ماذا ستطبخين اليوم سيدتي انستي الجزء40

[ام أمينة]

رد: ماذا ستطبخين اليوم سيدتي انستي الجزء40

السلام عليكم و رحمة الله تعالى و بركاته
الف شكر للاخوات اللواتي يشاركن بأطباهن
ربي يدوم النعم

تحياتي لكن اخواتي​

 

[ام أمينة]

رد: ماذا ستطبخين اليوم سيدتي انستي الجزء40

حالياً الأعضاء النشيطين الذين يشاهدون هذا الموضوع : 26 (11 عضو و 15 ضيف)
‏ام أمينة, ‏مسلمة وافتخر, ‏ام ريهام, ‏ام فيروزا, ‏اسيرة, ‏حورية الجزائر, ‏melissa lola, ‏narjes81, ‏nassima 87, ‏SaRa QuEeN, ‏somo_81

 

[om mimi.mili]

رد: ماذا ستطبخين اليوم سيدتي انستي الجزء40

السلام عليكم ورحمة الله وبركاته صح فطوركم لبنات كل وحدة باسمها ان شاء الله راكم ملاح

 

[أم رزق الله]

رد: ماذا ستطبخين اليوم سيدتي انستي الجزء40

السلام عليكم و صح فطوركم يعطيكم الصحة كامل راكم TOP :love01:
ام ريهام اختي طريق السلامة ساعة ساعة طلي علينا

هادا عشا لبارح قارانطيطا شهاتني فيها مليكة لبارح

وهادا فطور ليوم شوفلوغ مقلي و فريت و الحمد لله

 

[oumniati]

رد: ماذا ستطبخين اليوم سيدتي انستي الجزء40

الله الله على الصباح الزين ندخل نلقى التعابير والاحاسيس وليسونتيمونتال على قولة حدة، الله يحفظك فوفة الزينة، وانت معزتك ماتقلش في قلبي انت وباقي لبنات ربي يعطيك ما تتمناي، ويحفظلك أويس ناصر ههههه ويرزقك بره هو وخوه واختو ان شاء الله
والله احنا رانا الكل بخير من زكزك للفرطاس مرورا بالبناويت، واش راه لموسة البوقوصة وموح،،،،،،، الانجازات خلاااااااص ضرك رانا مع الفينيسيون برك ربي يقدرنا ههههههههه




نور الحبوبة لاباس عليها اختك ان شاء الله فترة برك وتتجاوزها


نسووووم يا طيبة هكذاك انا نجرب غير الناجح وانت تغامري؟ اوااه ما نرضاهالكش، كي يكونو عندك 2 روسات وحدة جربيها انت، وحدة نجربها انا، واللي تلقى الوصفة ناجحة تبارطاجيها خخخخخخخ


يعطيكم الصحة لبنات على قهوة الصباح، انا شربتها بمخبز بلا قلاساج خخخخخ

نهاركم زين ان شاء الله

ام ميمي واش احوال المورال اليوم، طلعيه ذراع لوكان اتبعيه يبقى يتكركر


عشايا البارح الجاج طاب، واش ندير معاه شادي مادي روز ولا بطاطا، ايا لا هذا لا هذا درت تليتلي بلاصوص تاع الجاج، اذا ما قتل يسمن هههههه



صحة فطورك ام رزق الله مممممم

 

[أم رزق الله]

رد: ماذا ستطبخين اليوم سيدتي انستي الجزء40

مليكة واش راكي اختي رجعي التواسيري يطلع المورال :p صح فطورك
خيرة الله يسلمك اختي بصحتكم نتوما تاني تليتلي راهو يشهي

 

[oumniati]

رد: ماذا ستطبخين اليوم سيدتي انستي الجزء40

ام رهام رايحة لداركم؟ طريق السلامة وسلمي عليهم بزاف، روحي نحي الوحش ياختي وبدلي شوية

الله يسلمك ام رزقو، كنت رايحة نقولها ردي طواسيري خفت تقول راهي تتقعد بيا ههههههه، رانا نقصرو ميميتا :d

انا نخليكم لبنات، عندي شغل بزيادة ليوم غسيل وطياب وخرجة وكابكيك للمدرسة ، مع النهار قصير هذاك هو

السلام عليكم ورحمة الله، تحياتي للي يدخلو بعدي

 

[om mimi.mili]

رد: ماذا ستطبخين اليوم سيدتي انستي الجزء40

سلام
منعرف راكم راقدين ولا قاع مشيتو عطلة وقيلا بقيت غير انا اهههههههههههههىء اههههههىء زعمة وجدت الكابات منبعد قالي مزال حكمتني القنطة وبيناتنا والله بكيت كيما دراري صغار المهم ربي يجيب الخير درت البريوش تاع ام اماني والصح الصح جا خفيف وساهل والريحة الله الله انا برك زدتلو قشور الليمون //زاست//والداخل حشيتو بالشيكولا على جال الدراري باش ياكلوه///نديرو السبة بدراري هههههه///يعطيها الصحة

وهادي كترتلها الشيكولا حتى فاضت خليتها ليا باش نسمان شوية الواحد ماراه فيه والو:p:d

 

[om mimi.mili]

رد: ماذا ستطبخين اليوم سيدتي انستي الجزء40

ام رزق الله /*/بصحتك الكارنطيطا والشفلوغ**اعلاه مشي شفلور** ضحكتيني ///والله ياختي حلفت على الطواسيري غيرا رحت لدارنا وجيت باه يركب ///امنياتي الله يقدرك حبيبتي والله ما نزعف انا نحب نقصر بالعكس نحس بلي راكو تهتمو بيا بصحتك التليتلي والغرامات الزايدين نموتو على العجاجن منبعد نقولو سمنا:s///ميس سوسو يا طفلة ضربي طلة على كوزينتك راه قتلنا الشر مزية لحقتنا زينب وخيرة في اخر لحظة ///نعيمة يا درى رحتي ويلا رحتي طريق السلامة //الحبوبة بلاك راكي تحوسي بصحتك حنونة///ام فيروزا اليوم مابنتيش غير الخير //نسيمة //اسما///حدة//ام امينة والجماعة كاملة لي راهي لتحت مساء الانوار

 

[أم رزق الله]

رد: ماذا ستطبخين اليوم سيدتي انستي الجزء40

مليكة بريوش هايل يعطيك الصحة يا الشاطرة ان شاء الله تروحي لداركم وتشوفيهم و يكونو بخير

 

[nassima 87]

رد: ماذا ستطبخين اليوم سيدتي انستي الجزء40

السلام عليكم حباباتي جبتلكم عصبانة تع فطورنا

 

[نبض الحياة]

رد: ماذا ستطبخين اليوم سيدتي انستي الجزء40

السلآم عليـــــــــــــــــكن
يآ مآمآ شعآآل توحشت الكوزيـــــــــــنة مع سوسو وعفوفات 1 و2
و طآطآ حدة يا شعآل توحشتك وطآطآتي ام منصف وحكيك وميمي وشكون تاني يا ربي هههههه نسيت
مي كآين طآطآت جدد ايا متشرفة بيكم
سوسو جيت ضيفة عندك ولا عند معتز ها فهميني ههههه

ما جيتش فارغة تقولي خايبة
جبتك حاجات معايا من كوزينتي

ايا وهآدوا خص نص ليـــــك سوسو

 

[ام ريهام]

رد: ماذا ستطبخين اليوم سيدتي انستي الجزء40

مليكة وزينب وامنياتي راني هنا مزال مارحتش غدوة باذن الله راني كنت نغسل في الحوايج وسيقت كامل الدار باش نخليها نقية ونلقاها كيما قالي كوري قالي راكي تعيي غير في روحك قلتلو ماعليش المهم انا نخليها نقية وانت دير واش تحب كي نجي نزيد نقي المهم نروح نحوس ونجي انفوغم ما تكسرش راسك دوك مزال نوجد حوايجي وتاع البنات هذا مكان صح فطوركم كامل انا غدايا كرمب محشي وسلاطة اسمحولي صورت بصح مانيش نحط على خاطر راني غير بالميكرو تاعو وانا ما حبيتش ندخلو الطيابات لداخل كاش ما يصرالو كيما تاعي انوض اقولي انت خسرتيه ههههههههههههه

 

[nassima 87]

رد: ماذا ستطبخين اليوم سيدتي انستي الجزء40

تيراميسو بالبنان اممممممممم تفضلو تحليو شويا

 

[ام ايناس]

رد: ماذا ستطبخين اليوم سيدتي انستي الجزء40

مساء الانوار عليكم منين فتحت الصفحة لقاتني العصبانة تاع نسيمة اممممم
والبريوش تاع مليكة والتيراميسو تاع نسيمة ورقية والحلويات تاعها والكاران تاع ام رزق الله وزييييد ياراسي نسيت شكون تاني اسمحولي
نعيمة ماعليش زيدي معانا نهار رانا نتوحشوك
انا من الصباح وانا مع الميناخ وااااع عيييت وينك حدة ريحتي ولا مازال من الشغل
سلالالالالامي للجميع
​

 

[ام ريهام]

رد: ماذا ستطبخين اليوم سيدتي انستي الجزء40

نسيمة واووووووو على التيراميسو اقسميه واطيني مورسو راكي شهيتيني

 

[om mimi.mili]

رد: ماذا ستطبخين اليوم سيدتي انستي الجزء40

سلام
نعيمة زيدي ونسيني نهار راني في 3 ايام وحدي صوري وخبي وكي تجي حلي انتيا الكوزينة //نسيمة الله يبارك يا الشاطرة من العصبان لتيراميسو اممممممممم راني ديت حقي///رقية//القاطو كامل تحفة44444////ام رزق الله الله يسلمك حنونة //دليلة نقعدو انا وياك وخلاص نصبرو بعضانا والميناج ادا درتي عليه ما يخلاصش وامنيتي هي لي راهي مع الميناج مشي حدة ههههه صح قهيوتكم كاملين

 

[ام ريهام]

رد: ماذا ستطبخين اليوم سيدتي انستي الجزء40

مليكة هاذيك سور كي نجي نفتحلكم كوزينتي وجدي روحك تتهلايلي في الكوزينة انت واسماء على بالي اسماء تكون مع الخدمة الور تكوني الرمبلاسو نتاعها

 

[om mimi.mili]

رد: ماذا ستطبخين اليوم سيدتي انستي الجزء40

مكاش مشكل نعيمة راني هنا شريكتي ولا بطلنا والمرواح ما بان والو راه يقول الاحد ولا الاثنين ما تهدن والو

 

[angel]

رد: ماذا ستطبخين اليوم سيدتي انستي الجزء40

حالياً الأعضاء النشيطين الذين يشاهدون هذا الموضوع : 52 (18 عضو و 34 ضيف) ‏angel, ‏bellafoufa, ‏المهاجرة, ‏ام نوسه, ‏ام ايناس, ‏اميرة وهران, ‏ibtesem, ‏imen85, ‏nassima88, ‏nono_02, ‏om mima, ‏om mimi.mili, ‏ضوء الخيال, ‏SaRa QuEeN, ‏sarah11, ‏s_luna, ‏كوثر الوهرانية, ‏عاشقة الوردة


صحة عشاكم كامل وتسلم الآيادي واش طيبو




شهيتوني اهئ اهئ




كاش روسات بالفلفل الملون (اصفر احمر واخضر) ؟



​