واش رايكم في واش دارت قناة النهار بشرف بناتنا

[أمــ وليــد الجزائرية]

رد: واش رايكم في واش دارت قناة النهار بشرف بناتنا

قبل ما نبدى نرد على كل واحد شاركنا الموضوع


لازم ناخذ سورة تذكارية :down:


​

حالياً الأعضاء النشيطين الذين يشاهدون هذا الموضوع : 16 (12 عضو و 4 ضيف)‏mlina4algeria, ‏ÀmìR@RøRø, ‏Ŝĥåĥĭйëž Ïķřăмơǖ, ‏ẦṀĮЙЄ, ‏═♥° شجـ الروح ـون °♥═, ‏BARCA232, ‏ام عبد الله, ‏احلامdz, ‏larose, ‏SaRa QuEeN, ‏shahrazad, ‏TeNtOuNa

 

[ريانة]

رد: واش رايكم في واش دارت قناة النهار بشرف بناتنا

سلام يا أختي هم في هاد الروبورتاج في نهايتو قالو أنو ماشي لبنات كامل كيف كيف وماشي الجامعات كامل كيف كيف وكي نعتو اسم الاقامة خير وخير باه يجي الحارس يخرج طفلة مقابل دراهم وبتلك التحايلات راها plus aue grave مي هكدا ممكن تتعدل لبلاد ولي راهم يغلطو ويساهمو في فساد المجتمع يخلصو pcq لوكان هداك الحارس كي قالتلو خرجني يشوف فيها ختو ولا بنتو ويروح يشكي بيها للمديرة تتعاقب وتتربى ويوليو كامل يخافو .أنا شخصيا منيش contre هاد الروبورتاج على خاطر لي شفناه كامل كنا علابالنا بيه ودايما نقراو على بنات واجهاض والخ ................. مي هادا ماشي معناه أنو كامل كيف كيف وفي نفس الوقت ماشي معناه شوهو سمعة البنات العكس هدا راهو درس لأن الله يمهل ولا يهمل باه تجي طفلة تشرب الخمر وتدير هكداك والله عيب في حق نفسها كأول درجة مي بهاد الطريقة نبعتو بناتنا وأحنا مهنيين على خاطر دوك يترباو وكل واحد يلتزم بالقانون ويخدم خدمتو من المسؤول الى الحارس. وبلاك كامل فهمنا بلي الوالدين يربيو ولا ما يربيوش يبقى المجتمع هو الدي يوجه في آخر المطاف pcq لوكان وحدة تكون منحرفة وتخالط بنات ملاح تتعدل والعكس صحيح alor ربي يطيحنا ويطيح ولادنا وبناتنا في الرفقة الصالحة وربي يصلح الأحوال ويهدينا سلام وشكرا عالموضوع.:regards01:

 

[Ŝĥåĥĭйëž Ïķřăмơǖ]

رد: واش رايكم في واش دارت قناة النهار بشرف بناتنا

السلام عليكم
والله العظيم من جيهة تقولي لوكان غير مداروهش
ومن جهة اخرى تقولي مزيا لي داروه خطرش بزاف كثرواااا و باش تتسقم الدعوة شويا يا لطيف كلاونا
انا راح نحكيلك على وهران شيء هدا راه كاين وشفته وشافوه قاع ناس و تشوفو العجب بلاك كثر منهاك
متنجميش دوري من جيهتهم مع اخوك و لا ابوك و زوجك خطرش لابسين وحد اللبس ويديرو وحد الطبايع لهلا شوفك
يعني فنهار حكاو الحقيقة وحكاو شراه كاين مكدبوش
يعني تلقو 10بالمئة طلبات العلم
وتلقو 90بالمئة طلبات الهوى
وللاسف خسروها عليهم قاع
صح ماشي قاع كيما هاك مي معضمهم كيما هاك
للاسف هده هي الحقيقة ​

 

[¬Đỉaмơŋđ ✿]

رد: واش رايكم في واش دارت قناة النهار بشرف بناتنا

السَلآم علَيكمْ ورَحمةُ اللهِ وبرَكآته

الآفَة هآذِي موْجودةْ في أغلبْ الجآمعاتْ ولآ تخْفى على أحد .. لكنْ لآ يجبُ التعْميمْ علىَ الجَميعْ فالنآسْ معآدنْ
المُشكلْ ليسَ في الموْضوعْ فحَسبْ بلْ في طَريقَة عرْضِه
قنَاة النهآرْ تفْتقدُ للإحترآفية لآيُعالجْ الخطأ بخَطأ أكبرْ..عَلى الأقلْ كآنَ علَيهمْ التسَتُر عنْ إسمْ الإقآمةْ هُم إخْتاروأ الطَريقَ الأسهلْ وهَدفهُم رفعْ نسْبة المُشآهداتْ وبهَذا رآحتْ الصآلحَة في جُرة الطآلْحة

فِي النهآيةْ بنتْ الأصلْ تبْقى بنتْ أصلْ حتَى لوْ رآحتْ لآآآخر الدَنيآ

~

​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

السلام عليكم ورحمة الله وبركاته
اختى هذاك الفيديو فقط لجلب المشاهدين على حساب شرف الجزائريات
وكيما قلتى انتى
'كاين عينة خامجة مثلا هذا ميعنيش يجملوهم كامل '
الجامعة منذ الازل معروفة فيها الصالح والطالح ويصرا فيها العجب
والكوارث كامل
بصح مشكلة القناة هاذى انها تبين الا ف الجزء السلبي
وتكلمت على البنات والخمر وو فقط لانها مادة دسمة اعلاميا
ربى يجيب الخير وخلاص
بارك الله فيك اختى على موضوعك المميز وطرحك الرائع
بالتوفيق

​

و فيك برك اخي كش شفت الموضوع مميز علاه مدرتلوش الكاشي :d ولا معطتهولكش مينات :d رانا نضحكو برك نولو لموضوع


واش حبيت نوصلو و نبينوه علاه حتى يعممو ؟

حبو يهبلو الاولياء

درك شفنا ردة الفعل ديالهم هام حتى خرجو بناتهم من الجامعة


هانا نشوفو بلادنا كل ماتضيع هذا ميسموهش توعية هذا يسموه وسخ

​

​

 

[Mr mino]

رد: واش رايكم في واش دارت قناة النهار بشرف بناتنا

كُلْ مَآَ وَرَدَ فِيْ آَلْبَرْنَآَمْجً صَحِيْحَ وَيُآَكَدْ بِآَلآِسْتِثْنَآَءْ
وَآَشْ ذَنْبً آَلْقَنَآَةْ آِلآَ آَلْنَآَسْ عَمْتً عَلْىَ كَآَمَلْ بْنَآَتْ آَلْجَآَمِعَةُ
وْعًلآَهْ نَغَطُوْآ آَلْشَمْسٌ بِآَلْغِرْبَآَلْ كَآَيْنً{ بْنَآَتْ آَلْهَوَىْ } وْ { بْنَآَتْ آَلْرِيْحً }
صَحْ فِيْ آَلْجَآَمِعَةٌ وَ آَلآَغْلَبِيَةٌ حَآَشَآَ آَلْبَعْضً
كَآَيْنً شِيْ بْنَآَتْ عفوا بَلْوَآَتْ بـِـ لْعَآَمْ مَآَتْرُوْحَشْ لْدَآَرْهُمْ
وْ دْرَآَهَمْ la Bourse تِشْرِبْهُمْ vodka
آَلْسِبَةُ آَيْ تَقْرَىْ
فِيْ نِهَآَيَةُ آَلْعَآَمْ تْجِيْبً شَهَآَدَةُ { آَلآْمُوْمَةُ بِآَلْعُزُوْبَةْ }
وَآَلْبِيْبِيْ بَآَبَآَهْ مِطْرَآَفِيْكِيْ

آَلْمَعْلُوْمَآَتْ تَآَوْعُوْ عَنْدُوْ { آَلْمَآَلْ } وْ { آَلحْدِيْدَةٌ }
وْمُشْ قَنَآَةْ آَلْنَهَآَرْ بَرْكَ
قَنَآَةْ l'index سَبْقَتْهَآَ لْهَذَآَ وْ بَآَلْدَلِيْلً
آَلْفَرْقْ آَنُوْ قَنَآَةْ آَلْنَهَآَرْ بَآَنْتَلْهَآَ عَلَىْ آَلْزَرْقَةُ وَ آَلْبَيْضَةُ لآَ
وْمَزَآَلْ نْشُوْفُوْآ لَعْجَبْ مِنَآَ عَلْىَ سْنِيْنَ وَ آَلْشِعَآَرْ دِيْمَآَ
{ لَيْلَةُ فِيْ آَلْيَآَسْمِيْنَ وْلَيْلَةُ فْيِ آَلْمِيِلِيْنَيُوْمَ }
وْكِيْ تَحْكِيْ عَلِيْهُمْ تْقُلَكْ آوَآآآآآآَهْ آَنَآَ خَآَطِيْنِيْ
وْمَنْ هَذَآَ نَسْتَنْتِجْ آَنُوْ كَآَيْنً آُوْرُبِيَآَتْ فِيْ آَلْجَآَمِعَآَتْ تَعْ آَلْجَزَآَئِرْ
آَلْمُهِمْ لِحْكَآَيَةْ آَيْ فِيْ يَدْ

{ وِزَآَرَةْ آَلْتَعْلِيْمً آَلْوَآَطِيْ وَآَلْبَحْثً آَلْخَآَطِيْ }
{ وِزَآَرَةْ تْعَرْيَ وْمَمْنُوْعً تَلْبَسْ }

{ آَلْجَمْعِيَةُ آَلْوَطَنِيَةٌ لآَصْحَآَبْ آَلْسَيَآَرَآَتْ آَلْفَآَخِرَةُ وْآَرْكَبِيْ نَدِيْكَ }
{ مُتَعَآَمِلْ آَلْهَآَتِفْ آَلْنَقَآَلْ و les appelles vidéo }
{ آَلْدِيْوَآَنْ آَلْوَطَنِيْ لِلْمَشْرُوْبَآَتْ آَلْكُحُوْلِيَةُ بِدُوْنً كُحُوْلً }
{ مَصْلَحَةُ آَلْخَدَمَآَتْ آَلْجَآَمِعِيَةُ دَآَخْلً خَآَرْجً }

..... مُلآَحَظَةٌ .....
آَلِلْيِ رَآَكِيْ تَقْرَآَيْ قِيْ آَلْرَدْ مَآَرَآَنِيْشً عْلٍيْكْ
................
...........
.....
..
.
مَوْضُوْعً فِيْ آَلْصَمِيْمَ يَعْطِيْكِ آَلْصَحَةُ خَيْتُوْ
تَحِيَآَتِيْ لِيْكَ


​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

السلام عليكم

هادا واقع الجامعات والصور والفيديوهات راهي تملا النت مشي حتى جي النهار وتوري الدليل
لكن لا يمنع وجود محترمات ولكنهم قليلات ربي يحفظهم من الانحراف

علاه متقولش كاين قليلات من المنحرفات وصلو يخمجو السمعة تاع المحترمات

لا يا اخي الاحسن منحكيوش على حوايج مش متأكدين منها

رانا كامل جزنا على الاقامات و علبالنا واش كاين فيها​

​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

اهلا ميلينا واش راكي ...سبقتيني فالموضوع ..
شفتي شفتي ..دارو حالة ..والله بصح عيب عليهم ..ماش قاع بنات القامة فالجامعة ماش ملاح ..
علاه ماراحوش نعتو الحوايج اللي ملاح ..كيما تحكيلي ختي كاين فالاقانة اللي يروحو باه يحفظا القران مع بعض وكاين اللي يتسبقو للمصلى ...
كاين بززاف حوايج ملاح ..والشي الي هدروره تاع قناة النهار راهم غير ينعتو فالحوايج اللي ماش ملاح ..وكامل كنا علابالنا باللشي هادا الي يصرا فالاقامات ..
انا بالنسبة ليا كل واحدة يجبدها أصلها ..والله يا لوكان يبعثوها للاوكسفورد ..
شفتي اوليو اللي يلقاو الحل راحو زادو الطين بلة ..
ربي يحفظنا ويسترنا وربي يهديهم هادا ماكان ...
لا حول ولا قوة الا بالله ..
​

اللهم امين

اجمعين

حنا مقلناش يشكرونا ياسيدي لانو الصح كان حوايج لازم تضهر و تتعالج

حنا قلنا لكل مشكل لازم حل

كيفاه دخلو الكحول للجامعات اه و حنا علبالنا كل يوم يفتشو في لبنات الي عندها ريزيستونس باه تسلك روحها يجيرو ينحوهالها

هذو هما المسؤوليين

لحوايج الي لازم يدرسوهم لالا

يمدو الباك لمن هب و دب و روح للجامعة سلك روحك بروحك علاه ميديروش توعية خاصة للبنات

علاه ميكثروش مشتشارين نفسيين يراقبو حلات لبنات تاوعنا ؟

واش الي خلاهم يوصلو لهذي الحالة ؟

كاين بزاف حوايج لازم تتوضح مش يديرو مهزلة كما هذي​

​

 

[ام اسحاق]

رد: واش رايكم في واش دارت قناة النهار بشرف بناتنا

السلام عليكم و رحمة الله و بركاته

اولا يعطيك الصحة فلة على الموضوع الزينون المفلفل كيم فلة ...فلتي ...
و مبعد واش نقلك ؟؟ تحيري و الله وش تقولي ...و تبقاي بوش بي ...نقلك علاه ؟؟؟
اولا انا الروبورتاج ما شفتوش و اليوتوب فيه مشكلة عندي و ما تمكنتش اني نشوفو على كل فهمت تقريبا وش كاين ...
و حرت علاه نلومو قناة النهار ؟ الي عرات الحقائق مهما كانت الطريقة تاع التعرية لاننا لازم نفيقو ...
المشكل مش في كيفية نقل الحقيقة و لكن المشكل انو كاين حقيقة و لو نسبة معينة بالمئة لان كاجو طماطم تفسدو كعبة ...
و زيد احنا كنا في الجامعة و الله كنا نشهد في الجاهلية الاولى باتم معنى الكلمة ..واحد قاصد ربي للاونفي يقرا على روحو وواحد تحت شجرة و العياذ بالله و كان وقت الارهاب في التسعينات و اوج مجد الدعوة تاع الفيس ...!!
وقت الي كانت الخطب و المسيرات و الحلقات وين يا ظرك !!
كنا نشوفوهم ياكلو رمصان و الدخان وحوايج اخرى ياسر ! توصل بالمقيمات للمبيت خارج الاقامة ..
و هنا ناقوس الخطر لازم يدق و بقوة قد تكون بقوة الروبورتاج باه يفيق الي يبعث بنتو لولاية اخرى و يخلي ولايتو الا ادا كان واثق في تربيتو لبنتو و هادي ماشي حاجة صعيبة باه يعرفها ...
و قبل ما نلومو السلطة نلومو تربيتنا لولادنا فالسلطة حتى و ان كان لازم تمارس واجبها الاداري الا انها عمرها ما راح تحط بوليسي يتبع الطفلة وين تروح و البوليسي هادا احنا قادرين نحطوه في عقل الطفلة و قلبها بالرباية السوية من النهار لول !!
رغم دلك تحية لكل البنات الشرفاء الجامعيات الي يفتخر بيهم الانسان و كيم قالت شجون الروح كاين بنات ملتزمات و الله يرجع ليهم الفضل بعد الله سبحانو انهم بسيرتهم الطيبة ياثرو على بنات اوخرين و زيد انا شفت منهم انو كاين بعض الاخوات يحتضنو البنات الجامعيات الجدد و ينصحوهم فور دخولهم الجامعة ...
ربي يجازيهم كل خير ....
و يااا ربي نفيقو من سباتنا لان الجامعة اصبحت بعيدة كل البعد في انها تكون المكان المثال للتحصيل الفكري ..
و ربي يبقى الستر على وليداتنا كامل ...​

 

[mamouu]

رد: واش رايكم في واش دارت قناة النهار بشرف بناتنا

أختي إن قلت الصراحة فلن تنزعجي ok
درست في الجامعة صحيح هناك من المقيمات بنات الفاميلية لا أنكر.
لكن يا أختي قناة النهار نقلت واقع معاش للأسف، هناك 80 بالمئة خسروها على 20 بالمئة
الإقامات الجامعية صارت ملاهي ليلية، وكر للدعارة، خمر، علاقات حميمة بين الفتيات............. لا أقول كل الفتيات بل معضمهن
صحيح أنوا قناة النهار أخطأ لأنها بينت الجانب السلبي فقط ، لكن هذه هي الحقية بشهادات من صديقات مقيمات
و لن أقول أنهن مسؤولات عن ذلك لأن غياب الرقابة و الصرامة في تطبيق القوانين هم السبب.
و أرد كذلك عن هذه النقطة

علاه مخموش في الي خلاو ديارهم و تحملو التمرميدة تاع البرد و الماكلة مكانش و لعذاب و المزيرية و مساكن تحملو و قالو المهم نكملو و نخرجو شوفو واش لقاو
هنا حنقولك كاين فتيات درسن معي في نفس التخصص، و المشكل أنو هذا التخصص موجود في الولاية ديالهم
سقساهم الأستاذ علاش عندكم هذا التخصص في ولايتكم أو جيتو هنا للجزائر
فأجابو هكداك حبينا نغيرو
إن كان في ضنك أنوا هذا جواب مقنع فهذا راجع إليكم........... هم من أرادوا هذه الميزيرية واحد ما أجبرهم عليها
وهنا كذلك أنالا أعمم حاااااااااااااااااااااااااااااااااشا لي ما يستاهلوش
مشكورين

 

[ألوان مزيفة]

رد: واش رايكم في واش دارت قناة النهار بشرف بناتنا

علاش تديرو في تشقلالة على حاجة كاينة منها صح؟ هذا واقع للأسف بصح هذا لا يمنع
أنو كاين بنات شريفات في الجامعة، النهار دارت روبورتاج ما على كل وحدة غير تستثني
روحها منو إذا راهي متأكدة من نفسها، وعلاش تغطوا في الشمس بالغربال؟ راني طفلة ونقول
ايه كاينة منها والنهار شفتها ما بالغتش بالعكس ما خفي أعظم، ولي ساكنة في الإقامة تفهم عليا
مليح واش راني نحكي، فماكان لاه تعملوا le Bla Bla Bla على حاجة كاينة ومليار كاينة
وربي يهدي بناتنا ومش في الجامعة برك راهي في كل بلاصة رجع الفسق عيني عينك مالا بركاو
يا لبنات واستثنوا رواحكم وانتهت القصة، وبالنهار أو لا الفيديوهات راهي معبية اليوتوب وحتى
الهواتف النقالة وياما لحقوني فيديوهات من النوع هذا تاع بنات نعرفهم مالا حبسوا تموتوا على
الحس ياك ما قالوش فلانة وفلانة وسماوكم وعلاش تتغالاو هنا؟ سبحان الله تقول مش عايشين
ولا تشوفوا، أنا حاجة نشوف روحي مش ضمنها ما نشقللش عليها، اليوم الكل يحكوا على نفس
القصة وكأنو كارثة في حق لبنات، لالا لبنات لي رجعوا كارثة ونهار يتفهم توقيعي ويتطبق ما بقاتش
قناة النهار تديرلكم فضيحة كيف هذي من العيار الثقيل، يا ربي واهديني واهدي الغاشي معايا
​

 

[ألوان مزيفة]

رد: واش رايكم في واش دارت قناة النهار بشرف بناتنا

نزيدك شوية إضافات، كاين بنات تلحق عليهم العطلة الشتوية أو أي عطلة وتكون طويلة يفضلوا
يبقاو في الإقامة على أنهم يستغلوا الفترة هذيك ويروحو لدار باباهم، ويبقاو وحدهم تما في رايك
علاش؟ من غير عاجبهم التسيب ما نزيدكش، كاين طفلة من العطلة العطلة باش ترجع لدار باباها
تقضيها من دار لدار عند صحاباتها بايتة وكأنو بلا والدين، طبعا كل هذو لبنات لي نحكي عليهم
يكذبوا على دارهم بحجة لقراية وعندي مشاريع وبحوث نقدمهم ونبقى مع لبنات رانا قررنا
نبقاو وقفة أخرى من لكذب لي ما ينتهيش، مالا يا الفحلة مولات الموضوع ما تقلقيش والنهار
راهي ورات غير شي صغير قدام الشي لكبير تاع الصح لي راه صاري، وإذا تحبيني نزيد نمدلك
عينات أخرى راهم عندي منهم بزاف أطلبي برك نشبعك حكايات فسق وفجور على بنات الإقامة
راه قلبي تعبى منهم شر الشيطان، وطبعا كيف ما قلت كاين لي ما شاء الله، رغم البعد وانعدام
رقابة الوالدين بقاو محافظات، واش حبيت نقول من كلامي كامل، ما تلعبوهاش وكأنو قناة النهار
زادت أو لفقت وماكانش منو الشي لي هدرتو، راه كاين مليار % وشكرا
​

 

[ألوان مزيفة]

رد: واش رايكم في واش دارت قناة النهار بشرف بناتنا

درك نقولو كاين عينة خامجة مثلا هذا ميعنيش يجملوهم كامل

حبيت نصلحلك كلامك هنا ونقولك كاينة عينة برك تصلح والباقي خامج، راني طفلة كيفي
كيفك وجامعية لكن الحق يقال، عيينا من تغطية الحقائق، عيينا من البراءة لمزيفة، عيينا
من بنات الفاميلية في الدار وبرا بنات العار، عيينا من لكذب على الأولياء والتنوفيق، عيينا
من كلش المجتمع فسد، الأطفال الغير شرعيين في المزابل، العلاقات الغير شرعية كانت فيها
حشمة درك بقات علنية، الدعارة كانت تمارس في الخفاء رجعت علنية قدام الناس والرب
وعلاش يرحمنا ربي ويفرج علينا؟ قولولي؟ نستاهلوا الخسف أو تسونامي بالاك الناس يفيقوا
بالاك الأباء يتعلموا شوية ويفطنوا، منايا برك كل وحدة يشدها باباها ويخرجلها روحها لوكان
تتحرك هك ولا هك ولا تزغد، منايا الوحدة تغلط يصرفقها خوها، منايا تهزوا لبنات بالكوطة
للطبيب الشرعي، وأرواحي واجهيني بالإحصائيات ساعتها، ومارانيش نحكي من فراغ، إذا
تعرفي ناس يخدموا في سبيطار قوليلهم يحكولك، وسقسيهم في معظمهم واش يكونوا؟
والإجابة طالبات والديهم داروا فيهم ثقة وهوما خانوا الثقة وكيفاش ما تخونش الثقة وهي
لي خانت ربي، وغدوة تسقسيها واش هو دينك؟ تقولك الإسلام، الإسلام موجود رغما
عن الذي يأبى فقط المسلمون والمسلمات يكادون ينقرضون، جيتيني في الموضوع لي
كي تتفتح سيرتو ما نسكتش، على خاطر الطفلة رجعت أكبر كائن منافق في الدنيا هذي
إلا من رحم ربي، وربي يهدي ربي يهدي ربي يهدي ربي يهدي، بنات الفاميلية الصح والمزيفات
ربي يهديهم الكل وأكيد راني راجعة لموضوعك بعد وقت من الزمان
​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

وعليكم السلآآآم
أهلآآ بملينآ الي جآت وجآبت
شخصيآ ماشفتش الروبورتآج ، مع النت مكآنتش عندي قعدت خآرج مجال التغطية
والبآرح عيطت لاختي الي تقرى في جآمعة خآرج ولآيتي
يعني حتى هي فالاقآمة بقينآ نحكيو قالتلي شفتي النهآر وآش دآرت ووآش قآلت
وحكآتلي على الروبورتآج هدآ ، قالتلي البنآت كآمل يهدرو غير على السوجي هدآ
قلتلهآ الاعلآم هدآ هكدآ منين يلقآو نقطة مش مليحة يسلطوو الضوء عليهآ والكآرثة يعمموهآ
ونسآو بلي بالروبورتآج هدآكـ رآيح يخلق مشآكل لبنآت سوغثو للي أهلهم مش متفهمين
ومتشددين شويآ
كآمل نعرفوو التخلآط الي يصرى فالجآمعة وفالاقآمآت خآصة وتقريبآ في كل pــآvـيون
نلقآو شآمبرآ ولآ زوج تآع هآد النوع من البنآت ، هدآ يعني أنه الاقآمة كآمل هكدا ؟؟
المسألة مسألة تربية ووعي هدآ مآكآن الطفلة الي مربية ووآعية يآلوكآن يحطوهآ في شآمبرآ وحده معآهم
تبقى هي هي مش رآيحة تتبدل لآ فالقامة لآ في بلآصة أخرى
والوآلدين الي يعرفوو بنتهم ويعرفوو تربيتهم كفآه دآيرة ثقتهم ببنآتهم مش رآيحة تتهز بروبورتآج كمآ هدآكـ
ربي يستر على خوتآتنآ وبنآتنآ وكآمل بنآت المسلمين يآربي

​

للاسف كاين ولدين معندهمش تقة في بناتهم و هذا الي شفناه صرا

اكثر من عائلة جات و دات مناتهم نهائيا من الجامعة

هذه هي النتيجة الي وصلو ليها ؟ مكان حتى رد فعل اخر من الحدث

و يبقاو الضحايا هما الي خاطيهم​

​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

سلام
أنا اقيم بالحي الجامعي بولاية البليدة و الحمد لله ماكاش مرة في هاد الثلاث سنوات صادفت واش شفنا في قناة النهار
صح كاين بنات يتكيفو الدخان بصح هادو جاو من ديارهم هاك كاين شي ولايات في الوطن عندهم هاد الامر عادي
وزيد الحمد لله كاين مصلى داخل الاقامة وين نصلوا و نقراو القرآن و نشاطات كثيرة تقوم بيها لجنة المسجد في جلب الائمة وباش يوعيو البنات
وزيد لي حابا تشرب و دير حوايج عيانين علاش حتى تبقى داخل الاقامة دخرج برا وين كاين هاد الشي و بمتعة اكبر
وزيد مانكذبوش على رواحنا كاين آجو يقر بواش راهو يدير لصحفية ماتتمسخروش بينا...........
و البنت مادام كانت شادا في دينها و في أخلاقها في دار باباها ما ينخافش عليها
وبعد الشي لي صرا درك واحد ولو كان يثيق في بنتو يخاف يبعثها تقرا بعد شيء لي شافو .......
المرة الجاية المفروض يحكيو ثان على الشيء المليح لي كاين في الاقامات
و حتى لو حبينا ننتقدوا و نغطوا النقائص ماشي بهاذ الطريقة
ماتروجوش للقناة باللعب بشرف البنات
ولي حابا ولا حاب يعرف أي شيء جيد و لا يقدر يسقسيني و نجاوبوا عادي ............

شكرا ليك اختي عل هذا الرد

و انا نقولك انو امور بزااف تصرا و راهم مغطين عليهم صح

و لاكن اكل نعرفو ما وراء الكواليس

كي ميكونش الساس كيفاه نحوسو على الاساس

مندنش انو رح يفهمو واش حبينا نوصلوه في هذا الموضوع

ليوم برك الشوارع دارت حالة ببنات الجاميعات و غير شافو الحافلة تع الطلبة قعدو ييرميوهم بكلام لهلا تسمعوه

بدون تعليق
​

​

 

[nanoche]

رد: واش رايكم في واش دارت قناة النهار بشرف بناتنا

أولا السلام عليكم و رحمة الله و بركاته
ملينا يااااا ملينا
موضوعك في الصميم ممكن نسموها فضيييييييييحة كبيرة
ولكن الحقيقة و الحقيقة تقال كل ما شاهدناه صحيح 100% وهناك أكثر من ذلك ليس فقط في تلك الاقامة و لكن في إقامات جامعية أخرى و أنا شاهدت الكثير و الكثير لأنني أقمت تقريبا مدة 6 أشهر في الاقامة ذاتها عندما كنت أحضر رسالة الماجستير في 2003 و اضطررت إلى البقاء أحيانا في الاقامة في الليل لأنه كانت لي صديقة تحضر تقريبا نفس الموضوع فكنا نلتقي في غرفتها في الاقامة أحيانا و تزورني هي في منزلي للمبيت أحيانا أخرى بما أنني أقطن بالعاصمة وقد رأيت ما يحدث ليلا من تصرفات يندى لها الجبين
ما لم يعجبني هو تعميم ما يحدث كأنه لا توجد فتاة في الاقامة الجامعية بنت فاميلية كان من المفروض أن يبينوا الوجهين في الاقامة و أنه هناك من ذهبت لتعود بشهادة و تطمح الى تكوين اسرة شريفة و عمل مستقبلي و ليس الكل سواء و كان من المفروض الاشارة الى انه توجد فتيات في تلك الاقامات الجامعية لسن بطالبات جامعيات و لا هم يحزنون كلهن هربن من بيوتهن لسبب او لآخر و جعلوا من الاقامة الجامعية مسكنا دائم لهن لأنهن أصحاب المعارف و هن صنارات صيد للطالبات الجدد للإيقاع بهن في المحظور و استعمالهن فيما بعد كطعم لأصحاب الشكارة
مانيش حابة نزيد نكثر في الكلام واسمحولي اذا كنت جريئة

​

 

[anissa 13]

رد: واش رايكم في واش دارت قناة النهار بشرف بناتنا

السلام عليكم ورحمة الله وبركاته

انا ماشفتش الربورتاج خاطرش ماعنديش النهار
والله غي عيب عليهم
صح كاين بنات مايسواوش وماشي شرط جامعيات كاين اللي قاعدة فالدار وتخدم اللي ماينخدمش
انا قريت فالجامعة والله كاين بنات مشاءالله عليهم
هكدا رايحين يوسوسو الوالدين الكل راح يبقاو يشكو فبناتهم
ربي يهدي ماخلق
​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

السلام عليكم ورحمة الله تعالى وبركاته

و عليكم السلام ورحمة الله و بركاته


ماش راح نعلق عالموضوع في حد ذاتو
برك عندي تعليق من جانب آخر
أنا دخلت الاقامة وعمري ماش لاحق 17 سنة
ماكنتش ملتزمة بأمور الدين وابسط شيء الصلاة مئة بالمئة
كنت ناخر ونجمع ووو ونوصل حتى ننسى أعوذ بالله
تعلمت فالاقامة انو الصلاة اولى من كلشي
تعلمت نصلي الفجر فالمصلى
تعلمت نحضر الحلقات والخطب والمحاضرات الدينية
كنت أنانية نوعا ما وجابدة روحي
تعلمت كيفاش نكون اجتماعية كيفاش نعيش مع الناس
كيفاش نتقاسمو اللي كاينة بلا حسابات
تعلمت حرف وأشغال يدوية عديدة من بنات الاقامة
تعلمت الطبخ بانواعه
تعلمت الحلويات
دخلت ماش ملتزمة كليا بالحجاب
غرت من البنات ولبست الحجاب الشرعي
ووو هذا جانب بسيـــــــــــــــــــــط من واش هزيت من الوقت اللي عديتو فالاقامة
والحمد لله تفوقت في الدراسة الى جانب هاذ الشي الكل
هذي شهادة مقيمة سابقة بحي جامعي
كيف اللي حكا عليه الروبورتاج
واللي بسبب تعميمو قلبو مرتع لفساد الأخلاق
وتسبب في حرمان العشرات من البنات يكملو قرايتهم
فلا حول ولا قوة الا بالله العلي العظيم
شكرا ميلينا
ربي يحميك ويحمي بناتنا الكل
​

معندي مانرد عليك

و نقولك برك حاجة

يعطيك الصحة

:regards01::regards01:​

 

[Ma$Ter]

رد: واش رايكم في واش دارت قناة النهار بشرف بناتنا

و فيك برك اخي كش شفت الموضوع مميز علاه مدرتلوش الكاشي :d ولا معطتهولكش مينات :d رانا نضحكو برك نولو لموضوع


واش حبيت نوصلو و نبينوه علاه حتى يعممو ؟

حبو يهبلو الاولياء

درك شفنا ردة الفعل ديالهم هام حتى خرجو بناتهم من الجامعة


هانا نشوفو بلادنا كل ماتضيع هذا ميسموهش توعية هذا يسموه وسخ

​

​

:d
رانى جديد فى القسم مازال ما عملتش كاشى للمواضيع المميزة
بصح يكفى انو الموضوع فى الصفحة الرسمية للمنتدى :$

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

السلااااااام عليكم
أنا لحقت روطار بالخبر حتان جات ليا واحدة قاتلي الجامعاتفسدو البنات فسدو و ................كي استفسرت على المصدر قاتلي النهار.
أنا من بكري ديما نسمع على الجامعات و البنات و نظن ماهيش حاجة جديدة علينا .
وكنت ديما نسمعهم يقولو الاقامات موسخين مي انا راني مدايرة الاقامة و الحمد لله جامي شفت حاجة مش مليحة.
وأكيد لازم كاينين البنات اللي منحرفات مي مالازمش يجمعو علينا كاملـــــ.
وانا نقول مادام كاين في الدنيا الشر كاين الخير وكاين الصالح و الفاسد وكاين المنحرف و التقي.
ومادام زليخة كانت تحوس تفتن يوسف عليه السلااااااااام في زماننا هذا ثاني كاينة بزااااااف كيما زليخة
و مريم عليها السلام قالت كيفاش نجيب ولد ولم يمسسني بشر في وقتنا ثاني بنات عذراوات كيما مريم.
و أنا الحمد لله نتاع دارنا متفهمين وخاوتي كامل قراو في الجامعة وعلابالهم واش كاين فيها وماعندهمش حتى مشكل كي نقرا في الجامعة
لأنهم علابالهم بلي متربية و واحد ما يلعبها عليا
وان شاء الله ربي يستر البنات كاملـــــ
واللي يهدر عليهم بسوء راه يلحق.
وسلاااااااااااااااااااااام.

​

هاكي قلتيها حمد الله كي جاو عائلتك متفهمين

و الي حاوزو بناتهم لدار كيفاه نقدرو نقنعوهم ؟

واش هو مصيرهم ياترى؟

هذي الي خلاتني نكتب هذا الموضوع والله غير هما المظلومين و الي راحو في الخط للاسف:s​