاسف كامل رانا شركاء في واش صرى بعد الروبورتاج ...
قوليلي علاه ؟
نقلك ...يعني كاين واحد في دزاير ما على بالوش وش راه صاري في الاقامات ؟ و لا نموتو على ساسة التدراق و التبربير و وضع الرؤوس فس التراب كيم النعامة ...

تقوليلي يديو هاد لبنات للحبس ..شكون الي يديهم و باي تهمة ؟
بتهمة الدخان ؟ و لا الخمر ؟ و لا يتبعوهم وين يروحو ؟
و زيد يدورو على الاقامات كامل و يلمو لبنات ؟

خلينا يا فلة نكونو عقلاء و نعرفو كيفاش نعالجو الامور و الشارع الي تحكي عليه راه يهدر على ظاهرة اخلاقية تاع بنات الجامعة
و الشارع الي تحكي عليه فيهم الالاف الي كل عشية يروح يخير ضحية من تم و مبعد يلعبها كي يشوف روبورتاج كيم هدا انو مسكين تخلع و هو يضال يستنى بالساعات تحت لي بالكون تاع الاقامات كاش ما تفخرو واحدة و تخرج معاه ..
مالا يزيونا من التبربير و خليونا نواجهو ظاهرة بعيد على شكون قال و شكون جاب الخبر ...لان الخبر ارشي صحيح و كاين ما افضع منو ..
​

 

[رنيم الصمت]

رد: واش رايكم في واش دارت قناة النهار بشرف بناتنا

ولله ماحقهم عيب عليهم
من جيهه الموضوع مليح باش يفطنو اولياء البنات الضايعات بالصح و بنات الفاميليا؟ و زيد زادولها شوي قناة النهار جابوها بطريقة تاع لي تدخل لاقامة جامعية تضيع ... بنات فاميلتي كامل دخلو للاقامت في ولايات مختلفة مكاش لي تعرضت لموقف هاك ....
طبعا لي هي حابة تضيع تضيع بسهولة
ولله كاين بنات يضيع مستقبلهم في سبة هاد الحلقة
نورمالمو يدرسوها مليح قبل لا يعرضوها او على الاقل كاين طريقة من طريقة لعرض الحلقة
وزيد الانحلال الأخلاقي في شحال من مجال يروحو يشوفو المجالات اللخرة .0. هايورونا على لي يتنح حقو في المحاكم و يرشى في الحبس و هو مظلوم على جال رشوة وللا لي طير خدمتو على جدال عبد وحداخر معريفة .... الخ ... هادي ميقدرولهاش واعرة عليهم ​

 

[serinee]

رد: واش رايكم في واش دارت قناة النهار بشرف بناتنا

السلام عليكم و رحمة الله وبركاته
يقول رسول الله صلى الله عليه و سلم ( إنّ الرجل ليتكلم بالكلمة لا يلقي لها بال تهوي به في نار جهنم سبعين خريفا )

بما أنك مشرف في المنتدى جائتك طالبة في الجامعة في قسمك و فرغت ما خلاتهاش في قلبها قالتلك منذ ذاك الروبوتاج ابي منع عني الجامعة و أخي أصبح ينظر إلي نظرة شك أو خطيبي ساوره شك تجاهي بربك ما تقول لها

إذا كنت ما تحطش بنتك و لا أختك مع عباد كيما هادوا و ين تحطهم ؟ خويا رآك دوختني
عندي ثلاث أخوات درسن في الجامعة أصغرهن محامية و التؤم واحدة هي الحين أقدم أستاذة في مادة العلوم الشرعية و أختها معلمة قرءان كلهن متزوجات و بأولادهن و أعرف واحدة تسكن قريبة مني تركت الدراسة داك العام و بقات في البيت هي الحين أخي عاهرة بامتياز العفو على هذه العبارة
يقول الله تعالى ( ضرب الله مثلا كلمة طيبة كشجرة طيبة أصلها ثابت و فرعها في السماء تؤتي أكلها كل حين بإذن ربها ......

و ضرب الله مثلا كلمة خبيثة كشجرة خبيثة أُجتثت من فوق الأرض ما لها من قرار ) صدق الله ربنا العظيم

فهذا الروبوتاج لم يرد به خيرا و ليس حق بل هو باطل باطل باطل بحُلته هاته

كل إحترامي و تقديري

بارك الله فيك اخي ابو مازن
كلامك صواب
:up:
​

 

[رياض 19]

رد: واش رايكم في واش دارت قناة النهار بشرف بناتنا

ماعليش ياسيدي ...قناة النهار عندها الحق ...الإقامات الجامعية فيها وفيها وفيها .....يالله يا رجالة ...تشجعوا وأخبطونا بروبورتاج صغيييييييير على ما يحدث في مدارس الشرطة في دفعات تخرج عونات الأمن (الشرطيات) وكيف يتخرجن وكيف وعلى أي اساس يتم تعيينهن وكيف تعين هاته في الأمن العمومي وتؤخذ الأخرى إلى المطار ؟؟؟ آآآهاااااا هاذي واعرة ما تقدرولهاش ....هذه تعتبر تعدي على أجهزة الدولة أم هؤلاء البنات كلهن صحابيات !!!!!!!...صحيح هناك بنات سيئات الأخلاق وعديمات التربية في الأحياء الجامعية ...لكن حسب تقديري الشخصي أرى أنها فئة قليلة مقارنة ببنات العائلات اللواتي إضطررن للإقامة في تلك الأحياء وغرضهن الدراسة ولا شئ غير الدراسة .. لذالك أرى أن هذا الروبورتاج ظلم فئة كبيرة من الطالبات فحسبنا الله ونعم الوكيل

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

اهلا فلتي ....
انا اني قتلك ما يهمنيش الروبورتاج بقدر ما يهمني ايصال الصورة الي راها اكيد ما تشرفش و الروبورتاج ما حكاش كلش هدا اكيد لان هاد الامور تابو بالنسبة للناس الكل ...

فلة خليني نقلك اننا للاسف كامل رانا شركاء في واش صرى بعد الروبورتاج ...
قوليلي علاه ؟
نقلك ...يعني كاين واحد في دزاير ما على بالوش وش راه صاري في الاقامات ؟ و لا نموتو على ساسة التدراق و التبربير و وضع الرؤوس فس التراب كيم النعامة ...

تقوليلي يديو هاد لبنات للحبس ..شكون الي يديهم و باي تهمة ؟
بتهمة الدخان ؟ و لا الخمر ؟ و لا يتبعوهم وين يروحو ؟
و زيد يدورو على الاقامات كامل و يلمو لبنات ؟

خلينا يا فلة نكونو عقلاء و نعرفو كيفاش نعالجو الامور و الشارع الي تحكي عليه راه يهدر على ظاهرة اخلاقية تاع بنات الجامعة
و الشارع الي تحكي عليه فيهم الالاف الي كل عشية يروح يخير ضحية من تم و مبعد يلعبها كي يشوف روبورتاج كيم هدا انو مسكين تخلع و هو يضال يستنى بالساعات تحت لي بالكون تاع الاقامات كاش ما تفخرو واحدة و تخرج معاه ..
مالا يزيونا من التبربير و خليونا نواجهو ظاهرة بعيد على شكون قال و شكون جاب الخبر ...لان الخبر ارشي صحيح و كاين ما افضع منو ..
​

اذا في رأيك ماهو الحل ؟

و كيفاه في رايك نعالجو هذي الظاهرة ؟

​

​

 

[serinee]

رد: واش رايكم في واش دارت قناة النهار بشرف بناتنا

قالك هذا سبب يخلي الناس تفيق ؟

زعمة رانا نحوسو الاصلاح لهذو و لا محوسو لخراب ليهم

مزال مزال نزيدو نشوفو كثر

و المظلوم يبقى ديما مظلوم​

سلام فلة واش راكي
قالك هدي سبة تخلي الناس تفيق
قوليلي وعلاش الناس معلبلهاش مراهيش فايقة ماراهيش تشوف
صح منخبوش في كل اقامة تلقاي بنات هكدا و تلقاي ثاني بنات مشاء الله

وعلاش محوسوش يلقو الضوء على مدراء و مسؤولي الاقامات وعلاش هما ما يخدموش ثاني خدمتهم

القناة محوستش تحط الاولياء في النظرة
حبيت دير بلبلة و ضجة و ثاني هما راحو راحو للاقامات و علاش ما زادوش طلو و عطاونا فكرة عن الاقامات لي فيها الشباب

لي عودة ان شاء الله

​

 

[Marwa Tlm]

رد: واش رايكم في واش دارت قناة النهار بشرف بناتنا

oui vrm ta raison w rani m3ak psc nas raha tkhamam que kamal lbnat haka
mais aussi mlihlhoum bech ya3arfo wsm rahoum ydirou w may3awdouhach w blk w kan darouha bsamt maytbadal
welou
w pour moi yastahlou psc bzf yla bent dir ga3 haka c trop
w hadouk les 2 filles rabi yhfadhoum

 

[ام اسحاق]

رد: واش رايكم في واش دارت قناة النهار بشرف بناتنا

اذا في رأيك ماهو الحل ؟

و كيفاه في رايك نعالجو هذي الظاهرة ؟

​

​

شفتي فلة كي نرجعوا للمهم و للصواب ...
هدا هو عين الصواب ...و الي لازم يكون ...
ظاهرة متفشية في المجتمع و قاعدة تنخر فيه كي السوس ...ما نحكموش في الراشي نحكمو في الصحيح ...
و راح يكون ليا رد على سؤالك لما يجاوبنا الاخ ابو مازن على سؤالي بعد اذنه رانا في الانتظار ...

نرجعلك اكيد ميلينا باذن الله .........
​

 

[الرومنسي الجاد]

رد: واش رايكم في واش دارت قناة النهار بشرف بناتنا

واش تقصد وليدي ؟؟؟؟؟؟

منقصدش راهي باينا يا حبيبنــا

صدقني غي شفت العجب ..مالغري انا جان ماني خاسر والو مي شفت يا صاحبي شفت بعينيا وليدات الفاميليا لي راكم دافعوا عليهم وش يسواو برا

ياو ايلا عندك طفلة تقرا بعيدة عليك غي حبسها

 

[RINAR]

رد: واش رايكم في واش دارت قناة النهار بشرف بناتنا

اولا لازم يحاسبوا مالكي لقناة و يقدموا اعتدار للفتيات المتربيات و يعاونوا لبنات اللي تسببولهم في مشاكل و الحاجة الثانية هي اللي دارت الروبورتاج كان عاشت دقيقة وحدة فالاقامات و شافت التمرميد هداك و الله ماتدير حاجة كما هدي و هوما هدي هي عقليتهم بنات الاقامات و الله بناتهم قدام عنين ناسهم و راهم كثر على هدو وهوما حاسبين رواحم حاجة كي شغل حنا رانا ميتين عليهم كان جات جامعات بحدا ديارنا على نتمرمدوا بعاد على دارنا و اللي مسكينة والديها ما عندهومش تتمرمد مع المصروف ومن فوق السبان و تطياح الهدرة حنا ما قولناش ما تهدروش عليهم و الا قولنا ما كانش صح كاينيين مي قلال و الله حنا في اقامتنا 1000 وحدة بلاك الجماعة هدي ما تزيد على 10 و كي تحكي على حاجة كيما هدي لازم تكون موضوعي و مؤهل مايش واحد يتدرب يحكي في حاجة كيما هدي و خلطوها في بعضها روحي تدربي و ممبعد ديري روبورتاج ميش تروحي تسبي بنات الناس و نتي مكي عارفة حتى واش راكي تديري و دق بنات مساكن اللي داوهم والديهم كيفاش تصرالهم درك واش شعورها الانسانة هدي اللي زعمة تلعبها صحافية محترفة و قلبت الحالة في بعضاها و الله ما راح تشبع غير الدعاوي تاع الناس و نقولهم اللي يسبوا فبنات الاقامات راهم متربيات خير على بناتكم و مايجيوش حتى فالصبع تاعهم و اللي جاه خبر اختو ما يسبش بنات الناس و كل واحد يهدر على حساب واش كاين في داروا يقولك راه كاين عند الناس اكل

 

[sahiko hamza]

رد: واش رايكم في واش دارت قناة النهار بشرف بناتنا

السلام عليكم و رحمة الله وبركاته
يقول رسول الله صلى الله عليه و سلم ( إنّ الرجل ليتكلم بالكلمة لا يلقي لها بال تهوي به في نار جهنم سبعين خريفا )

بما أنك مشرف في المنتدى جائتك طالبة في الجامعة في قسمك و فرغت ما خلاتهاش في قلبها قالتلك منذ ذاك الروبوتاج ابي منع عني الجامعة و أخي أصبح ينظر إلي نظرة شك أو خطيبي ساوره شك تجاهي بربك ما تقول لها

إذا كنت ما تحطش بنتك و لا أختك مع عباد كيما هادوا و ين تحطهم ؟ خويا رآك دوختني
عندي ثلاث أخوات درسن في الجامعة أصغرهن محامية و التؤم واحدة هي الحين أقدم أستاذة في مادة العلوم الشرعية و أختها معلمة قرءان كلهن متزوجات و بأولادهن و أعرف واحدة تسكن قريبة مني تركت الدراسة داك العام و بقات في البيت هي الحين أخي عاهرة بامتياز العفو على هذه العبارة
يقول الله تعالى ( ضرب الله مثلا كلمة طيبة كشجرة طيبة أصلها ثابت و فرعها في السماء تؤتي أكلها كل حين بإذن ربها ......

و ضرب الله مثلا كلمة خبيثة كشجرة خبيثة أُجتثت من فوق الأرض ما لها من قرار ) صدق الله ربنا العظيم

فهذا الروبوتاج لم يرد به خيرا و ليس حق بل هو باطل باطل باطل بحُلته هاته

كل إحترامي و تقديري

وينو الباطل
ولا حاجة مليحة مالا اولياء هاذوك لبنات مايعرفوش بناتهم كيفاه عايشين ؟
حاجة مليحة يجي واحد يخطب وحدة من هذوك بعد ماشبع فيها الغاشي ؟
ها قولي ....
خلينا من بنات فاميلية ماناش نحكوا عليهم
ولي متأكدة من روحها بلي خاطيها هاد الصوالح ماكلاه تتقلق لأنها اصلا خاطيها
ولي فيها الشك بيان سير مايعجبهاش الحال ... ومايضن السفيه الا مافيه ....

بون كيما هاديك المسكينة لي قلتو عليها تاع باباها شاف الروبورتاج حسبس بنتو من لقراية اسكو بنتو تلبس لبسة محترمة ؟
خطيبها يخليها تروح تسكن برا؟؟
وهاديك لي تريكلامي وتقول جاية نقرى ولابسة سيري وشعرها باين وماكياج في وجها وتقلك احنا بانت فاميلية ؟؟ هاخلونااااااااااااا مام لي تشطح فالكاباري راها هي تاني بنت فاميلية ........


نعاودها نأيد هاد الروبورتاج وبقوة .
​

 

[noussy]

رد: واش رايكم في واش دارت قناة النهار بشرف بناتنا

التقرير النهائي الذي قامت به الفرقة لما أذاعته قناة الحمار :

قناة النهــــــــــــــــــــــــــ ــــــــار :
.
.أولا يجب أن يفهم الجميع أنه فعلا يوجد مثل هاته التصرفات في الإقامات الجامعية [تدخين .مشروبات كحولية . سيارات تنتظر] لكن تقتصر على فئة قليلة عادة ما تكون منبوذة من طرف الجميع ليس كما عبرت عليها قناة النهار من خلال عنوان الروبرتاج الذي إستعملت فيه صغة الجمع أي أن كل بناتنا الطالبات هن ...بائعات هوى حيث أنه و من خلال مشاهدتنا للفيديو عدة مرات لاحظنا بعض التناقضات سوى من خلال التصريحات أو الصور كذا من خلال تحميل المسوؤلية لجهة معينة من بينها مايلي :
*/ الدقيقة 3.30 عون الأمن يعترف بلسانه أن 90 بالمئة من اللواتي يقمن بالإقامة ليسوا من الطالبات المقيمات و هن عاهرات أكرمك الله هذا يعني يا قناة النهار أنكم قمتم بقذف مباشر و صريح لبناتنا الطالبات اللاتي في حقيقة الامر ليسوا هن من قمتم بتصوير الروبرتاج معهن .
*/ الدقيقة 14.17 مقطع مقتطف من الشارع ما دخل الطالبات في الشارع أو أنكم وضعتم الصالح و الطالح في صحن واحد .
*/ كما توضح الصورة المنشورة :
أ/ الكل يعلم أن كل الإقامات الجامعية على المستوى الوطني الأسرة [LES LITS ] من حديد كيف أن أسرة هذه الإقامة من خشب كما توضح الصورة ، كذا الطاولة أليس كل غرفة في الاقامة بها طاولة أو طاولتين و كراسي بعدد المقيمين بالغرفة و الكل يعرف شكل الطاولة بالإقامة .
ب/ طريقة وضع القارورات على الطاولة قاموا بتوزيعها على كامل الطاولة لكي تبدو للمشاهد ان كل الحضور يتناول الخمرو في الحقيقة كانت فتاة واحدة تحتسي الخمر و أكبر دليل يوجد قارورة واحدة فقط فارغة تم إفراغها عن عند في الكأس من أجر ديكور المسرحية .
ج/ أغلب التصريحات كانت بكل إرتياح و دون إرتباك كأنهم يلقون في مقاطع مسرحية تم تلقينهم إياها مسبقا.
*/ الدقيقة 3.30 – 14.20 – 16.10 تلقي المسؤولية على الحارس و رئيس الأمن الداخلي كونهم يتعاطون الرشوة لإدخال بائعات الهوى من غير الطالبات المقيمات و لا علاقة لهن بالجامعة كذا قناة النهار لماذا لم تمحو المقطع الذي تم فيه ذكر باترونة الإقامة كما يسمونها.
هنا نستنتج أن سبب بث الروبرتاج هو مصالح فقط على حساب قذف شرف بناتنا كذا إستغلالهم بعض المشاكل فيما يخص قضية الماستير و الماجستير خاصة بالجزائر الوسطى كون أغلب عمال النهار لديهم نفس المشكل .
كذا هم يقدمون على طبق لبعض الأعداء روبرتاج لتشويه صورة بناتنا من فضلكم الكل يعرف أن كل الغقامات بها اخوات متنقبات أو حجاب شرعي هل راى منكم أحد و لو فتاة واحدة ؟؟؟؟ ألا يوجد منظمات طلابية بالحرم الجامعي خاصة المعروفة بالإلتزام و عادة ما يؤثرون على الإدارات و يلغون أي نشاط في سخب أو شبوهات بالإقامة ؟
حرية التعبير هاته ما هي إلا ضغوطات شخصية على حساب بناتنا كونهم إستعملوا صغة الجمع ووضعوا الكل في طبق واحد رغم ان 90 بالمئة ليسوا طالبات عليه فنحن ضد هذا النوع من حرية التعبير .
قناة النهار ألفنا فبركتم للحصص و الفيديوهات كالحصص الرماضانية كاميرا كاشي مثلا لكن لا تعبثوا بشرف بناتنــا

 

[imaa]

رد: واش رايكم في واش دارت قناة النهار بشرف بناتنا

السلام عليكم ورحمة الله تعالى وبركاته

صحيح ان هذا الروبرتاج للترويج وجلب المشاهدين كما يقول معظم الجزائريين وهذة حقيقة لا تنكر
ولكن لماذا لا تلام الفتاة الجامعية بدل القناة والتحجج بالمذيعين !!! للاسف هذه حقيقة الفتاة الجامعية
ولكن ليس كل الفتيات بالتاكيد وهذا ما يجب ان يدركه الجزائريون اما بالنسبة للروبورتاج فكان لازم يعرضوه
لتوعية الوالدين الغافيلن والاهل وللحفاظ على شرف البنت الجزائرية التي اصبحت ضحية المجتمع الفاسد
ولكن ماذا عسانا نقول ربي يهديهم ويشافي العقول
​

 

[زهور الشوق]

رد: واش رايكم في واش دارت قناة النهار بشرف بناتنا

ليست كل من في البيوت شريفات
و ليست كل من في الاقامات عاهرات
الدعارة مرتبطة بالعقول و ليس بالاماكن
-----
نقطة انتهى​

 

[homework]

رد: واش رايكم في واش دارت قناة النهار بشرف بناتنا

حسبنا الله و نعم الوكيل
هذيك الحصة داروها صحفيات يبحثون عن الشهرة و كي تهدر على الجامعة و الفساد لي فيها وهي وعلااش قعدة تخدم حتى وقت متاخر من الليل مع المصور و أعضاء العمل كي عادة هي بنت فاميلة , مالزمش نجمعوا الجامعة فيها الصالح و الطالح و فيها فئة من هذوك لبنات لي حكاوا عليهم , هذيك النوعية كاينة حتى خارج اصوار الجامعة و علاش حصروا الموضوع غير في الجامعيات كان الاجدر ان يكون عنوان الحصة (بناتنا في خطر ) و يعالجوا مشاكل الفتيات من كل الجوانب في الجامعة في العمل في الشارع في البيت و غيرها
والا نقص الدين هو لي جر على البنات و رقابة العائلية

 

[Mr mino]

رد: واش رايكم في واش دارت قناة النهار بشرف بناتنا

لِلآَسَفْ هَذِيْ { آَلْحَقِيْقَةُ } وْ حَآَشَآَ
% 2 مِنْ آَلْطَآَلِبَآَتْ
​

 

[سماح4]

رد: واش رايكم في واش دارت قناة النهار بشرف بناتنا

يا أختي أنا قريت في جامعة الجزائر في 2003 ،من بكري كاين هذي العفايس وكيما كاين البنات لي ماشي مريقلات كاين بنات الفاميليا لي دخلو شريفات وخرجوا شريفات مع شهادات شرفو اهلهم ووالديهم ووأنا الحمد لله تخرجت وأشتغلت وأتزوجت وكونت أسرة ...ماتحيريش لأنو الانسان المثقف عمرو ما يجمع بنات الجامعة كامل مع بعض كل وحدة وعايلتها وتربيتها وأخلاقها ولي مربيينها والديها على الصح وطريق ربي عمرها ما تتبدل كي يعطوها شوية حرية ،ولي ماشي مريقلة تلقايها لا جامعة لا قراية محجوبة فالدار بصح الخدايم لي تخدمها الجن يحير فيها ....بصح انا جاني الفيديو تحقيق عادي لأنو هذي حقيقة وواقع وهذي الظاهرة فعلا موجودة وماتنساوش بلي الصحافية فالاخير ما عممتش الكلام على جميع الطالبات ...تحياتي .