ماذا ستطبخين اليوم سيدتي انستي الجزء40

[روعة2005]

رد: ماذا ستطبخين اليوم سيدتي انستي الجزء40

مساء الفل عليكم لبنات انا كنت غايبة ومع دخلت لقيت خبر يفرح تاع بنت حبيبتي ام ريهام مبروووووووووووووووك لريهام وعقبال الشهادات الكبيرة يااارب وربي يفرحنا بوليداتنا كامل يارب
مريومة واش بيها ربي يشافيها يااارب وماكلتك دايما طووووب
ونور ايناس طيابك فووووووور بصحة والهنا
نسيت نبارك للكوزينة رقم 40 بارك الله فيكما سوسو ومعتز ان شاء الله نكونو خفاف عليكم
جبتلكم الحلوان

​

 

[ziassia]

رد: ماذا ستطبخين اليوم سيدتي انستي الجزء40

سلاام عليكم
ان شاء الله تكونو بخييير
من فضلكم قولولي اسمو هذا النوع من المعرونة و الله نسيتو

 

[ziassia]

رد: ماذا ستطبخين اليوم سيدتي انستي الجزء40

يعطيك الصحة روعة و الله مايدة و عليها الكلام بالطبع و الشان
من فضلك قوليلي وصفة الجلجلانية
​

 

[ام ريهام]

رد: ماذا ستطبخين اليوم سيدتي انستي الجزء40

المكرونة واسمها الكانيلوني

روعة ربي يخليك وتفرحي باولادك ان شاء الله
والله حلويات روعة كروعتك بصحتكم

 

[ام ريهام]

رد: ماذا ستطبخين اليوم سيدتي انستي الجزء40

ايه يا اسماء والله غير صح كاين لي والله مايروحو يستخبرو على ولادهم طول العام وكي يجيب نتيجة مش مليحة يجو يشتكو
هو التلميذ لازملو متابعة في الدار والمدرسة الله يكون في عون كل المعلمين

 

[ام ايناس]

رد: ماذا ستطبخين اليوم سيدتي انستي الجزء40

امممم بسوم العشا يشهي عجبتني الطريقة تاع الجاج ياريت الوصفة والحمد لله لي ارتاحت مريومة الزينة
رووووعة دخلة قوية وش نقول على الحلوى راخي تشهي والطابلة رووووعة كيما انتي يعطيك الصح
زياسيا اسمها لي كانيلوني
نعيمة نتوحشوك كي تروحي مرة على مرة طلي علينا مليكة تروح ولالا انا قالي مكانش المرواح ههههه
اليوم درت للعشا حريرة اممم ماصورتش نسيت كنت جيعانة
بصحتكم كامل العشا لبنات
​

 

[ام خديجة1]

رد: ماذا ستطبخين اليوم سيدتي انستي الجزء40

اممممم اختي روعة ما شاء الله عليك حلويات رائعة
اختي ziassia



وهذا فطور اليوم نسيت ماحطيتو

 

[ام ايناس]

رد: ماذا ستطبخين اليوم سيدتي انستي الجزء40

اسومة ربي معاك صعيب الحال والله الخدمة مع المرض ربي يشفيك والقراية درك ولات صعيبة ماشي كيما بكري
​

 

[ام ريهام]

رد: ماذا ستطبخين اليوم سيدتي انستي الجزء40

دليلة ايه مليكة تاني تروح راجلها مزال ماداش لعطلة السنوية بلاك يديها ويروحو كامل ان شاء الله نطل عليكم مين ذاك اذا كان الحل مليح

ويتوحشكم الخير واناتاني رايحة نتوحشكم بصح والله من اوت مزال ماشفتش دارنا جات فرصة هاذي تاع عطلة المدرسة لازم نروح

 

[ام ايناس]

رد: ماذا ستطبخين اليوم سيدتي انستي الجزء40

امممم ام خديجة الشخشوخة راهي تشهي بصحتكم
ايييه نعيمة هادا وين داو مليكة العطلة مليح يروحو مع بعض معليش لازم الوحدة تبدل شوية جو
​

 

[روعة2005]

رد: ماذا ستطبخين اليوم سيدتي انستي الجزء40

زاسيا راهم جاوبوك البنات والجلجلانية معتمدة وصفة ندى الورود راهي مصورتها بالمراحل حوسي في مواضيعيها تلقايها
ام ايناس ربي يعيشك حبيبتي واش راهم لولاد
ام خدوج بصحتك الشخشوخة على مااظن
ام ريهام تروحي وتولي بالسلامة سلمي عليهم

 

[ibtesem]

رد: ماذا ستطبخين اليوم سيدتي انستي الجزء40

كل سنة لمتنا بالف خير
8سنوات من الابداع
تفضلو هنا يالبنات
ثـــــــ8ـمانية سنوات من الابداع ومازلنا واقفين ..كل عام والله الجزائرية بألف خير
​

 

[ام فيروزا]

رد: ماذا ستطبخين اليوم سيدتي انستي الجزء40

خمسة وخموووووووووووووووووووس عليك ياروعة متعتينا
عشاك يشهى ام خديجة اطباقك ديما مميزة
عندك تدى عطلة حتى علينا نعيمة طلى علينا وسمعينا اخبارك طمنينا عليك وكثر الصور

 

[ام ايناس]

رد: ماذا ستطبخين اليوم سيدتي انستي الجزء40

روعة والله الحمد لله راهم مع الجري والسبور هههه
كل عام واللمة بالف خير
​

 

[ام ريهام]

رد: ماذا ستطبخين اليوم سيدتي انستي الجزء40

شكرا لكم جميعا
مرحبا بنبيلة وان شاء الله نطل عليكم

 

[ام ريهام]

رد: ماذا ستطبخين اليوم سيدتي انستي الجزء40

ايا لبنات انا نخليكم على خير نتلاقاو غدوة باذن الله تهلاو في رواحتيكم سلام

 

[روعة2005]

رد: ماذا ستطبخين اليوم سيدتي انستي الجزء40

الله يسلمك ام فيروز حبوبة
هذا فطوري امس مع ابي كان صايم الايام البيض وصمت معاه

ربي يخلينا ابي كل مانروحولو كان يصيب يجيب كل ما في السوق

غداء اليوم كان اصابع دجاج الوصفة لقيتها في النت وجاوني مممممم نشكر مولاتها

حبيبة العايلة ممممممم

رشته الجمعة الماضية

​

 

[ام ايناس]

رد: ماذا ستطبخين اليوم سيدتي انستي الجزء40

ليلة سعيدة نعيمة
امممم كلش يشعي روعة اممم راني جعت يعطيك الصحة وبصحتكم واعطيلي وصفة اصابع الدجاج راهو كاين ومالقيتش واش نطيبو ههه
​

 

[ibtesem]

رد: ماذا ستطبخين اليوم سيدتي انستي الجزء40

الله الله فوفو قتلتيني بالاطباق والقاطوات اممممممممم
كل شي اشهي
تسلمي
صيامكم في الجنة​

 

[om mimi.mili]

رد: ماذا ستطبخين اليوم سيدتي انستي الجزء40

مساء الخير بصحتكم لبنات راكم مزهيين الكوزينة//روعة اطباقك روعة كيما انتيا///ابتسام ما شاء الله والحمد لله على سلامة الامورة مريومة///اسما الله يشافيك ويقدرك ///نعيمة تصبحي بخير //دليلة//الحبوبة///ام فيروزا///ام خديجة///حدة///........والجماعة لكل صح عشاكم اليوم المورال راه0000 خلطت وحطيت المهم قال طيبت والحمد لله

قالي راجلي الطواسيري ونحيتيه غير الخير