ماذا ستطبخين اليوم سيدتي انستي الجزء40

[nassima 87]

رد: ماذا ستطبخين اليوم سيدتي انستي الجزء40

الحمدلله راكى لاباس يالوردة وصح غداك وكلش يشهي رانى ديت صحن العيش نسيمة

بصحتك حنونتي الغالية :d:d:d

نسيمة اطباااق تشهي يعطيك الصحة عودة قوية ههههه

​

الله يسلمك ختيتي حنونتي مرسيييييييييييي

نسيمة شميت ريحة العيش جيت نديه لقيت ام فيروزا سبقتني
بصتها ام فيروزا وبصحتكم كامل لبنات

ماعليه ختيتي مازال كاين نجيبلكم بصحتكم

نسيمة اللي روماركيت بلي كانت غايبة ثاني وقيلة هيا ثاني محبش الموسيو يسلكلها النت ههههههه

على سلامتك ختي اسما والله العكس كانت النات مخلصة باطل ماكنتش نكوناكتي ماكنتش قع نقعد في الدالر كانو عندي ظروف

 

[انريس]

رد: ماذا ستطبخين اليوم سيدتي انستي الجزء40

والله انا ثاني توحشتكم يا دليلة
نسيمة ربي يسهلك امورك و الحمد لله اللي رجعتيلنا

 

[nada242008]

رد: ماذا ستطبخين اليوم سيدتي انستي الجزء40

السلام عليكم ورحمة الله
سماح كيكة هايلة وغدا بوخفيف وبنين بصحتكم
نور بصحتكم لبيتزا اامممممممممممم نموت على هذيك الخامجة ههه حاشة نعمة ربي بصح كل مانخرج عيني تطيح فيها بصح المعلم ما يقبلش تدخل للدار هههه يقولي معمرة بكتيريا
والله ابن من البيتزا السبيسيال :up:
نسيمة مرحبا بالحامل والمحمول امممممممممم سيرتو الدجاجة هذيك حابة نفلعصها ههههه بالصحة والهنا
ام فيروزا خميرة سبونج بوب سكاوار بانتس والله الثقوب لي فيها باينين اممممممم مع تغميسة اللوبيا :up:
انريس اهلا بيك وبصحتك البربوشة لخشينة ههه يخي ماخشناتكش معاها :d ونقولك نهار لي كتبتي بلي عندك مشكل في الكارت ميموار ..نفس النهار فسدتلي حتى انا مزية عندي الريزارف هههه
هذا عشا اول امس

غدا لبارح

والعشا غير انا ولولاد

وغدا ليوم اممممم اهداء الى رغودة كون عندي كيفاه نوصلهالك ..نلحقهالك للدار

ودرت تارتولات

وينهي ليكيب ناسيونال ميمي وشهرا وروعة وخيرة وفيفي وحدة وسوسو............. طلوا علينا
ابتسام ربي يتقبل ان شاء الله

 

[ibtesem]

رد: ماذا ستطبخين اليوم سيدتي انستي الجزء40

ههههه انروسة قالك لي ما زوجك سوفية فحلة شاطرة راحت حياتو خصارة ههه
الله يحفضكم كامل من شمال للجنوب ومن الشرق للغرب
كلكم 44444444من كل شي

 

[ibtesem]

رد: ماذا ستطبخين اليوم سيدتي انستي الجزء40

اممم ندود ابعتي طبسي الشخشوخة اوووخاطيك الشي
بصحتك كل شي هايل كيما انت

 

[انريس]

رد: ماذا ستطبخين اليوم سيدتي انستي الجزء40

ههههه انروسة قالك لي ما زوجك سوفية فحلة شاطرة راحت حياتو خصارة ههه
الله يحفضكم كامل من شمال للجنوب ومن الشرق للغرب
كلكم 44444444من كل شي

شوفي شوفي شوفي كيفاه راهم يشكرو ويعاودو وانا راني في عقاب السطايفية مساكن ااااااااه مانتفاهموش هيا قالك اللي ما تزوجش بسطايفية مات اعزبا واللي ماتزوجتش بسطايفي ما تزوجتش هاه مليحة هذي يخي
عفوف سلامت الكارت ميموار نتاعك وقيلا عداتها كارت ميمواري هههههه
نعيمة طلي علينا رانا توحشناك خليتي بلاصتك يا طفلة
ام نور واش هذا التوقيع انا والله غير كل عام نحتافل كلحتكم عندي سبة اخرى نحتافل بيها و هي عيد زواجي كل عام نخرجو نتعشاو برا و ندير تارتة و نجيبو كادوات راني نشرحلكم باه تفهمو كي نبعثلكن لي فوتو نتاع الاحتفال
اييه كاينة حاجة اخرى و نحتافل بال14 فيفري عيد الحب بمناسبة اخرى تاني واللي هيا عيد خطوبتي ههههههه يعني لاقية السبة تري تري بيان
يا خاه نسيت ماعلقتش على طياب عفوف ياعمري ياعمري والله صن كومونتار كلش بالطبع والشان سخفتني الشخشوخة بزاف بزاف بزاف انا السنة نعود نوزن 100 مافيهاش نقاش هههه

 

[oumsif]

رد: ماذا ستطبخين اليوم سيدتي انستي الجزء40

مساكم بالخير لبنات واش راكم ان شاء الله تكونو بخير راني رجعت البارح من البلاد بعد ما قضيت عطلة صغيرة مع الوالدين ربي يحفظهم ..وعادت ريمة لي عدتها القديمة
ابصحتكم واش طيبتوا واش كليتوا بسبع صحات اعليكم
اسمحولي ماحفظتش دوروسي شفت غير الصفحات الاخرين واعلمت بلي شريفة ضيعت الجنين ربي يشفيها ويعوضها

 

[ام سراج الدين وملك]

رد: ماذا ستطبخين اليوم سيدتي انستي الجزء40

مســــــــاء الخــــــــــــــير عليكم كــــامل

تفضلو حبة حبة شيكولة

هذا روز بالزيتون والسنارية

وهاذا كـــروكي بـــــــــــــاه تشـــربة القــــــهوة تفضــــــــو بصحتكم
انتظر ردكم

 

[ام فيروزا]

رد: ماذا ستطبخين اليوم سيدتي انستي الجزء40

واش راكى يالغالية اسماء هدي غيبة
اممممممممممممم ام ندوش الحرة البسكرية راكي 444444444444444
الله الله عليك ياام سراج الدين يسلم يديك
الله اسلمك ياام نوسة واش راكي
الحمدلله كي شفت والديك والحمدلله راكي لاباس سمورة

 

[ام سراج الدين وملك]

رد: ماذا ستطبخين اليوم سيدتي انستي الجزء40

شكرا ام فيروزا

 

[ام ايناس]

رد: ماذا ستطبخين اليوم سيدتي انستي الجزء40

السلام عليكم لبنات
اممممممممم ندوشة الاطباق كامل راهي تشهي بصحتكم والشخشوخة تقسمها معايا بسومة راحت عليها رغود هههههههه والتارتولات روووعة بصحتكم
ام سراج الدين اممم كلش يشهي والكروكي جاك هيل راني ديت حبة شوكولا مارسي بصحتكم
سمورة على سلامتك كنتي هنا قريبة ليا الحمد لله لي رجعتيلنا بخير
حدودة سلامت رجلك واش احوالك انشا الله تكوني اليوم تحسنتي شوي
والله الحمد لله ام فيروزا وانتي واش احوالك
​

 

[ibtesem]

رد: ماذا ستطبخين اليوم سيدتي انستي الجزء40

امممم ام سيراج الدين كل شي تحفة تسلم الايادي
علي سلامة سمرمر واش راكي والله والله غير علي الصباح
جيتي في بالي قلت كي تعودي في البلاد موالفة طلي علينا
هاكي طليتي

 

[oumsif]

رد: ماذا ستطبخين اليوم سيدتي انستي الجزء40

الله يسلمكم بسومة وام فيروز وام ايناس
دليلة واش راكي لاباس والله رحت وجأت علي عنابة
ام فيروز كيف حالك كيفهم لولاد ان شاء الله تكونوا بخير .والله يأختي غير اعليهم رحت في هدا الشتاء
بسومتي لعزيزة القلوب عند بعضها واش راكي واش راهم لولاد ومريومة كبرت شوية

 

[روعة2005]

رد: ماذا ستطبخين اليوم سيدتي انستي الجزء40

السلام عليكم قلت نحط الصور ونرجع نشوف ونبعبر
نبدا من اخر ليلة سهرت معاكم هذا العشاء ....على فكرة انا حبست العشاء وزوجي زعمة نقص قالي البرد يجوع والشتاء ليلو طويييل ندير حاجة خفيفة ليه ولولادو طولت الحديث ههه
فريت اوملات مداوية تاع ام لميس ومحمد ربي يفرحها هههههههه

شورما كملوها لولاد وهي في المقله ههه

وغدوة من ذاك صبحت على بتي فور تاع شهرا مممممم والله هااايل غير جربوه الشكل مجانيش متحوف كيفها بصح بنييين بلا شكولا ومممممممممم خسارة جيت ريجييم بصح العيال وابوهم قامو بالواجب ههه

ومبعد ابو العيال ربي يهديه كي شاف الحاله مزيرة زعمة ومانيش ناكل راح جاب لي صعيييييبة تقاوميهم مممممممم

مممممممم قلبي السمين لايتحمل كل هذا الاغراء اهئ اهئ

وبعد غد كنت مرة طيبت طاجين الشفلور والدجاج لام رامي وجاني بزاايد جربت كونجليت حبات ولما جبدتهم ودرتلهم مرقة جاو كانهم جدد مممم يعني تقدري تخدميهم وتخبيهم ونهار يروح وقت الشفلور تلقايهم

وزدت معاهم اصابع جريوات والجاج والفرماج للغالية اسومة ربي يهانيها ويرزقها الذرية الصالحة

وليوم للغداء درت اصابع الدجاج ممممممم هاايلين

وهذا داه راجلي لصاحبه في الخدمة

وخبزت المطلوع

وهذا العشاء وكاين سقايط فرماج وكاشير

راجلي كل مايقدم لطابلة يلقا اصابع شفلور...اصابع جريوات....اصابع دجاج هههه سماه الاسبوع العالمي لصوابع ههههه
============
الحمد لله على نعمه وهذا من فضل الله علينا فالحمد لله حتى يبلغ الحمد منتهاه​

 

[روعة2005]

رد: ماذا ستطبخين اليوم سيدتي انستي الجزء40

الله يبارك سماح الكيكة هااايلة شهاتني والعشاء ممممممممم
نسيمة طيابك هااايل والجاجات هذوك غيروني شكلهم ممم بنااان كلش بصحة والهنا
ام فيروز اللوبيا تشهي والشكشوكة ولا الخميرة مع الزبدة الحرة حراااام عليكم
ام ندوش الله يبارك واش نشكر واش نخلي نبدا بسلطة مع حبات الزيتون المرقد مممممممم ابعثلي شوي قلت لفيروز وطنشتني ههههه ولا الشخشوخة هاااايلة ومجمرة سواسوا والتوست هذا دايما نجي نسقسيك تشريه ولا تخدميه وباش تحشيه وهل تحطيه في الشواية مم هاايل والتارتولات مممممممممممم بصحتكم
انريس اهلا بيك وبصحتك البومفور
بلا ماننسى طابلة دليلة لما صامت تشهي تشهي ربي يقبل عليك
نور الحبوبة السباقيتي هااايلة والبيتزا ممممممم بصحتك​

 

[روعة2005]

رد: ماذا ستطبخين اليوم سيدتي انستي الجزء40

ام سراج طيباتك يشهو يشهو مرحبا بيك اخت عزيزة وراني ديت حبات كروكي لفطور الصباح وحبات شيكوله ممممممم
خيرة الغالية طيباتك كي العادة يشهو ماكول الهنا
وبسومة منورة انت والامور عيسى ربي يخليهولك
ام سمورة منورتنا من جديد​

 

[روعة2005]

رد: ماذا ستطبخين اليوم سيدتي انستي الجزء40

الفايدة كي جيت انا الدعوة تكالماااات هيا مالا ليلتكم سعيدة

 

[SAMIRA25]

رد: ماذا ستطبخين اليوم سيدتي انستي الجزء40

اممم ما شاء الله كل شيء روعة و رائع و ما لقيت واش نقول ههههه
كامل كامل طيباتكم فوررر راني جعت نزرب نروح نرقد خير
ام ندى الشخشوخة خرجتلي عنيا
روعة كل شيء فورررر بصحتو المخلوق و نيالو ياكل كل يوم الاصابع شوفلور الدجاج ....خير من ياكل اصابعه
سمورة الحمد لله على السلامة و بصحتك القعدة مع لافامي تاعك
ام سيراج تاني كل شيء رائع
نسيمة تاني فورررر
الله يبارك عليكم كامل كامل و يعطيكم صحاحيكم و يكترلكم الخيورات​

 

[nada242008]

رد: ماذا ستطبخين اليوم سيدتي انستي الجزء40

انا شفت اخر مشاركة روعة دخلت نجريييييي باش نتمتع بالالبوم اممممممممممم الله يبارك واشمن بوتي فور واشمن صباع ماخلييتي لا خنصر لا بنصر لا ... هههههه والله صدقا اكلك يشهيني من عند ربي
والزيتون فوتي برك نعطيك بيدون والتوست نشريه من الامير ماركت كي نحصل نديرو عشا للولاد
كل مرة كيفاه نحشيه حسب الموجود ...ساعات فريت وفيونداشي وبيض وفرماج الساندويتشات ..هريسة مايوناز ..وساعات باتي وكاشير وشرائح طماطم
المهم بعد ماتحشيه ندهنو بالزبدة من ومن ونحطو في البانينوز
كان عجنت وخبزت ههه ماولاش بوخفيف ههه ندير الرقاق خيرلي ههههههههه
الله يسلمكم لبنات ربي يخليكم
سمورة اهلا بيك والحمد لله كي رحتي لاهلك وطمنتي ورجعتي بخير

 

[ام شيماء22]

رد: ماذا ستطبخين اليوم سيدتي انستي الجزء40

بصحتكم كامل ياااااااااااااااااااااا لبنااااااااااااااات كلش هايل