واش رايكم في واش دارت قناة النهار بشرف بناتنا

[ام اسحاق]

رد: واش رايكم في واش دارت قناة النهار بشرف بناتنا

السلام عليكم و رحمة الله و بركاته
رجعت يا فلة نبرد قلبي في بنات جنسي و بصراحة قلبي كلاني و رجعت نبردو ...
لازم ...
تفيق الناس مع ارواحها و بركَ من التبربير ...انا عجبتني الوان مزيفة و يعطيها الصحة و حسيتها ثورة ضد فساد المرأة
و يالا يا سيدي كيم يناديو بحملة ضد الفساد ناديو بحملة ضد تدني مستوى المرأة والله راو شيء يحشم ...
و زيد نلومو في قناة اماطت اللثام عن وقائع كاينة منها و كاين اكثر لكان TF1و لا الجزيرة هي الي دارت الموضوع رانا نطبلو و نزمرو بصح كي عادت النهار لا ااا معزة و لو طارت نسيبو الصح و نحكمو في الراشي !!
اليوتوب راه مالي الدنيا بالعار تاع النساء العرب الكل و ما دام نتكلمو عن الجزائريات
يا لا نحطو النقط على الحروف و برك من التنوفيق على راي الوان مزيفة ..قصدي الوان واضحة
و خلي الاولياء و الرجال يفيقو و لكان الطفلة حابة تقرا تقرا في جامعة ولايتها و لازم دائما المراقبة ...الدنيا راها فسدت ...و البلا كثر ...
ماشي نبربرو نبربرو و مبعد نقولو من جات العنوسة و البورة ؟؟؟ الرجال و الله عافو النساء !!
و للامانة ماشي غار الجامعة الي فيها هاد المشاكل و لكن في كل بلاصة بصح تبقى الجامعة هي الحصن نورمالمون الي يخَرِج لينا مراة صالحة مثقفة تبني مجتمع تكون نصف مجتمع و تنشئ النصف الثاني
لكن للاسف اصبحت الجامعة بنسبة كبيرة تخلق لنا مرأة آفة في المجتمع و سرطان ينخر و يهدد كيانه.........

قد اعود يا فلة ..مرة اخرى
ربي يهدينا و يبقي الستر علينا

​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

اسكتي برك ياختي كنت رح نكتب على هاد الموضوع لقيتك سبقتيني كان تشوفي البارح انا نتفرجت التقرير بالتخبية على داارنا لخرا اختي شافتو وراحت للكوزينة قالتلهم عليه من بعد خاوتي حلفو فيا قاتلي ماما قالولك والله يا المدرسة العليا تع الجزائر يلا تروحيلها غير تقراي هنا في البويرة ومع الاسف تبخخخخخخخخخخخخخخخخر حلمي وهو ان اصبح استاذة تع العلوم الطبيعية ومع الاسف في البويرة كاينة غير الشعب الادبية +البيولوجيا وانا منيش حابة نقراااااااااااااااااااااهااااااااااااااا راني في حالة كان تشوفي يالختي والله ماني نكذب عليكم

هاي النتيجة

و ياريت الكل يقرى ردك


للاسف ديما كاين ضحايا

سلامت راسك ان شاء الله يبلو رايهم مع الوقت

ربي يكون في العون​

​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

أهلا ملينا مشكورة على الموضوع
صرااااحة الموضوع ما عجبنيش كامل ما عرفوش كيفاش ينقاشه و كيفاش يعالجه و هذا القناة فقدت مصدقياتها
و الضحية بنات فاميلية راحو في الخط
وعلاش ما حوسوش يعالجو الموضوع من زاوية اخرى
هذا العفايس ماشي شرط تكون في الاقامة باش تخرج و دير هكذا
رانا نشوفو بنات قاعدين في الدار و دايررين رايهم القضية قضية أخلاق و تربية
​

قالك هذا سبب يخلي الناس تفيق ؟

زعمة رانا نحوسو الاصلاح لهذو و لا محوسو لخراب ليهم

مزال مزال نزيدو نشوفو كثر

و المظلوم يبقى ديما مظلوم​

 

[ام سحر و لؤي]

رد: واش رايكم في واش دارت قناة النهار بشرف بناتنا

السلام عليكم
مع احترامي لكل الردود و كل الاخوة و الاخوات
انا الروبورطاج ما تفرجتوش سمعت بيه برك
و مع احترامي لكل الجامعيات و انا كنت ف يوم من الايام وحدة منهم كاين بنات فاميلة بزاف تبارك الله عليهم و كانوا قدوة ف الدين و الاخلاق و لكن بالمقابل الفساد اللي ف الاقامات الجامعية ما بعدو فساد مشروبات تدخين زنا وسط الحرم الجامعي و مع عمال الاقامة الجامعية نفسهم
و زد يشرو للعساسين دخان و يخلصوهم باش يخلوهم يدخلو متاخرين سيارة ترفد و لخرى تحط يا لطيف الفساد كتر و الناس طغات
قناه النهار بالغت ايه بصح هادي حقيقة راهي كاينة و ما نقولوش علاش فضحوهم خلونا مالمجاملات و نقولو بلادنا ما خصها والو و هدا الشي اللي خلانا متاخرين
بكري كانت كاينة القناة الوطنية برك دايما يجاملو و يبينو بلي حنا رانا ملاح مية بالنية و هادا ماشي صخ حنا ما خصناش اللي يجاملنا لازم نشوفو الواقع باش نبدلوه و الشمس ما تتغطى بالغربال لازم نحطو كامل اوراقنا باش تنكشف اللعبة هاد الفضيحة نتمناو تخلي المسؤولين يتحركو ماشي يقعدو راقدين و الله نعرف حكايات على بنات من الجامعة يا لطيف يستحي الفم قولها
ربي يسترنا تجمعين
و نقول و نكرر ماشي كامل كاين بنات الفاملية
و صحيخ انو هاد القنوات تستعمل الفتنة بزاف بصح تاني تورينا الواقع و تفيقنا من احلام اليقضة

 

[السلطانة]

رد: واش رايكم في واش دارت قناة النهار بشرف بناتنا

وعليكم السلام
مشافتش الفيديو ومنيش شايفاتو
اغلب واش نسمعو حكايات كوارث على بنات الاقامة والجامعة عامة
بنات الفاميلا مازالو
ربي يهدي من خلق
​

 

[ام سحر و لؤي]

رد: واش رايكم في واش دارت قناة النهار بشرف بناتنا

راني مع الاخت ام اسحاق مئة بالمئة كلامك حكم

 

[الجندية]

رد: واش رايكم في واش دارت قناة النهار بشرف بناتنا

قنوات تحوس تشيع ودارت اللي عليها
وناس تحوس على تكثار الهدره ودارت رجليها
وبنات خامجات ربي يحرقهم حرقولنا السوق ضروك الواحده ماتقراش ولا كفاه ؟
لي بوها مغندف راحت عليها لا قرايه لا بطاطا
واللي عارف بنته كي دايره يدعيلها ربي يبعد عليها بنات الحرام
هاذ هي الجامعه ماشي حتى تجي النهار توريلنا الجامعه
من جهة الفساد الاداري لازم يكشف والبنات العوج يديرولهم حل ويهنونا منهم
والبنت البريئه راحت وكلاها بوبي ...............
​

 

[YAHIA S]

رد: واش رايكم في واش دارت قناة النهار بشرف بناتنا

السلام عليكم
كل واحد عارف واش ربى
على لبنات الى اتقولك والديا مبعد مخلونيش انروح للجامعة و للاقامة
كل واحد عارف سلعته
+
كاين هاذي امور حتى في جامعة و مش برك في جامعة
كاين الى نسمعوا عليها حتى دخلت لدارهم
لمليح و خايب في كل بلاصة
+
طيبات للطيبين و خبيثات للخابثين

 

[tistissa dj-tissou]

رد: واش رايكم في واش دارت قناة النهار بشرف بناتنا

والله ماني حابا نتفكر شفنا الروpرتاج en famille و بابا كان ماكانش انا غير نشوف مع الباب خفت يجي بابا ويشوفو والله لا عيب كبير انا تامنوني نشوف وحاكمة لبكية وماما تاني تدعي ربي يحفضنا ربي يحفضنا..انا وجهي يروح ويجي الوان والله عيب كبير حرام يفضحوا في بنات اللي غلطت بينها وبين ربي
هاد الحوايج من بكري كاينة في الجامعات كاين لمليح ولقبيح ..النهار على اساس توعي في الناس وبالاخص بنات الجامعة على اساس كاين رقابة..مي كانت بامكانها دير توعية بشكل واحد اخر
هاذي فضيحة لبنات الجزائر اساءت الى الجميع اكثر من اي هدف اخر .
​

 

[ЯǾᵯẫḭṧşẰ]

رد: واش رايكم في واش دارت قناة النهار بشرف بناتنا

السلام عليكم
انا ماشفتش الحصة ولا حتى الفيديو ف النت مي قالولي عليه صحاباتي
الله يهدي ماخلق وحدة خسرتها على 1000 مزالو كاينين بنات الفاميليا
المليح والدوني باغتو
والقناة هاديك ورات غير الجانب السلبي
خبطة إعلامية كبيرة زلزلت الجزائر

عندي قرابة 6 سنين وانا عايشة بعيدة على دارنة وخارج البلاد والحمد الله كنت ولا زلت محل تقة الاهل ديالي
الله يستر
شكرا اختي

​

 

[sahiko hamza]

رد: واش رايكم في واش دارت قناة النهار بشرف بناتنا

وعليكم السلام ورحمة الله


انا واحد من الناس نآيد هاد الفكرة وبقوة
ومانغطوش الشمس بالغربال والساكت عن الحق شيطان آخرس

ديجا هوما حاجات مانعتوهاش باه مايكسروش لقدر بينكم وبين اهلكم
والجامعية لي راهي تقرى فالرد راها علابالها

انا واحد من الناس مانحطش ينتي ولا آختي مع عباد كيما هادوا

انا اصلا جارتي نعرفها تمشي مع وحدة تركب فالطوموبيلات مانخليهاش خلي يابنتي ترقد مع وحدة __________


والله روبرتاج في حقو ....
​

 

[ام خديجة1]

رد: واش رايكم في واش دارت قناة النهار بشرف بناتنا

السلام عليكم اختي ميلينا الشيئ اللي قلتيه يهز البدن لم اتفرج ولكن حشوما يجملو الطالح مع الصالح
الناس اجناس فيها المليح وفيها اللي ماشي مليح والجامعة من بكري الاشاعات تخرج عليها
مي على بنات الجمعات ياغبني عليهم واللي دات الباك باش تفرح وتقرى الميتيي اللي حابتو واش دير دركة
لامانع من كشف الحقائق ولكن لازم تكون في الايطار المعقول​

 

[adel._dz]

رد: واش رايكم في واش دارت قناة النهار بشرف بناتنا

كاينة بنسب متفاوتة ...........

الي مشي من نوع هذا نتاع البنات ماتقلقش روحها التاريخ لا يرحم مثلما يقال قالشريفات معروفات رغم قلتهن وما دون ذلك ايضا

وماناش محتاحين النهار باش تقوللنا... بصح رب ضارة نافعة ...

 

[بنت الـ25]

رد: واش رايكم في واش دارت قناة النهار بشرف بناتنا

السلام عليكم
ما قدرتش نقرا كامل الردود لكني لقيتها تصب في قالب واحد
مش لبنات الكل كيف كيف وكاين بنات الفاميليا
رح نحط رد باختصار
انا عن نفسي ما شفتش الروبورتاج كامل قطعوه وجابو النشرة ما حبيتش نرجع نكملو خاطرش علابالي وش رايحين يوصلو
صح احنا في بلادنا كاينة بزاف مظاهر ما عندهاش صلة بديننا وعاداتنا يلزم تتفضح ولكن مالمفروض تكون بطريقة موضوعية وباحترافية
مثلا إذا شفنا للأمور بطريقة موضوعية وبغض النظر انها تمس البعض منا
لازمنا نشوفوها من منظورين
لانو وش يصرا فالاقامات مفضوح من بكري ولكن كاين اولياء ما علابالهمش وش يصرا داخل اسوارها
المنظور الإيجابي انو الروبورتاج يفتح عيون الاولياء ويخليهم يخافو على بناتهم ويوصيوهم رغم انو الاصل هو اللي يحكم الطفلة كي تكون بعيدة على دارهم
ومن المنظور السلبي انو رح يخلي بعض الاولياء يسحبو بناتهم من الاقامات خوفا عليهم من الانسياق الي طريق الانحراف والضلال وهدا رح يحطم المسار العلمي والدراسي للفتاة خاصة اللي ما عندها حتى ذنب غير انها تسكن في منطقة بعيدة عن الجامعة
القنوات الخاصة اللي افتتحت مؤخرا كانت حاطة في أجنتدتها بالدرجة الأولى فضح كل ما تجاهله التلفزيون الوطني من انتهاكات وتجاوزات في الإدارات للحقرة للفساد للانحلال الأخلاقي
ولكن يبقى فالأخير نقول اللي ما في كرشو التبن ما يخاف من النار والحديث قياس


​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

السلام عليكم اختي
صح كيما قال خويا ماستر قبلي داروها باه يجيبوا نسبة مشاهدة كبيرة هذا ماكان وصح ماشي كاما بنات كيفكيف
وزيد اختي تاني قالك ان لم تستحي فافعل ماشئت كاين بنات هردوها ادير في حوايج العوج وزيد تفضح في روحها
ونشفالها مرة انو فالنهار مرة دارو حصة على الاجهاض وبداو يحكوا يعني مولاتش قناة عائلية حتى دخل بابا لقاني نضوف انا ويما واختي هدر مع يما وقالها حبيتي تشوفي روحي لشومبرة تاعك وشوفي انا حشمت ملقيتش وين نخبي وجهي
ربييهدينا ويصلحنا لحوال
تقبلي مروري

يا اختي لي يعرفو اقامة ولاد فايت قالو كامل انو هذيك مش هي الاقامة ديالهم

و حتى هذوك لمطارح مش تاع الجامعات دياولنا :d

هذي معلومة برك حبيت نزيدهالك

ربي يهدينا كامل ان شاء الله

​

​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

الأمر مشبك فعلا
قناة غير ناضجة تتكلم في أمور أكبر من تاريخها المهني
كان يلزمها مهنية أكبر باش تدخل وتحكي على سوجي كما هذا
لأنه فيه مؤيد وفيه معارض
المؤيد عندو الدليل والمعارض عندو الدليل

في لي استنكر هذ الشي لأنو لانو ضيع مستقبل بنات وأحلام وطموحات
وفي لي أيدو لانو فعلا لازم يتحط حد لهاذ المهازل وانو لي يصير حقيقي حتى لو قناة النهار كذبت
رانا قرينا في الجامعة وشفنا هذ النوع من البنات

المشكلة كلها في طريقة تناول القناة لهذ الموضوع
ولي أثبت عدم مهنيتها وأنها مازالت صغيرة على موضوع كما هذا
لأني أنا شخصيا لو نشوف هاديك المناظر وتكون عندي بنتي تم نطلب منها ترجع فورا

نرجع ونقول طريقة طرح ومعالجة الآفة خاطئة جدا جدا
وطاقم عمل الروبورتاج هدفه عمل ضجة على حساب أشياء كثيرة بما فيها سمعة القناة

هذيك هيا يا ختي روز

كان لازم يتفتح هذا الباب لانو الكل يعرف بيه

مي الطريقة الي خذاتها خاطئة الف مرة و كاين الي شهدو انو هذيك ليست اقامة لاولاد فايت و ياريت كانو لقينا احد الاعضاء من تلك الاقامة كان يزيد يهدر و يأكد هذا الشيء

منعرفو لوين رانا ريحين بهذي العقلية​

​

 

[Ŝĥåĥĭйëž Ïķřăмơǖ]

رد: واش رايكم في واش دارت قناة النهار بشرف بناتنا

يا اختي لي يعرفو اقامة ولاد فايت قالو كامل انو هذيك مش هي الاقامة ديالهم

و حتى هذوك لمطارح مش تاع الجامعات دياولنا :d

هذي معلومة برك حبيت نزيدهالك

ربي يهدينا كامل ان شاء الله

​

​

يا اختي هدوك الاسرة الي راكي تهدري عليهم تاع اقامة تاع وهران
ماشي اولاد فايت خطرش وراو وهران كثر من اولاد فايت ​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

قناة النهار واش ورات عندها الحق حبت برك توري للناس واش راه ساري و للوالدين بالذات .النهار مقالتش كامل لبنات مي قالت البعض و من عندي انا عندهم الحق كي دارو هاذي الحصة احنا مانقولوش بلي هادي النهار راهي تجبد من عندها خلينا نقولو هادي الحصة حصة توعية للبنات و الاهالي فقط​

الوقت رح يوضح كل الامور

و رح يبين انو الي دراتو القناة رح يحطم الف طالبة

لانو الشعب ميرحمش و خاصة الشباب الجزائري

​

 

[أمــ وليــد الجزائرية]

رد: واش رايكم في واش دارت قناة النهار بشرف بناتنا

السـلام عليكم
ياو رانا علبانا وش راه صاري فالجاميعـات مش حتى تجي نهار وتورينا
من حق الناس تعرف وش راه صاري فالجاميعـــــــات

رانا نشوفو لعجـب لمعجـب والله كارثــة كارثـة بنات يدخنو ويشربو ويسهرو وين راحت لحشمــــة والديها حاسبين بنتهم اي تقرا رح تجيبلهم ديبلوم بفففففففففففففففففففففففففففففففف على بنات درك لهوا لي يجي يديهم
اي كاين بنات أصل ومحترمات ويخافو ربي بصح قـلال ربي يحفظهم ويسترهم
تجي عينيها مغمضين غير تدخل للجاميعة ينحلو
مكاش رقابــــة .. كيفاش ولاد ماعندهمش علاقة فالجاميعة يدخلو للإقـــــــامة تاع بنات ..
كيفاش يسهرو معاهم ..
انا عن نفسي ماقدرتش نشوف تبهديلــــــــة


ربي يبعد علينا ولاد لحـرام
والله يسترنا
​

اللهم امين

و الله يستر على كل بنت كانت مظلومة في هذي لحكاية

​

​

 

[abdellah gourari]

رد: واش رايكم في واش دارت قناة النهار بشرف بناتنا

فيه و عليه مش كل خضرة حشيش
المهم ربي يهديهم و إن شاء الله توعى السلطات للمشاكل