ماذا ستطبخين اليوم سيدتي انستي الجزء40

[انريس]

رد: ماذا ستطبخين اليوم سيدتي انستي الجزء40

صباح الخير عليكم يطيك الصحة ام سراج و ملك ماكلة تهبل
على سلامتك خيرورة و تسلم الايادي طيابك هاااايل و راكي فكرتينا في نسيمه صح راهو غايب حسها انشاءالله خير
حدود واش الحرة انتاعنا واش رايحة ديري غدا اليوم انا بالاك ندير عدس نعاندك في غداك نتاع البارح عجبني باين جا يسخف وللا الزريقة ههههه اليوم كامل رانا بين و بين
ام رستم ديري شخشوخة المهراس نهارها يميميمبيم

 

[hadda0425]

رد: ماذا ستطبخين اليوم سيدتي انستي الجزء40

ام رستم انا تاني نديرو خرين يسموه بومرخوس لا حبيتي الدهان الحر نبعثلك
اسما انا اليوم درت بطاطا تع ازرب ازرب راني خارجة خخخ
​

 

[ام فيروزا]

رد: ماذا ستطبخين اليوم سيدتي انستي الجزء40

بصحتكم ام رستم انا نشتى ماكلت القصعة خير من اللوبيا والله غير ماكلتك تهبل
اسقسي عليك الخير والعافية حدة وخيتى
واش راكي اسماء حتى انا عولت على لعدس

 

[انريس]

رد: ماذا ستطبخين اليوم سيدتي انستي الجزء40

بصحتك حدود الخرجة حنا المطر راهي خيطان من السما ولعشيا نروح نطل على خالتي دارت عملية و الحمدلله راهي روحت لدارها و ولادها قلت نروح نطل عليها
نبيلة مالا رانا كامل معدسينها اليوم ههههه هيا بصحتك عوعو

 

[ziassia]

رد: ماذا ستطبخين اليوم سيدتي انستي الجزء40

سلاام صباح الخير عليكم
حبيت نسقسيكم
شريت الغبرة نتاع كريمة الشانتي و في الطريقة لازم نخلطها بالحليب و مش موالفة نشرية الغبرة
و انا منحبش الحليييب و منخدمش بيه نقدر ندير في بلاصتو الماء البارد
انصحوني من فضلكن
​

 

[SaRa QuEeN]

رد: ماذا ستطبخين اليوم سيدتي انستي الجزء40

السلاام عليكم
عندي بزااااااف ما شاركتش هنا مي اني دايما التحت نتفرج :down:
يعطيكم الصحة البنات والله راكم قايمين بيها كيما يلزم و اللي غايبات ان شاء الله خير و يرجعولنا فاقرب وقت
بون لميت شوية تصاور و جبتهم كرهو حياتهم فالكاميرا خخخخخ
المهم نتمنى يعجبوكم اتفضلو

هادي السمانة اللي فاتت كنا صايمين انا و ماما

و هادي شخشوخة الظفر تاع الجمعة

سلاطة الطبقات

بطاطا تاع اسما يعطيك الصحة والله غير تفرج :d و خبز الدار

و هادا ارووووع بوراك ذقتو فحياتييي ننصحكم تجربوه البنات اي دارتو شهرا موضوع "البوراك التركي" ما يتشبعش

وهاذا عشا البارح جاج مقلي و شوفلور

و المحاجب عندهم وقت

و تاني سييت البريوش الاقتصادي تاع ام اماني يعطيها الصحة جا خفييييف

و درت البتي فور تقريبا نفس وصفة شهرا برك درتلو ذوق الفراز خرج غوووز ههههه

و هادا كيك ياراسمين روعة درتو مرات و مرات بنين و خفيف هايل

و اخييرا غريبية

و هاكدا كملت الكوطة مازال حلويات العيدين نسيي نحطهم فاقرب وقت ان شاء الله ادا ماتفنينتش عليهم:-r:d

و بصحتكم غداواتكم و عشاواتكم البنات ربي يدوم النعم ع الجميع يا رب

سلااام:regards01::regards01:

 

[ام رستم]

رد: ماذا ستطبخين اليوم سيدتي انستي الجزء40

ما احلى بنات الحزائر و الله فحلات و نص و 25 اختي تقدري طلعي الشونتي بالياؤورت و لا باماء

 

[SAMIRA25]

رد: ماذا ستطبخين اليوم سيدتي انستي الجزء40

السلام عليكم
الله يبارك كل شيء يشهي يعطيكم الصحة على الاطباق الرائعة ربي يدوم النعمة
ziassia انا متعودة ندير الماء في مكان الحليب و جي مليحة​

 

[انريس]

رد: ماذا ستطبخين اليوم سيدتي انستي الجزء40

اوووووووووووووووووووووووووو يا سارة غلطت في اسمك قلت خيرة خيرة تاني فنانة ماشاء الله عليهاواش هذا الخير اطباق روووووووووووووووعة ولا في الاحلام والله يا السلاطة نتاع الطبقات جاتك فور كلش كلش نشوف لهذا نقول هذا ربي يحفظ هذوك اليدين فن فن فن فن يعطيك الصحة

 

[ام ايناس]

رد: ماذا ستطبخين اليوم سيدتي انستي الجزء40

مساء الانوار عليكم لبنات توحشتكم بصح انتوما ماتوحشتونيش انا بلال راهو مريض هو وايناس
ويعطيكم الصحة على واش طيبتو
يعطيك الصحة ام فيروزا اطباقتشهي
سارة اطباق رووووعة يعطيك الصحة
سلالالامي للجميع
​

 

[انريس]

رد: ماذا ستطبخين اليوم سيدتي انستي الجزء40

والله يا دليلة غير راكي في بالي و قلت نروح نضرب طلة في الفيس نسقسي عليك يخي راكي جيتي ربي يشفيلنا بلال استحفضي بيه المرض راهو يدور هذو ليامات

 

[ام سراج الدين وملك]

رد: ماذا ستطبخين اليوم سيدتي انستي الجزء40

مســـــــــــــــــاءالخير واش راكـــــــم ان شــــــاء الله تكونو بخير راه وقت قهوة اضبربو دورة عندي ههههه

بصحتكم القرصة (البغرير)

 

[ام سراج الدين وملك]

رد: ماذا ستطبخين اليوم سيدتي انستي الجزء40

 

[shahrazad]

رد: ماذا ستطبخين اليوم سيدتي انستي الجزء40

مساء الخيرات لبنااااات
يعطيكم الصحة كلشي فووور بزززاف
ممبعد ان شاء الله نعلق على كل وحدة
درت تارتولات للعشية

​

 

[ام سراج الدين وملك]

رد: ماذا ستطبخين اليوم سيدتي انستي الجزء40

اهلا
امنياتي حدة انريس ام فيروزا وكامل ابنات شكــــرا على الرد
انريس ربي يشفي خالتك
شهرزاد ل تارتولات تاعك يهبلو يعطيك الصحة
وبصحتكم كامـــــــــــــل واش طيبتو

 

[SaRa QuEeN]

رد: ماذا ستطبخين اليوم سيدتي انستي الجزء40

اوووووووووووووووووووووووووو يا سارة غلطت في اسمك قلت خيرة خيرة تاني فنانة ماشاء الله عليهاواش هذا الخير اطباق روووووووووووووووعة ولا في الاحلام والله يا السلاطة نتاع الطبقات جاتك فور كلش كلش نشوف لهذا نقول هذا ربي يحفظ هذوك اليدين فن فن فن فن يعطيك الصحة

الله يسلمك أسما عينيك الملاح حنونة , كي قلتي خيرة حرت ههههه معليش مام خيرة تاني طيابها الله الله عليه نتمنى نطيب كيفها

 

[ام سراج الدين وملك]

رد: ماذا ستطبخين اليوم سيدتي انستي الجزء40

ام ايناس اختي ربي يشفي وليـــداتك

 

[ام فيروزا]

رد: ماذا ستطبخين اليوم سيدتي انستي الجزء40

مساء الانوار

 

[انريس]

رد: ماذا ستطبخين اليوم سيدتي انستي الجزء40

ام سراج البغرير جاك هااااااااايل انا ما حبش يصلحلي خلاص انتوما نتاعكم يجيو فيه لعيون بزاف انا العيون يجيو كبار بزاف يتحلو 4 ولا 5 على بعضاهم يعودو حفر ماشي عيون ههههه نتاع ماما ثاني يجي مليح وانا نديرو كيفها بصح ما يصلحليش يا عجابة اختي اللي اقل مني ديرو يهبل وانا ...
هذاك النهار جيت نسيي نتاع سندريلا انا جيت نطيبو و القاز راح يعني قالي البغرير انا وياك 2 غييير متعبيش روحك ههههههه:cray01:

 

[ام فيروزا]

رد: ماذا ستطبخين اليوم سيدتي انستي الجزء40

ربي يبارك سارة كلش 44444444444444444444444444 كلش عجبنى يسلم يديك و بصحتكم
على سلامتك ام ايناس ربى اجيب شفى لبلال
طليت على قلبى ام سراج هذاك واش خصنى قهيوة كيما هكاك يسلم يديك لحبيبة
امممممممممممممممممم يا شهرزاد القافزة اعطيك الصحة