هاني وليت ومتخافيش مني لاني وليت عاقلة و بزاااف منعرف بلاك 2014 اثر عليا
منعرف 2014 ولا الاشراف تعبك؟ هههههه
قوليلي هاكي شفتي الخصم ديالك مليح ياك
قوليلي واش رايك فيها ؟
تامني بربي يا فلة ماكنتش علابالي بلي كاين خصم حتان قلتيلي ياااااه نندب مالا لاه راهم حاطين غير كرسي نتاع اعتراف كن حطولنا 2 انا كن نحكيلك كيفاه شاركت في هذي المسابقة تشبعي ضحك قاعدة ندور في اللمة حتى نلقى مسابقة مميزون هيا قلت ندخل نقرعج نلقى في لالة شجون قالتلهم لازم المترشحين يكونو اعضاء مميزين وانا ماكنتش عضو مميز و نبدى نصحح في وجهي و هذا اجحاف و لاه حنا ما نشاركوش...الخ ركزي كنت عضو مشارك زدت يوم وليت عضو مميز و لاتلي حشومة بعد ما صححت و جهي هكذاك هيا قلت نشارك و خلاص هذي هيا حكايتي مع هذي المسابقة و صدقيني ماعلابليش لهذي اللحظة شكون منافسي ضرك نروح نضرب تقرعيجة هههههه
راكي حاسة انك رح تغلبيها زعمة ؟
اي خلي البير بغطاه انا نقلها ما علاباليش حتى بلي عندي منافسة و هي تسخن في البندير نروح نجيب لاتوني نتاعي نتاع الجيدو ونجي راني جيت بيديا هههه بوووووووووووه عليا بوه والله غير اللي يشارك كيفي و لا بطل هههههه
جاوبيني في هذو و نرجعلك امبعد نجيك شويا شويا
باه متتعمرش عليك
والله يا فلة الميكرو راه فاسد راني رحت سرقت نتاع راجلي من الطوموبيل و هاني ندير بيه درقة هههههه درقو عليا قالي الميكرو نتاع الدار انت اللي فسدتيه عمرتيه بلي فيريس قبيل دخلت بنتاع اختي لقيت روحي نجاوب باسمها ههههه بصح ماعليهش سقسيو هاني سارقتلو نتاعو حتى توقفوني من كرسي الاعتراف و نقلبولو لبلاصتو ولا من شاف ولا من دري ههههه ما تتقلقوش برك مني كي منزربش نريبوندي راني شرحتلكم علاه راني ندرق كي القط اللي سرق الشحمة ومدرق لمولاه ههههه
